Quyu, arxiv şəkli

Azərbaycanlı biznesmenin diri-diri basdırılmasının təfərrüatları

185
(Yenilənib 19:25 10.06.2017)
Azərbaycanlı borcunu geri almaq üçün kriminal avtoritetə müraciət edib. Avtoritet isə sahibkarı döyüb, oğurlayıb və Lüberetsk qəbiristanlığı yaxınlığında diri-diri basdırıb.

BAKI, 9 iyun — Sputnik. Moskvada 41 yaşlı azərbaycanlı biznesmen Hikmət Salayevin oğurlanmasını və Lüberetsk qəbiristanlığı yaxınlığında diri-diri basdırılmasını sifariş edən şəxs tutulub.

Məlum olub ki, cinayətin təşkilatçısı azərbaycanlı Hafiz Novruzovdur.

Bu barədə Sputnik Azərbaycan-a Rusiyanın hüquq-mühafizə orqanlarındakı mənbə məlumat verib.

Hazırda cinayətin iştirakçıları axtarılır. Novruzova gəlincə, o, Salayevin biznes tərəfdaşı olub.

Adamın oğurlanması aprelin 20-dən 21-nə keçən gecə baş verib. Quldurlar ticarət sahəsindəki iş adamı Salayevdən 30 milyon rubl istəyiblər. Oğurlanmış Salayevi qəbiristanlığın yaxınlığında qazdıqları xəndəkdə basdırıblar. Canilər Salayevin kiçik qardaşı İsmayılla əlaqə yaradaraq ondan 1,2 milyon rubl, BMW 535 markalı avtomobil tələb ediblər və bunun qarşılığında qardaşının yerini deyiblər.


Salayevi taparaq xəstəxanaya gətiriblər. Onun başında travma olub və qabırğaları qırılıb. Hazırda zərərçəkmiş evindədir və həyati təhlükəsi qalmayıb. Salayevin oğurlanması ilə bağlı cinayət işi açılıb.

Rusiya KİV-lərinin məlumatına görə, Salayev belə xoşagəlməz tarixə Novruzovdan borc pul alan yaxın qohumunun ucbatından düşüb. Novruzov pulu qaytarmağı tələb edəndə, borclu şəxs həmin məbləği Salayevdən almağı məsləhət bilib. Salayev isə o pulu verməkdən imtina edib.

Novruzov pulun ona qaytarılmasını gözləməyib və borc verdiyi pulları geri almaq üçün radikal və qanunsuz metoda əl atmalı olub. O, bunun üçün Prokladka ləqəbi ilə məşhur olan kriminal avtoritetdən yardım istəyib. Avtoritet Salayevlə əlaqə saxlayaraq onu Novruzovun ofisində görüşə dəvət edib. Salayev ofisə gələndə, onu öz sözləri ilə desək, 50 nəfər silahlı şəxs qarşılayıb. Onlar bəyan ediblər ki, 1,5 milyon rubl borc artaraq 30 milyon olub.

Salayev bu vəsaiti ödəməkdən imtina edib. Onda cinayətkar dəstə onu döyərək yolsuzluq avtomobilinin salonuna atıb və Moskva ətrafına aparıb. Yolüstü onu müşayiət edən dəstə Lüberetsk qəbiristanlığının gözətçisindən bel alıb.

Nekropol yaxınlığında xəndək olub. Salayevi ora tullayaraq üstünü torpaqlayıblar, başını isə çöldə qoyublar. Kommersant bu vəziyyətdə gecədən səhər saat 4-ə qədər qalıb. Bütün bu vaxt ərzində danışıqlar aparılıb. Qurbanın telefonu ilə quldurlar onun qardaşı İsmayıla zəng edərək ondan pul tələb ediblər.

