Spinner

Azərbaycanda yeni maniya: mağazalara kütləvi axın başlayıb

11940
Ona Bakıdakı bütün bazar və dükanlarda, ticarət köşklərində rast gəlmək mümkündür

BAKI, 8 iyun — Sputnik. 2017-ci ildə bütün dünyanı yeni maniya bürüyüb — stress əleyhinə oyuncaq spinner. Hazırda bu oyuncaq bütün dünyada, eləcə də Azərbaycanda məşhurdur. Bizdə spinner "stress çarxı" adı ilə məşhurdur.

Müxtəlif yaşlarda olan insanlar mağaza piştaxtalarından demək olar ki, həmin oyuncağı silib-süpürürlər. Onlar stressi atacaqları və bütün problemlərini heç olmasa, bir müddətliyə unudacağı ümidilə bu oyuncağa istənilən qədər vəsait ödəməyə hazırdırlar.

Məlumatı olmayanlara bildirək ki, spinner — ortasında dayağı, kənarlarında isə halqaları olan, plastik və metaldan hazırlanmış balaca oyuncaqdır. İstifadəçi oyuncağın mərkəzindəki dayağı bir əlin barmaqları ilə sıxaraq digər barmaqları ilə onun tərpənməz qalan kənarlarını fırladır.

Bu oyuncağa Bakıdakı bütün bazar və dükanlarda, ticarət köşklərində rast gəlmək mümkündür. Bu səbəbdən də Sputnik Azərbaycan spinnerin insanın stressini nə dərəcədə azaltdığını araşdırmaq qərarına gəlib.

Psixoloji Sağlamlıq Mərkəzinin direktoru Fuad İsmayılovun sözlərinə görə, spinnerin heç bir ziyanı yoxdur, xeyri də həmçinin. Çünki o, indiyə qədər eşitməyib və görməyib ki, dünyada kimsə bu oyuncağın təsirləri ilə bağlı hansısa tədqiqat aparsın.

"Adətən bir şeyin nə dərəcədə faydalı olduğunu müəyyən etmək üçün eksperiment aparmaq lazım gəlir. Bunun üçün adamlar iki qrupa bölünür, onların stress səviyyəsi ölçülür. Birinə spinnerlə oynamaq üçün vaxt və imkan verilir, digərinə isə verilmir. Və bir müddət keçəndən sonra müəyyənləşir ki, bu insanların stressi artıb, ya azalıb. Əgər azalıbsa, deməli, spinnerin xeyri olub. Lakin hələlik belə bir eksperiment keçirilməyib" — deyə İsmayılov bildirib.

O, qeyd edib ki, əvvəllər də dəfələrlə insanlarda stressi azaltmaq üçün bu qəbildən olan Çin metal diyircəkləri, rezin espanderlər, latundan düzəldilmiş bilərziklər, rubik kubu kimi oyuncaqlar var idi. Azərbaycanda isə daha çox təsbehlər populyar olub. 10-15 il əvvəl demək olar ki, bütün gənclərdə təsbeh var idi.

İsmayılovun fikrincə, bütün bunlar alkoqolizm, siqaret çəkmək, yaxud da kompüter oyunlarından sonra yaranan aqressiya ilə müqayisədə tamamilə ziyansızdır. Bir sözlə, spinner tamamilə ziyansız şeydir.

Psixoloq hesab edir ki, əgər insanlar onu almaq və bütün günü fırlatmaq istəyirlərsə, qoyun fırlatsınlar: "Spinnerin xeyirlərini dəqiq təyin etmək üçün tədqiqat aparmaq lazımdır".

"Bilirsiniz, əgər siz stressdən azad olmaq istəyirsizsə, mən sizə çoxlu şey məsləhət görə bilərəm ki, onlar həqiqətən də kömək edir. Başlanğıc üçün həyata pozitiv münasibət bəsləmək lazımdır. Həyatın hər bir anında sevinmək üçün nəsə tapmaq olar. Misal üçün, günəşli hava, oğul və ya qızın məktəbdə yaxşı qiymətlər alması, doğmalarla, dostlarla əlaqələr" — deyə İsmayılov bildirib.

