Qəbələ rayonu Vəndam qəsəbəsindəki yolların vəziyyəti

Abadlığın arxasında gizlənmiş bərbad mənzərə

566
(Yenilənib 12:19 31.05.2017)
Bu yollardan bir dəfə keçənlər üçün, artıq rəngbərəng, göz oxşayan, mənzərələrin o qədər əhəmiyyəti qalmır

İlham Əhmədov, Sputnik Azərbaycan

BAKI, 31 may — Sputnik. Qəbələ rayonunun Vəndam qəsəbəsi, öz abadlığına və müasirliyinə görə bəzi rayonlarımızı da geridə qoyur. Lakin məsələnin görünməyən tərəfləri də varmış.

Vəndam dedikdə, ilk ağla gələn yol kənarında yerləşən təmtəraqlı "Vedrə bazarı"dır. Ancaq "Vedrə bazarı"ndan keçib, bir qədər qəsəbənin içərilərinə doğru irəlilədikdə, palçıqlı, gölməçələr əlindən keçilməz vəziyyətə düşmüş mənzərə ilə qarşılaşırsan. Bu yollardan bir dəfə keçənlər üçün, Vəndam dedikdə, artıq rəngbərəng, göz oxşayan, mənzərələrin o qədər əhəmiyyəti qalmır.

  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
  • Qəbələ rayonu Vəndam qəsəbəsindəki yolların vəziyyəti
    Qəbələ rayonu Vəndam qəsəbəsindəki yolların vəziyyəti
    © Sputnik / Ilham Ahmadov
1 / 7
© Sputnik / Ilham Ahmadov
Qəbələ rayonu Vəndam qəsəbəsindəki yolların vəziyyəti

Əslində, Qəbələnin Vəndam qəsəbəsində qışda palçıq, yayda isə toz əlindən dayanmaq olmur. Qəsəbənin Hasıllı adlanan məhəlləsində isə yoldan söhbət belə, gedə bilməz.

Ərazidən keçən artezian xəttindən sızan su yolu daha da bərbad hala salıb. Yaxınlıqda yerləşən məktəbə getmək üçün hər gün buradan keçən onlarla şagird palçığa batmış halda geri qayıdır.

Problemi Sputnik Azərbaycan-a danışan sakinlər, dəfələrlə aidiyyəti qurumlara müraciət etdiklərini, amma bir nəticənin olmadığını bildirirlər. Məsələ ilə bağlı qəsəbə bələdiyyəsindən isə əməkdaşımıza bildirilib ki, əraziyə baxış keçirilib, tezliklə problemin həlli istiqamətində addımlar atılacaq.

566
Teqlər:
"Vedrə bazarı", abad, Vəndam qəsəbəsi, Qəbələ rayonu, qış, palçıq, yay
Əlaqədar
Millət vəkili: "Bakı-Astara yolu çox bərbad vəziyyətdədir"
Yolların bərbad çəkilməsinə görə kim məsuliyyət daşıyır?
Şamaxıda zəlzələ olmayıb, bəs bu nə mənzərədir?
Qəbələdə fövqəladə hadisə
Co Bayden, arxiv şəkli

Konqresmenlə prezidenti bir tutmayın - Co Baydenin hakimiyyəti Azərbaycana vəd edir?

2
(Yenilənib 15:47 22.01.2021)
"Düzdür, Bayden seçki kampaniyası dönəmində ermənilərlə bağlı onların xoşuna gələcək fikirlər səsləndirirdi. Amma Vaşinqtonda anlayırlar ki, Azərbaycan güclü dövlətdir" - siyasi ekspert

Elvin Səlimov, Sputnik Azərbaycan

BAKI, 22 yanvar — Sputnik. Yanvarın 20-də Vaşinqtonda Co Bayden ABŞ-ın yeni prezidenti olaraq and içib. Səkkiz il vitse-prezident vəzifəsini icra edən Bayden indi ölkə tarixində ən yaşlı prezident olaraq fəaliyyətə başlayıb.

Qeyd edək ki, Prezident İlham Əliyev 2016-cı ilin martında ABŞ-da səfərdə olarkən o dövrdə vitse-prezident vəzifəsini icra edən Co Bayden ilə görüşmüşdü.

