Azərbaycan manatı, arxiv şəkli

Aylıq bir milyon manat gəliri olan şəxsə 150 manat cərimə

1039
(Yenilənib 18:31 24.05.2017)
"Bəzən elə olur ki, şəxs qanun pozuntuları ilə fəaliyyət göstərərkən daha çox gəlir əldə edir və bu zaman cərimənin məbləği onu qorxutmur"

BAKI, 24 may — Sputnik. "Kabel televiziyaları vətəndaşların hüquqlarını pozur. Orada 5-6 adam oturur, pul qazanır". Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) icra katibinin müavini Siyavuş Novruzov parlamentin mayın 16-da keçirilən iclasında "Kabel şəbəkəsi yayımı haqqında" qanun layihəsinin müzakirəsi zamanı belə deyib.

Hüquqşünas Ələsgər Məmmədli
© Photo : From the personal archive of Alesger Mamedli
Hüquqşünas Ələsgər Məmmədli

O, bildirib ki, kabel televiziyaları qanunun tələblərinə əməl etmir: "Ona görə də cərimənin miqdarını elə həddə qoymaq lazımdır ki, məsuliyyətli olsunlar. Hazırda cərimənin məbləği 150 manatdır. İzləyici məhkəməyə müraciət edərsə, onlar da 150 manatla işlərini həll edəcəklər. Bu xidmətlər keyfiyyətli deyil, qar yağanda, külək əsəndə kanal pozulur. Bundan başqa, vətəndaşa seçim imkanı da yaratmırlar. Bütün bunlara baxmayaraq, onların pulundan 1 manat kəsmək olmur".

Məsələ ilə bağlı Sputnik Azərbaycan-a açıqlama verən media hüququ üzrə ekspert Ələsgər Məmmədli deyib ki, bununla bağlı müəyyən texniki standartlara nəzarət etməli olan qurum Milli Televiziya və Radio Şurasıdır: "Şura infrastrukturu olmayan, texniki baxımdan hazır olmayan hansısa şəbəkə yayımına lisenziya verməməlidir. Əgər standartlara cavab verməyənləri şəbəkəyə qoşursa və ya onlara lisenziya verirsə, deməli, burada məsuliyyət həm də bu qurumundur. Məncə, bir az məsələyə bu tərəfdən baxmaq lazımdır".

Cərimə
© Karikatura
Cərimə

Ekspertin fikrincə, kabel şəbəkəsindəki problemlər tək texniki məsələlərlə bitmir: "Məsələn, abunəçinin şəbəkə ilə olan müqaviləsində hər hansı bir kəsinti göstərilməsə də, hansısa xüsusi günlərdə hansısa kanalların yayımı kəsilə bilir. Bunlar heç bir xəbərdarlıq olunmadan baş verir. Bu, heç bir qanunda göstərilməyib. Bunlar da pozuntudur".

Ə. Məmmədlinin sözlərinə görə, cərimə mexanizmi elə olmalıdır ki, şəbəkələr qanun pozmaqdan çəkinsin: "Düzdür, fəaliyyəti tamamilə iflic edən cərimə olmamalıdır. Amma eyni zamanda da, cərimə balanslı olmalıdır. Məsələn, 100 min abunəçisi olan və 1 ayda 100 min abunəçinin hərəsindən 10 manat pul almaq şərti ilə 1 milyon manat pul qazanan bir kabel şəbəkəsi 150 manat cərimələnirsə, əlbəttə ki, bu, onun üçün çətin olmayacaq. Deməli, bu baxımdan burada da balanslı yanaşma olmalıdır. Bununla bağlı iddialar doğrudur".

Vəkil Elyar Həsənov
© E.Həsənovun şəxsi arxivindən
Vəkil Elyar Həsənov

Hüquqşünas Elyar Həsənov da Sputnik Azərbaycan-a açıqlamasında deyib ki, qanunvericilikdə şəxsin qanun pozuntusuna yol verməməsi üçün cəza nəzərdə tutulub: "Cərimə cəzası varsa, çalışırıq ki, qanun pozuntusuna yol verməyək və cərimə olunmayaq. Bəzən elə olur ki, şəxs bu və ya digər sahədə pozuntularla fəaliyyət göstərərkən daha çox gəlir əldə edir və bu zaman cərimənin məbləği onu qorxutmur".

"Məsələn, bəzi növ heyvanların icazəsiz ovlanması qadağandır. Amma cərimədən qorxmayaraq ovlayırlar. Çünki həmin heyvanların qanunsuz ovlanmasına görə cərimənin məbləği ov üçün icazə rüsumunun məbləğindən azdır" — E. Həsənov vurğulayıb.

Hüquqşünasın sözlərinə görə, cərimənin məbləği elə olmalıdır ki, şəxs qanun pozuntusu törətməkdən yayınsın, daha məsuliyyətli olsun, keyfiyyətli xidmət göstərsin: "Amma şəxs düşünür ki, keyfiyyətsiz xidmət göstərsə də, on minlərlə manat pul qazanır və uzaqbaşı 150 manat cərimə verəcək. O zaman bu cərimə artıq effekt verməyəcək".

Onun fikrincə, ümumilikdə götürəndə, qanun pozuntularının qarşısını cərimələrin artırılması yolu almaq üsulu arzuolunan deyil: "Arzuolunan üsul hüquq düşüncəsinin, psixologiyanın inkişaf etdirilməsidir. Şirkətlər anlamalıdırlar ki, cərimənin məbləğindən asılı olmayaraq onlar keyfiyyətli iş görməlidirlər. Amma qanun pozuntusundan yayındırmaq üçün cərimənin artırılması da bir metoddur".

1039
Teqlər:
izləyici, kabel televiziyaları, hüquqşünas, Ələsgər Məmmədli, Elyar Həsənov, Sputnik Azərbaycan, vətəndaş, Milli Televiziya və Radio Şurası, pul, ekspert, Milli Məclis, hüquq
Əlaqədar
Qulu Məhərrəmli: “Televiziyaların diskussiya proqramları bəsit və maraqsızdır”
Kabel televiziyası abunəçiləri üçün bəd xəbər
Televiziyalarda bu tipli proqramlar bağlanır
Azərbaycan prezidenti televiziya və radio işçilərini təltif edib
“ANS-in Milli Televiziya və Radio Şurasına borcu qalıb”
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

14
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

14
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19