Baku 2017 yarışları üçün ayrılmış xətt

İslamiada ilə bağlı ağır ittiham təsdiqini tapmadı

12223
(Yenilənib 14:09 19.05.2017)
Hər iki strukturun nümayəndələri əmindirlər ki, İslamiada üçün nəzərdə tutulmuş zolaqlarda hərəkətə icazə verən yapışqanlı etiketin satışı mümkün deyil

BAKI, 19 may — Sputnik. İslamiadaya aid nəqliyyat vasitələrinin hərəkəti üçün nəzərdə tutulmuş zolaqlara giriş üçün xüsusi icazənin əldə edilməsi ilə bağlı proses çox ciddi xarakter daşıyır. Bunu Sputnik Azərbaycan-a IV İslam Həmrəyliyi Oyunlarının (İslamiada) Təşkilat Komitəsinin ictimaiyyətlə əlaqələrə məsul olan nümayəndəsi Səmayə Cəfərova bildirib.

Qeyd edək ki, son günlər sosial şəbəkələrdə IV İslam Həmrəyliyi Oyunlarının avtomobillərinin hərəkəti üçün nəzərdə tutulan yol zolaqlarında hərəkətə icazə verən xüsusi avtomobil etiketlərini 500 manata almağın mümkün olduğu barədə kəskin müzakirələr gedir.

Təşkilat Komitəsinin xüsusi ayrılmış zolaqlarda hərəkət üçün verdiyi icazə kağızı olmadan orada hərəkət edən sürücülər inzibati qaydada 40 manat cərimə ilə cəzalandırılır. Cəfərova sözügedən etiketlərin satılması ilə bağlı şayiələri təkzib edib və bildirib ki, bu etiketlər yalnız beynəlxalq tədbirin təşkilatçıları və iştirakçılarına verilir.

Eyni zamanda, Bakı Şəhər Baş Dövlət Yol Polis İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov da 500 manat söhbətinin sadəcə şayiə olduğunu deyib. O, bəyan edib ki, bu əks-təbliğat ölkənin imicini korlamaq üçün aparılır: "Mən IV İslam Həmrəyliyi Oyunlarının Təşkilat Komitəsinin tədbirlərində iştirak etmişəm və şəxsən şahid olmuşam ki, fərqləndirici nişanlar yalnız onlar üçün ayrılmış maşınlara verilib".

Əsədov hesab edir ki, heç kəs İslam Oyunlarının axırına kimi "sarı zolaq"la hərəkət etmək üçün pul verməyə və fərqləndirici nişanı almağa razı olmaz. O, həmçinin qeyd edib ki, fərqləndirici nişanları saxtalaşdırmaq da mümkün deyil, çünki onda müşahidə kameralarının qeydə ala biləcəyi xüsusi holoqram var.

Sarı zolaqdan qanunsuz istifadəyə gəlincə, Əsədov bildirib ki, mayın 5-dən indiyə kimi yol polisi bu qanun pozuntusuna görə 900-dən artıq inzibati protokol yazıb. O, ictimaiyyətin diqqətinə onu da çatdırıb ki, yol polisi paytaxt yollarında tıxaclar müşahidə olunan zaman sürücülərə sarı zolaqdan istifadə etməyə icazə verir və bu zaman kameralar bunu qanun pozuntusu kimi qeydə almır.

"Pik saatlarda yollarda yüksək sıxlığın yaranmasının qarşısını almaq məqsədilə biz özümüz hərəkəti tənzimləyirik və bir sıra sürücülərə sarı zolaqla hərəkət etməyi məsləhət görürük. Belə hallarda kamera onları çəkmir" – deyə yol polisinin nümayəndəsi bildirib.

Xatırladaq ki, IV İslam Həmrəyliyi Oyunlarına mayın 12-də start verilib və ayın 22-də başa çatacaq. İslamiadada 20 idman növü üzrə yarışlar keçirilir: yüngül atletika, suya tullanma, üzgüçülük, su polosu, 3х3 basketbol, futbol, bədii və idman gimnastikası, uşu, stolüstü tennis, həndbol, cüdo, yunan-roma və sərbəst güləş, atıcılıq, tennis, voleybol, boks, zorxana, karate, taekvondo və ağır atletika. Oyunlarda 54 ölkədən 3 mindən artıq idmançı iştirak edir.

