Asif Məhərrəmov küçəsi 46, 50 saylı binaların həyəti

Bakıda daha bir tikinti özbaşınalığı: sakinlər prezidentə müraciət etdilər

5837
(Yenilənib 16:05 09.05.2017)
Bakı şəhəri Asif Məhərrəmov küçəsi 46, 50 saylı binanın sakinləri Nəsimi Rayon İcra Hakimiyyətindən və tanımadıqları tikinti şirkətindən şikayətçidir

BAKI, 9 may — Sputnik. Son zamanlar paytaxtın müəyyən ərazilərində tikinti şirkətləri və sakinlər arasında narazılıqlar səngimək bilmir. Xüsusən də, paytaxtın Nəsimi rayonunun Süleyman Rüstəm və Asif Məhərrəmov küçəsinin sakinləri çıxılmaz vəziyyətdə qalıblar. Xatırladaq ki, bir neçə gün öncə S. Rüstəm küçəsində olaraq, sakinlərin problemlərini işıqlandırmışdıq.

Sputnik Azərbaycan-ın əməkdaşı dünən Bakı şəhəri Nəsimi rayonu, 5-ci mikrorayon, Asif Məhərrəmov küçəsi 46, 50 saylı binaların sakinləri ilə görüşərək, onların narazılıqlarının dinləyib. Sakinlər isə Nəsimi Rayon İcra Hakimiyyətindən və tanımadıqları tikinti şirkətindən şikayətçidirlər. 

Asif Məhərrəmov küçəsi 46, 50 saylı binaların həyəti
© Sputnik / Irade JELIL
Asif Məhərrəmov küçəsi 46, 50 saylı binaların həyəti

50-ci binada yaşayan Mahirə Kərimova bildirir ki, may ayının 5-dən etibarən 46 və 50 saylı binaların arasında yeni binanın tikintisinə başlanılıb: "Prezident qərar verib ki, bütün "xruşşovka" binalar sökülsün və yerində müasir standartlara uyğun binalar tikilib əhaliyə təhvil verilsin. Bununla razılaşdıq. İşbazlar da hər şeydən istifadə edirlər. Binaların arasında olan torpaq sahəsini çəpərləyib, həyətimizdə tikinti işlərinə başlayıblar. Həyətimiz hər tərəfdən mühasirəyə alınıb. Uşaqlarımız, qocalarımız, xəstələrimiz həyətə düşə bilmir, toz-torpaqdan pəncərəni açıb nəfəs ala bilmirik".

Bina sakininin sözlərinə görə, artıq elə vəziyyət yaranıb ki, həyətə heç bir tərəfdən yanğınsöndürən, təcili yardım və digər nəqliyyat vasitələrinin daxil olması mümkün deyil. Həyət maili olduğuna görə, tikintiyə başlanılan zaman 50-ci binanın özülünü də bir metrə yaxın qazıblar. Yəni, bina da qəzalı vəziyyətə düşüb.

Mahirə Kərimova
© Sputnik / Irade JELIL
Mahirə Kərimova

M. Kərimovanın sözlərinə görə, ərazidə çoxmərtəbəli bina tikiləcək: "Bizə deyirlər ki, siz bizi şantaj edirsiniz. Mənə pul təklif edirlər ki, sus, danışma! Bəs biz necə yaşamalıyıq? Bu həyət bizim uşaqlarımızın oyun yeridir, nəfəs ala bilmək üçün oturduğumuz yerdir. Burada bina tikilsə, nəfəs almaq mümkün olmayacaq. Binalar arasında məsafə çox azdır".

46 saylı binanın sakini Ənbər Rüstəmovanın sözlərinə görə, tikinti ilə məşğul olan şirkətin (şirkətin adı bilinmir — red.) nümayəndələri onlara yaşamağa rahatlıq vermir: "O gün vəziyyətim pisləşmişdi, "təcili yardım" çağırdım. İnanın, qoymadılar "təcili yardım" gəlsin. Deyirlər ki, siz bizi şantaj etmək istəyirsiniz. Sonra tanışlıqla həkim gəlib mənə baxıb. Belə insafsızlıq olmaz".

Ənbər Rüstəmova
© Sputnik / Irade JELIL
Ənbər Rüstəmova

Sakinlərin sözlərinə görə, tikinti şirkətinin nümayəndələri deyir ki, ərazidə "şahmat məktəbi" tikiləcək. Binalar arasında məsafə çox az olduğu üçün sakinlər ərazidə hansısa tikintinin aparılmasını istəmirlər. Onların fikrincə, ərazidə aparılan tikinti işləri qanunsuzdur: "Əllərində heç bir sərəncam, qərardad yoxdur ki, deyək, dövlət layihəsidir. Dövlətin layihəsi olandan sonra biz kimik ki? Sadəcə düşünürük ki, ərazidə tikinti Nəsimi Rayon İcra Hakimiyyətinin başçısının sifarişi ilə tikilir və qanunsuzdur".

