Su kranı

Bakılılar fərqində deyillər ki, bütöv bir şəhəri susuz qoyublar

6422
"Şollar" bulağının yanında yerləşən şəhər illərdir susuzluqdan əziyyət çəkir

BAKI, 2 iyun — Sputnik. Çox az adam bilir ki, Azərbaycanda, əhalisi bir neçə onillikdir içməli su problemi ilə yaşayan şəhər var. Baxmayaraq ki, həmin şəhərin sakinlərinin burunlarının dibindən tər-təmiz "Şollar" bulağı axır. Bu bulaqdan artıq üçüncü yüzillikdir ki, Bakıya birbaşa içməli su gəlir.

Qaradəmirçi kəndindəki arx
© Sputnik / Ramil Ibrahimov

Sputnik Azərbaycan-ın məlumatına görə, bu yaşayış məntəqəsi Bakıdan 180 km şimalda yerləşən Xudat şəhəridir. Xudat Xaçmaz rayonunda yerləşir. Onun ərazisindən Azərbaycanın şimal sərhədini Rusiya ilə birləşdirən yol keçir. Eyni zamanda, buradan keçən dəmir yolu paytaxtla ölkənin şimalını və Rusiyanı birləşdirir. Bu şəhər həm də Azərbaycanın ən məşhur dənizkənarı kurortlarından biri olan Nabran qəsəbəsinə gedən yolun üstündə yerləşir.

Bütün bunlara baxmayaraq, Xudatın son məlumatlara görə, 16 minlik əhalisi içməli su problemi ilə üz-üzədir. Su çatışmazlığından təkcə şəhər kənarında yaşayanlar deyil, elə şəhərin mərkəzi küçələrində yaşayanlar da əziyyət çəkir. Misal üçün, uzun illər Əliağa Vahid küçəsində yeganə artezian quyusu olub ki, bütün küçə oranın kranından gələn sudan istifadə edib.

Qonşu küçələrin sakinləri sutkada iki dəfə bu krana gələrək su götürmək məcburiyyətində qalıblar. Baxmayaraq ki, həmin su kifayət qədər təmiz deyil, orada hər an həşərat sürfələri və qum dənəcikləri ilə rastlaşmaq mümkündür. Amma başqa çarə yoxdur, camaat bu sudan istifadə etməyə məcburdur. Hazırda heç orada normal kran da yoxdur, lakin yerli sakinlərin çoxu bir günlük su ehtiyatını yığmaq üçün ora su qabları ilə gedirlər.

Məişətdə istifadə etmək üçün lazım olan suyu isə əhali hər kəsin həyətində olan su quyularının köməyi ilə əldə edir. Lakin o quyuların çoxunun suyu içmək üçün yararlı deyil. Onun tərkibində həddindən artıq duz və minerallar var ki, bir ildən sonra böyrəkləri daşla doldura bilər.

Bununla yanaşı, Xudatın hər yerində həyətlərə suyun gəldiyi dövrlərə aid sivilizasiyanın sədalarını eşitmək mümkündür. Bu vəziyyət yerli sakinləri həm də ona görə hiddətləndirir ki, onlar ölkənin ən gözəl guşələrindən birində yaşayırlar. O yerdə ki, onun yaxınlığında əfsanəvi "Şollar" suyunun mənbəyi yerləşir. Amma bu sudan yerli camaat deyil, onlarla kilometr aralıda yerləşən paytaxtın əhalisi içir.

"Azərsu" ASC-nin mətbuat katibi Anar Cəbrayıllı isə bu məlumatlarla razılaşmayaraq iddia edib ki, onların idarəsi Xudatın 70% əhalisini su ilə təchiz edib. Yerdə qalan əhali isə onun sözlərinə görə, yerli konserv zavoduna bitişik ərazilərdə yaşayır və su tələbatlarını özləri ödəyir.

"Bu şəhərdə əsas içməli su mənbəyi artezian quyusudur. Əhalinin bir hissəsi isə "Şollar" suyundan istifadə edir" — Cəbrayıllı bildirib.

O, qeyd edib ki, şəhər sakinlərinin içməli su ilə təchizatını nəzərdə tutan sistem 50 il əvvəl qurulub: "Hazırda ASC respublikanın iri rayon mərkəzləri və şəhərlərində işləyir. Eyni zamanda Xaçmaz şəhərinin su sistemi dəyişdirilir. Xudatla bağlı layihəyə isə hələlik baxılmayıb. Çünki bunun üçün lazımi sərmayə yoxdur".

6422
Teqlər:
"Şollar" bulağı, Xudat şəhəri, Anar Cəbrayıllı, içməli su, "Azərsu" ASC, əhali, Xaçmaz rayonu, paytaxt, Azərbaycan
Əlaqədar
Rəsmi: əhalinin keyfiyyətli içməli su problemi həll olunur
Ayda təmiz içməli su tapıldı
Bakının bəzi ərazilərində içməli su problemi yaşanacaq
Diqqət: bu gün Bakının bəzi yerlərində içməli su olmayacaq
Xəbərdarlıq: Bakıya və bir sıra rayonlara içməli su məhdudiyyətlərlə veriləcək
Paytaxtın bu ərazilərinə içməli su verilməsi dayandırılacaq
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

7
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

7

Təhsil şöbəsinin müdiri iki gündür xəstəxanadadır

40
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

40