Nərimanov rayonu Mayakovski küçəsi 8\9 ünvanında yerləşən yataqxana

Bakının mərkəzində fəryad: "Biz hələ ölməmişik..."

10048
(Yenilənib 18:28 21.06.2017)
Azyaşlı qızcığazdan gözyaşardıcı müraciət: "Mənə yazığınız gəlsin, burada yaşaya bilmirəm"

İradə Cəlil, Sputnik Azərbaycan

BAKI, 21 iyun — Sputnik. Nərimanov rayonu Mayakovski küçəsi 8\9 ünvanı şəhərin mərkəzi hesab edilsə də, gözdən uzaq, könüldən iraq düşüb. Yəni, heç kim nə bu ünvanı, nə də 30 ildir bu ünvanda yaşayan sakinləri yada salmr. Yataqxananın 2 mərtəbəsində kafelər və digər obyektlər yerləşir. Yaşayış 3-cü mərtəbədən başlayır. Buna yaşamaq demək olarsa…

Yataqxana 1983-cü ildə AZƏRMAŞ QSC tərəfindən işçilərə verilib. 1993-cü ildə isə Füzuli rayonundan olan qaçqınları da bu yataqxanaya yerləşdiriblər. Hazırda yataqxanada 31 qaçqın ailəsi və AZƏRMAŞ-ın 25 keçmiş işçisinin ailəsi yaşayır.

Sputnik Azərbaycan-ın əməkdaşı yataqxana sakinlərinin yazılı müraciəti əsasında yataqxanada olub və onların problemlərini dinləyib. Yataqxana sakini Həqiqət Əmirquliyeva deyir ki, 30 ildir bu yataqxanada yaşayır. Əvvəllər yataqxana "subayların" yataqxanası olub. Sonradan həmin "subaylardan" ailə quranlar olub və onlar ailə kimi burada qalıb yaşayıblar.

"Buna yaşamaq demək olarsa, əgər… Yataqxana çox bərbad vəziyyətdədir. Tavan demək olar ki, başımıza uçur. Tualet, hamam bir olduğu üçün çox utancverirci vəziyyət yaşayırıq. Təsəvvür edin, biz kişilərlə eyni tualetə gedirik. Hərə özü üçün bir aftafa qoyub ki, qarışmasın. Qızlarımız tualetə-hamama gedəndə, qapıda dayanıb keşik çəkirik ki, içəri kimsə girməsin" — Əmirquliyeva qeyd edir.

Onun sözlərinə görə, yataqxanaya dəfələrlə müxtəlif dövlət qurumlarından gələrək baxış keçiriblər. Amma heç bir nəticəsi olmayıb. Sakinlər deyirlər ki, Gigiyena və Epidemiologiya Mərkəzindən baxış keçiriblər, amma yenə vəziyyət nəticəsiz qalıb. Zibillə dolu, kanalizasiya sularının axdığı, xəstəlik mənbəyinə çevrilən yataqxana təmiz hesab edilib.

Ruhiyyə Hacıyeva da uzun illərdir ki, bu yataqxanada yaşayır. Deyir ki, məktəbdə müəllimə işləyir: "Çox iyrənc bir vəziyyətdə yaşayırıq. Hamama, tualetə baxın. Biz kişilərlə yan-yana otururuq tualetdə. Dərdimizi kimə deyək? Bəlkə biri xəstədir, bəlkə biri əxlaqsızdır. Müəllimə kimi cəmi 120 manat əmək haqqı alıram. Başqa şəraitdə yaşamaq imkanlarım məhduddur".

Digər sakin İlhamə Qafarova da yataqxanada 30 ildən çoxdur yaşayır. Sakinin sözlərinə görə, kanalizasiya boruları sıradan çıxdığı üçün çirkab suları evlərə axır. Evlərin tavanı, döşəməsi sıradan çıxıb. Yataqxanada bəzi hissələrdə tavan və divarlar qəzalı vəziyyətdədir. Yay-qışda burada rütubətdən yatmaq mümkün olmur. Kanalizasiya qoxusu, zibil qoxusu bir-birinə qarışıb: "Həyat yoldaşım 5, özüm 3 dəfə əməliyyat olunmuşam. Onkologiyada qeydiyyatdayam. Mən burada necə yaşayım? Burada insan yaşayarmı? Hansı zəmanədə, hansı əsrdə yaşayırıq? İşıq idarəsi, qaz idarəsi — hamı gəlib, baxıb gedir. Sanki sərgidəyik".