Qeyd edək ki, sakinlər ərazidə tikinti aparılmasına razı olmadıqları haqda ölkə prezidentinə məktub göndərib və Nəsimi Rayon İcra Hakimiyyətində məsələyə aydınlıq gətirilməsi üçün müraciət ediblər.

Əraziyə cavabdeh olan 31 saylı Mənzil İstismar Sahəsinin rəisi Vidadi Həsənovun verdiyi açıqlamaya görə, ərazidə şahmat məktəbi tikiləcək: "Layihə dövlət əhəmiyyətlidir. Ərazidə 4 mərtəbəli şahmat məktəbi tikiləcək".

Sakinlər onu da iddia edirlər ki, şirkət işçiləri həyətdə olan ağacları kəsib, dibinə beton töküblər.

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin sektor müdiri Sadiq Bərafərinin Sputnik Azərbaycan-a verdiyi məlumata görə, ərazidə yoxlama aparılıb, bütün ağaclar qeydiyyata alınıb və heç bir ağac kəsintisi faktına rast gəlinməyib: "Əməkdaşlarımız ərazidə sakinlərin iştirakı ilə yoxlamalar aparıb və heç bir ağac kəsintisi faktı qeydiyyata alınmayıb. Biz bütün ağacları qeydiyyata almışıq. Orada sakinlər tikinti işlərinin aparılmasından narazı olduğu üçün bizə də müraciət ediblər ki, ağaclar kəsilməsin. Ərazi hazırda bizim nəzarətimizdədir".

5837
Teqlər:
31 saylı Mənzil İstismar Sahəsi, Nəsimi Rayon İcra Hakimiyyəti, Ekologiya və Təbii Sərvətlər Nazirliyi, Sadiq Bərafərin, Ənbər Rüstəmova, Mahirə Kərimova, Vidadi Həsənov, Nəsimi rayonu, Bakı şəhəri
Əlaqədar
Bakının mərkəzində şiddət yaşanır: sakinləri zorla evlərindən çıxarırlar
Bakıdakı qorxunc gecənin təfərrüatları: sakinləri elektroşokerlə vurublar
Fəhlələrin ölümünə səbəb olan tikintinin "Green City"yə aidiyyatı yoxdur
Prezidentin fərmanı tikinti sektoruna necə təsir edəcək?
Bakıda irimiqyaslı tikinti planı: köhnə binalar söküləcək
Polis əməkdaşları, arxiv şəkli

Hələ onlar düşünən qədər "yumşalmamışıq" - polis saxladıqları barədə məlumat yaydı

9
Karantin rejiminin tətbiq edildiyi 5 şəhər və 12 rayonda quraşdırılmış xüsusi postlarda yoxlamalar davam edir. Yumşalma şərtləri elan olunsa da, görünən odur ki, iki mindən çox adam onları yanlış anlayıb

BAKI, 22 yanvar — Sputnik. Nazirlər Kabinetinin qərarı ilə yanvarın 18-dən tətbiq edilən yumşaldılmaları bəzi vətəndaşlarımız yanlış anlayıblar.

Daxili İşlər Nazirliyindən Sputnik Azərbaycan-a verilən məlumata görə, koronavirus (COVID-19) infeksiyasının yayılmasının qarşısının alınması məqsədilə karantin rejiminin tətbiq edildiyi 5 şəhər və 12 rayonda quraşdırılmış xüsusi postlarda hərbi qulluqçuları və polis əməkdaşları nəzarət-profilaktiki yoxlamaları davam etdirirlər.

Yanvarın 21-də postlardan müvafiq qaydada icazə almadan keçməyə cəhd göstərən 2059 nəqliyyat vasitəsi müəyyən olunaraq geri qaytarılıb. Eləcə də ölkə üzrə karantin rejimi qaydalarını pozan 1 nəfər barəsində inzibati həbs, 1677 nəfər barəsində digər inzibati tənbeh tədbirləri tətbiq olunub.

Eyni zamanda ev şəraitində müalicə təyin edilən 5 nəfər aktiv COVID-19 xəstəsi ictimai yerlərdə müəyyən olunub saxlanılaraq evə qaytarılıb. Onlardan 4 nəfər barəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Hazırda istintaq araşdırmaları davam etdirilir.

