Günbəzli hamam

Quba sakinlərini qədim hamamın buxarında boğub, cəsədlərini çaya atıblar

524
(Yenilənib 12:27 23.05.2017)
Qubadakı tarixi hamamı ABŞ-ın Azərbaycandakı səfirliyi bərpa etdirir

Leyla Abdullayeva, Sputnik Azərbaycan

BAKI, 23 may — Sputnik. Öz zəngin tarixi memarlıq abidələri ilə ölkəmizin tarixinə rəng qatan regionlarından da biri də Quba rayonudur. Quba rayonunun mərkəzində yerləşən "Günbəzli hamam" isə memarlıq üslubu və formasına görə seçilən abidələrdəndir.

"Günbəzli hamam" və ya el arasında "Çuxur hamam" kimi tanınan memarlıq abidəsi XVII-XIX əsrlərə aid edilir. O, Şəqr memarlığınını incilərindən sayılır.

Bu abidə həm də ona görə qiymətlidir ki, məşhur fransız yazıçısı Aleksandr Düma Qafqaz səyahəti zamanı "Çuxur hamam"da çimib. Yerli əhalinin söylədiyinə görə, 1918-ci ildə ermənilər Qubada törədilən soyqırımı zamanı adamları "Çuxur hamam"ın buxarında boğub, sonra isə cəsədləri çalaya töküblər.

Hamamın binası qırmızı kərpicdən inşa olunub. Hamam planda dördbucaqlı olub. Əsas baş giriş qapısı şimal tərəfdəndir. Onun qırmızı kərpicdən tikilən günbəzi lazımi temperaturu və rütubəti saxlamağa kömək edir. "Günbəzli hamam" 6 otaqdan ibarət olub, 2 qapısı və 6 pəncərəsi var.

Sözügedən hamam 1985-ci ilə kimi istifadə olunub. Mədəniyyət Nazirliyinin istehsalat və elmi bərpa emalatxanasının Quba sahəsi üzrə briqadası 1986-1987-ci illərdə burada bərpa işləri aparıb. Bərpa işləri başa çatdıqdan sonra "Günbəzli hamam" bir neçə koorperativ şirkətə icarəyə verilib. Lakin onlar bu vaxta kimi orada heç bir iş görməyiblər.

Günbəzli hamam
© Sputnik / Leyla Abdullayeva
"Günbəzli hamam"

Bina baxımsızlıq üzündən və nəmdən pis vəziyyətə düşüb. Qapı-pəncərəsi oğurlanıb, kanalizasiya sistemi tutulub, divarları dağılıb. Hamamın içərisi də bərbad vəziyyətdədir.

Rayonun ziyalıları, eləcə də digər sakinlər hamamın bu halından narahat olublar. Onlar qədim tarixi abidənin gözlər önündə məhv olduğunu görüb, əlaqədar qurumlara müraciət ediblər. Nəhayət onların müraciətinə reaksiya verilib. Uzun illərdən sonra — 2016-cı ildə hamamın təmirinə qərar verilib.

Hamamın təmirində icraçı mühəndis vəzifəsini icra edən İsrayıl Cabbarov Sputnik Azərbaycan-a təmir işləri ilə bağlı məlumat verib: "Təmir işlərinə 2016-cı ilin əvvəllərində başlanılıb. Biz təmir işlərinə başlayanda, hamamın vəziyyəti çox acınacaqlı idi. Vəziyyət o dərəcəyə çatmışdı ki, hamamın divarları dağılıb, kərpicləri eroziyaya məruz qalmışdı".

"Təmir işləri üç mərhələli aparılır. Artıq ikinci mərhələdəyik. İlkin mərhələdə ancaq çat hissələri, sökülən yerləri təmir etdik. Demək olar ki, fasad hissələrini yenidən tikdik. Sökülüb-dağılmış hissələrin orijinallığını qoruyub saxlamaqla təmir etmək böyük ustalıq tələb edirdi. Çünki hamamın tikintisində demək olar ki, heç bir yapışdırıcı məhluldan istifadə olunmayıb" — mühəndis bildirib.

İ. Cabbarovun dediyinə görə, hər hansı kiçik bir səhv binanın tamamilə dağılmasına səbəb ola bilərdi: "Bu işi yüksək səviyyədə bacardığımız üçün çox şadıq. İkinci mərhələdə hamamın çöl hissəsində təmir və yenidənqurma işləri aparılır. Üçüncü mərhələdə isə içəri hissələrində kərpiclərin arakəsmələrinin yenidən işlənməsi olacaq. 2017-ci ilin sentyabr ayında təmir işlərinin başa çatdırılması nəzərdə tutulub".

Həmsöhbətimiz hamamın təmirinin ABŞ-ın Azərbaycandakı səfirliyi tərəfindən maliyyələşdirildiyini deyd edib. Təmir-tikinti işlərini "Qaya" MMC həyata keçirir. O, Mədəniyyət və Turizm Nazirliyinin nümayəndələrinin təmir işləri ilə yaxından maraqlandıqlarını da vurğulayıb.

