Yaşayış binası

Oğlanlara giriş qadağandır - yalnız qızlar üçün

8347
Cərimə və cəzaların ağırlaşdırılması müəyyən narahatlığa səbəb olub

BAKI, 1 iyun — Sputnik. Yəqin ki, kirayə ev elanlarına baxanda "yalnız tələbə qızlar üçün" başlıqlı elanlarla hamınız qarşılaşmısınız. Bu gün bir çox ev sahibi evini ancaq tələbə qızlara kirayə vermək istəyir. Oğlan adı gələndə çoxları qəti şəkildə "yox" cavabını verirlər.

Səbail Rayon Dövlət Yanğından Mühafizə Hissəsi
© Sputnik / Irade JELIL

Səbəblər isə müxtəlifdir. Sputnik Azərbaycan-ın əməkdaşı bir neçə elan sahibi ilə əlaqə saxlayaraq, bu ayrı-seçkiliyin səbəbini öyrənməyə çalışıb.

Sevda Əlməmmədova evini ancaq gənc qızlara kirayə verəcəyini deyir: "Çünki qızlar evə yaxşı baxmaqla yanaşı, həm də məsuliyyətli olurlar. Mən evimi ancaq tələbə qızlara verirəm. Əvvəlcə onların valideynləri ilə tanış oluram. Xoşuma gəlsələr, evi verirəm. Tələbə qızlara ev verəndə arxayın olursan ki, evi səliqəli saxlayacaq, diqqətli olacaq, gecələr evə dost-tanışı gətirməyəcək".

"Oğlanlar isə az məsuliyyətli olurlar. Əvvəl bilmirdim. Bir dəfə evimi 4 tələbə oğlana vermişdim. İnanın, bir ayın içində çarpayını qırmışdılar, mətbəxdə şkafın qapılarını çıxarmışdılar, telefonu isə sındırıb "skoçlamışdılar". Onları evdən çıxaranda kommunal borclarını da ödəmədilər. Sonra özümə söz verdim ki, daha oğlan tələbəyə ev verməyəcəyəm" — ev sahibi bildirir.

Əlməmmədovanın evində son 4-5 ildir, sadəcə qızlar qalırlar: "Bəzən əvvəlcədən xəbər etmədən, gəlib evin vəziyyətinə baxıram. Bəzən narazılıq edirlər ki, "pulumuzu vermişik, nəyə görə narahatsınız". Onları başa salıram ki, əsas evin vəziyyəti deyil, əsas qonşuların fikridir. Nəyə görə kimsə mənim evim haqqında başqa fikirlərə düşməlidir?"

Digər ev sahibi Elçin Səlimov da evini ancaq tələbə qızlara verəcəyini deyir: "Yaşlı adamam, mənə bu yaşdan sonra problem lazım deyil. Tətildə çox valideyn gəlib övladları üçün ev maraqlanır. Yaxşı adama rast gələndə verirəm evi. İstəmirəm ki, kimsə "Elçinin evində əxlaqsızlar qalır" desin.

Kirayə ev
Karikatura
Kirayə ev

Ev sahibi bildirir ki, tələbə qızlar ailələrindən qorxduqları üçün bir az məsuliyyətli olurlar: "Evi təmiz saxlamaqla yanaşı, artıq hərəkətlərə yol vermirlər. Oğlanlar isə tənbəl, səliqəsiz və məsuliyyətsiz olurlar".

"Mən evimi kirayə verərkən vasitəçilərlə işləmirəm. "Maklerlər" evi şirin dillə ev sahibindən götürüb, bəzən 1 günlük də kirayə verirlər. Özünüz də yaxşı bilirsiniz ki, bir günlük evlər kimlərə kirayə verilir. Mən isə evimin elə istifadə edilməsini istəmirəm" — Səlimov əlavə edir.