DİN vətəndaşlardan tətbiq edilən izolyasiya tədbirlərini anlayışla qarşılamalarını, karantin rejimi qaydalarına riayət etmələrini xahiş edib.

9
Xəzər dənizi, arxiv şəkli

Dənizlə bağlı qorxunc iddialara reaksiya: Avropalı alimlərin Xəzərdən anlayışı yoxdur

8
Bəzi xarici tədqiqatçılar öz elmi araşdırmalarında rəqəmli modellərin nəticələrini açıqlayaraq əhalidə ciddi narahatlıq yaradan fərziyyələr səsləndirirlər. Azərbaycanlı mütəxəssislər bunları cavablandırıblar

BAKI, 22 yanvar — Sputnik. Son vaxtlar Xəzər dənizinin səviyyəsi ilə bağlı müxtəlif fikirlər mətbuatda yer alır. Bəzi xarici tədqiqatçılar öz elmi araşdırmalarında rəqəmli modellərin nəticələrini açıqlayaraq əhalidə ciddi narahatlıq yaradan fərziyyələr səsləndirirlər.

Sputnik Azərbaycan-ın məlumatına görə, bunu Milli Hidrometeorologiya Xidmətinin rəisi Umayra Tağıyeva bildirib. 

“Bunlardan biri də dənizin gələcəkdə 9-18 metr aşağı düşəcəyi haqqında proqnozla bağlıdır. Baxmayaraq ki, Xəzər dənizinin səviyyə dəyişmələrinə aid açıqlamalar vaxtaşırı mütəxəssislərimiz tərəfindən işıqlandırılır”.

U.Tağıyeva əhaliyə bu cür proqnozların heç bir tarixi əsasının olmadığını və yalnız yüzdə bir faiz ehtimal oluna biləcək bir fərziyyə kimi nəzərə almalarını tövsiyə edib: “Ötən əsrin ikinci yarısında Xəzər dənizinin səviyyəsində müşahidə olunmuş səviyyə tərəddüdləri mütəmadi xarakter daşıyıb. Belə ki,  1977-ci ildə dənizin səviyyəsi XX əsrdə müşahidə olunan ən aşağı həddə - Baltik sistemi ilə -29 metrə qədər azalıb və sonradan dənizdə suyun səviyyəsi qısa tarixi dövr ərzində (1977-1995-ci illər) 2,5 metr artaraq -26,5 metrə çatıb”.

Azərbaycan Milli Elmlər Akademiyasının Coğrafiya İnstitutunun direktoru, akademik Ramiz Məmmədovun sözlərinə görə, Xəzər dənizi üzərində aparılmış uzunmüddətli müşahidələrə əsasən, dənizin səviyyəsinin dəyişmə amplitudası son 100 ildə 3 metrdən artıq olmayıb.

“Avropalı alimlərin verdiyi proqnoz onların Xəzər dənizinin cazibə səviyyəsi barədə anlayışlarının olmadığını göstərir. Cazibə səviyyəsi o deməkdir ki, dənizin səviyyəsi qalxdıqca güclü buxarlanma baş verir və səviyyənin  aşağı düşməsinə səbəb olur. Səviyyə azalanda dənizdə buxarlanma da azalır və nəticədə suyun səviyyəsinin yenidən qalxır”.

Akademik onu da qeyd edib ki, riyazi modellərin nəticələrinin təhlilində istənilən ərazinin təbii-coğrafi şəraiti nəzərə alınmalıdır. Əks halda həqiqətə uyğun olmayan bu cür yanlış proqnozlar üzə çıxmış olur.

“Dəniz səviyyəsinin dinamikası barədə uzunmüddətli proqnoz vermək mümkün deyil. Bunun səbəbi iqlim faktoru ilə bağlı kifayət qədər qeyri-müəyyənliklərin olması, dənizə tökülən iri çayların sululuğunun həcmi, baş verən dənizdibi tektonik proseslər və digər amillərlə izah edilir.

8
Teqlər:
mütəxəssis, səviyyə, Xəzər dənizi
Neft buruğu, arxiv şəkli

Azərbaycan nefti ucuzlaşıb

0
Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

BAKI, 22 yanvar — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,29 dollar ucuzlaşaraq 56,55 dollar təşkil edib.

"Brent" markalı neftin qiyməti 0,69 dollar ucuzlaşaraq 55,41 dollar, "Light" markalı neftin qiyməti isə 0,70 dollar geriləyərək 52,43 dollar olub.

Qeyd edək ki, Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0
Teqlər:
Brent, Azeri Light markalı neft, neft
Mövzu:
Neft qiymətləri ətrafındakı ajiotaj