Rəhim Rəhimov

Böyrəyi dəyişdirilən aktyor donorunun adını açıqladı

404
Aktyor: "Həmin donor mənim doğma qardaşımın yoldaşı, 2 uşaq anası Pərvanə xanımdır"

BAKI, 28 may — Sputnik. Ötən ilin son aylarında növbəti xəbər teatrsevərləri məyus etdi. Belə ki, Kukla Teatrının aktyoru, uşaqların sevimlisi Rəhim Rəhimovun böyrək çatışmazlığından əziyyət çəkdiyi məlum oldu. Həkimlər, onun tez bir zamanda əməliyyat olunmayacağı təqdirdə vəziyyətin ağır nəticələnə biləcəyi barədə xəbərdarlıq etmişdilər. Nəhayət ki, donor tapıldı və Heydər Əliyev Fondunun prezidenti Mehriban Əliyevanın dəstəyi ilə bu ilin yanvar ayının 11-də ağır əməliyyat həyata keçirildi. Aktyor ağır günlər keçirsə də bərpa prosesini keçə bilib. Nəhayət, 5 aylıq fasilədən sonra Rəhim Rəhimov yenidən səhnədə tamaşaçıların qarşısına çıxıb.

Müəllif və rejissoru Qurban Məsimov, quruluşçu rəssamı Rəvanə Yaqubova olan "Zəng" adlı mono-tamaşanı Fəxri mədəniyyət işçisi, aktyor Rəhim Rəhimov oynayıb. Tənha yaşayan yaşlı kişinin həyatından bəhs edən tamaşada kişinin bir günlük həyatı səhnələşdirilib. Kişi sadəcə bir zəng ümidi ilə yaşayır və həyatının boz keçdiyini tamaşaçıya çatdırmağa çalışır. Tənhalığın nə qədər çətin və kədərli olduğunu nümayiş etdirir. Artıq bu çətinliyə dözməyən qoca özünü asaraq intihar etmək qərarına gəlir. Kəndiri boğazına salan baş rolun ifaçısı həyat ilə vidalaşan zaman çoxdan gözlədiyi zəng gəlir. Bu zaman səhnə qaralır, tamaşaçılar qocanın intihar səhnəsi ilə qarşılaşacaqlarını düşündükləri an səhnənin işıqları yanır və o, sadəcə "ALO" deyir. Çox təsirli səhnə idi. Bu səhnə ilə tamaşaçıya aşılanır ki, insan ən ümidsiz anda belə, ölümün bir addımlığından qayıda bilir. Tənhalığın ölümdən daha qorxulu olduğu nümayiş etdirilən "Zəng" tamaşası tamaşaçıların ayaq üstə alqışları ilə bitdi.

Maraqlıdır ki, tamaşanın nümayiş günü 5 ay sonra səhnəyə qayıdan Rəhim Rəhimovun doğum günü idi. Tamaşaçılar aktyoru təbrik edərək ona can sağlığı arzulayıblar. Hər kəsə təşəkkür edən aktyor onu həyata qaytaran həkimlərinə və ona böyrəyini verən donora minnətdar olduğunu bildirib: "Bu gün məni həyata qaytaran göydə Allaha, yerdə həkimlərimə və mənə canından can verən donoruma təşəkkür etmək istəyirəm. O özünü tanıtmaq istəməsə də, mən bunu özümə borc bilirəm. Həmin donor mənim doğma qardaşımın yoldaşı, 2 uşaq anası Pərvanə xanımdır. Məni həyata qaytardığı üçün təşəkkür edirəm".

Səhnədən tamaşaçıların alqış sədaları ilə ayrılan aktyor tezliklə yeni tamaşalarla səhnədə olacağına söz verdi.