Bəs Co Baydenin prezident olmasının Azərbaycan üçün hansı siyasi təsirləri olacaq?

Mövzunu Sputnik Azərbaycan-a şərh edən politoloq Fikrət Sadıxov bildirib ki, Bayden ABŞ-ın həm daxili, həm də xarici siyasətində müəyyən düzəlişlər edəcək: “Bununla belə, yeni prezident ABŞ-ın strateji kursunu dəyişməyəcək. Düzdür, Bayden seçki kampaniyası dönəmində ermənilərlə bağlı onların xoşuna gələcək fikirlər səsləndirirdi. Amma Vaşinqtonda anlayırlar ki, Azərbaycan güclü dövlətdir”.

“Ölkəmiz regionda meqalayihələrin ideya müəllifidir, həm də onların həyata keçirilməsində vacib rol oynayır. Ona görə də yeni administrasiya Azərbaycana münasibətdə real və praqmatik mövqedə dayanmalıdır”, – deyə Fikrət Sadıxov əlavə edib.

Atlas Araşdırmalar Mərkəzinin rəhbəri, politoloq Elxan Şahinoğlu isə deyib ki, Bayden hələ konqresmen olduğu vaxtlarda erməni diasporu ilə sıx əlaqədə olub və Azərbaycana qarşı olan ədalətsiz 907-ci düzəlişin həmmüəlliflərindən biridir.

Politoloq deyir ki, Baydenin konqresmenlik dövründəki fəaliyyəti ilə prezidentlik vəzifəsini eyniləşdirmək olmaz: “O, artıq ABŞ-ın milli təhlükəsizlik və strateji maraqlarından çıxış etməlidir. Bu maraqlar Cənubi Qafqazda Azərbaycanla əməkdaşlığı diktə edir. Amma bu, o demək deyil ki, Baydenin prezidentliyi dönəmində ABŞ-Azərbaycan əməkdaşlığı indikindən daha çox olacaq. Azərbaycan üçün önəmli olan ABŞ-ın onun daxili işlərinə qarışmamasıdır”.

2
Teqlər:
siyasət, prezident, Azərbaycan, Co Bayden
Qaz sayğacı, arxiv şəkli

Qaz sayğacları niyə çox yazır? Konkret cavab üçün yeni qərar verdilər

6
(Yenilənib 15:40 22.01.2021)
Şikayət olunan Almaniya istehsalı 200 ədəd sayğac Bakı şəhərində quraşdırılıb. İlkin partiya olaraq 30 min ədəd belə sayğac da "Azəriqaz"a təhvil verilib

BAKI, 22 yanvar — Sputnik. "Smart tipli qaz sayğaclarının mexaniki sayğaclara dəyişdirilməsi zamanı qaz sərfiyyatının çox olması ilə bağlı ictimaiyyətdə, mətbuatda məlumatlar yayılıb. Biz belə qərara gəldik ki, bütün müraciət edən abonentlərin qaz sayğacları araşdırılsın. Bütün yazılı şəkildə müraciət edən abonentlərin sayğacları araşdırılacaq".

Sputnik Azərbaycan-ın məlumatına görə, bunu "Azəriqaz" İstehsalat Birliyinin baş direktoru Ruslan Əliyev "Facebook" sosial şəbəkəsi üzərindən canlı yayım zamanı bildirib. R.Əliyev həmçinin bildirib ki, əvvəldən ödənişli smart sayğaclar ləğv olunmayıb: "Daha müasir smart sayğacların alışını hazırda da həyata keçiririk. Hazırda Almaniya istehsalı 200 ədəd sayğac Bakı şəhərində quraşdırılıb. İlkin partiya olaraq 30 min ədəd belə sayğac bizə təhvil verilib. Abonentlər müraciət edərsə, 10 iş günü müddətinə əvvəldən ödənişli sayğacla əvəzləyərik".

