CƏMİYYƏT
Cəmiyyətin həyatında baş verən aktual hadisələr

Şəki sakini yasda görüb vurulduğu 14 yaşlı qızı qaçırıb və...

© Photo : PUBLIC DOMAINДевочка-подросток, фото из архива
Девочка-подросток, фото из архива - Sputnik Azərbaycan
Abunə olmaq
Azyaşlı qızı qaçıran kişi məhkəmədə bəraət aldı

BAKI, 10 iyun — Sputnik. Şəki Apellyasiya Məhkəməsində adam oğurluğunda təqsirləndirilən Rəşad Hacıyevin barəsində olan bəraət hökmündən dövlət ittihamçısı tərəfindən verilən apellyasiya protesti üzrə məhkəmə iclası başa çatıb.

Sputnik Azərbaycan Report-a istinadla xəbər verir ki, hakim Rafail Əliyevin sədrliyi ilə keçirilən prosesdə qərar elan olunub.

Qərara əsasən, prokurorun apellyasiya protesti təmin edilməyib, birinci instansiya məhkəməsinin çıxardığı hökm dəyişdirilmədən saxlanılıb.

İttiham aktına əsasən, Şəki rayon sakini R.Hacıyev 2015-ci il sentyabrın 27-dən 28-nə keçən gecə sevdiyi, yetkinlik yaşına çatmayan, 2001-ci il təvəllüdlü Günay Məmmədovanı (adı şərtidir) dini nikaha girib, evlənmək məqsədi ilə qaçırıb. O, G.Məmmədovanı Şəki rayonunun Aran kəndindən özünün yaşadığı qonşu Cəfərabad kəndində əmisi Cavanşir Hacıyevin evinə aparıb. R.Hacıyev polis əməkdaşlarının onları axtardığını görüb G.Məmmədova ilə birlikdə evin pəncərəsindən qaçıb.

Post Patrul Xidmətinin avtomobilləri, arxiv şəkli - Sputnik Azərbaycan
CƏMİYYƏT
Bakıda kabus dolaşır - polis həyəcan təbili çaldı

Məhkəmə iclasında R.Hacıyev ona qarşı irəli sürülmüş ittihamda özünü təqsirli bilmədiyini deyib. O, ifadəsində göstərib ki, G.Məmmədovanı ilk dəfə hadisədən iki il qabaq dostu Sərxanın atasının ildönümü ilə bağlı keçirilmiş yas mərasimində görüb:

"Həmin qızdan xoşum gəldiyi üçün ona yanaşıb, kim olması ilə maraqlandım. Mənə məlum oldu ki, həmin qız dostum Sərxanın baldızıdır. Bundan sonra telefon nömrəmi qıza verdim. Təxminən bir ay sonra Günay qardaşı İbrahimin nömrəsi ilə mənə zəng vurub danışdı. Günayı sevdiyimi və onunla gələcəkdə evlənmək istədiyimi dostum Sərxana bildirdim. Sərxan isə qıza elçi göndərməyimi məsləhət gördü. Hətta bir dəfə Sərxanla birlikdə Günaygilə getdim".

Hacıyev daha sonra bildirib ki, son hadisədən təxminən bir ay əvvəl mobil telefonla danışan zaman Günay ailəsinin onu başqa adama ərə verəcəyini bildirib:

"O, mənə "məni Gəncə şəhərində olan başqa qohumlarıma vermək istəyirlər, mən səndən başqa heç kəslə ailə həyatı qurmaq istəmirəm" dedi. Sonra Günay onu qaçırmağımı istədi. Əvvəl Günayın bu təklifi ilə razılaşmadım, yaşının hələ az olduğunu və onu qaçıracağım halda, problem olacağını izah etməyə çalışdım" — deyə Hacıyev bildirib.

Hacıyev daha sonra G.Məmmədova ilə razılaşıb, onu qaçırmaq qərarına gəldiyini deyib:

Посетители на фестивале японской культуры J-FEST в Центральном доме художника - Sputnik Azərbaycan
CƏMİYYƏT
Ən təhlükəli üç il: heç kəsə zəmanət yoxdur

