İnsan alveri ilə bağlı maarifləndirmə tədbiri

Görün ölkəmizdə kimlər insan alverinin qurbanı olur?!

352
(Yenilənib 23:26 02.05.2017)
Mahirə Əmirhüseynova: "İnsan alverinin potensial qurbanları əsasən aztəminatlı təbəqənin nümayəndələridir"

BAKI, 2 may — Sputnik. Azərbaycanda insan alverinə qarşı mübarizə prioritet məsələlərdən biridir. Tədqiqatların nəticəsi göstərir ki, insan alverinin potensial qurbanları əsasən aztəminatlı təbəqənin nümayəndələridir.

Sputnik Azərbaycan-ın məlumatına görə, bunu İnsan Alverinə Qarşı QHT koalisiyasının və "XXI Əsrin Qadınları" İctimai Birliyinin sədri Mahirə Əmirhüseynova İsmayıllı Humanitar və Texnologiya Kollecində keçirilən tədbirdə bildirib.

Tədbir İB-in AR Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi "İnsan alverinə qarşı mübarizə üzrə maarifləndirmə, bu sahədə psixoloji və hüquqi yardım təşəbbüslərinin dəstəklənməsi" layihəsi çərçivəsində keçirilib. M.Əmirhüseynova deyib ki, qadınlarımız çox vaxt iş yeri, qazanc mənbəyi axtararkən arzuolunmaz şəxslərin təsirinə düşür və insan alverinin qurbanına çevrilirlər.

İnsan alverinə qarşı maarifləndirmə tədbiri - İsmayıllı
Mahirə Əmirhüseynova
İnsan alverinə qarşı maarifləndirmə tədbiri - İsmayıllı

"Azərbaycanın İnsan Alverinə Qarşı Mübarizə üzrə Milli Koordinatoru, daxili işlər nazirinin birinci müavini Vilayət Eyvazov aprel ayında illik hesabatı təqdim edərkən bildirmişdi ki, 2016-cı ildə əvvəlki illə müqayisədə 29,4 faiz çox və ya 141 insan alveri faktı aşkarlanıb. Təəssüfləndirici haldır ki, traffikinq qurbanları arasında Azərbaycanın bölgələrindən olan gənc qadınlar üstünlük təşkil edir. Onların çoxu erkən ailə qurub sonra boşanmış, imkansızlıqdan, işsizlikdən insan alverçilərinin girovuna çevrilmək məcburiyyətində qalmışdılar" – deyə Əmirhüseynova bildirib.

Birlik sədri qeyd edib ki, sözügedən layihəni həyata keçirməkdə məqsəd məhz Bakıda və regionlarda yaşayan gənclər, yeniyetmələr arasında insan alverinə qarşı mübarizə üzrə maarifləndirmə işinin təşkili, eləcə də bu problemdən əziyyət çəkən şəxslərin psixoloji və hüquqi müdafiəsinin həyata keçirilməsindən ibarətdir.

Tədbirdə DİN-in İnsan Alverinə Qarşı Mübarizə Baş İdarəsinin (İAQMBİ) əməkdaşı, polis polkovnik-leytenantı Fizuli Qurbanov, İsmayıllı Humanitar və Texnologiya Kollecinin direktoru, dosent Kəmalə Süleymanlı da çıxış edərək gəncləri insan alveri ilə bağlı məlumatlandırıblar.

Analoji tədbir bu gün Şamaxı Dövlət Regional Kollecində (ŞDRK) də keçirilib.

DİN-in İAQMBİ-nin əməkdaşı, polis baş-leytenantı Emin Əsədov, ŞDRK-nın direktor müavini Vaqif Eyyubov da mövzu ilə bağlı gənclərlə söhbət aparıblar. V.Eyyubov bildirib ki, aldadılaraq insan alverinin qurbanına çevrilmiş adamlar dərhal vəziyyətdən çıxış yolu axtarmalıdırlar. Onlar aparıldıqları ölkələrdəki diplomatik nümayəndəliklərə, oranın hüquq-mühafizə orqanlarına müraciət edərək xilas ola bilərlər.

"Əgər onlar qurban olmaq istəmirdilərsə və bunu gec başa düşüblərsə, qayıdıb gəlmək üçün yollar axtarmalıdırlar. Əks təqdirdə bilməlidirlər ki, onları gələcəkdə yaxşı heç nə gözləmir" – deyən Eyyubov vurğulayıb ki, son zamanlarda xüsusilə sosial şəbəkələrdə aldadılmış insanların sayı çoxalıb.

