Açıq hökumətin təşviqi platformasının iclası

Strateji yol xəritələrinin icrası müzakirə olundu

61
Azərbaycanda Açıq Hökumətin Təşviqinə dair Hökumət-Vətəndaş Cəmiyyəti Dialoqu Platformasına yeni üzvlər qəbul edilib

BAKI, 3 may — Sputnik. Azərbaycanda Açıq Hökumətin Təşviqinə dair Hökumət-Vətəndaş Cəmiyyəti Dialoqu Platformasının növbəti toplantısı keçirilib. Bununla bağlı Sputnik Azərbaycan-a danışan BAXCP sədrinin müavini, QHT sədri Niyaməddin Orduxanlı bildirib ki, toplantıda platformanın koordinatoru Əliməmməd Nuriyev görülmüş işlər barədə məlumat verib.

Nuriyev qeyd edib ki, son bir ay ərzində Platforma İqtisadi İslahatların Təhlili və Kommunikasiya Mərkəzi ilə birgə "Milli iqtisadiyyat və iqtisadiyyatın əsas sektorları üzrə strateji yol xəritəsinin başlıca istiqamətləri" mövzusunda konfrans keçirib. Konfransda strateji yol xəritələrinin icrası, monitorinqi məsələlərində vətəndaş cəmiyyətinin baxışı, təklifləri səslənib.

"Bu görüş yeni əməkdaşlıq modelinin qurulması üçün başlanğıc kimi qiymətləndirilib. Sənəd çərçivəsində islahat proseslərinə dəstək vacibdir. Strateji yol xəritələri ilə bağlı birgə tədbirlər davam etdiriləcək. Bu müzakirələr peşəkar xarakter daşıyacaq və konkret mövzulara həsr olunacaq" – deyə Ə. Nuriyev bildirib.

O, Platformanın növbəti görüşünün Vergilər Nazirliyinin rəhbərliyi ilə keçiriləcəyini və tədbirin təşkili üçün müvafiq hazırlıqlar görüldüyünü deyib. May ayının ikinci yarısında Açıq Hökumət Tərəfdaşlığı Beynəlxalq Təşkilatının İdarə Heyəti üzvlərinin Bakıya səfər edəcəyini xatırladan koordinator, Platforma üzvləri ilə də görüş keçirilməsinin nəzərdə tutulduğunu qeyd edib.

Toplantıda Platformaya yeni üzvlüklə bağlı müraciətlərə baxıldığını deyən Niyaməddin Orduxanlı, "Multimedia" İnformasiya Sistemləri və Texnologiyaları Mərkəzinin, "Gənc Vətəndaş" Maarifləndirmə İB-nin, "Bələdiyyələrin İnkişafına Yardım" İB-nin Platformaya üzv qəbul olunduğunu bildirib.

"İclasda Prezident yanında QHT-lərə Dövlət Dəstəyi Şurası Katibliyinin icraçı direktoru Fərasət Qurbanov vətəndaş cəmiyyəti təşkilatlarını narahat edən məsələlərin həlli ilə bağlı görülən işlər barədə məlumat verdi. Platforma üzvləri Rəna Səfərəliyeva, Novella Cəfəroğlu, Əhməd Abbasbəyli, İsrail İsgəndərov, Qadir İbrahimli və digərləri öz təkliflərini səsləndirdilər" – deyə Orduxanlı bildirib.

61
Teqlər:
koordinator, Azərbaycanda Açıq Hökumətin Təşviqinə dair Hökumət-Vətəndaş Cəmiyyəti Dialoqu Platforması, Niyaməddin Orduxanlı, QHT, Əliməmməd Nuriyev
Əlaqədar
QHT sektorunda kütləvi narazılıq: layihələrdən imtina oluna bilər
İcraçı direktor: “Dövlət QHT-lərin güclənməsini istəyir”
QHT-lərin problemləri müzakirə olunub
QHT-lər çirkin kampaniyaya etiraz etdilər
Siyasi partiya və QHT-lərə 6 milyon manat ayrılacaq
Peyvənd, arxiv şəkli

Azərbaycanda hansı peyvənd sınaqdan keçirilir? Açıqlama

8
(Yenilənib 18:47 28.11.2020)
"Ümumdünya Səhiyyə Təşkilatı tərəfindən təsdiqlənmiş və tələblərə cavab verən peyvənd istehsal olunduğu təqdirdə Azərbaycan da təsdiqlənmiş peyvəndlə təmin olunacaq".

Zülfiyyə Quluyeva, Sputnik Azərbaycan

BAKI, 28 noyabr — Sputnik. Son günlər sosial şəbəkələrdə Azərbaycanda koronavirusa görə peyvəndin sınaqdan keçirildiyinə dair məlumat yayılıb. Məlumatlara görə, Azərbaycanda da dünyanın bir sıra ölkələrində uğurlu sayılan peyvəndlər sınaqdan keçirilir.