12223
Teqlər:
icazə kağızı, 500 manat, Təşkilat Komitəsi, Səmayə Cəfərova, İslamiada, IV İslam Həmrəyliyi Oyunları, Bakı Şəhər Baş Dövlət Yol Polis İdarəsi, Vaqif Əsədov
Əlaqədar
İslam Oyunları: Komanda hesabında lider dəyişmir
Yığmamız İslamiadanın bu gününü 13 medalla başa vurub
İslamiadanın azərbaycanlı medalçıları: əsas azarkeşlərdir
IV İslam Həmrəyliyi Oyunlarının açılışından möhtəşəm şounun görüntüləri
Mehriban Əliyeva: "Biz İslam aləmini bir araya gətiririk"
İslam Həmrəyliyi Oyunları açıq elan edilib
 Pandemiya zamanı imtahan

DİM imtahanların vaxtını dəyişdi

93
(Yenilənib 10:53 16.06.2021)
İyulun 1-də keçiriləcək imtahanda sıxlığın yaşanmaması üçün Dövlət İmtahan Mərkəzi tərəfindən addım atılıb.

BAKI, 16 iyun — Sputnik. Məlum olduğu kimi, Dövlət İmtahan Mərkəzi tərəfindən 1 iyul 2021-ci il tarixində müxtəlif növ imtahanların keçirilməsi nəzərdə tutulurdu. Bu imtahanlarda iştirak etmək üçün 26 mindən artıq abituriyent qeydiyyatdan keçib. İmtahanlarda iştirakçıların sıxlığının azaldılması məqsədilə Mərkəz tərəfindən bu imtahanların iyulun 1-də və 2-də müxtəlif şəhər və rayonlarda keçirilməsi qərara alınıb.

İyulun 1-də və ya 2-də imtahan keçiriləcək şəhər və rayonların siyahısı yaxın günlərdə elan olunacaq.

Qeyd edək ki, iyulun 1-də və 2-də aşağıdakı imtahanlar keçiriləcək.

- əvvəlki illərin məzunları üçün qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik təhsil bazasında kolleclərə qəbul imtahanı;

- müsabiqədə buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı;

- qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan;

- aprel ayında keçirilən buraxılış imtahanlarında üzrlü səbəbdən iştirak edə bilməyən XI sinif şagirdləri üçün buraxılış imtahanı;

- eksternat qaydasında imtahan verənlər üçün buraxılış imtahanı.

93

Bakı metrosunda gözlənilməz hadisə: Tunelə tüstü doldu

446
(Yenilənib 09:50 16.06.2021)
Bu gün səhər saatlarında paytaxt metropoliteninin stansiyalarından birinin tunelinə tüstü daxil olub.

BAKI, 16 iyun - Sputnik. Metronun "Əhmədli" stansiyası yaxınlığında şaxtada kabelin giriş sahəsində kabel muftasında qısaqapanma baş verib.

"Bakı Metropoliteni"ndən verilən xəbərə görə, elektrik mühafizəsi dərhal işə düşüb, ehtiyat kabel qoşulub. Ventilyatorlar havanın çıxarılması rejiminə qoşulub və tunelə daxil olmuş tüstü çıxarılıb. Sərnişin təhlükəsizliyi ilə bağlı heç bir problem yaşanmayıb, tənzimləmə məqsədilə qatarların hərəkətində iki dəqiqə vaxt sərf olunub.

Metropolitenin iş rejimində dəyişiklik yoxdur.

446
Здание Министерства иностранных дел Азербайджанской Республики в Баку

Bakıdan Şuşa səfəri ilə bağlı Yerevana sərt cavab Həddiniz deyil

4
(Yenilənib 11:27 16.06.2021)
Azərbaycanın xarici siyasət idarəsi Ermənistan XİN-ə qonşu ölkələrin rəhbərlərinin səfərini şərh etməməyi məsləhət görüb.

