Səyyarə nənə

Azərbaycanın məscidsiz kəndində namaza qeyri-adi çağırış

4221
(Yenilənib 11:03 16.06.2017)
Kəndin uzun müddət məscidsiz qaldığını görən qadın bir ilkə imza atıb

Leyla Abdullayeva, Sputnik Azərbaycan

BAKI, 16 iyun — Sputnik. Məscid İslam dünyasının əsas istehkamlarından biridir. Müsəlmanlar onu "Allahın evi" adlandırırlar. Müsəlman ölkələrinin hər birində əzəmətli məscidlər mövcuddur.

Azərbaycanda da kifayət qədər məscid var. Lakin əksər kəndlərdə məscidlərin olmaması yerli dindarları narahat edir. Belə kəndlərdən biri də Xızı rayonunun Baxışlı kəndidir.

Kəndin uzun müddətdir məscidsiz qaldığını görən Heybətova Səyyarə Səttar qızı, azanı öz evindən səsləndirmək məcburiyyətində qalıb. O, bu barədə Sputnik Azərbaycan-ın əməkdaşına danışıb.

"Uzun illərdir Bakı şəhərində yaşayıram. Yay aylarında istirahət üçün ata yurduma gəlirəm. Hər dəfə kəndə gələndə, kəndin məscidsiz olduğunu görüb, narahat olurdum" – müsahibimiz deyir.

Onun sözlərinə görə, bu kəndin sakinlərinin əksəriyyəti dinə bağlı insanlardır: "Onlar da digər dindarlar kimi cümə namazını məsciddə qılmaq, kənddə azan eşitmək istəyirlər. Təxminən 15 il bundan əvvəl kəndə növbəti gəlişim Ramazan ayına təsadüf etdi. Həmin vaxt qərara gəldim ki, heç olmasa, Ramazan ayında kənddə azan verilsin".

"Övladlarıma dedim ki, lazımı avadanlıqları alıb evdə quraşdırsınlar, biz də azan vaxtı kənddə azan səsləndirək. O vaxtdan bu günə kimi namaz vaxtları öz evimdən azan səsləndirirəm. Düzdür, bunu yalnız Ramazan ayında edə bilirəm. Çünki qalan vaxt Bakıda yaşayıram" – deyə Səyyarə Heybətova bildirir.

Səyyarə Heybətova
© Sputnik / Leyla Abdullayeva
Səyyarə Heybətova

Səyyarə nənə özünün və kənd sakinlərinin adından, Sputnik Azərbaycan vasitəsilə, Qafqaz Müsəlmanlar İdarəsindən, kənddə məscidlə bağlı tədbir görülməsini xahiş edir.

Baxışlı kəndinin digər sakini Cavid Şıxəliyev də Sputnik Azərbaycan-a açıqlamasında məscidlə bağlı fikirlərini səsləndirib: "Məscidin olmaması bizi məyus edir. Hamı kimi biz də məsciddə ibadət etmək istəyirik".

O deyir ki, tək bu kənd yox, qonşu kəndlər də məscidsizdir: "Sağ olsun Səyyarə nənə ki, məscid görməsək də, onun sayəsində qulağımız azan eşidir. Allah Səyyarə nənəyə uzun ömür bəxş etsin ki, bu kənd azansız qalmasın".

4221
Teqlər:
Heybətova Səyyarə Səttar qızı, azan, "Allahın evi", Ramazan ayı, Sputnik Azərbaycan, din, müsəlman, insan, İslam dünyası, məscid
Əlaqədar
Məscid çökdü, ölənlər var
Şeyxülislam "Hacı Cavad" məscidi barədə maraqlı açıqlama verib
“Hacı Cavad” məscidi tarixi abidə deyil"
Prezident "Sovetski"dəki məscidin söküntüsünü dayandırdı
"İlahiyyat" məscidinin təmsilçisi: "İnsanlığını nə qədər itirəsən ki, Allah evini sökəsən"
Suriyadakı məscid qətliamının əsl səbəbkarı bilindi
999-cu məscidin sirri
Azərbaycanlı gənc Şuşa məscidində azan çəkdirdi
Şəhidin dəfni

Qırx gün itkin sayılan şəhid dəfn olundu

10
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

10
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

5
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

5
Müdafiə naziri general-polkovnik Zakir Həsənov Azərbaycanın Dağlıq Qarabağ bölgəsində yerləşdirilən Rusiya sülhməramlı qüvvələrinin komandanı general-leytenant Rüstəm Muradov ilə görüşüb

Zakir Həsənov Rusiya sülhməramlı qüvvələrinin komandanı ilə görüşüb

3
(Yenilənib 12:25 03.12.2020)
Üçtərəfli bəyanata əsasən, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

BAKI, 3 dekabr — Sputnik. Azərbaycan Respublikasının Müdafiə naziri general-polkovnik Zakir Həsənov Azərbaycanın Dağlıq Qarabağ bölgəsində yerləşdirilən Rusiya sülhməramlı qüvvələrinin komandanı general-leytenant Rüstəm Muradov ilə görüşüb. Bu barədə Müdafiə Nazirliyi xəbər yayıb.

Görüşdə Azərbaycan, Rusiya Prezidentləri və Ermənistanın baş nazirinin birgə Bəyanatının müddəalarının icrası məsələləri müzakirə olunub.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu, dekabrın 1-də isə Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi (Laçın şəhəri də bu dəhlizə daxildir) boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

 

3