404
Məktəblərin birində, arxiv şəkli

Məktəbdaxili qiymətləndirmənin aparılacağı tarix açıqlandı

2
(Yenilənib 15:33 27.05.2020)
Məktəbdaxili qiymətləndirmələr 15-25 avqust 2020-ci il tarixləri arasında ümumi təhsil müəssisələrinin rəhbərləri tərəfindən aparılır

BAKI, 27 may — Sputnik. Təhsil nazirinin müavini Məhəbbət Vəliyeva rayon (şəhər) təhsil şöbələrinə, nazirliyin birbaşa tabeliyində olan və olmayan ümumi təhsil müəssisələrinə məktub göndərib. Sputnik Azərbaycan-ın məlumatına görə, məktubda 2019-2020-ci il tədris ilində ümumi təhsil pilləsi üzrə təhsil alanların məktəbdaxili qiymətləndirilməsinin aşağıdaki kimi həyata keçirilməsi tapşırılıb:

1. I sinif şagirdlərinin məktəbdaxili qiymətləndirilməsi aparılmasın. Bununla bağlı olaraq I siniflərin sinif jurnalında heç bir qeyd aparılmasın.

2. II-XI sinif şagirdlərinin tədris ilinin birinci yarımili üçün yarımillik balları və qiymətləri onların tədris ili üzrə müvafiq olaraq illik balları və qiymətləri üçün qəbul edilsin. Məsələn, birinci yarımil üzrə müvafiq fənn üzrə balı "60" və qiyməti "3" olan təhsil alanın müvafiq olaraq illik balı "60", qiyməti "3" kimi müəyyən edilsin.

Ümumi təhsil müəssisəsi cari ilin 1-15 iyun 2020-ci il tarixlərində təhsilalanların illik balları və qiymətlərini sinif jurnalında qeyd edir. Eyni zamanda bütün şagirdlərə qiymətləndirmənin nəticələri barədə məlumat verir.

İllik bal və qiymətlər sinif jurnalında müvafiq fənlər üzrə "Qiymətləndirmələr" hissəsində, eyni zamanda "Şagirdlərin təlim nailiyyətləri haqqında yekun məlumat" hissəsində "illik" bölmədə qeyd olunur.

3. Bununla yanaşı, məlumdur ki, Təhsil Nazirliyinin 1 may 2014-cü il tarixli 522 nömrəli əmri ilə təsdiq edilmiş "Ümumtəhsil müəssisələrində şagirdlərin sinifdən sinifə keçirilməsi haqqında müvəqqəti qaydalar"a əsasən 1-3 fəndən (fənlərdən) illik "qeyri-kafi" qiymət almış V-VIII və X sinif şagirldərinə həmin fəndən (fənlərdən) yay tədris tapşırıqları verilir. Eyni zamanda 4 və artıq fəndən illik "qeyri-kafi" qiyməti alan, habelə dərs məşğələlərinə gəlmədiyi üçün biliyi qiymətləndirilməyən V-VIII-X sinif şagirdləri təkrar sinifdə saxlanılır.

Mövcud şəraitdə hər hansı fənn üzrə illik qiyməti "2" olan və bu qiymətlə razılaşmayan V-VIII və X sinif şagirdləri (onların valideynləri və ya qanuni nümayəndələri) illik qiymətin yazıldığı tarixdən 30 gün müddətində məktəbdaxili qiymətləndirmənin təşkili üçün ümumi təhsil müəssisəsinin rəhbərinə müraciət edə bilərlər. Həmin şagirdlərin qiymətləndirilməsi təhsil proqramında (kurikulumda) ikinci yarımil üzrə müəyyənləşdirilmiş məzmun standartları əsasında hazırlanmış qiymətləndirmə vasitələri ilə aparılır. Şagirdin həmin qiymətləndirmədə topladığı ballar onun tədris ili üzrə illik balları kimi qəbul edilir və müəyyən edilmiş müvafiq qiymətə uyğunlaşdırılır.

