Məhkəmə çəkici

Azərbaycanın məhkəmə sisteminə dəyişiklik ediləcək

365
(Yenilənib 22:32 12.06.2017)
"Məhkəmələrdə yük həddindən artıq çoxdur. Yaxşı olar ki, rayonlardakı məhkəmələrdə bir hakim yox, daha çox hakim olsun".

BAKI, 12 iyun — Sputnik. Azərbaycanın bəzi rayon (şəhər) məhkəmələrində hakimlərin həm də məhkəmənin sədri olması təklif edilir. Bununla bağlı "Məhkəmələr və hakimlər haqqında" qanuna dəyişiklik olunacaq. Qanunun 22-ci maddəsinə əsasən, rayon (şəhər) məhkəməsi sədrdən və hakimlərdən ibarətdir. Tərkibində 12 və daha çox hakim olan rayon (şəhər) məhkəməsində sədr müavini vəzifəsi təsis edilir.

Qanuna edilən əlavəyə əsasən isə, rayon (şəhər) məhkəməsi bir hakimdən ibarətdirsə, həmin hakim eyni zamanda bu məhkəmənin sədri təyin olunur. Layihəyə əsasən, ölkə ərazisində 30-dan çox rayon məhkəmələri mövcuddur ki, həmin məhkəmələr bir hakimdən ibarətdir.

"Qanuna əsasən, rayon (şəhər) məhkəməsinə bir hakim təyin olunmuşsa, o, həmin məhkəmənin sədrinin səlahiyyətlərini həyata keçirir, yəni, işə qəbul, işdən azad edilməsi məsələləri, məhkəmənin fəaliyyətində cari məsələlər və s. Faktiki olaraq hakim həmin məhkəmənin sədrinin səlahiyyətlərini həyata keçirir, lakin bu o anlama gəlmir ki, o, məhkəmə sədridir" — deyə layihədə qeyd olunub.

"Qanuna uyğun olaraq, hakimlərin fəaliyyəti 5 ildə 1 dəfədən az olmayaraq Məhkəmə-Hüquq Şurası tərəfindən qiymətləndirilir. Hakim sədrin səlahiyyətlərini həyata keçirməsinə baxmayaraq onun fəaliyyətini 5 ildə 1 dəfədən az olmayaraq Məhkəmə-Hüquq Şurası tərəfindən qiymətləndirmək mümkün olmur. Dəyişiklik qanunun təkmilləşdirilməsi məqsədilə edilir" – layihədə əlavə olunub.

Dəyişiklik layihəsi Milli Məclisin plenar iclasına tövsiyə olunub, iyunun 13-də keçiriləcək iclasda müzakirəyə çıxarılacaq.

Vəkil Adəm Məmmədov məsələni Sputnik Azərbaycan-a şərh edərək deyib ki, qanuna bir cümlə əlavə olunacaq ki, tək hakim olan şəxs həm də məhkəmə sədridir: "Burada ciddi bir dəyişiklik olmayacaq. Əsas olan hakimlərin fəaliyyətidir, təminatının qaldırılmasıdır və bunlar müzakirə edilməlidir".

"Həmin şəxs həm də məhkəmə hakiminin maaşını alacaq. Qanunlar qəbul edilməli, hakimlərin sosial təminatı yüksəldilməlidir. Bu məsələni qırağa qoyub texniki məsələləri müzakirə etmək baş qatmaq kimi bir şeydir" — vəkil bildirib.

A. Məmmədovun sözlərinə görə, hər bir halda istər məhkəmə sədri olsun, istər hakim olsun, onların fəaliyyəti yoxlanılır: "Ümumiyyətlə, məhkəmə sədri rayonlarda təşkilati məsələlərə, işə qəbul, işdən azad edilmə məsələlərinə baxır, iş bölgüsü aparır".

Vəkil Feyzulla Mehdiyev isə Sputnik Azərbaycan-a açıqlamasında deyib ki, rayon məhkəməsi bir hakimdən ibarətdirsə, həmin hakimin eyni zamanda məhkəmənin sədri təyin olunması normal haldır: "Sadəcə olaraq, məhkəmədə bir hakimin olmasına münasibətim pisdir. Məhkəmələrdə yük həddindən artıq çoxdur. Yaxşı olar ki, rayonlardakı məhkəmələrdə bir hakim yox, daha çox hakim olsun".

"Əgər məhkəmədə bir hakim varsa, o da məhkəmə sədri olmalıdır. Belə çıxır ki, məhkəmənin sədri yoxdur. Ona görə də sədr olmalıdır" — Mehdiyev vurğulayıb.

Onun fikrincə, onsuz da hakimlərin fəaliyyəti daim yoxlanılır: "Yəni, elə ola bilməz ki, rayon məhkəməsinin hakimi heç vaxt yoxlanılmasın. Bu, mümkün deyil. "Məhkəmələr və hakimlər haqqında" qanuna təklif olunan dəyişiklik düzgündür".

365
Teqlər:
Feyzulla Mehdiyev, Adəm Məmmədov, Sputnik Azərbaycan, hakim, vəkil, rayon, Azərbaycan, qanun, sədr, şəhər, məhkəmə
Əlaqədar
Ali Məhkəməyə yeni hakim seçilib
Hakimin oğlunu öldürən şəxs həbs edildi
Xəzəryanı dövlətlər arasında məhkəmə çəkişməsi
Kreditlə bağlı məhkəmələrə müraciətlər artır
Azərbaycanda məhkəmə prosesində faciə
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

7
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

7

Təhsil şöbəsinin müdiri iki gündür xəstəxanadadır

43
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

43