Bank əməliyyatçıları, arxiv şəkli

Bankların girovlarla bağlı necə davranacağı aydınlaşdı

203
(Yenilənib 12:19 08.05.2017)
Bank rəsmisi: "Yeni qanun bankların kredit vermək praktikasını dəyişməyəcək"

BAKI, 5 may — Sputnik. "Azərbaycan banklarından kredit almaq imkanı genişlənir. Artıq əsas kredit təşkilatları girovlar, özü də nə az, nə də çox, maşın və qızıl-zinət əşyaları müqabilində kredit verə biləcəklər".

Azərbaycan Respublikasının Prezidenti İlham Əliyev
© Official website of President of Azerbaijan Republic

Bunu Sputnik Azərbaycan-a Azer Turk Bank-ın mətbuat xidmətinin rəhbəri Rauf Ağayev, parlamentin sözügedən qanununu şərh edərkən deyib. Mayın 2-də Milli Məclisdə "Daşınar əmlakın yüklülüyü haqqında" qanun layihəsi ikinci oxunuşda qəbul edilib. Bu qanun daşınar əmlakın – inventarın, avadanlıqların və s. girov qoyulması müqabilində kreditin verilməsini ehtiva edir. Sənəddə daşınar əmlakın qeydiyyat qaydaları, yüklü əşyaların satılması, paylanması və digər məsələlər əksini tapıb.

Bankın nümayəndəsinin sözlərinə görə, əgər potensial müştəri kredit götürmək istəyərkən, məsələn, götürüləcək məbləğin azlığı səbəbindən mənzilini girov qoymaq istəmirsə və ya avtomobili, girov qoymaq üçün kifayət qədər qızılı yoxdursa, başqa daşınan əmlakını girov qoya bilər: "Bu qərar müştərinin kreditin alınması üzrə imkanlarını asanlaşdıracaq və genişləndirəcək".

Aydındır ki, bu qanun qəbul olunsa, əhalinin banklara kredit götürmək üçün müraciətlərinin sayı artacaq. Unutmaq lazım deyil ki, hər kəsin kredit götürmək hüququ var: "Yəni, müştərilər və banklar arasında ünsiyyətin intensivləşəcəyini proqnozlaşdırmaq mümkündür."

Bu yeniliklərin banklar üçün nə dərəcədə sərfəli olmasına gəldikdə isə, bu, iş prosesinin gedişində bilinəcək. Şübhəsiz ki, girov qoyulan əmlakın hər bir növü üzrə risklərin qiymətləndirilməsi aparılacaq və bank artıq bu qiymətləndirmənin nəticələrinə əsasən kredit verəcək.

"Şübhəsiz ki, bank bütün bu aspektləri ölçüb-biçməlidir və əgər bütün risklər düzgün qiymətləndirilsə, banka yeni şərtlərlə kredit vermək sərfəli olacaq" — R. Ağayev bildirib.

Ötən illərdə banklar kreditləri daşınmaz əmlakın girov qoyulması, yaxud da maşınların avtokreditləşdirilməsi müqabilində verirdilər. Ağayevin sözlərinə görə, bir sıra banklar kreditin təminatı üçün qızılla işləmir. Adətən qızılın girov qoyulması müqabilində kreditin verilməsi xidmətini lombardlar həyata keçirir.

Lakin daşınar əmlak müqabilində kreditlərin verilməsinə dair sənədin qəbulu o demək deyil ki, banklar kreditləri yeni qanunun şərtləri əsasında verəcəklər. "Bu proses məcburi xarakter daşımır. Hər bir bank özü müəyyən edəcək ki, bu, nə qədər sərfəlidir. Riskin yüksək olması səbəbindən bank daşınar əmlak qarşılığında kredit verməyəcək" – Ağayev deyib.

Daşınar əmlak anlayışı kifayət qədər geniş anlayışdır. Onun tərkibinə demək olar ki, potensial müştərinin şəxsi mülkünə daxil olan hər şeyi aid etmək mümkündür, hətta paltaryuyan maşını belə. Lakin potensial müştərinin təklif etdiyi bu əmlakı bank qiymətləndirməlidir.

"Həmin hipotetik paltaryuyan maşını müştəri 600 manat qiymətləndirə və bankdan 200 manat kredit götürə bilər. Əlbəttə ki, bu zaman bankın eksperti girov kimi təklif edilən əmlakı qiymətləndirəcək" – deyə mətbuat xidmətinin rəhbəri bildirib.

Ümumiyyətlə isə, Ağayev hesab edir ki, yeni qanun bankların kredit vermək praktikasını dəyişməyəcək: "Daşınmaz əmlakın girov qoyulması halında olduğu kimi, mümkündür ki, qiymətləndirmə banklarla müqaviləsi olan qiymətləndirmə şirkətləri tərəfindən aparılsın. Belə kredit vermə şərti girov qoyulan əmlakın məcburi qiymətləndirilməsi olacaq".

203
Teqlər:
qiymətləndirmə, Rauf Ağayev, daşınar əmlak, müştəri, Sputnik Azərbaycan, risk, kredit, Azərbaycan, bank, girov
Əlaqədar
Konstitusiya Məhkəməsi banklarla bağlı qərar qəbul edib
Mərkəzi Bank manatın aşağı və yuxarı "qırmızı xətlərini" belə müəyyənləşdirib
Banklar tələsik dolları bahalaşdırdı
Banklarla bağlı müəmmalı vəziyyət
Mərkəzi Bankın banklarla əlaqəsi kəsilir
Azərbaycan banklarının müalicəyə ehtiyacı var
Smerç raketin fraqmetləri

Cəbhəboyu ərazilərdə top mərmisi, raketlər, tank əleyhinə minalar zərərsizləşdirilib

2
(Yenilənib 11:16 30.10.2020)
Məlumata görə, Fövqəladə Hallar Nazirliyinin Böhran Vəziyyətlərində İdarəetmə Mərkəzindən üç müraciət daxil olub.