Sputnik Azərbaycan məsələyə aydınlıq gətirməyə çalışıb. Tibbi Ərazi Bölmələrinin İdarəetmə Birliyinin (TƏBİB) ictimaiyyətlə əlaqələr və PR-marketinq şöbəsinin məsləhətçisi Elnarə Baxış Sputnik Azərbaycan-a açıqlamasında Azərbaycanın hələlik koronavirusa qarşı heç bir ölkədən peyvənd almadığını deyib.

O bildirib ki, Ümümdünya Səhiyyə Təşkilatı tərəfindən təsdiqlənmiş və tələblərə cavab verən peyvənd istehsal olunduğu təqdirdə Azərbaycan da təsdiqlənmiş peyvəndlə təmin olunacaq.  Qeyd edək ki, sentyabrın 18-də İcbari Tibbi Sığorta üzrə Dövlət Agentliyi və GAVI (Global Alliance for Vaccines) təşkilatı arasında saziş imzalanıb.

Bu günədək koronavirusa qarşı Rusiya istehsalı olan “Sputnik V” peyvəndinin Belarusda aparılan klinik sınaqları 95% effektiv olub. Rusiyanın Minskdəki səfiri Dmitri Mezentsev “Rossiya 24” kanalına müsahibəsində deyib ki, sınaqlar 100 Belarus vətəndaşı arasında aparılıb:

“Rusiya istehsalı olan vaksininin yüksək effektivliyi özünü göstərib - təxminən 95%. Bu, çox əhəmiyyətli nəticədir”.

Onu da qeyd edək ki, Rusiyada orduda da koronavirusa qarşı peyvəndləməyə başlanılıb.

8
Kitablar, arxiv şəkli

Əsgərlərimiz arasında ən çox sevilən kitab bəlli oldu

16
(Yenilənib 18:43 28.11.2020)
Yaralı əsgərlərin istəyini nəzərə alaraq, onları maraqlandıran kitabları toplayıb hospitallara göndəriblər.

Nigar İsgəndərova, Sputnik Azərbaycan

BAKI, 28 noyabr — Sputnik. Hazırda hospitallarda müalicə alan qazilərimizin vaxtlarını daha maraqlı keçirilməsi üçün yeni aksiyaya start verilib.

Aksiyanın rəhbəri Qəmər Babayevanın Sputnik Azərbaycan-a verdiyi məlumata görə, bu aksiyaya başlamasının səbəbi sosial şəbəkədə gördüyü paylaşım olub.

"Paylaşım yaralı əsgərimizin Den Braunun "Da Vinçi şifrəsi" kitabını istəməsi haqda idi. Kitabı alaraq əsgərə göndərdik. Ondan sonra düşündüm ki, yəqin digər yaralı əsgərlər də hər hansı kitabı əldə edib oxumaq istəyərlər. Əsgərimizin yatdığı həmin hospitalda bir tanış tapdım və beləcə, bu aksiyaya start verdik. Palatada yaralı əsgərlərin sayı çox idi. Biz onların istəklərini öyrəndik. Onlar da kitab hədiyyə olunmasını istədiklərini dedilər", - Babayeva bildirib. 

Azərbaycan Əmək və Sosial Münasibətlər Akademiyasının "Mühasibat uçotu və audit" ixtisasını bitirən və "Xaricdə çörək" layihəsinin rəhbəri olan Qəmər Babayevanın sözlərinə görə, qazilərimizin əksəriyyəti dedektiv janrda olan kitablara maraq göstərirlər.

"Əsgərlərimiz arasında Den Braunun "Da Vinçi şifrəsi" kitabına maraq daha çoxdur. Biz onlara xarici dedektivlərin kitabları ilə yanaşı, müxtəlif stolüstü oyun vasitələri də aparaq. Düşünürəm ki, bu aksiya onlara mənəvi dəstək və motivasiya vermiş oldu", - deyə Babayeva bildirib.  

Onun sözlərinə görə, bu aksiyaya dəstək verənlər arasında Azərbaycanda yaşayanlarla yanaşı, xaricdə yaşayan soydaşlarımız da dəstək verib. Onlar hesaba pul yatırmaqla öz dəstəklərini nümayiş etdiriblər.

16
Xudavəng monastırı, arxiv şəkli

Müdafiə Nazirliyi Vəng kəndindən möhtəşəm videogörüntülər paylaşıb

45
(Yenilənib 20:26 28.11.2020)
Noyabrın 28-də Müdafiə Nazirliyi Kəlbəcər rayonunun Vəng kəndindən videogörüntülər hazırlayaraq ictimaiyyətə təqdim edib.

BAKI, 28 noyabr - Sputnik. Müdafiə Nazirliyi noyabrın 28-də Kəlbəcər rayonunun Vəng kəndindən videogörüntülər hazırlayaraq ictimaiyyətə təqdim edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Sənədin digər müddəalarına əsasən, 2020-ci il dekabrın 1-də Laçın rayonu Azərbaycana qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

45