Həbsxana divarında tikanlı məftillər, arxiv şəkli

"Adam öldürən yeniyetmənin əvəzinə atası cəzalandırılsın"

4652
(Yenilənib 16:39 10.05.2017)
"Həmin iş adamı zəhmət çəksin, ölən qadının uşaqlarının 20 yaşı olana kimi təhsil, yaşayış və ev xərclərini ödəmək üçün adlarına hesab açsın"

BAKI, 10 may — Sputnik. Son günlər sosial şəbəkədə ən çox müzakirə olunan hadisələrdən biri, məşhur iş adamının 16 yaşlı oğlunun, 200 minlik maşınla iki uşaq anasını vuraraq öldürməsi oldu. Əlbəttə, heç bir sürücü bədbəxt hadisədən sığortalanmayıb və hər bir şəxs hansısa ağır qəzaya düşə və törədə bilər. Amma son hadisədə bir neçə ciddi məqam var.

Əvvəla, sükan arxasında sürücülük hüququ olmayan 16 yaşlı yeniyetmə olub. Həmin yeniyetmənin "avtoşluq" etməsinin görüntüləri bundan əvvəl də internetdə yayılıb. Yəni, qadının vurularaq öldürülməsi, nə qədər acınacaqlı olsa da, qanunauyğunluğa çevrilir. Çünki zamanında özbaşınalığının qarşısı alınmayan gənc "avtoş" nə zamansa ağır qəza törətməliydi!

İkincisi, 16 yaşlı gənc qəza törətdikdən sonra hadisə yerindən qaçıb. Nəhayət, cinayətkar (insan ölümü ilə nəticələnən qəza törədəndən sonra hadisə yerindən qaçması onu cinayətkar adlandırmağa imkan verir) çox imkanlı şəxsin övladıdır, azyaşlı olduğuna və atasının imkanı hesabına cinayət məsuliyyətindən yaxa qurtaracağı müzakirə olunurdu.

Papanın gül balası
© Karikatura
Papanın gül balası

Yuxarıda sadalananlar isə insanların ilk baxışdan adi görünə biləcək yol qəzasına kəskin reaksiyasına səbəb olub. Sputnik Azərbaycan-ın əməkdaşı sosial şəbəkədə bununla bağlı sorğu keçirib və bu cür hallarda yetkinlik yaşına çatmayan şəxslərlə necə davranılması ilə bağlı sual verib:

Cəlil Əvəzov: "Oğlunun yerinə atası cəza çəkməlidir".

Cəlal Səfərov: "Azyaşlılar üçün də xüsusi cəzaçəkmə müəssisələri var, kasıb balaları ordadırlar".

Anar Musayev: "Azyaşlı uşaqlar üçün tərbiyə müəssisələri var, əsgərliyə qədər orada islah işlərinə cəlb edilsin, daha sonra isə Murov dağında göndərilsin. Atası isə məsuliyyətə cəlb edilməlidir".

Mehriban Zeynalova: "Həmin iş adamı zəhmət çəksin, ölən qadının uşaqlarının 20 yaşı olana kimi təhsil, yaşayış və ev xərclərini ödəmək üçün adlarına hesab açsın. Məhkəmə bunu etsə, hesab edərəm ki, ədalətli qərar oldu".

Nərgiz Bayramova: "Adam tanıyıram ki, səhvən dostu ilə zarafatlaşanda, dostu ölmüşdü. 11 yaslı uşağı məsuliyyətə cəlb elədilər".

Telli Pənahqızı: "Kiminsə cibinə girən azyaşlını mühakimə edib uşaq islah-əmək koloniyasına göndərirlər, bunu niyə göndərməsinlər ki? Niyə pulu çox olanları, imkanlıları mühakimə etmirlər, niyə onların pullu mövqeyi bütün qanunları şahı ola bilir? Nə qədər cavan canlar, günahsız insanlar bu cür alçaqların güdazına gedirlər".

Nara Rəşidova: "Ona o bahalı maşını alan atasına cəza verilməsinin tərəfdarıyam".

Elşən Ağalar: "Onun yaşı aşağıdırsa, valideynə cəza tətbiq edilməlidir. Mən şəxsən belə hallarda cəzanın daha sərt olmasının tərəfdarıyam. Valideynin həbsi belə, nəzərə alınmalıdır".