4. Hər hansı fənn üzrə illik qiyməti "3" və ya "4" olan bu qiymətlə razılaşmayan V-VIII və X sinif şagirdləri (onların valideynləri və ya qanui nümayəndələri) illik qiymətin yazıldığı tarixdən 30 gün müddətində məktəbdaxili qiymətləndirmənin təşkili üçün ümumi təhsil müəssisəsinin rəhbərinə müraciət edə bilərlər. Həmin şagirdlərin qiymətləndirilməsi təhsil proqramında (kurikulumda) ikinci yarımil üzrə müəyyənləşdirilmiş məzmun standartları əsasında hazırlanmış qiymətləndirmə vasitələri ilə aparılır. Şagirdin tədris ili üzrə illik balları onun həmin qiymətləndirmədə topladığı ballar və tədris ilinin birinci yarımilik ballarının ədədi ortası kimi hesablanır və müəyyən edilmiş müvafiq qiymətə uyğunlaşdırılır.

Məsələn, I yarımildə hər hansı fənn üzrə balı "60" olan şagird yenidən qiymətləndirmədə iştirak edərək "80" bal toplamışsa, onun illik balı "70" bal olur və müvafiq olaraq "4" qiymətinə uyğunlaşdırılır.

5. 2019-2020-ci tədris ilinin 1-ci yarımili üzrə ümumi təhsil müəssisələrində üzrlü və ya üzürsüz səbəbdən dərs məşğələlərində iştirak etmədiyi üçün fənn (fənlər) üzrə biliyi qiymətləndirilməyən II-VIII və X siniflər üzrə təhsilalanların məktəbdaxili qiymətləndirilməsi təhsil proqramında (kurikulumda) I yarımil üzrə müəyyənləşdirilmiş məzmun standartları əsasında hazırlanmış qiymətləndirmə vasitələrilə növbəti tədris ili başlayanadək ümumi təhsil ümumi təhsil müəssisələri tərəfindən təşkil edilir. Şagirdin həmin qiymətləndirmədə topladığı ballar onun tədris ili üzrə illikbalları kimi qəbul edilir və müəyyən edilmiş müvafiq qiymətə uyğunlaşdırılır.

6. 2019-2020-ci tədris ilinin I yarımili üzrə ümumi təhsil müəssisələrində üzrlü və ya üzürsüz səbəbdən dərs məşğələlərində iştirak etmədiyi üçün fənn (fənlər) üzrə biliyi qiymətləndirilməyən IX və X siniflər üzrə təhsilalanların illik balı "30" bal, qiyməti isə müvafiq olaraq "2" müəyyən edilir.

7. Beynəlxalq akkreditə edilmiş proqramlar üzrə və ya xarici ölkələrdə təhsil almış və 2019-2020-ci tədris ilinin II yarımilində dövlət ümumi təhsil müəssisələrində yerdəyişmə etmiş II-VIII və X siniflər üzrə təhsilalanların illik qiyməti ümumi təhsil müəssisələri tərəfindən növbəti tədris ili başlayanadək təşkil edilən qiymətləndirmə nəticəsində müəyyən edilir.

8. Məktəbdaxili qiymətləndirmələr 15-25 avqust 2020-ci il tarixləri arasında ümumi təhsil müəssisələrinin rəhbərləri tərəfindən aparılır.

Bu məktubun 3-7-ci bəndləri üzrə qiymətləndirmənin nəticələri (illik bal və qiymətlər) sinif jurnalında müvafiq fənlər üzrə "Qiymətləndirmə" hissəsində növbəti yanaşı sütunlarda, eyni zamanda "şagirlərin təlim nailiyyətləri haqqında yekun məlumat" hissəsində "Payız imtahanı" bölməsində qeyd olunur.

Bütün qiymətləndirmələr yekunlaşdıqdan sonra bütün təhsilalanların bal və qiymətləri sinif jurnalının "şagirdlərin təlim nailiyyətləri haqqında yekun məlumat" hissəsində "saatların miqdarı" bölməsində 2019-2020-ci tədris ilinin I yarımili üzrə dərs saatları qeyd olunur.