6

Rəsmi Bakı Avropa Parlamentinin qərəzli iddialarını pislədi

0
"Qətnamədə qardaş Türkiyə ilə bağlı əsassız iddialar əks olunub, həqiqəti əks etdirməyən qərəzli fikirlərə yer verilib. Vurğulayırıq ki, Türkiyə bölgənin aparıcı ölkələrindən biridir"

BAKI, 22 yanvar — Sputnik. "İlk növbədə onu vurğulamaq istərdim ki, bu il yanvarın 20-də Avropa Parlamentinin (AP) qəbul etdiyi illik doktrinal və hüquqi təsirə malik Ümumi Xarici və Təhlükəsizlik Siyasətinin tətbiqi barədə qətnaməsi və 2021-ci il üçün yol xəritəsi sayılan bu hesabat sənədində növbəti dəfə Şərq Tərəfdaşlığı ölkələrinin (o cümlədən Azərbaycanın) beynəlxalq səviyyədə tanınmış sərhədləri çərçivəsində ərazi bütövlüyünə Aİ-nin dəstəyi birmənalı şəkildə əks olundu. Bəzi ermənipərəst dairələrin səylərinə baxmayaraq, 44 günlük Vətən müharibəsindən sonra Avropa İttifaqının Azərbaycanın və digər Şərq Tərəfdaşlığı ölkələrinin ərazi bütövlüyünün və beynəlxalq səviyyədə tanınmış sərhədlərinin toxunulmazlığına dəstəyə dair mövqeyində hər hansı dəyişiklik baş vermədi".

Bunu Sputnik Azərbaycan-a açıqlamasında Xarici İşlər Nazirliyinin Mətbuat xidməti idarəsinin rəisi Leyla Abdullayeva deyib.

"Sənəddə, həmçinin qeyd edilir ki, Azərbaycan, Rusiya və Ermənistan dövlət başçıları tərəfindən 10 noyabr tarixində imzalanmış üçtərəfli bəyanat müsbət qarşılanır, gələcək sülh üçün bu razılaşmanın daha yaxşı perspektivlər açacağına ümid ifadə olunur. Burada, mülki əhalinin öldürülməsi, mülki infrastrukturun dağıldılması, kasetli döyüş sursatlarından istifadə pislənir və bu xüsusda həm Ermənistan, həm də Azərbaycana çağırışlar edilir. Sənəddə məcburi köçkünlər və qaçqınların evlərinə geri qayıtması, ehtiyacı olanlara humanitar yardımın göstərilməsi, habelə müharibə cinayətlərinə məsul olanların qanun qarşısında cavab verməsi kimi məsələlər əks olunub.

Bir sözlə, Avropa Parlamenti qətnaməsi Şərq Tərəfdaşlığı ölkərindəki münaqişələrlə bağlı bütün məsələlərin həllini məhz beynəlxalq hüquq əsasında, ilk növbədə isə ŞT ölkələrinin beynəlxalq sərhədləri çərçivəsində ərazi bütövlüklərinin Aİ tərəfindən qətiyyətli dəstəklənməsi əsasında həll edilməsinin vacibliyini son 4 ildə olduğu kimi bir daha vurğulayıb.

O ki qaldı qətnamədə əks olunmuş bəzi əsassız və gecikmiş məqamlara, onlara aydınlıq gətirmək istərdik. İlk növbədə, bölgənin gələcək statusu və Dağlıq Qarabağın erməni əhalisi və irsinin təhlükəsizliyinin təmin olunması məsələsi ilə bağlı mövqeyimiz bəllidir və birmənalı şəkildə dəfələrlə ifadə olunub. Bu mövqe ilə tanış olmayan AP üzvlərinin diqqətinə bir daha çatdırırıq ki, Azərbaycan Prezidenti status məsələsini tarixin zibilliyinə yollayıb, erməni əhalisinin və irsinin təhlükəsizliyinə gəldikdə isə, Azərbaycan ərazisindəki bütün vətəndaşların hüquqları etnik mənsubiyyətindən və dinindən asılı olmayaraq Azərbaycan Konstitusiyası ilə təmin olunur, tarixi-mədəni abidələr isə dövlət səviyyəsində qorunur.

Qətnamədə qardaş Türkiyə ilə bağlı əsassız iddialar əks olunub, həqiqəti əks etdirməyən qərəzli fikirlərə yer verilib. Vurğulayırıq ki, Türkiyə bölgənin aparıcı ölkələrindən biridir, bölgədə sülh və təhlükəsizliyin təmin olunmasında maraqlıdır və bu xüsusda müstəsna rol oynayır", - deyə Leyla Abdullayeva qeyd edib.

0