Arzu Murad: "Kim deyir ki, yetkinlik yaşına çatmayanların cəzası olmur? Olur. Uşaq cəzaçəkmə müəssisələri var. Amma belə halda cəza ataya düşür ki, o yaşda uşağa maşın verib. Neçə olur o yaşda maşın sürə bilir, cəza çəkə bilmir?"

Xatırladaq ki, mayın 3-ü saat 16.00 radələrində Sabunçu rayonunun Bakıxanov qəsəbəsində naməlum sürücü idarə etdiyi avtomobillə yolu keçən Xəyalə Məmmədovanı vuraraq hadisə yerindən qaçıb. Dərhal xəstəxanaya yerləşdirilmiş piyada həkimlərin bütün səylərinə baxmayaraq, orada ölüb.

Sabunçu Rayon Polis İdarəsinin və DİN-in "Təhlükəsiz şəhər" Xidməti əməkdaşlarının birgə həyata keçirdikləri əməliyyat-axtarış tədbirləri nəticəsində hadisəni "Porsche" markalı 99 BS 999 dövlət qeydiyyat nişanlı avtomobillə törətmiş 2001-ci il təvəllüdlü Ağaəli Fərəcli müəyyən edilərək saxlanılıb. "Təhlükəsiz şəhər" Xidmətinin həmin ərazidəki kameralarının qeydə aldığı videogörüntülər də hadisənin baş verdiyi zaman sükan arxasında məhz A. Fərəclinin olduğunu təsdiq edir.

Elə həmin gün faktla bağlı Sabunçu RPİ-nin İstintaq şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismar qaydalarını pozma zərərçəkmiş şəxsin ölümünə səbəb olduqda) və 264-cü (Yol-nəqliyyat hadisəsi yerindən qaçma) maddələri ilə cinayət işi başlanılaraq istintaq aparılır.

Sahibi olduğu nəqliyyat vasitəsini idarə etmək hüququnun olmadığını bildiyi halda avtomobilini 16 yaşlı oğlu Ağəliyə verdiyinə görə Bakı şəhər sakini Füzuli Fərəcov barəsində İnzibati Xətalar Məcəlləsinin 335-ci (Nəqliyyat vasitəsinə sahiblik hüququ olan şəxs tərəfindən nəqliyyat vasitəsini idarə etmək üçün idarə etmək hüququ olmayan şəxsə verilməsi) maddəsinə əsasən, inzibati tədbir görülməsi haqqında qərar qəbul edilib. Hazırda zəruri istintaq hərəkətləri davam etdirilir.

4652
Teqlər:
16 yaşlı, yeniyetmə, azyaşlı, oğul, ata, müzakirə, qəza, cəza, uşaq
Əlaqədar
Paytaxt yaxınlığında ağır qəza
Azərbaycanda daha bir avtobus qəzası
Velosipedçi qəzada öldü
Yenə məktəbli avtobusu, yenə qəza
Qadın sürücüdən inanılmaz qəza: 11 maşın sıradan çıxdı
Göyçayda ağır qəza, keçmiş rəis dünyasını dəyişdi
Distant təhsil, arxiv şəkli

Onlayn dərslərdən yayınan müəllimlərə xəbərdarlıq

8
Yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb.

BAKI, 15 yanvar — Sputnik. Onlayn dərslərə qoşula bilməyən müəllimlərin qeydiyyatı aparılır. Sputnik Azərbaycan-ın məlumatına görə, bunu "Pandemiya şəraitində tədrisin və imtahanların təşkili" mövzusunda vebinarda Azərbaycan Dövlət Pedaqoji Universitetinin tədris işləri üzrə prorektoru Eldar Aslanov deyib.

O bildirib ki, həmin müəllimlərin müqavilələrinin uzadılması zamanı bu məsələ nəzərə alınacaq: "Biz bu faktlar üzrə qeydiyyat aparırıq. Seçkilər və qeydiyyatlar zamanı bu amil nəzərə alınacaq. Bəzi tələbələr də yaranmış vəziyyətdən sui-istifadə edirlər. Amma bu, ən çox onların kadr kimi yetişməsində özləri üçün problem yaradacaq".

Xatırladaq ki, yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb. İmtahan sessiyası 4 həftə davam edəcək.

