Ovçular evinin ərazisində söküntü işləri

Prezidentin tikintisini dayandırdığı bina ilə bağlı maraqlı fakt üzə çıxdı

2879
Ərazidə bina tikiləcəyi təqdirdə cəmiyyətə 2500 m2 yer veriləcəkmiş

BAKI, 18 may — Sputnik. Bir müddət əvvəl Yasamal rayonu, Həsən bəy Zərdabi küçəsində yerləşən "Ovçular evi"nin binası söküldü. Onun yerində isə tikinti şirkətlərindən biri tərəfindən çoxmərtəbli bina tikiləcəyi barədə xəbər yayıldı. Ancaq "Ovçular Evi"nin sökülməsi, yaxınlıqdakı ağacların məhv edilməsi cəmiyyət tərəfindən birmənalı qarşılanmadı. Nəticədə məsələyə ölkə Prezidenti müdaxilə etdi və tikinti dayandırıldı.

Füzuli Əşrəfov
© Sputnik / STR
Füzuli Əşrəfov

Sputnik Azərbaycan-ın əməkdaşı "Ovçular və Balıqçılar" Birliyinin sədri Füzuli Əşrəfovla görüşərək hazırkı vəziyyəti öyrənib. F. Əşrəfov "Ovçular evi"nin ovçuların öz vəsaitləri hesabına tikildiyini bildirib: "Sadəcə olaraq, son bir neçə ildə Milli Məclislə "Ovçular evi" arasında müzakirələr davam edirdi. Milli Məclis rəsmi şəkildə bizə müraciət ünvanlamışdı. Bildirilirdi ki, bizim ərazidə Milli Məclisin əməkdaşları üçün ev tikilməsi planlaşdırılır".

"Bizim razılığımız və təkliflərimiz istənilmişdi. Biz də öz təkliflərimizi bildirmişdik. Onu da qeyd edim ki, 1992-ci ildə 8 qaçqın ailəsini binamızın 3-cü mərtəbəsində yerləşdirmişdik" — Əşrəfov deyib.

O, bütün problemləri Milli Məclis qarşısında qaldırdıqlarını diqqətə çatdırıb: "Bildirmişdik ki, əgər burada bina tikilməsi planlaşdırılırsa, binada olan qaçqın ailələr köçürülməli, bizim cəmiyyətə müvəqqəti yer verilməli və əgər bina tikilərsə, bizim cəmiyyətə müəyyən yer ayrılmalıdır. Düşünürdük ki, yeni bina tikilərsə, bizə müasir standartlara uyğun yer verilər".

"Ovçular evi"nin təməli 1960-cı ildə qoyulduğu üçün, bina təmirsiz və bərbad vəziyyətdə olub və binaya xüsusi təmir lazım imiş. Cəmiyyətin təmir üçün vəsaiti olmadığına görə, Milli Məclisin təklifi ilə razılığa gəlinir. Belə ki, ərazidə bina tikiləcəyi təqdirdə cəmiyyətə 2500 m2 yer ayrılmalıymış.

"Məsələni Rəyasət Heyətində qaldırdıq. Müzakirələr oldu və 2500 m2 yerin verilməsi məsələsi ilə razılaşdıq. Amma son hadisələrlə əlaqədar həmin binanın tikilməsi ləğv edildi. İndi həmin ərazidə park salınması nəzərdə tutulub" — həmsöhbətimiz vurğulayıb.

Hazırda "Ovçular və Balıqçılar" cəmiyyəti Xəqani 87 ünvanında yerləşir. F. Əşrəfovun dediyinə görə, onlara Milli Məclisin təklif etdiyi yer bura olub: "Hazırda bu binadayıq. Amma gələcəkdə nə olacaq, hələ məlumatımız yoxdur…"

2879
Teqlər:
"Ovçular və Balıqçılar" Birliyi, "Ovçular evi", Füzuli Əşrəfov, Yasamal rayonu, Həsən bəy Zərdabi, bina, Milli Məclis
Əlaqədar
Şəhərin mərkəzində bina yanır
Yasamalda yaşayış binasında yanğın olub
Yaşayış binasında yanğın: sakinlər təxliyə olundu
Bakıda çoxmərtəbəli yaşayış binasında yanğın
Paytaxt binalarının yenidən üzlənməsi təklif olunur
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