Qeyd olunub ki, illik qiymətləndirmənin qeyd olunması prosesi və məktəbdaxili qiymətləndirmələr ümumi təhsil müəssisələri tərəfindən "İmtahanlar zamanı koronavirus infeksiyasının (COVID-19) profilaktikasına dair metodiki göstərişlərə nəzərə alınaraq təşkil edilməlidir. Yəni təhsilalanlar və təhsilverənlər ümumi təhsil müəssisəsinə gələrkən sanitar-epidemoloji qaydalara riayət etməlidirlər (tibbi maskadan istifadə, məsafənin saxlanılması, çox sayda insanın bir gündə gəlməməsi və s.).

Məktubda bildirilib ki, II-VIII və X siniflərdə məktəbdaxili qiymətləndirmənin nəticələrinə əsasən təhsilalanların sinifdən-sinifə keçirilməsi Azərbaycan Respublikasının Təhsil Nazirliyinin 1 may 2014-cü il tarixli 522 nömrəli əmri ilə təsdiq edilmiş "Ümumi təhsil müəssisələrində şagirdlərin sinifdən-sinifə keçirilməsi haqqında müvəqqəti qaydalar"a əsasən tənzimlənir.

Xatırladaq ki, koronavirus (COVID-19) infeksiyasının yayılmasının qarşısının alınması məqsədilə Azərbaycan Respublikası ərazisində həyata keçirilən tədbirlər nəzərə alınaraq, Təhsil Nazirliyinin Kollegiyasının 21.05.2020-ci il tarixli KQ-03 nömrəli qərarı ilə "Ümumi təhsil pilləsində təhsil alanların attestasiyasının (məktəbdaxili qiymətləndirilmənin) aparılmasının müvəqqəti qaydası" təsdiq edilib. "Ümumtəhsil pilləsində təhsilalanların attestasiyasının (məktəbdaxili qiymətləndirilmə) aparılmasının müvəqqəti qaydası" 2020-ci il oktyabrın 1-dək qüvvədədir.

2
Restoran, arxiv şəkli

Bakıda italyansayağı kefə "soğan doğradılar" - FOTO

12
(Yenilənib 15:25 27.05.2020)
Bakı Nəqliyyat Agentliyi paytaxtın mərkəzi küçəsində restoranın qarşısına, piyada səkilərinə düzülən masaların yığışdırılmasına nail olub

BAKI, 27 may — Sputnik. Bakıda daha bir restoran sahibinin qanunsuz hərəkətinin qarşısı alınıb. Sputnik Azərbaycan-ın məlumatına görə, Bakı Nəqliyyat Agentliyi paytaxtın mərkəzi küçəsində restoranın qarşısına, piyada səkilərinə düzülən masaların yığışdırılmasına nail olub.

Bu barədə Bakı Nəqliyyat Agentliyinin mətbuat katibi Mais Ağayev məlumat yayıb: "Sosial şəbəkələrdə Əziz Əliyev küçəsindəki restoranların birinin qarşısında yolun hərəkət hissəsində masanın qoyulmasını əks etdirən fotolar nəzarətə götürülüb. Bakı Nəqliyyat Agentliyinin ərazidə xidmət aparan əməkdaşlarının müdaxiləsi ilə masa yolun hərəkət hissəsindən götürülüb".

12
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Bakı restoranlarının “B Planı” yoxdur: pandemiya zamanı bizneslər sağ qalmağa çalışır
Dolub-boşalan kafelər, küçələrdə gəzənlər: Bakıda karantinin yumşaldılması
Polis prezidenti... bağlı restoranda tapdı
Bakıda saat 18-dən sonra gizli fəaliyyət göstərən restoran aşkarlandı
Özlərini qanundan üstün sayırdılar, indi altını çəkirlər