Sosioloq Əhməd Mansurovun Sputnik Azərbaycan-a açıqlamasına görə, əvvəllər ev sahibləri bu qədər qız-oğlan ayrı seçkiliyi etmirdilər. O bildirir ki, son zamanlar qanunlara edilən dəyişikliklər ev sahiblərinin də narahatlığına səbəb olub.

Mütəxssisin sözlərinə görə, tələbə qızlar üçün evi çox zaman valideynləri tuturlar: "Ev sahibləri buna görə kirayənişin axtaranda, tələbə qızlara üstünlük verirlər. Oğlanlar isə çox zaman evi özləri tutur və bəzən evə qız qonaqlar da gətirirlər ki, bu məsələ də ev sahiblərini çox narahat edir. Ev sahibi müəyyən qədər haqlıdır, amma belə bir vəziyyətdə də oğlanlar ev tapmaqda çətinlik çəkirlər".

"Tələbələr üçün yataqxanalar olsaydı, bu, tələbələrə həm ucuz başa gələrdi, həm də qız-oğlan ayrı-seçkiliyi yaşanmazdı" — Mansurov vurğulayır.

Hüquqşünas Elnur Aslanov da Sputnik Azərbaycan-a deyib ki, Cinayət Məcəlləsinə müəyyən dəyişikliklər edildikdən sonra, cərimələr və cəzaların ağırlaşdırılması ev sahiblərində müəyyən narahatlığa səbəb olub: "Belə ki, əgər əvvəl ev sahibi evini rahatlıqla vasitəçilərə etibar edirdisə, indi etmirlər. Çünki əgər kirayə verilən evlər bir günlük başqa məqsədlər üçün verilərsə və bu, aşkar olunarsa, ev sahibləri cəzalandırılacaq. Belə bir şəraitdə məsuliyyəti vasitəçi deyil, ev sahibi daşıyır".

Hüquqşünas bildirir ki, qeyd olunan maddəyə görə, fahişəliklə məşğul olmaq üçün əxlaqsız yuvalar təşkil etmə, saxlama və ya bu məqsədlər üçün mənzil sahələri vermə — iki min beş yüz manatdan üç min beş yüz manatadək miqdarda cərimə və ya 400 saatdan 480 saatadək ictimai işlər və ya iki ilə qədər müddətə islah işləri və ya 3 ilə qədər müddətə azadlıqdan məhrumetmə ilə cəzalandırılır.

8347
Teqlər:
narahatlığa səbəb, Sevda Əlməmmədova, Elçin Səlimov, kirayə ev, əxlaqsızlıq yuvası, Əhməd Mansurov, ev sahibi, Elnur Aslanov, hüquqşünas, oğlan, Sputnik Azərbaycan, sosioloq, məsuliyyət, mənzil, qız, tələbə, cinayət məcəlləsi
Əlaqədar
Obamanın canı kirayələrdən qurtardı
"Hürrəm Sultan"ın kirayə verildiyi məkan
Kirayənişin mənzil sahibini bu səbəbdən öldürdü
Kirayə götürülən paltarlarla bağlı ilginc faktlar
Bakıda kirayə mənzillər bahalaşıb
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

6
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

6
Teqlər:
müsabiqə, COVID-19, Koronavirus
Prezident İlham Əliyev, arxiv şəkli

Azərbaycanın Rus İcması Prezident İlham Əliyevə müraciət edib

11
(Yenilənib 21:06 23.11.2020)
Rus icması: "Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi".

BAKI, 23 noyabr - Sputnik. Azərbaycanın Rus İcması Prezident, Azərbaycan Silahlı Qüvvələrinin Ali Baş Komandanı İlham Əliyevə müraciət edib.

Sputnik Azərbaycan xəbər verir ki, məktubda deyilir: “Möhtərəm cənab Prezident, Ali Baş Komandan İlham Heydər oğlu!