185
Teqlər:
Lüberetsk qəbiristanlığı, Hikmət Salayev, kriminal avtoritet, biznesmen, Rusiya, Hikmət Salayevin oğurlanması, Moskva
Əlaqədar
Uzun zamandan bəri ölü bilinən kriminal avtoritet Bakıda qətlə yetirildi
Kriminal aləmdə böyük "razborka" başladı
Dünya şöhrətli kriminal avtoritet Azərbaycana gəlir
"Kriminal avtoritet"in bütün ailəsinin qətlinə fərman verilib
Kriminal aləmdə tarixi ittifaq
Bakıda çovğun, arxiv şəkli

Bazar sürprizi: Bakıda qar yağacaq, çovğun olacaq

1
Bakıda və Abşeron yarımadasında hava şəraitinin dəyişəcəyi, arabir yağıntılı olacağı, sulu qara, qara keçəcəyi gözlənilir

BAKI, 16 yanvar — Sputnik. Azərbaycanda hava şəraiti kəskin dəyişəcək.

Milli Hidrometeorologiya Xidmətindən Sputnik Azərbaycan-a verilən məlumata əsasən, yanvarın 19-u axşamdan 21-i gündüzədək Bakıda və Abşeron yarımadasında hava şəraitinin dəyişəcəyi, arabir yağıntılı olacağı, sulu qara, qara keçəcəyi gözlənilir. Şimal-qərb küləyi 15-20 m/s, arabir 23-25 m/s-dək güclənəcək. Havanın temperaturu ötən günlə müqayisədə tədricən 5-10 dərəcə aşağı enəcək. Çovğun olacağı, yanvarın 21-22-də gecə saatlarında yolların buz bağlayacağı ehtimalı var.

Azərbaycanın rayonlarında isə yanvarın 18-i gündüz qərb rayonlarından başlayaraq hava şəraitinin dəyişəcəyi, arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı gözlənilir. Qərb küləyi arabir 15-18, bəzi yerlərdə arabir 23-28 m/s-dək güclənəcək. Havanın temperaturu ötən günlə müqayisədə tədricən 5-10 dərəcə aşağı enəcək. Çovğun olacağı, yolların buz bağlayacağı ehtimalı var.

1
Teqlər:
çovğun, qar, xəbərdarlıq, hava proqnozu
Silahlı Qüvvələrin Təlim və Tədris Mərkəzi

Müdafiə Nazirliyindən məhkumluğu olan hərbi vəzifəlilərə - Siz gəlməyin

2
(Yenilənib 12:57 16.01.2021)
Kursu müvəffəqiyyətlə başa vuran kursantlara leytenant hərbi rütbəsi verilməklə zabitlərin həqiqi hərbi xidmətinə qəbul olunmaları barədə müqavilə bağlanır və onlar ixtisaslarına uyğun vəzifələrə təyin olunurlar.

BAKI, 16 yanvar — Sputnik. Müdafiə Nazirliyinin hərbi hissələrinə zabitlərin həqiqi hərbi xidmətinə könüllü daxil olmaq arzusunda olan, müddətli həqiqi hərbi xidmətini başa vurmuş, ali təhsilli, 28 yaşınadək vətəndaşlar yanvarın 18-dən fevralın 9-dək müvafiq sənədlərlə birlikdə Azərbaycan Respublikası Silahlı Qüvvələrinin Təlim və Tədris Mərkəzində (SQ TTM) fəaliyyət göstərən qəbul komissiyasına müraciət edə bilərlər.

Bu barədə Sputnik Azərbaycan-a nazirlikdən məlumat verilib.

"Ehtiyat zabit hazırlığı kursu"na qəbul olunmaq üçün müraciət etmiş vətəndaşlar SQ TTM-də fəaliyyət göstərən qəbul komissiyası tərəfindən hərbi xidmətə yararlılıq dərəcələrinin müəyyən edilməsi məqsədilə Müdafiə Nazirliyinin Hərbi Həkim Komissiyasına göndərilirlər. Komissiyanın qərarına əsasən hərbi xidmətə yararlı hesab edilmiş şəxslər qəbul imtahanlarına buraxılırlar.