BAKI, 30 oktyabr — Sputnik. 28-29 oktyabr tarixlərində Ərazilərin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Bərdə, Cəbrayıl, Füzuli, Goranboy, Tərtər rayonları ərazisinə mərmilərin düşməsi barədə Daxili İşlər Nazirliyinin ″102″ Xidməti-Zəng mərkəzi sistemindən 58 və Fövqəladə Hallar Nazirliyinin Böhran Vəziyyətlərində İdarəetmə Mərkəzindən 3 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 61 çağırış əsasında agentliyin xüsusi mobil çevik əməliyyat qrupları tərəfindən Ağcabədi rayonunun Hacılar, Palıdlı, Qaraxanlı, Yuxarı Qiyaməddinli kəndləri, Ağdam rayonunun Çəmənli, İkinci Yüzbaşlı, Alıbəyli, Əfətli, Təzəkənd, Ayaq Qərvənd, Üçoğlan kəndləri, Bərdə rayonunun B.Hacıyev, Bakı, Koroğlu, Natavan, Ü.Hacıbəyov küçələri, H.Əliyev prospekti, Mirzalıbəyli kəndi, Cəbrayıl rayonunun Soltanlı kəndi, Füzuli rayonunun Əhmədalılar, Alxanlı, Arayatlı kəndləri, Goranboy rayonunun Tapqaraqoyunlu, Qızılhacılı kəndləri, Tərtər rayonunun Buruc, Düyərli, Köçərli, Ələsgərli kəndləri ərazisinə Daxili İşlər Nazirliyinin əməkdaşları ilə birlikdə 50 operativ və təxirəsalınmaz əməliyyat çıxışı həyata keçirilib. Aparılmış əməliyyat-axtarış tədbirləri zamanı 1 ədəd 122 mm-lik top mərmisi (OF-56), 1 ədəd 9N235 bombacığı, 2 ədəd 122 mm-lik raket (9M22U), 225 ədəd tank əleyhinə TM-62P2 minası, 224 ədəd MVP-62 partladıcısı və 44 ədəd partlamış mərmi qalıqları aşkar olunub. Agentliyin partlayış qrupu tərəfindən 3 ədəd raket, 1 ədəd 9N235 bombacığı zərərsizləşdirilib, mina təhlükəsinə dair maarifləndirmə üzrə mütəxəssislər tərəfindən 36 045 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

2

Ermənistanın atəşi nəticəsində baş verən meşə yanğınları ilə bağlı açıqlama

8
Goranboy rayonunun ərazisinin düşmən tərəfindən ağır artilleriya qurğularından atəşlərə məruz qalması nəticəsində də meşəlik zonada yanğın baş verib.

BAKI, 30 oktyabr — Sputnik. Ermənistan silahlı qüvvələri humanitar atəşkəs rejimini kobudcasına pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutmaqla yanaşı, ekoloji terror əməllərini də davam etdirir.

FHN-dən Sputnik Azərbaycan-a bildirilib ki, ötən gün döyüş bölgəsindən kənarda yerləşən Göygöl rayonunun ərazisinin Ermənistan silahlı qüvvələrinin ağır artilleriya qurğularından atəşə tutulması səbəbindən yanğın baş vermiş meşəlik ərazi bu gün səhər saatlarından da yenidən mərmi atəşlərinə məruz qalıb və nəticədə yanğın başlayıb.

Həmçinin Goranboy rayonunun ərazisinin düşmən tərəfindən ağır artilleriya qurğularından atəşlərə məruz qalması nəticəsində də meşəlik zonada yanğın baş verib. Yanğınların söndürülməsi üçün Fövqəladə Hallar Nazirliyi Dövlət Yanğından Mühafizə Xidmətinin müvafiq qüvvələri cəlb olunub, bu istiqamətdə təxirəsalınmaz tədbirlər davam etdirilir. Əlavə məlumat veriləcək.

Qeyd edək ki, Fövqəladə Hallar Nazirliyi hazırda gücləndirilmiş iş rejimində fəaliyyət göstərir. Baş verən hər hansı fövqəladə hadisə ilə əlaqədar Nazirliyin “112” qaynar telefon xətti”nə dərhal məlumat verilməsi xahiş olunur.

8
Mövzu:
Azərbaycan və Ermənistan arasında müharibə
Türkiyədə təcili tibbi yardım maşını, arxiv şəkli

Türkiyənin keçmiş baş naziri vəfat etdi

0
(Yenilənib 11:18 30.10.2020)
Keçmiş baş nazir və Ana Vətən Partiyasının sədri olan Yılmaz ötən əsrin 90-cı illərində üç dəfə hökumətə başçılıq edib və bir neçə dəfə nazir olub.

BAKI, 30 oktyabr — Sputnik. Türkiyənin sabiq baş naziri Məsud Yılmaz dünyasını dəyişib.

Sputnik Azərbaycan Türkiyə mətbuatına istinadla xəbər verir ki, 73 yaşlı siyasətçi uzun sürət xəstəlikdən əziyyət çəkirdi.

Keçmiş baş nazir və Ana Vətən Partiyasının sədri olan Yılmaz ötən əsrin 90-cı illərində üç dəfə hökumətə başçılıq edib və bir neçə dəfə nazir olub.

0