Allahşükür Paşazadə

Şeyxülislamdan sərt xəbərdarlıq

2983
(Yenilənib 15:59 24.05.2017)
Allahşükür Paşazadə: "Məni sizi işdən uzaqlaşdırmaq məcburiyyətində qoymayın"

BAKI, 24 may — Sputnik. "Din xadimləri, mollalar, axundlar Ramazan ayında iftara qədər ehsan verilən məclislərdə iştirak etməməlidirlər. Əslində məclislərdə iftara qədər ehsan verilməməlidir. Bu Allah qarşısında günahdır. Mən bu barədə tez-tez eşidirəm".

Təzəpir məscidi, arxiv şəkli
© Sputnik / Murad Orujov

Sputnik Azərbaycan xəbər verir ki, bu barədə Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə, Ramazan ayı ilə bağlı keçirilən tədbirdə danışıb. O bildirib ki, ötən il həmin şəxslər haqqında müəyyən ölçü götürülmək istənilsə də, ilk il olduğu üçün qərarı növbəti ilə saxlayıblar.

"Ramazan ayında iftaröncəsi yemək verilən məclislərdə iştirak edən din xadimləri vəzifələrindən uzaqlaşdırılacaq. Məni sizi işdən uzaqlaşdırmaq məcburiyyətində qoymayın" — Paşazadə bildirib.

O, məclislərdə iftardan öncə ehsan verilməsinin günah olduğunu deyib: "Bunu məclis sahibi bilməyə bilər. Amma siz yaxşı bilirsiniz".

"Bir daha qeyd edirəm, din xadimləri ehsan verilən məclislərdə iştirak etməməlidir. Kim belə halla qarşılaşsa, bizə xəbər verməsini istəyirəm. Belə şəxslər haqqında lazımi ölçü götürüləcək" — o, sərt xəbərdarlıq edib.

A. Paşazadə həmçinin qeyd edib ki, QMİ tərəfindən verilən fətva və təqvim bütün ölkə ərazisində istifadə edilməlidir: "Bizə İrandan, Marağadan, Türkiyədən təklif edilib ki, birgə təqvim hazırlansın. Lakin mən bildirmişəm ki, bizim elmimiz var, rəsədxanamız var və öz təqvimimiz olacaq".

2983
Teqlər:
ehsan, din xadimləri, iştirak, məclis, axund, günah, molla, iftar, Ramazan ayı, Şeyxülislam Hacı Allahşükür Paşazadə, Allah, Qafqaz Müsəlmanları İdarəsi
Əlaqədar
Allahşükür Paşazadə və Mübariz Qurbanlı Türkiyəyə gedəcək
Allahşükür Paşazadə də Fətullah Gülənlə mübarizəyə qoşuldu
Görün Allahşükür Paşazadə ABŞ səfirinə nə dedi
Allahşükür Paşazadə Heydər məscidində ilk dəfə xütbə oxuyub
Allahşükür Paşazadə Azərbaycan xalqını təbrik edib
Allahşükür Paşazadə: Bəzi dini icmalar başqa yerlərə işləyirlər
Vladimir Putin Allahşükür Paşazadəni Fəxri Fərmanla təltif edib