Alma xanım və oğlu İmran

Üç oğul itirən ana: "Qorxuram ki, ölərəm..."

789
Biri uşaqlıqda ölüb, biri Qarabağda şəhid olub, biri xəstələlikdən dünyasını dəyişib

İradə Cəlil, Sputnik Azərbaycan

BAKI, 11 may — Sputnik. Bu yaxınlarda yolum Xaçmaza düşmüşdü. Tanışlardan biri dedi ki, Xudatda bir ailə var, çox acınacaqlı vəziyyətdədirlər. Ana yaşlı, oğlu xəstədir, yanmış daxmada yaşayırlar. Həmin ailə ilə görüşmək üçün Xudata yollandım.

Məni İmran Əhmədov və onun yaşlı anası Alma xala qarşıladı. Evdə (əgər ev demək mümkünsə) soyuqdan dayanmaq mümkün deyildi. Alma xalanın saçları ağarmış, əlləri işləməkdən çat-çat olmuşdu. Əynində nimdaş bir paltar vardı. Jurnalist olduğumu bilən kimi, dərdini danışmağa başladı. Narazı idi taleyindən, deyirdi ki, ölməkdən qorxur. Qorxur ki, bircə balası tək qalar.

Əhmədovların yaşadığı ev
© Sputnik / Irade JELIL
Əhmədovların yaşadığı ev

İmran Əhmədov 1987-ci ildə Xudatda doğulub. 2006-cı il yanvarın 2-də hərbi xidmətə gedən İmran Murov dağlarında hərbi hissədə xidmət edib. Hərbi xidmətə getdikdən 4 ay sonra ağır xəstələnib. Ağ ciyərlərinə su gələn gənc əsgər uzun müddət hospitalda yatıb. Alma Əhmədova danışır ki, oğlu evə qayıtdıqdan sonra, xəstə olduğu üçün ağır işlərdə işləyə bilmir.

Söhbətin bu yerində İmran da söhbətə qoşulur: "İki ay yarım hərbi hospitalda yatdım. Ciyərlərimdən suyu çəkdilər. Sonra da qayıtdım evə. Xaçmaz xəstəxanasında da 1 il müalicə almışam".

İmran deyir ki, hərbi xidmətdən qayıtdıqdan sonra sağlamlığı yerində olmadığı üçün iş də tapa bilməyib. Uzun illərdir ki, işszidir: "Mən də işləmək, iş sahibi olmaq istəyirəm. Heç olmasa dövlət mənə təqaüd versin. İş olanda inşaatda işləyirəm, olmayanda kasıbçılıq, aclıq".

Şəhid İlham Əhmədov
© Sputnik / Irade JELIL
Şəhid İlham Əhmədov

İmranın bir qardaşı 2008-ci ildə Qarabağ uğrunda gedən döyüşlərdə şəhid olub. Alma xalanın sözlərinə görə, 5 oğlu olsa da, onlardan 3-ü dünyasını dəyişib: "Biri uşaqlıqda ölüb, biri Qarabağda şəhid olub, biri xəstələnib dünyasını dəyişib. Bu da xəstədir. Qorxuram mən ölərəm, oğlum qalar başsız".

"Oğlum İlham Goranboyda şəhid olub. 1990-cı ildə dünyaya gəlmişdi. 18 yaşında itirdim. O biri oğlum isə evlidir, o da özünü güclə saxlayır" — deyən Alma xala həmin oğlu barədə danışmaq istəmədi: "Onun haqqında danışmaq istəmirəm. Elə bilirəm ki, heç yoxdur, olmayıb…"

İmranın atası uzun illərdir ki, dünyasını dəyişib. O, sağ olanda, ailənin dolanışığı olub. İndi isə hər şey bərbad vəziyyətə düşüb – uçuq, sınıq koma, xəstə oğul, xəstə və yaşlı ana…

Ən acınacaqlısı isə odur ki, onlar problemləri ilə bağlı hara müraciət etmək lazım olduğunu belə, bilmirlər. Elə bil, bu dünyanın adamları deyillər. Alma xala həlak olmuş oğlu üçün şəhid statusu da almayıb. Deyir ki, heç olmasa onlara sosial yardım ayrılsa, birtəhər keçinərlər. İmran da ağır xəstəlikdən sonra vərəmə tutulub. Bu xəstəlik də ona ağır işlərdə işləməyə imkan vermir.