Fiziki hazırlığı, ümumi bilik səviyyəsi, düşünmə qabiliyyəti, peşə maraqları, ünsiyyət qurmaq və qərar qəbuletmə bacarıqları, fərdi-psixoloji və digər keyfiyyətlərinin öyrənilməsi məqsədilə keçirilən imtahanları müvəffəqiyyətlə vermiş namizədlər "Ehtiyat zabit hazırlığı kursu"na müvafiq ixtisaslar üzrə qəbul edilirlər.

Kursu müvəffəqiyyətlə başa vuran kursantlara leytenant hərbi rütbəsi verilməklə zabitlərin həqiqi hərbi xidmətinə qəbul olunmaları barədə müqavilə bağlanır və onlar ixtisaslarına uyğun vəzifələrə təyin olunurlar.

Kursa qəbul olunmaq istəyən namizədlər SQ TTM-də fəaliyyət göstərən qəbul komissiyasına müraciət edərkən aşağıdakı sənədləri təqdim etməlidirlər:

- kursa qəbul olunmaq barədə ərizə (qəbul komissiyasının sədrinə);

- şəxsən yazılmış tərcümeyi-hal, əlyazma ilə 1 nüsxədə və çap edilmiş 2 nüsxədə;

- xidmət (iş və ya təhsil) yerindən xasiyyətnamə;

- ali təhsil haqqında sənədin notarial qaydada təsdiq edilmiş surəti - 1 ədəd;

- xarici dövlətlərdə təhsil almış namizədlər üçün, ali təhsil haqqında sənədin notarial qaydada tərcümə və təsdiq edilmiş surəti ilə yanaşı, həmin sənədə Azərbaycan Respublikasının Təhsil Nazirliyi tərəfindən verilmiş şəhadətnamənin notarial qaydada təsdiq edilmiş surəti - 1 ədəd;

- doğum haqqında şəhadətnamənin və şəxsiyyət vəsiqəsinin notarial qaydada təsdiq edilmiş surəti - 1 ədəd;

- nikah haqqında şəhadətnamənin notarial qaydada təsdiq edilmiş surəti (evli olduqda) - 1 ədəd;

- uşaqların doğum haqqında şəhadətnamələrinin notarial qaydada təsdiq edilmiş surəti (uşaq olduqda) - 1 ədəd;

- evlər idarəsindən və ya yerli icra hakimiyyəti orqanlarından ailə tərkibi və yaşayış yeri haqqında arayış - 1 ədəd;

- 4 ədəd rəngli fotoşəkil (baş geyimsiz, anfas, 2 ədəd 3x4 sm və 2 ədəd 4.5x6 sm ölçüdə);

- psixiatrik, nevroloji, narkoloji, vərəm və dəri-zöhrəvi dispanserlərindən (kabinetlərdən) qeydiyyatda olub-olmaması haqqında arayışlar;

- qeydiyyatda olduğu poliklinikadan sağlamlıq haqqında arayış;

- qeydiyyatda olduğu poliklinikadan son 5 (beş) ildə infeksion xəstəliklərlə bağlı müraciət edib-etməməsi haqqında arayış;

- hərbi biletin surəti (notarial qaydada təsdiq olunmuş) - 1 ədəd.

Məhkumluğu olan hərbi vəzifəlilərin "Ehtiyat zabit hazırlığı kursu"na qəbul üçün müraciət etməmələri xahiş olunur.

Ünvan: Bakı şəhəri, Yasamal rayonu, Şəfaət Mehdiyev küçəsi 76, "Qızıl Şərq" hərbi şəhərciyi (Azərbaycan Respublikası Silahlı Qüvvələrinin Təlim və Tədris Mərkəzi)

Telefon: (012) 538-85-62

Müraciət etmə vaxtı: 2021-ci il yanvarın 18-dən fevralın 9-dək hər gün (bazar günü istisna olmaqla) saat 09.00-dan 17.00-dək.

2
Teqlər:
müraciət, ehtiyat, kurs, zabit, Azərbaycan Müdafiə Nazirliyi