Bütün bunlarla yanaşı, psixoloq deyir ki, idmanla məşğul olmaq, xaricə səyahət, təbiət qoynunda istirahət, sevimli ev heyvanları ilə oynamaq, yoqa, tənəffüs təlimləri və sair də stressi atmağa kömək edir.

İsmayılovun sözlərinə görə, bütün bunlar real olaraq insanların əksəriyyətinə kömək edir. Yox, əgər sizin stressiniz güclüdürsə və bütün bunlar sizə kömək etmirsə, o zaman psixoloqa və ya psixiatra müraciət etmək məsləhətdir. Bir sözlə, əgər stressimizi azaltmaq istəyiriksə, sadəcə həyatımızda baş verən hər şeyi pozitiv qiymətləndirməliyik.

11940
Teqlər:
"stress çarxı", spinner, maniya, Fuad İsmayılov, psixoloq, oyuncaq, Azərbaycan
Əlaqədar
Azərbaycanda sancıya, baş ağrısına və stressə qarşı effektiv vasitə hazırlanır
Psixoloqlar: İqtisadi böhran cəmiyyətdə stressə səbəb olur
Cəmiyyətin psixoloji vəziyyəti və stressə qarşı profilaktika
Bu həkimə qulaq asın və stressdən canınızı birdəfəlik qurtarın
Stress-dən xilas olmağın ən asan yolu
Çarpayıda gənc cütlük, arxiv şəkli

Hüquqşünas: "Yataq otağından çıxandan sonra söhbət ediləcək mövzu yoxdursa..."

0
(Yenilənib 15:15 19.01.2021)
"Kişilər unutmamalıdırlar ki, qadınla ailə həyatı quran zaman o, atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub"

İradə Cəlilova, Sputnik Azərbaycan

BAKI, 19 yanvar — Sputnik. Pandemiya dövründə daha əvvəl müşahidə edilməyən qaydalar tətbiq edildiyi üçün vətəndaşlar bu dönəmdə müxtəlif qayda pozuntuları ilə qarşılaşdılar. Karantin rejimi, SMS-icazə, evdə qalmaq kimi məhdudiyyətlər yenilik olduğu üçün bir çox vətəndaşlar bu vəziyyətlə barışmaqda çətinlik çəkdilər.

Bəs bu dövrdə vətəndaşlar hüquqşünaslara daha çox hansı hüquq pozuntusu ilə müraciət ediblər?

Hüquqşünas Tağı Hüseynov Sputnik Azərbaycan-ın suallarını cavablandırıb.

© Sputnik / Irade JELIL
Hüquqşünas Tağı Hüseynov

- Pandemiya dövründə vətəndaşları hüquqi istiqamətdə daha çox nə narahat edib?

- Pandemiya dövründə əsas hüquq pozuntuları iki istiqamətdə olub. Yəni şəxslərin bizə müraciətləri boşanma və inzibati orqanların tətbiq etdiyi cərimələrlə bağlı olub. Bir müddət əvvəl, sərt karantin rejimində evdə qalmaq tələbi, kafe və restoranların bağlı olması ailələri, demək olar ki, bir yerə topladı. Bu müddət ərzində mehriban olan ailələr daha da mehribanlaşdı. Problemli ailələrin problemi isə böyüyərək boşanma ilə nəticələndi.

İkinci istiqamətdə olan hüquq pozuntuları əsasən polisin yazdığı cərimələrlə bağlı olub. Belə ki, müraciət edən vətəndaşlar müxtəlif səbəblərlə polisin yazdığı cərimələrlə razılaşmadıqlarını dilə gətirirdilər. Bəziləri qeyd edirdilər ki, SMS müddətinin bitməsindən 2 dəqiqə sonra cərimə yazılıb, bəziləri evinin qapısında ona cərimə yazıldığını bildirirdilər. Bu problemlə qarşılaşan vətəndaşların 99 faizi məhkəməyə müraciət etmir. Düşünürlər ki, 100 manata görə məhkəmələrə vaxt ayırmağa dəyməz.

