FHN Yanğından Mühafizə Hissəsi

"Hər küncə bir yanğınsöndürən yerləşdirə bilmərik" FHN ittihamlara cavab verdi

5970
(Yenilənib 21:13 24.05.2017)
Fövqəladə Hallar Nazirliyinin Dövlət Yanğından Mühafizə Xidmətinin məsul əməkdaşı sosial şəbəkə istifadəçilərinin ittihamlarına cavab verib

BAKI, 24 may — Sputnik. Azərbaycan yanğınsöndürənləri hazırlıq səviyyəsinə görə, Amerika və avropalı həmkarlarından geri qalmırlar. Bunu Sputnik Azərbaycan-a Fövqəladə Hallar Nazirliyinin (FHN) Dövlət Yanğından Mühafizə Xidmətinin rəis müavini, polkovnik Rza Xudiyev, sosial şəbəkə istifadəçilərinin yanğınsöndürənlərin ünvanına səsləndirdikləri ittihamları şərh edərkən deyib.

Qeyd edək ki, Ziya Bünyadov prospektində baş verən və iki qardaşın – Aleksandr (1954-cü il təvəllüdlü) və Anatoli (1952-ci il) Çekulayevlərin ölümü ilə nəticələnən yanğınla bağlı "Facebook" sosial şəbəkəsində hadisə yerindən çəkilmiş video yayılıb. Şəbəkə istifadəçiləri bildiriblər ki, yanğınsöndürənlər həmişə olduğu kimi hadisə yerinə gec – hər şey yanandan və adamlar öləndən sonra gəliblər.

Xudiyevin sözlərinə görə, çağırışla bağlı bütün informasiyalar diskə yazılır: "Kim zəng edib, nə vaxt zəng edib, yoxlaya bilərsiniz. Sözügedən yanğın Ziya Bünyadov prospektindəki ikinci dərəcəli yolda yerləşən evdə baş verib. Orada hərəkət birtərəflidir və hadisə baş verən vaxt həmin sahədə sıxlıq olub və avtomobillər saatda 5 kilometr sürətlə hərəkət ediblər. Bütün bu məqamları nəzərə alanda yanğınsöndürənlər hadisə yerinə vaxtında çatıblar. Normativə əsasən, yanğınsöndürənlər çağırışdan 1 dəqiqə sonra depodan çıxırlar".

Məlumdur ki, Çekulayevlərin mənzili "Xruşşovka"nın dördüncü mərtəbəsində olub və orada qaz sızması nəticəsində partlayış baş verib. Qaz plitəsi boruya rezin şlanqla bərkidilib ki, oradan da qaz sızıb. Partlayış dalğası mənzilin pəncərəsini elə vurub atıb ki, o, həyətdə park edilmiş "Niva" markalı avtomobilin üstünə düşüb.

"Yanğından mühafizə maşınları GPRS sisteminə qoşulub və həmişə qısa yolu seçir ki, yanğın yerinə tez çatsın. Hesablamaya görə, partlayışdan sonra 10-11 dəqiqə ərzində hadisə yerinə çatıblar. Bununla yanaşı, Azərbaycanda minik avtomobillərinin və avtobusların sürücüləri xüsusi xidmət avtomobillərini buraxmırlar. Bizim vətəndaşlarımız ancaq tənqid etməyi bacarır" – deyə rəis müavini bildirib.

Sözügedən yanğın hadisəsinin baş verdiyi binadakı qonşu mənzildə iki azyaşlı uşaq olub. Uşaqlar evakuasiya edilib. Ümumilikdə həmin vaxt blokda olan 7 nəfər təxliyə edilib. Yanğın yarım saat ərzində söndürülüb. Ümumilikdə söndürülmə prosesi 40 dəqiqə çəkib ki, yanğın tamamilə aradan qaldırılsın. Yanğınsöndürənlər qonşu mənzilləri qoruyublar.

Çekulayev qardaşları haqqında qonşuların dediklərinə görə, onlar alkoqol aludəçisi olublar. Əvvəllər onların üçotaqlı mənzilləri olub. Sonra onu ikiotaqlı mənzilə dəyişiblər. Sonra isə ümumiyyətlə birotaqlıya köçüblər. Onların ailəsi olmayıb. Ehtimal ki, partlayış vaxtı onlar sərxoş olublar. Xudiyevin sözlərinə görə, Çekulayevlərin mənzili əsl zibilliyə çevrilibmiş, orada zibil əlindən sərbəst tərpənmək mümkün deyilmiş.

"Vətəndaşlar başa düşməlidirlər ki, yanğınsöndürən avtomobillər hər küncdə növbə çəkmirlər, onların öz dislokasiya yerləri var. Hər bir yanğınsöndürənin öz sahəsi var. Biz hər il şəhərdə 50 yanğınsöndürmə sahəsi qura bilmərik. Normaya görə, çıxış radiusu 5 kilometr olmalıdır. Amma bu gün çıxış radiusu normadan artıqdır. Azərbaycan neft ölkəsidir. Bakıda yanğınsöndürmə bölmələri 150 ildir mövcuddur. Sosial şəbəkə istifadəçilərinə demək istəyirəm ki, bizim xidmətlərin işini qınamaq lazım deyil" — deyə Xudiyev bildirib.

5970
Teqlər:
Çekulayev, Anatoli, Aleksandr, Rza Xudiyev, yanğınsöndürən, Ziya Bünyadov prospekti, FHN, Fövqəladə Hallar Nazirliyi, Amerika, Azərbaycan, sosial şəbəkə, yanğın
Əlaqədar
Paytaxtın mərkəzində yanğın
Sumqayıtda yanğın baş verib
Xırdalanda yanğın olub
Yanğın kəndliləri qorxuya saldı
Cəbhə xəttində yanğın baş verib
Ölkənin ikinci böyük şəhərində yanğın
"Hyundai" ilə "Kamaz"ın toqquşması güclü yanğına səbəb oldu
Yasamalda yaşayış binasında yanğın olub
Yanğında 120 nəfər xəsarət alıb
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

151
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

151