  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
  • Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət
    © Sputnik / Irade JELIL
1 / 14
© Sputnik / Irade JELIL
Nərimanov rayonu Mayakovski küçəsi 8/9 ünvanında yerləşən yataqxanadakı vəziyyət

Yataqxanada mətbəx ümumi olsa da, sıradan çıxdığı üçün sakinlər bu dağılıb-uçulmuş otağa öz köhnə əşyalarını yığıblar. Burada yemək bişirmək üçün qaz sobaları qapıların çıxışı tərəfində quraşdırılıb. Yataqxananın elektrik sistemi də bərbad vəziyyətdədir. Yəni istənilən an burada qısaqapanma ola və ya qazdan partlayış baş verə bilər.

Sakinlər deyir ki, yataqxanalar yananda çox zaman deyirlər ki, qəsdən yandırıblar. Amma heç kim yaşadığı evi qəsdən yandırmaz: "Siz elektrik xətlərinə baxın. Necə qarışıb bir-birinə… İstənilən an qısaqapanma baş verə bilər. İnanın, bura yansa biz burdan çıxa da bilmərik".

Yataqxananın 4-5-ci mərtəbəsində Füzulidən olan qaçqınlar məskunlaşıb. Vəziyyət isə acınacaqlıdır. Yataqxananın bütün mərtəbələrindəki otaqlarda, hamam-tualetdə antisanitariya vəziyyəti hökm sürür. Otaqlar uçuq-sökük, sobalar kirli, koridorlarda döşəmələr çürüyüb, divarlardan su axır.

Yataqxananın 5-ci mərtəbəsində açıq eyvan var ki, uşaqlar bir neçə dəfə oradan yıxılıblar. Son dəfə düşən isə Qönçə Hüseynova olub. Amma xoşbəxtlikdən yeniyetmə qız 5-ci mərtəbən düşsə də, ağır xəsarət almayıb.

Yataqxana
© Karikatura
Yataqxana

Sakinlər deyirlər ki, əvvəl həyət böyük olub. Sonradan ətrafda kiçik evlər tikilməyə başlanıb, həyət də kiçilib. Aşağı mərtəbədə olan kafe isə binanın qadın sakinlərinin işgəncə mənbəyinə çevrilib.

"Otaqlarımızda otura bilmirik, darısqaldır, nəfəs almaq olmur. Koridorlarda kanalizasiya suları başımıza axır. Həyətə çıxırıq ki, nəfəs alaq, o da mümkün deyil. Binanın birinci mərtəbəsində kafe var və axşam olan kimi sərxoş, narkoman, oğru-əyri kim varsa, bu kafeyə yığışır. Nə qızlarımızı buraxa bilirik, nə özümüz çıxa bilirik" — sakinlər şikayətlənirlər.

Sakinlərlə sağollaşıb yataqxanadan çıxmaq istəyəndə kiçik bir qız qarşımı kəsdi: "Mən də danışmaq istəyirəm".

Aytac Məmmədzadə 4-cü sinif şagirdidir. Deyir ki, yay tətilinə buraxılsalar da, o, tətilin nə olduğunu bilmir: "Burada mənim günüm çox pis keçir. Hər yer rütubətlidir. Tualetə qorxa-qorxa gedirik. Hər yerdə siçan, siçovul var. Koridorda da oynaya bilmirik. Hər qapıda bir soba var. Bir az qaçıb oynayan kimi aləm qarışır bir-birinə".

"Keçən dəfə qaynar vedrə aşdı üstümə, qolum yandı. Mən uşaq hüquqlarını qoruyanlara müraciət edirəm: Mənə yazığınız gəlsin, mən burda yaşaya bilmirəm. Yalvarıram, bizi burdan köçürün, hüquqlarımızı qoruyun" — gözləri dolmuş uşaq bildirdi.

Sürəyya Nuriyeva, Kamilə Verdiyeva, Arzu Əsgərova, Ziba İsmayılova, Almaz Məhərrəmova, Qönçə Hüseynova, Məhriyyə Novruzova, Mehbarə İsmayılova, Aytəkin Rüstəmova və yataqxananın digər sakinləri saytımız vasitəsilə, ölkə rəhbərliyinə, aidiyyatı qurumlara müraciət edərək, onları bu bataqlıqdan çıxarmağı xahiş edirlər.