Əhmədovların yaşadığı ev
© Sputnik / Irade JELIL
Əhmədovların yaşadığı ev

Əhmədovlar ailəsi həqiqətən acınacaqlı vəziyyətdədir. Onları bu vəziyyətdən ancaq aidiyyatı qurumlar çıxara bilər. İmranın və anasının yeganə ümidi də mətbuatadır. Düşünürlər ki, bəlkə biz onların vəziyyəti haqqında yazandan sonra kimsə onlara yardım edər, əl tutar.

P.S.

Əhmədovlar ailəsinə kömək etmək istəyənlər redaksiyamızla əlaqə saxlaya bilər.

789
Teqlər:
acınacaqlı vəziyyət, Alma Əhmədova, Alma xala, İmran Əhmədov, Xudat, oğul, Xaçmaz, ailə, ana, Qarabağ
Əlaqədar
"Kaş gözlərim açılaydı, anamın üzünü bircə dəfə görəydim..."
İnternat məktəbinin direktoru kimsəsiz uşaqlara olmazın işgəncələr verib
Xanımının məzarını qızılgülsüz qoymayan qoca, özünə gül bağışlayan qadın və...
"Biz buraya gəlmişiksə, burada da öləcəyik"
Həyat bir uşağa qarşı bundan artıq amansız ola bilməzdi...
 Distant təhsil, arxiv şəkli

Nazirlik bu ərazilərdə simsiz rabitə şəbəkəsi qurur - Şagirdlərin problemi həll olunacaq

0
(Yenilənib 13:06 23.01.2021)
Hazırda Ağdamın Ayaq Qərvənd, Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür.

Zülfiyyə Quluyeva, Sputnik Azərbaycan

BAKI, 23 yanvar — Sputnik. Ağdam rayonun müharibədən əvvəl cəbhəyanı əraziləri sayılan qəsəbələrinə simsiz rabitə xətti çəkiləcək. Bu barədə Sputnik Azərbaycan-ın sorğusuna Nəqliyyat, Rabitə və Yüksək Texnologiyalar Nazirliyindən verilən cavabda bildirilir. Nazirlikdən verilən məlumata görə, 44 günlük Vətən Müharibəsi zamanı Ermənistanın təcavüzü nəticəsində mülki əhaliyə, dövlət əmlakına, o cümlədən infrastruktur obyektlərinə xeyli ziyan dəyib. Hərbi əməliyyatlar zamanı düşmən tərəfindən Ağdam rayonuna atılmış mərmilər xətt təsərrüfatını zədələyib. Nəqliyyat, Rabitə və Yüksək Texnologiyalar Nazirliyinin "Aztelekom" Məhdud Məsuliyyətli Cəmiyyəti tərəfindən rayonun Qaradağlı, Əfətli, Mirəşelli, Mahrızlı, Çəmənli, Xındırıstan, Rzalar, Təzəkənd, Bənövşələr kəndləri və Dördyol-1, Dördyol-2, Yeni qəsəbə, Baharlı qəsəbələrində təmir-bərpa işləri həyata keçirilib, xətt təsərrüfatının bərpası və xidmətlərin təminatı qısa müddət ərzində təmin edilib. Belə ki, şəbəkənin bərpası məqsədilə 10 kilometrə yaxın zədələnmiş müxtəlif tipli kabellər dəyişdirilib, 60 ədəd dirək yeniləri ilə əvəz olunub. Eyni zamanda abunəçi xətlərinin 13 km uzunluğunda hissəsi normalara cavab verən vəziyyətə gətirilib.