524
Teqlər:
İsrayıl Cabbarov, "Çuxur hamam", "Günbəzli hamam", memarlıq abidələri, tarixi memarlıq abidələri, Sputnik Azərbaycan, təmir, Quba rayonu, Mədəniyyət və Turizm Nazirliyi, tarix
Əlaqədar
XIX əsrin möcüzəli hamamları
Azərbaycan tarixini yaradan adam
"Tarixinə sahib çıxmayan xalq ölümə məhkumdur"
Qədərinə tərk edilmiş tarix
Min beş yüz illik tarix gözümüzün önündə məhv olur
"Tarixi-Nadir"i oxumaq istəyənlərə müjdə
YPX avtomobili, arxiv şəkli

DYP sürücülərə xəbərdarlıq etdi

5
Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır.

BAKI, 27 noyabr — Sputnik. Baş Dövlət Yol Polisi İdarəsi texniki baxışla bağlı sürücülərə müraciət edib. Sputnik Azərbaycan Daxili İşlər Nazirliyinin Baş Dövlət Yol Polisi İdarəsinin məlumatına istinadla xəbər verir ki, texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan nəqliyyat vasitələrini texniki baxışdan keçirmək üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonu ərazisində yerləşən Texniki Müayinə Mərkəzi, Sumqayıt Regional qeydiyyat-imtahan və texniki baxış şöbəsi ilə yanaşı paytaxtın Qaradağ rayonunun Lökbatan dairəsindən Yeni Yasamal yaşayış massivinə gedən yolun 2-ci kilometrliyində yerləşən (Sədərək Ticatət Mərkəzinin yanı) yeni istifadəyə verilmiş və müаsir аvadаnlıq və ölçü cihаzlаrı ilə təchiz edilmiş Müayinə Mərkəzində, respublikanın digər şəhər və rayon sakinləri isə yaşadıqları ərazinin aid olduğu Baş DYP İdarəsinin Regional qeydiyyat-imtahan və texniki baxış şöbələrində nəqliyyat vasitələrini texniki baxışa təqdim etməlidirlər.

Nəqliyyat vasitəsinin texniki sazlığının yol hərəkəti təhlükəsizliyinə bilavasitə təsirini nəzərə alaraq, DİN Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır və bu xətaya yol vermiş şəxslər Azərbaycan Respublikası İnzibati Xətalar Məcəlləsinin 339.1-1-ci ilə inzibati məsuliyyət daşıyırlar.

5
Teqlər:
Daxili İşlər Nazirliyi, Abşeron rayonu, Sumqayıt, DYP
Uşaq televizora baxır, arxiv şəkli

"Tıq-tıq dostları möcüzələr axtarışında" filminin 2-ci hissəsi çəkilir

3
(Yenilənib 13:18 27.11.2020)
Bu sirli hadisələrin ən yaxşı tərəfi Tıq-tıqa yeni bir dost qazandırması olacaqdır. Filmin istehsalının 2021-ci ilin mart ayında tamamlanacağı və tamaşaçılara təqdim olunacağı gözlənilir.

BAKI, 27 noyabr — Sputnik. "Azanfilm" studiyası "Tıq-tıq və dostları möcüzələr axtarışında" maarifləndirici, çoxhissəli animasiya filminin 2-ci hissəsinin istehsalını davam etdirir.

Sputnik Azərbaycan xəbər verir ki, animasiya filminin 2-ci hissəsində Tıq-tıq öz dostları ilə qədim yaşayış məskənlərimizdən olan Qobustana səyahət edir. Qobustan barədə maraqlı məlumatları balacalara çatdıracaq filmdə qəhrəmanlarımızın başlarına qeyri-adi və sirli hadisələr də gələcək. Bu sirli hadisələrin ən yaxşı tərəfi Tıq-tıqa yeni bir dost qazandırması olacaq.

Filmin istehsalının 2021-ci ilin mart ayında tamamlanacağı və tamaşaçılara təqdim olunacağı gözlənilir.

Mədəniyyət Nazirliyinin sifarişi ilə istehsal olunan animasiya filminin ssenari müəllifi və quruluşçu rejissoru Sultan Abbasbəyli, bəstəkarı Azər Hacıəsgərli, rəssamı Kübra Binnətova, redaktoru Yusif Şeyxov, səs rejissoru Mehman Nadirov, prodüseri Mansur Şəfiyevdir.

3
Teqlər:
Mədəniyyət Nazirliyi, film, studiya
Rusiya Prezidenti Vladimir Putin, arxiv şəkli

Putinin suallara cavab verəcəyi konkret tarix bilindi

0
(Yenilənib 13:28 27.11.2020)
Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.

BAKI, 27 noyabr — Sputnik. Rusiya Prezidenti Vladimir Putin ilin yekunları ilə bağlı dekabrın 17-si mətbuat konfransı keçirəcək. Sputnik Azərbaycan xəbər verir ki, bu barədə Kremlin mətbuat xidməti məlumat yayıb.

"Noyabrın 29-u saat 12:00-da Rusiya Federasiyasının mətbuat xidməti və informasiya idarəsi jurnalistlərin akkreditasiyasına başlayacaq", - deyə məlumatda qeyd olunur.

Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.

0