8
Aida Mahmudovanın PASTPRESENTFUTURE sərgisi

Azərbaycanlı rəssamın ABŞ-da ikinci fərdi sərgisi açılıb

3
(Yenilənib 21:11 15.01.2021)
Fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

BAKI, 15 yanvar — Sputnik. Tanınmış azərbaycanlı rəssam Aida Mahmudovanın Amerika Birləşmiş Ştatlarında ikinci fərdi sərgisi açılıb.

Sputnik Azərbaycan xəbər verir ki, fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

"Sapar Contemporary" inkubatoru varlığın fraqmentar təbiətini zamanla və landşaftda təhrif olunmuş xatirələr vasitəsilə tədqiq edən yeni "Aida Mahmudova: PASTPRESENTFUTURE" seriyasını təqdim edib. Qalereyanın Mərkəzi Asiya və Qafqazda fəaliyyət göstərən nüfuzlu qadın rəssamlara dəstək istiqamətində fasiləsiz səyləri çərçivəsində təşkil edilən "PASTPRESENTFUTURE" rəssamın Amerika Birləşmiş Ştatlarında ikinci fərdi sərgisidir.

Rəssam yeni əsərində yaradıcılıq prosesinin sırf emosional və instinktiv tərəfini önə çəkmək üçün xarici məhdudiyyətlərdən (ideoloji, siyasi və ya dini) kənarda mövcud olan əsərlər yaratmaq məqsədilə keçmişi, bu günü və gələcəyi vəhdət halında birləşdirir. Nəticədə birbaşa olaraq rəssamla rəsm texnikası arasındakı əlaqədən ilhamlanan və məfhumları çılpaq şəkildə göstərən güclü əsərlər yaradılır.

Ot və quru bitkilərdən istifadə edilərək və rəssamın impressionist toxunuşları nəticəsində ərsəyə gələn "Roots" (2020) kimi əsərlər rəssamın vətəni Azərbaycanda rast gəlinən landşaftın canlandırıcı detallarını üzə çıxarır. Yer kürəsinin səthi ilə bağlı reallıqlara baş vuran Aida Mahmudovanın təsvir etdiyi bu proses təbiəti xatirələri oyadan nostalji hissi ilə doldurur. Təbəqələrin yaradılması və ya onların bir-birindən ayrılması, habelə quru bitkilər, keramika, mis də daxil olmaqla müxtəlif materialların qarışdırılması prosesi rəssam üçün fiziki olaraq böyümə və emosional şəfa tapma məqsədilə edilən məşğələyə çevrilir.

Azərbaycanın paytaxtı Bakıda yaşayıb fəaliyyət göstərən Aida Mahmudovanın rəsm əsərləri onun seçdiyi materialların fiziki təbiəti və üstünlük verdiyi dünyəvi palitrası ilə ahəngdar şəkildə uzlaşır. Onun olduqca intuitiv xarakter daşıyan axtarışları xarici sədlərdən yan keçən sevgi, itki, yaddaş və istək kimi universal insan hisslərinin bütün spektri üzrə inkişaf etməyə davam edir. Rəssamın sözlərinə görə, "cəmiyyətin bir hissəsi olaraq, biz varlığın təbiətini, başqaları ilə qarşılıqlı münasibətlərimizi müəyyən dərəcədə məhdudlaşdırırıq və bununla da ibtidai ünsiyyət kanallarını itiririk. Mənim üçün incəsənətin heç bir sərhədi yoxdur - o, ünsiyyətin istənilən forması üçün açıqdır, yaradıcılıq prosesi isə insan tərəfindən yaradılmış və buna görə də olduqca kövrək olan fundamental prinsipləri bu və ya digər dərəcədə məhv edir".

3
Prezident İlham Əliyev Şuşada

İlham Əliyev: "Gəlin alın, görüm necə alırsınız?"

0
(Yenilənib 21:49 15.01.2021)
"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq?

BAKI, 15 yanvar — Sputnik. "Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar".

Sputnik Azərbaycan xəbər verir ki, bunu Azərbaycan Prezidenti, Müzəffər Ali Baş Komandan İlham Əliyev Şuşada Molla Pənah Vaqifin büstünün və məqbərəsi ziyarət edərkən bildirib.

"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik", - deyə İlham Əliyev qeyd edib.

0