"Həmin gün saat 20:00 radələrində Bakı şəhərində taksiyə minib, Şəkiyə, oradan isə rayonun Cəfərabad kəndinə gəldim. Tanışım, taksi sürücüsü Elşada Aran kəndinə aparmağı təklif etdim. Sonra onunla birgə həmin kəndə getdik. Gecə saat 02:00 radələrində Günay telefonundan mənə zəng etdi. O, mənə "hamı yatdı, mən çıxıram, sahədə gözlə" dedi. Bir az sonra Günay həmin sahəyə gəldi və avtomobilə minib Elşada maşını Sərxangilə sürməyi söylədim. Cəfərabad kəndinin ortasında, Günayın bacısının evlərinin yaxınlığında maşından düşüb, çöllük sahəyə gedib, səhərədək orda qaldıq. Ertəsi gün isə günorta saatlarında Günayı həmin kənddə yaşayan əmimin evinə apardım. Bizi əmim arvadı Şərafət qarşıladı. O, məndən həmin qızın kim olduğunu soruşdu. Əmimin yoldaşına bildirdm ki, "istədiyim qızdır, qaçırmışam". Təxminən 15-20 dəqiqə ərzində əmimgildə olarkən birdən evin qarşısına polis maşınının gəldiyini gördük. Həmin vaxt biz evin pəncərəsindən küçəyə tullanıb, üzü sahəyə doğru qaçdıq".

Onun sözlərinə görə, G.Məmmədova ilə birlikdə Kolaxlı kəndinin içərisindən keçib, "Dörd göz" adlanan gölə kimi yol gediblər: "Təxminən 3-4 saat orada oturub, aranın sakitləşməsini gözlədik, lakin sonra Günaya evlərinə qayıtmağı məsləhət bildim. Onu çətinliklə razı saldım. Birgə geriyə qayıdan vaxt biz Günayın bacısı və onun əri Sərxanla qarşılaşdıq. Günaya heç bir təsir göstərməmişəm və onu zorla qaçırmamışdım".

Məhkəmə iclasında qanuni nümayəndənin və pedaqoqun iştirakı ilə dindirilən zərərçəkmiş G.Məmmədova ifadəsində göstərib ki, o, R.Hacıyevi ilk dəfə bacısının qayınatasının yas mərasimində görüb:

Девочка-подросток, фото из архива - Sputnik Azərbaycan
CƏMİYYƏT
"Belə valideynlər məsuliyyətə cəlb olunmalıdır"

"Rəşad yas mərasimində mənə yaxınlaşıb salam verdi. Sonra məndən xoşu gəldiyini və sevdiyini bildirdi. Ona "fikirləşib bir söz deyərəm" cavabını verdim. Həmin gün Rəşad mobil telefon nömrəsini mənə verdi. Mənim də Rəşaddan xoşum gəlib. Daha sonra Rəşadı ara-sıra bacımgildə gördüm. Rəşadın 14 yaşım olmasından məlumatı olub. Ona bu barədə həm mən, həm də Sərxan deyib. Rəşad bu barədə bacıma və onun əri Sərxana da danışıb. Onunla həmişə qardaşım İbrahimin telefonu ilə əlaqə saxlamışdım. Bu barədə anam da bildi və o, söz etmişdi. Anam demişdi ki, "hələ yaşın azdır". Rəşada anamın məni qohumlarımızdan birinin oğluna ərə verəcəyini bildirdim. Ondan məni qaçırmağını istədim. O, əvvəl yaşımın az olduğunu deyərək razı olmadı. Evdən çıxmağa hazırlaşarkən doğum haqqında şəhadətnaməni özümlə götürdüm. Rəşadla qaçandan sonra onun əmisigilə getdik. Orada olanda isə evə polis gəldi. Bu zaman onunla birgə evin pəncərəsindən qaçıb getdik".

G.Məmmədova dindirilərkən bildirib ki, R.Hacıyevin təkidi ilə evlərinə qayıtmağa razılıq verib. "Geriyə qayıdarkən bacım və onun əri Sərxanla qarşılaşdıq. Sonra polis əməkdaşlarının yanına getdik. Həmin gün axşam saatlarında polis əməkdaşları bizi oradan polis şöbəsinə apardılar. Rəşadı sevdiyim üçün könüllü olaraq ona qoşulub qaçmışam. Onun bu işdə heç bir təqsiri olmayıb. Rəşada qarşı heç bir şikayət və tələbim yoxdur".

Qeyd edək ki, R.Hacıyev Cinayət Məcəlləsinin 144.3-cü (adam oğurluğu, bu Məcəllənin 144.1 və 144.2-ci maddələrində göstərilən əməllər yetkinlik yaşına çatmayan şəxs barəsində törədildikdə və ya ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham olunub.

Şəki Ağır Cinayətlər Məhkəməsinin 19 yanvar 2017-ci il tarixli hökmü ilə R.Hacıyevin barəsində bəraət hökmü çıxarılıb.

Xəbər lenti
0