99
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

99
 Əldə manat, arxiv şəkli

Onları 1000 manatadək cərimə edəcəklər

5
(Yenilənib 21:30 11.07.2020)
İnzibati Xətalar Məcəlləsində dəyişiklik edilməsi haqqında qanuna edilən dəyişikliklər ciddi cərimələri nəzərdə tutur

BAKI, 11 iyul — Sputnik. Əlilliyi olan şəxslərin əmək hüquqlarını pozan işəgötürənlər 500 manatadək cərimələnəcək. Sputnik Azərbaycan-ın məlumatına görə, bu Prezident İlham Əliyev tərəfindən təsdiqlənən "Azərbaycan Respublikasının İnzibati Xətalar Məcəlləsində dəyişiklik edilməsi haqqında" qanunda əksini tapıb.

Qanuna əsasən, İnzibati Xətalar Məcəlləsinə əlilliyi olan şəxslərin hüquqları haqqında qanunvericiliyin pozulmasına dair yeni maddə (205-1) əlavə edilib.

Yeni maddəyə (205-1) əsasən, əlilliyi olan şəxslərin hüquqları haqqında qanunvericiliyin pozulmasına, yəni:

- əmək münasibətlərində əlillik əlamətinə görə hər hansı ayrı-seçkiliyə yol verilməsinə, habelə kollektiv və əmək müqavilələrində digər işçilərlə münasibətdə əlilliyi olan şəxslərin əmək hüquqlarının məhdudlaşdırılmasına;

- əlilliyi olan şəxsin səhhətinin peşə vəzifələrini yerinə yetirməsinə mane olduğu, yaxud başqa şəxslərin səhhəti və əmək təhlükəsizliyi üçün təhlükə törətdiyi hallar istisna olmaqla, onunla əlillik səbəbindən əmək müqaviləsini bağlamaqdan, işdə irəli çəkməkdən imtina edilməsinə, əmək müqaviləsinə xitam verilməsinə və öz razılığı olmadan başqa işə (peşəyə, vəzifəyə) keçirilməsinə;

- müəssisənin ləğv edilməsi halları istisna olmaqla, müddətindən asılı olmayaraq, reabilitasiya müəssisəsində və digər reabilitasiya subyektlərində müalicə keçən əlilliyi olan şəxslərlə bağlanılmış əmək müqaviləsinin işəgötürən tərəfindən ləğv edilməsinə;

- müəssisənin ləğv edilməsi halları istisna olmaqla, həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçi ilə əmək müqaviləsinin işəgötürən tərəfindən ləğv edilməsinə;

- əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqların inkişafı məqsədilə tərtib olunmuş Fərdi Reabilitasiya Proqramının dövlət orqanları və dövlətə məxsus olan hüquqi şəxslər tərəfindən icrasının təmin edilməməsinə;

- işəgötürənlər həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçilərin, onların arzusu ilə və "Əlilliyi olan şəxslərin hüquqları haqqında" Azərbaycan Respublikası Qanununun 11-ci maddəsinə uyğun olaraq təsdiq edilmiş Fərdi Reabilitasiya Proqramını nəzərə alaraq, işə düzəlməsi üçün iş yerləri ayırmamağa və ya yenilərini təşkil etməməyə görə üç yüz manatdan beş yüz manatadək məbləğdə cərimə tətbiq ediləcək.

İstehsalatda bədbəxt hadisələr və peşə xəstəlikləri nəticəsində əlilliyi müəyyən edilmiş şəxslərin yaşadığı fərdi evlərin onlar üçün uyğunlaşdırılması ilə bağlı xərclərin təqsirkar hüquqi və fiziki şəxslər, dövlət orqanları tərəfindən ödənilməməsinə görə isə beş yüz manatdan min manatadək məbləğdə cərimə tətbiq olunacaq.

5
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0