İcazə verin, Azərbaycanın Rus İcması adından Sizi və Azərbaycan Respublikasının Birinci vitse-prezidenti Mehriban xanım Əliyevanı bütün Azərbaycan xalqının düşmən üzərində birmənalı, möhtəşəm Qələbəsi münasibətilə təbrik edək. Ermənistan Respublikasının işğalçı qüvvələri darmadağın edildi və geri çəkildi.

Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi.

Möhtərəm İlham Heydər oğlu, biz bilirik ki, Siz BMT Təhlükəsizlik Şurasının 4 qətnaməsinə müvafiq olaraq bu münaqişənin dinc yolla nizamlanması üçün nə mümkündürsə etdiniz. Lakin Ermənistanın destruktiv mövqeyi danışıqlarda irəliləyişə nail olmağa imkan vermədi, onun daimi hərbi provokasiyaları bu il sentyabrın 27-də münaqişənin eskalasiyasına gətirib çıxardı.

Biz, Azərbaycanın rus əhalisi Sizin mətinliyinizə, müdrikliyinizə və qəti qələbəyə qədər getmək əzminizə görə Sizə səmimi təşəkkürümüzü və dərin minnətdarlığımızı bildiririk.

Sizin rəhbərliyinizlə igid, rəşadətli ordumuz qısa müddətdə çoxsaylı kəndləri, şəhərləri erməni işğalından azad etdi və Ermənistanı tam hərbi kapitulyasiya aktını imzalamağa məcbur etdi.

Respublikanın rus vətəndaşlarının çoxu 1990-cı illərin əvvəlində olduğu kimi, bu dəfə də Azərbaycan xalqı ilə çiyin-çiyinə dayandı və Azərbaycan sərhədlərinin pozulmazlığı hüququnu müdafiə edərək ölkəmizin ərazi bütövlüyünün bərpa olunmasında iştirak etdi.

Biz Sizin sözlərinizi xatırlayırıq ki, bu gün biz birlikdəyik və heç kəs bu birliyi poza bilməz.

Cənab Prezident, Sizin Ali Baş Komandan, diplomat, siyasi xadim və öz ölkəsinin vətəndaşı kimi fəaliyyətiniz sabahkı quruculuq gününə qəti əminlik yaradır, o vaxt minlərlə insan öz evlərini yenidən tikmək, müharibə dəhşətlərinin nə demək olduğunu bilməyən yeni nəsil tərbiyə etmək üçün işğaldan azad olunmuş torpaqlara qayıda biləcəklər.

Azərbaycanda və onun ayrılmaz tərkib hissəsi olan Dağlıq Qarabağ bölgəsinin torpağında sülhün və firavanlığın bərpa edilməsi üzrə titanik səylərinizə görə sağ olun.

Sizin Azərbaycan xalqına səmimi müraciətləriniz bu xalqın qəlbində inam oyatdı, düşməni darmadağın etmək və Azərbaycanın ərazi bütövlüyünü qorumaq üçün xalqı vahid cəbhə kimi sıx birləşdirdi. Biz doğma Qarabağ regionunu azad etdik, bu gün bizim bayrağımız Şuşada – Qarabağın ürəyində dalğalanır. Məcburi köçkünlər tezliklə öz doğma yurdlarına qayıdacaq və bütün ölkəmiz yenidən firavanlaşacaq.

Bütün Azərbaycan xalqı çoxdan gözlədiyimiz şanlı Qələbə gününü Sizinlə birlikdə bayram edəcək.

Yaşasın Ali Baş Komandan!

Yaşasın çoxmillətli Azərbaycan xalqı!

Yaşasın Azərbaycan Ordusu!

Qarabağ Azərbaycandır!”

Bildirilib ki, müraciət Azərbaycan Rus İcmasının Respublika Şurasının iclasında qəbul edilib.

11
Teqlər:
Ermənistan, Azərbaycan, BMT-nin qətnamələri, kapitulyasiya, Üçtərəfli bəyanat, Prezident İlham Əliyev, rus icması
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

17
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

17
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması