Ofis əməkdaşları

Direktor müavini: "Biz borclu şəxsi necə girov götürdük ki..."

5627
(Yenilənib 16:20 20.06.2017)
Banka borcu olan vətəndaşı girov götürdükləri deyilən şirkətdən açıqlama gəldi

BAKI, 20 iyun — Sputnik. Kollektorların növbəti özbaşınalığı Bakının Nəsimi rayonunda qeydə alınıb. Xaçmaz rayon sakinini hədələyiblər ki, əgər o, banka bir neçə yüz manat qaytarmasa, onu girov götürəcəklər. Bu barədə Sputnik Azərbaycan-a hüquq-mühafizə orqanlarından məlumat verilib.

Məlumdur ki, Nəsimi rayon Polis İdarəsinin 19-cu polis bölməsinə Xaçmaz rayon sakini, 1989-cu il təvəllüdlü Sadiqi Bəhruz Nazim oğlu müraciət edib. Kişi bildirib ki, onun "Unibank"a 637 manat borcu olub. İyunun 19-u saat 10:40-da onu Mir Cəlal küçəsi 18 ünvanda yerləşən Bakı Kollektor Agentliyinə çağırıblar.

Burada agentliyin işçiləri onun mobil telefonunu əlindən alaraq bildiriblər ki, bankın borcunu qaytarmadığı müddətdə onu girov saxlayacaqlar. Sonra onu həbs etdirəcəklərini deyiblər. Sonra kollektorlar pul tapmaq üçün Sadiqini buraxıblar. Kişi baş vermiş bu hadisədən dərhal sonra polisə müraciət edib.

Hüquq-mühafizə orqanlarındakı mənbənin sözlərinə görə, kollektorların hərəkətləri qanunsuzdur. Onların vətəndaşlara hədə-qorxu gəlmək, xüsusilə də borclulara münasibətdə hər hansı qanunsuz hərəkətlərə yol vermək ixtiyarı yoxdur. Hazırda 19-cu polis bölməsində faktla bağlı araşdırma aparılır.

"Xəzər" telekanalının əməkdaşları bu məsələ ilə bağlı Bakı Kollektor Agentliyinə müraciət etsə də, bu strukturun əməkdaşları onlara çəkiliş aparmağa icazə verməyiblər. Məsələ ilə bağlı Agentliyin direktor müavini Elnur Mustafayev Sputnik Azərbaycan-a bildirib ki, sözügedən şəxs 2014-cü ildən kredit borclarını ödəməyib.

"2015-ci ildə Xaçmaz Rayon Məhkəməsi Sadiqinin borclarını tez bir zamanda ödəməsi ilə bağlı qərar çıxarıb. 637 manat dəyərində krediti o, üç il ərzində geri qaytarmağa cəhd belə, etməyib" — Mustafayev qeyd edib.

Onun sözlərinə görə, Agentlik dövlət qeydiyyatından keçib və artıq 6 ildir ki, bu sahədə işləyir: "Biz Sadiqini ofisimizə çağırmışıq və danışmışıq ki, o, ayda bizə 50-100 manat ödəməklə borcu qaytarsın. O, bununla razılaşmışdı və bizim əlimizdə polisə verdiyimiz müvafiq akt da var".

Lakin Agentlik rəsmisi əlavə edib ki, Sadiqi kiməsə zəng edib və ofisdə öz dostlarını gözləməyə icazə istəyib: "Deyib ki, guya onlar bir neçə dəqiqədən sonra bütün borclarını gətirib qaytaracaqlar. Onun dostları gəlib və haray-həşir salaraq Agentliyi qəsbkarlıqda günahlandırıblar. Onlar 102-ni yığıblar və telekanalı çağırıblar".