Nazirlikdən verilən məlumatda qeyd olunur ki, Ağdam rayonunun Ayaq Qərvənd qəsəbəsində yaşayan sakinlərə genişzolaqlı internet xidmətinin göstərilməsi üçün simsiz rabitə şəbəkəsi qurulub: "Hazırda Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür. Həmçinin rayon ərazisində telefon və yüksək sürətli internet xidmətinə olan tələbat nəzərə alınaraq müvafiq layihələr hazırlanır və mərhələli şəkildə icra edilir. Bütün müraciətlər qeydə alınır, sorğuda qeyd olunan və digər ərazilərin sakinlərinin telefon və internet xidmətləri ilə təminatı istiqamətində işlər davam etdirilir".

Xatırladaq ki, Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir. Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

0
Facebook, Instagram və WhatsApp tətbiqlərinin loqoları, arxiv şəkli

Nazirlikdən sosial şəbəkə istifadəçilərinə xəbərdarlıq

0
(Yenilənib 13:00 23.01.2021)
"İnstagram" platformasında pullu xidmət qarşılığında dələduzluq əməllərinin artması müşahidə olunur.

BAKI, 23 yanvar — Sputnik. Daxili İşlər Nazirliyi sosial şəbəkə istifadəçilərinə müraciət edib.

DİN Mətbuat Xidmətindən Sputnik Azərbaycan-a verilən məlumatda bildirilir ki, sosial şəbəkələrdə, xüsusən "İnstagram" platformasında pullu xidmət qarşılığında dələduzluq əməllərinin artması müşahidə olunur:

"Aldatma, etibardan sui-istifadə etmək yolu ilə müxtəlif adlar altında təklif edilən xidmətlər sırasında belə səhifə adminləri izləyicilərinə sosial şəbəkə hesab parollarını qırmaq və ya başqa bir şəxsin mesajlarını izlənilməsinin mümkünlüyü ilə bağlı vədlər verir. Bəzən də izləyici sayı çox olan səhifələri satışa çıxararaq, ödənişi onlayn formada qəbul etdikdən sonra səhifələri sifarişçiyə təqdim olunmur.

Virtual məkanda yüksək əmək haqqı müqabilində işə düzəltmək adı ilə də vətəndaşlarımızı aldadan şəxslər "xidmət" göstərirlər. Onlar şəbəkədə yerləşdirdikləri elanlarla bağlı müraciət edən vətəndaşlardan anket məlumatı və qeydiyyatdan keçirmələri üçün müəyyən məbləğdə pul köçürmələrini tələb edirlər. Pullar hesaba köçürüldükdən sonra vəsaitləri çıxararaq həmin səhifələri bağlayırlar.

Çağırışları ilə diqqəti özünə cəlb edən şəxslərin profilləri onu göstərir ki, onların bu "xidmət"lərindən çox təssüf ki, istifadə edənlər də var.

Daxili İşlər Nazirliyinin sosial şəbəkə hesablarına da bu cür dələduzluq faktları ilə üzləşmiş şəxslər tərəfindən çoxsaylı müraciətlər daxil olur. Odur ki, şəbəkə istifadəçilərinə belə məsələlərə diqqətli yanaşmağı, bu tipli elanları paylaşan şəxslərə heç bir ödəniş etməməyi və şəxsi məlumatlarını, fotolarını kənar şəxslərlə paylaşmamağı tövsiyə edirik.

Bir daha vətəndaşlarımızı sosial şəbəkələrdə ayıq-sayıq və diqqətli olmağa çağırır, bu tipli səhifələrə ödəniş etmədən öncə DİN-in təsdiq ikonlu "polisazerbaycan" adlı səhifələrinə yazaraq dələduzluq faktı ilə üzləşmədən məlumat ala bilərlər" - məlumatda qeyd edilir.

0