Ancaq bəzi prinsipial insanlar var ki, axıra qədər davam edirlər. Mən vətəndaşlara izah edirdim ki, məhkəməyə arayış yazmağa 50 manat vəkilə verməkdənsə, cəriməni tətbiq edən quruma müraciət ünvanlasınlar.

- Boşanma müraciətləri ilə bağlı vətəndaşlar səbəb kimi nəyi vurğulayırlar?

- Düzünü desək, son dövrlədə kişilər öz məsuliyyətlərini unudublar. Bir müddət əvvəl qadınlar hüquq bərabərliyi istəyirdilər. Bu da sizə hüquq bərabərliyi. Ailədə kişi və qadınların vəzifələri yazılı şəkildə müəyyən edilmədiyi üçün ailə daxilində ər və arvad ailədə öz vəzifəsini bilmir. Ərzaq, əmlak, yemək almaq və s. kimin vəzifəsidir? Heç kim bilmir. Çox qəribədir, ailədə kişi yeyib-yatanda, işləməyəndə məsuliyyətə cəlb edilmir, amma ayrılandan sonra aliment ödəməyəndə cəlb edilir.

Boşanmaların digər səbəbi isə xəyanətdir.

Sosial şəbəkələr xəyanətlərin artmasına səbəb olur. Qadın və ya kişi sosial şəbəkədə kimləsə tanış olur və düşünür ki, ərim, arvadım onsuz da bilməyəcək. Amma artıq texnologiya inkişaf edib. Bütün şəbəkələrin mesajlarını tutmaq mümkündür.

Kişilər unutmamalıdırlar ki, qadınla ailə həyatı quran zaman atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub.

Qadınlar da ailə həyatına müvəqqəti baxırlar. Yəni ərə sadəcə ərə getmək, ana olmaq xatirinə gedirlər. Düşünmürlər ki, həyat yoldaşı olmaq da özü də gözəl statusdur.

Qızlar oğlanı tanımadan ailə həyatı qururlar. Bəzən olur ki, onlar yataq otağından çıxandan sonra yarım saat söhbət edə biləcək mövzu tapa bilmirlər.

Bu səbəbdən də ailələr uzun müddətli olmur.

- "Aliment Fondu"nun yaradılması müzakirə edilir.

- Fondun yaradılması bir neçə il əvvəl də müzakirə edilmişdi. Ancaq bu müzakirələr reallaşmadı. Çünki bu fondun yaradılması boşanmaların artmasına səbəb ola bilərdi. Məsələn, qadınlar onu incidən həyat yoldaşları ilə birlikdə yaşamaqdan imtina edəcəkdilər. Düşünəcəkdilər ki, əgər fond varsa, heç kişini aliment üçün məhkəməyə də verməyə ehtiyac qalmayacaq. "Aliment Fondu" uşağa aliment ödəyəcək.

Ancaq bu gün qadınlar düşünürlər ki, boşansalar, aliment də ala bilməsələr, uşağa tək baxa bilməyəcəklər. Məcburən güzəştə gedib, ailə həyatını davam etdirməli olurlar.

Bu səbəbdən də fondun müzakirəsi dayandırıldı.

Hesab edirəm ki, uşaq pulunun verilməsi müzakirə edilməlidir. Məsələn, hər uşağa 100 manat uşaq pulu ayrılsa, boşanma olsa belə, kişi öz payına düşən 75 manatı ödəməli olar.

Ölkədə hamı 2000 manat maaş almır. Normal maaş 500 manatdır. Əgər bu maaşı alan kişinin iki uşağı varsa, uşaqlara 350 manat ödənilməlidir. Bu da təbii ki, kişiyə də sərf etmir. Mən hesab edirəm ki, kişilərə güzəşt etmək lazımdır. Aliment verməyən kişi Azərbaycan üçün üz qarasıdır. Ancaq kişilərin gəlirləri də nəzərə alınmalıdır.

0
Teqlər:
müsahibə, problemlər, kişi, qadın, hüquqşünas
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

4
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

4