BAKI, 16 iyun — Sputnik. Azərbaycan Respublikası Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva KİV-in sualını cavablandırıb. Sputnik Azərbaycan L.Abdullayevaya ünvanlamış sualı və XİN sözçüsünün cavabını təqdim edir:

- Ermənistan XİN-i Azərbaycan və Türkiyə Prezidentlərinin Şuşa səfərini şərh edərək, bu səfəri sülh və təhlükəsizliyə təxribat kimi qiymətləndirib və "Türk-Azərbaycan təcavüzü" ifadəsini işlədib. Bu açıqlamaya münasibətinizi öyrənmək istərdik.

- Öncə qeyd etmək istərdik ki, qonşu ölkələrin rəhbərlərinin səfərini şərh etmək Ermənistan XİN-in həddi deyil.

Qeyd etdiyiniz açıqlamaya gəldikdə isə, hazırda Ermənistan XİN-də rəhbərliyin olmadığını nəzərə alaraq, bu qurumda qalanların və bu açıqlamanı hazırlayanların nəzərinə çatdırmaq istərdik ki, ölkə əz ərazilərini işğal edə bilməz, yalnız işğaldan azad edər. Elə 44 günlük Vətən müharibəsi nəticəsində də Azərbaycan öz torpaqlarını işğaldan azad etdi və ərazi bütövlüyünü təmin etdi.

Ermənistan XİN-inə öz ölkələri də daxil olmaqla, üç ölkə liderləri tərəfindən imzalanmış birgə bəyanatlarla yaxından tanış olmalarını, bu bəyanatların icrasına yönəlik addımlar atmalarını tövsiyə edirik. Ermənistanın illüziyalara söykənərək deyil, real vəziyyəti dərk edərək davranması gərəkdir. Azərbaycan və Türkiyə prezidentlərinin Şuşada imzaladığı Birgə Bəyannamə də məhz sülh və təhlükəsizliyin, yeni əməkdaşlıq imkanlarının təşviq edilməsinə yönəlib.

Prezidentlərin Şuşa səfəri

Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın iyunun 15-də Şuşada rəsmi qarşılanma mərasimi olub.

Hər iki ölkənin dövlət bayraqlarının dalğalandığı meydanda Türkiyə Prezidentinin şərəfinə fəxri qarovul dəstəsi düzülüb.

Azərbaycan Prezidenti İlham Əliyev və birinci xanım Mehriban Əliyeva Türkiyə Prezidenti Rəcəb Tayyib Ərdoğanı və birinci xanım Əminə Ərdoğanı qarşılayıblar.

Fəxri qarovul dəstəsinin rəisi Türkiyə Prezidentinə raport verib. Türkiyə Prezidenti Azərbaycan əsgərlərini salamlayıb. Prezident İlham Əliyev və Prezident Rəcəb Tayyib Ərdoğan fəxri qarovul dəstəsinin qarşısından keçiblər.

Türkiyə Respublikasının və Azərbaycan Respublikasının dövlət himnləri səslənib.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qarşısından keçib.

Şuşa Bəyannaməsi

İyunun 15-də Şuşada Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın təkbətək görüşündən sonra “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalanıb.

Azərbaycan üçün çox önəmli bir tarixdə - Milli Qurtuluş Günündə, Qars müqaviləsindən yüz il sonra iki dost və qardaş ölkə arasında imzalanan müttəfiqlik münasibətlərinə dair Şuşa Bəyannaməsini prezidentlər İlham Əliyev və Rəcəb Tayyib Ərdoğan imzalayıblar.

Azərbaycan və Türkiyə prezidentləri İlham Əliyev və Rəcəb Tayyib Ərdoğan Şuşada təkbətək və geniş tərkibdə görüşlərdən sonra bəyanatla çıxış ediblər.

Həmçinin oxuyun:

Cənab Putin də bu cür fədakarlığa hazırdır - Ərdoğan

Azərbaycan və Türkiyə arasında müttəfiqlik haqqında Şuşa Bəyannaməsi imzalanıb

4