"Biz onları sakitləşməyə çağıranda, Sadiqinin dostları hansısa kanalın əməkdaşları olduqlarını bildiriblər. Biz onlara deyəndə ki, məhkəmənin qərarı var, Sadiqi borcunu qaytarmalıdır, onlar dedilər ki, "Əgər belə igidsinizsə, gedin Qarabağı geri qaytarın". Bir sözlə, əgər biz, həqiqətən də Sadiqinin iddia etdiyi kimi onun telefonunu əlindən almışıqsa, o, dostlarını necə zəng edərək bizim ofisə dəvət edib? Onlar bizi təxribata çəkmək istəyirdilər, amma biz cavab verdik ki, "biz yalnız qanun çərçivəsində hərəkət edəcəyik". Hazırda bizi polisə çağırıblar və mən hər şeyi onlara ətraflı danışacam" — deyə Mustafayev bildirib.

"Bizim fəaliyyətimizə gəlincə, biz ciddi şəkildə qanunlar çərçivəsində işləyirik və ictimaiyyətə açığıq. Bizim fəaliyyətimizdə müştəriyə münasibətdə şantaj və təhdiddən söhbət gedə bilməz" — o, əlavə edib.

Xatırladaq ki, Sputnik Azərbaycan kollektorların özbaşınalıqları barədə dəfələrlə yazıb. Məşhur vəkil Əkrəm Həsənov bildirib ki, Azərbaycanda kollektorların köməyi ilə fiziki şəxslərə verilən istehlak kreditlərinin qaytarılması metodundan bütün banklar istifadə edir.

5627
Teqlər:
Bakı Kollektor Agentliyi, Sadiqi Bəhruz Nazim oğlu, Elnur Mustafayev, "Xəzər" telekanalı, kollektor, "Unibank", Sputnik Azərbaycan, Nəsimi rayon Polis İdarəsi, vətəndaş, Bakı, hüquq-mühafizə orqanları
Əlaqədar
Millət vəkilindən kredit götürənlərə dəyərli məsləhət
İqtisadçı ekspert: “Banklar kredit verməkdə maraqlı deyillər”
Kreditlə bağlı məhkəmələrə müraciətlər artır
Kredit götürmək istəyənlərə "yaşıl işıq"
Kredit şərtləri bu qədər asan olmamışdı
Kredit götürməklə bağlı gözlənilməz dəyişiklik
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

4
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

4
Mövzu:
Azərbaycan və Ermənistan arasında müharibə
Emin Şəkinski, arxiv şəkli

General Emin Şəkinski vəfat etdi

32
E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

BAKI, 21 oktyabr — Sputnik. Daxili İşlər Nazirliyinin Nəqliyyatda Baş Polis İdarəsinin rəisi, polis general-mayoru Emin Şəkinski vəfat edib.

Sputnik Azərbaycan xəbər verir ki, general - mayor uzun sürən xəstəlikdən dünyasını dəyişib.

Şəkinski Emin Əkrəm oğlu 1960-cı ildə Bakı şəhərində anadan olub. 1982-ci ildə Bakı Dövlət Universitetinin tarix, 1993-cü ildə hüquq fakültələrini bitirib.

1985-ci ildən daxili işlər orqanlarında xidməti fəaliyyətə başlayıb.

E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

32
Xarici İşlər naziri Ceyhun Bayramov, arxiv şəkli

Ceyhun Bayramov Moskvaya səfər edib

0
Xatırladaq ki, Ermənistan xarici işlər naziri Zöhrab Mnatsakanyan da Rusiyaya qısamüddətli işgüzar səfərə gedib.

BAKI, 21 oktyabr — Sputnik. Azərbaycan Respublikasının Xarici İşlər naziri Ceyhun Bayramov Rusiya tərəfi ilə məsləhətləşmələrin həyata keçirilməsi məqsədilə Moskva şəhərinə işçi səfər edib. Bu barədə Sputnik Azərbaycan-a Xarici İşlər Nazirliyinin mətbuat xidmətindən məlumat verilib.

Xatırladaq ki, Ermənistan xarici işlər naziri Zöhrab Mnatsakanyan da Rusiyaya qısamüddətli işgüzar səfərə gedib.

0