10048
Teqlər:
şərait, Mayakovski küçəsi, Nərimanov rayonu, tualet, Sputnik Azərbaycan, sakin, yataqxana, uşaq
Əlaqədar
Yataqxanada baş verən yanğının səbəb və nəticələri bəlli olub
Məcburi köçkünlərin yataqxanasında yanğın olub
Yataqxanada yanğın olub
"Akademiklərin yataqxanası" sökülür, sakinlər etiraz edir
Qəzalı yataqxanaların sakinlərinə ayda 250 manat kirayə pulu ödəniləcək
“Tağıyev kombinatının yataqxanasının” uçması. Hadisə yerindən kadrlar
Hövsanda çirkli ərazi

Xəzərə tullantıların atılması azalıb

2
"ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

BAKI, 19 yanvar — Sputnik. Xəzər dənizinə tullantı sularının axıdılması halları xeyli azalıb.

Sputnik Azərbaycan xəbər verir ki, bu barədə Ekologiya və Təbii Sərvətlər Nazirliyinin Ekoloji Siyasət şöbəsinin müdiri Rasim Səttarzadə "Ekspert saatı" proqramında bildirib.

Onun sözlərinə görə, ötən dövr ərzində həm Xəzərə axıdılan tullantı sularının həcmi, həm də axarların sayı azalıb: "Lakin təkcə Abşeron yarımadasından Xəzərə gün ərzində 1 milyon kub metr su axıdılır. Bunun qarşısının alınması üçün tədbirlər görülür".

O qeyd edib ki, Bakı şəhərində tullantıların idarəedilməsi ilə bağlı əksər problemlər həll edilib. Belə ki, regionlarda bu problem hələ qalmaqda davam edir. O, bu problemin həlli üçün strategiya təsdiqləndiyini də nəzərə çatdırıb: "ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

2
Çarpayıda gənc cütlük, arxiv şəkli

Hüquqşünas: "Yataq otağından çıxandan sonra söhbət ediləcək mövzu yoxdursa..."

16
(Yenilənib 15:15 19.01.2021)
"Kişilər unutmamalıdırlar ki, qadınla ailə həyatı quran zaman o, atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub"

İradə Cəlilova, Sputnik Azərbaycan

BAKI, 19 yanvar — Sputnik. Pandemiya dövründə daha əvvəl müşahidə edilməyən qaydalar tətbiq edildiyi üçün vətəndaşlar bu dönəmdə müxtəlif qayda pozuntuları ilə qarşılaşdılar. Karantin rejimi, SMS-icazə, evdə qalmaq kimi məhdudiyyətlər yenilik olduğu üçün bir çox vətəndaşlar bu vəziyyətlə barışmaqda çətinlik çəkdilər.

Bəs bu dövrdə vətəndaşlar hüquqşünaslara daha çox hansı hüquq pozuntusu ilə müraciət ediblər?

Hüquqşünas Tağı Hüseynov Sputnik Azərbaycan-ın suallarını cavablandırıb.

© Sputnik / Irade JELIL
Hüquqşünas Tağı Hüseynov

- Pandemiya dövründə vətəndaşları hüquqi istiqamətdə daha çox nə narahat edib?

- Pandemiya dövründə əsas hüquq pozuntuları iki istiqamətdə olub. Yəni şəxslərin bizə müraciətləri boşanma və inzibati orqanların tətbiq etdiyi cərimələrlə bağlı olub. Bir müddət əvvəl, sərt karantin rejimində evdə qalmaq tələbi, kafe və restoranların bağlı olması ailələri, demək olar ki, bir yerə topladı. Bu müddət ərzində mehriban olan ailələr daha da mehribanlaşdı. Problemli ailələrin problemi isə böyüyərək boşanma ilə nəticələndi.

İkinci istiqamətdə olan hüquq pozuntuları əsasən polisin yazdığı cərimələrlə bağlı olub. Belə ki, müraciət edən vətəndaşlar müxtəlif səbəblərlə polisin yazdığı cərimələrlə razılaşmadıqlarını dilə gətirirdilər. Bəziləri qeyd edirdilər ki, SMS müddətinin bitməsindən 2 dəqiqə sonra cərimə yazılıb, bəziləri evinin qapısında ona cərimə yazıldığını bildirirdilər. Bu problemlə qarşılaşan vətəndaşların 99 faizi məhkəməyə müraciət etmir. Düşünürlər ki, 100 manata görə məhkəmələrə vaxt ayırmağa dəyməz.

Ancaq bəzi prinsipial insanlar var ki, axıra qədər davam edirlər. Mən vətəndaşlara izah edirdim ki, məhkəməyə arayış yazmağa 50 manat vəkilə verməkdənsə, cəriməni tətbiq edən quruma müraciət ünvanlasınlar.

- Boşanma müraciətləri ilə bağlı vətəndaşlar səbəb kimi nəyi vurğulayırlar?

- Düzünü desək, son dövrlədə kişilər öz məsuliyyətlərini unudublar. Bir müddət əvvəl qadınlar hüquq bərabərliyi istəyirdilər. Bu da sizə hüquq bərabərliyi. Ailədə kişi və qadınların vəzifələri yazılı şəkildə müəyyən edilmədiyi üçün ailə daxilində ər və arvad ailədə öz vəzifəsini bilmir. Ərzaq, əmlak, yemək almaq və s. kimin vəzifəsidir? Heç kim bilmir. Çox qəribədir, ailədə kişi yeyib-yatanda, işləməyəndə məsuliyyətə cəlb edilmir, amma ayrılandan sonra aliment ödəməyəndə cəlb edilir.

Boşanmaların digər səbəbi isə xəyanətdir.

Sosial şəbəkələr xəyanətlərin artmasına səbəb olur. Qadın və ya kişi sosial şəbəkədə kimləsə tanış olur və düşünür ki, ərim, arvadım onsuz da bilməyəcək. Amma artıq texnologiya inkişaf edib. Bütün şəbəkələrin mesajlarını tutmaq mümkündür.

Kişilər unutmamalıdırlar ki, qadınla ailə həyatı quran zaman atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub.

Qadınlar da ailə həyatına müvəqqəti baxırlar. Yəni ərə sadəcə ərə getmək, ana olmaq xatirinə gedirlər. Düşünmürlər ki, həyat yoldaşı olmaq da özü də gözəl statusdur.

Qızlar oğlanı tanımadan ailə həyatı qururlar. Bəzən olur ki, onlar yataq otağından çıxandan sonra yarım saat söhbət edə biləcək mövzu tapa bilmirlər.

Bu səbəbdən də ailələr uzun müddətli olmur.

- "Aliment Fondu"nun yaradılması müzakirə edilir.

- Fondun yaradılması bir neçə il əvvəl də müzakirə edilmişdi. Ancaq bu müzakirələr reallaşmadı. Çünki bu fondun yaradılması boşanmaların artmasına səbəb ola bilərdi. Məsələn, qadınlar onu incidən həyat yoldaşları ilə birlikdə yaşamaqdan imtina edəcəkdilər. Düşünəcəkdilər ki, əgər fond varsa, heç kişini aliment üçün məhkəməyə də verməyə ehtiyac qalmayacaq. "Aliment Fondu" uşağa aliment ödəyəcək.

Ancaq bu gün qadınlar düşünürlər ki, boşansalar, aliment də ala bilməsələr, uşağa tək baxa bilməyəcəklər. Məcburən güzəştə gedib, ailə həyatını davam etdirməli olurlar.

Bu səbəbdən də fondun müzakirəsi dayandırıldı.

Hesab edirəm ki, uşaq pulunun verilməsi müzakirə edilməlidir. Məsələn, hər uşağa 100 manat uşaq pulu ayrılsa, boşanma olsa belə, kişi öz payına düşən 75 manatı ödəməli olar.

Ölkədə hamı 2000 manat maaş almır. Normal maaş 500 manatdır. Əgər bu maaşı alan kişinin iki uşağı varsa, uşaqlara 350 manat ödənilməlidir. Bu da təbii ki, kişiyə də sərf etmir. Mən hesab edirəm ki, kişilərə güzəşt etmək lazımdır. Aliment verməyən kişi Azərbaycan üçün üz qarasıdır. Ancaq kişilərin gəlirləri də nəzərə alınmalıdır.

16
Teqlər:
müsahibə, problemlər, kişi, qadın, hüquqşünas