Orucovlar ailəsi

Sahibsiz tikilidən boylanan on bir adam

446
(Yenilənib 10:18 01.06.2017)
Binanın sahibi tapılana qədər onların dərdinə çarə tapılmayacaq

Ramil İbrahimov, Sputnik Azərbaycan

BAKI, 1 iyun — Sputnik. Əslən Ağdam rayonunun işğal altındakı Qiyaslı kəndindən olan Orucovlar ailəsi, 24 il əvvəl Bərdəyə pənah gətirib. Rayondakı çayxanalardan birinin binasında məskunlaşıblar.

Bərdədə Orucovlar ailəsinin məskunlaşdığı köhnə çayxana binası
© Sputnik / Ramil Ibrahimov
Bərdədə Orucovlar ailəsinin məskunlaşdığı köhnə çayxana binası

Hazırda binada, aralarında azyaşlılar da olmaqla, 11 nəfər yaşayır. Məcburi köçkün Məryəm Orucovanın sözlərinə görə, binada təbii qazın olmaması ailənin həyat şəraitini daha da çətinləşdirib. Döşəməsi və tavanı beton olduğundan, qışda otaqları isitmək olmur. Bunun üçün ya odun tədarükü görməlidilər, ya da elektrik enerjisindən istifadə etməlidilər ki, bu da baha başa gəlir.

"Elə yayda da, qışda da zülm çəkirik. Xörək bişirmək üçün qaz balonu da işlədirik, elektrik sobası da. İşığın limiti azalandan bu yana çatdıra bilmirik" — Məryəm Orucova Sputnik Azərbaycan-ın bölgə müxbirinə danışır.

Məcburi köçkünlər deyirlər ki, sovet dövründə bu çayxana binasına təbii qaz verilib. Hətta həmin qaz borularının bir hissəsi bu gün də yararlı vəziyyətdədir. İllərdir yaşadıqları binanın yenidən qazla təmin edilməsi üçün dəfələrlə rəsmi qurumlara müraciət ediblər. Ancaq müsbət nəticəsi olmayıb.

Binanın mətbəxi
© Sputnik / Ramil Ibrahimov
Binanın mətbəxi

Orucovların sözlərinə görə, onların aylıq gəlirləri, dövlətdən müavinət və pensiya şəklində aldıqları 800 manatdan ibarətdir. Heç kim işləmədiyindən ailəyə əlavə qazanc daxil olmur.

Binanın sakinləri qaz problemi ilə bağlı dəfələrlə müxtəlif instansiyalara müraciət etsələr də, hələlik müsbət cavab verən yoxdur
© Sputnik / Ramil Ibrahimov
Binanın sakinləri qaz problemi ilə bağlı dəfələrlə müxtəlif instansiyalara müraciət etsələr də, hələlik müsbət cavab verən yoxdur

"Qışda elə oduna çəkilən xərc 600-700 manat eləyir. Otaqları isitmək olmur, uşaqlar xəstələnir, onların dava-dərmanına da xərc çəkmək lazım olur. Pul olanda ala bilirik, olmayanda qalırıq belə. Elə olur ki, 800 manat görmür, borclanırıq. Bərdə Rayon İcra Hakimiyyətinə, yerli qaz idarəsinə yazmışıq, nəticə yoxdu" – deyir məcburi köçkün Telman Orucov bildirir.

Problemlə bağlı Bərdə Rayon İcra Hakimiyyətindən Sputnik Azərbaycan-a bildirdilər ki, sözügedən bina vaxtı ilə rayondakı kolxozlardan birinə məxsus istirahət evi olub. Kolxoz dağılandan sonra isə bina heç kim tərəfindən özəlləşdirilməyib.

Qışda otaqları isitmək üçün ailə üzvləri bəzən odun əvəzinə həyətdəki lazımsız taxtalardan, yaxud da çırpıdan istifadə edirlər
© Sputnik / Ramil Ibrahimov
Qışda otaqları isitmək üçün ailə üzvləri bəzən odun əvəzinə həyətdəki lazımsız taxtalardan, yaxud da çırpıdan istifadə edirlər

Hər hansı təşkilatın balansında da deyil. Bu səbəbdən binaya qaz çəkilməsi haqqında hansısa qurumun rəy verməyə səlahiyyəti yoxdur. Görünür, sahibsiz qalan binanın sahibi tapılana qədər buradakı məcburi köçkünlər elektrik və odun sobalarından istifadə etməyə məcburdurlar.

446
Teqlər:
Məryəm Orucova, məskunlaşma, qış, Ağdam rayonu, çayxana, Sputnik Azərbaycan, Bərdə, elektrik enerjisi, məcburi köçkün, gəlir, sakin, bina, soyuq, isti
Əlaqədar
Prezident qaçqın və məcburi köçkünlərlə bağlı humanist addım atıb
Məcburi köçkünlərə ödəniləcək müavinətin məbləği dəyişdi - Prezident fərmanı
Məcburi köçkünlərin problemləri ilə bağlı göstəriş verildi
Bərdədə məcburi köçkün intihar etdi
Bu kateqoriyadan olan məcburi köçkünlər aylıq müavinət ala bilməyəcəklər
Məcburi köçkünlər üçün güzəştlər ləğv olundu
Bu xəbər məcburi köçkünləri məyus edəcək
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

31
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

31
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0