"Xanımlarımız bəzən sadəlövhlükdən, bəzən məlumatsızlıqdan kimlərinsə toruna düşürlər. Tanımadıqları insanlarla ünsiyyətləri yaranır və bu, mənfi nəticələrə aparır. Bunun üçün də, qızlarımız sosial şəbəkələrdə tanış olarkən, əks cinsin nümayəndələri ilə dostluq edərkən, diqqətli olmalıdırlar" – deyə direktor müavini bildirib.

İnsan alverinə qarşı maarifləndirmə tədbiri - Şamaxı
Mahirə Əmirhüseynova
İnsan alverinə qarşı maarifləndirmə tədbiri - Şamaxı

Tədbirdə respublika üzrə boşanmaların ən çox Şamaxı rayonunda olduğu, bu baxımdan burada potensial insan alveri qurbanlarının da çox olduğu bildirilib. Şamaxı rayon Məhkəməsindən boşanmaların statistikasını əldə edən tədbir iştirakçısı Rəşad Salahov bildirib ki, rayonda bir ay ərzində 120 ailə qurulursa, onun 72-75-i dağılır.

M.Əmirhüseynova Sputnik Azərbaycan-a açıqlamasında bildirib ki, sözügedən tədbirlərdə iştirak edən gənclərin böyük əksəriyyəti insan alverinin nə olduğundan xəbərsizdir və bu təhlükə ilə hansı hallarda üzləşə biləcəklərini bilmirlər.

Qeyd edək ki, müvafiq Milli Fəaliyyət Planına uygun olaraq, DİN-in İAQMBİ, Təhsil Nazirliyi, İnsan Alverinə Qarşı QHT koalisiyasının birgə təşkilatçılığı ilə regionlarda insan alveri ilə mübarizəyə dair silsilə tədbirlər davam etdiriləcək.

352
Teqlər:
İsmayıllı Humanitar və Texnologiya Kolleci, Şamaxı Dövlət Regional Kolleci, DİN-in İnsan Alverinə Qarşı Mübarizə Baş İdarəsi, daxili işlər nazirinin birinci müavini Vilayət Eyvazov, AR prezidenti yanında Qeyri-Hökumət Təşkilatlarına Dövlət Dəstəyi Şurası, İnsan alverinə qarşı mübarizə üzrə maarifləndirmə, "XXI Əsrin Qadınları" İctimai Birliyi, Mahirə Əmirhüseynova
Əlaqədar
İnsan alveri ildən-ilə artır
Azərbaycanda insan alveri davam edir
İnsan alveri ilə məşğul olan 11 nəfər məhkəməyə cəlb edilib
Şəhidin dəfni

Qırx gün itkin sayılan şəhid dəfn olundu

7
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

7
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

5
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

5
Вышка командно-диспетчерского пункта аэродрома аэропорта в населённом пункте Ходжалы, фото из архива

Xankəndi limanı: Sülhməramlıdan mülki təyinatadək

0
Üçtərəfli razılaşma imzalandıqdan və Rusiyanın sülhməramlı əməliyyatı başladıqdan sonra bölgədəki vəziyyət kökündən dəyişib.

 

BAKI, 3 dekabr — Sputnik, Aleksandr Xrolenko, hərbi şərhçi. Rusiyanın Dağlıq Qarabağdakı sülhməramlı əməliyyatı mürəkkəb logistikası ilə fərqlənir. Xankəndindəki aerodromun bərpası və modernləşdirilməsi Rusiya HKQ-nin hərbi-nəqliyyat təyyarələrini qəbul etməyə imkan verəcək, yeni əməliyyat imkanları yaradacaq, qoşun birləşməsinin təchizatının bir çox problemlərini həll edəcək.

Qarabağı Ermənistan ilə yalnız eni 5 kilometr olan Laçın dəhlizi birləşdirir. Yola Ruisya sülhməramlıları nəzarət edirlər, amma yenə də bu yol bölgədə mümkün gərginləşmə halında ciddi təhlükə altında olacaq. Perspektivdə yeni yolun (dəhlizin) tikintisi və Laçın şəhərinin Azərbaycana təhvil verilməsi var. Lakin insanların və yüklərin operativ daşınmasına artıq bu gün ehtiyac var.

Xankəndindən Yerevana (Erebuni aviabazası, Zvartnos hava limanı) avtomobil yolu 320 km-dir. Əməliyyatın ilk günlərində sülhməramlılar Xankəndinə bu marşrutla gedirdilər. Sonra (noyabrın 28-dən) yeni marşrut ortaya çıxdı: Rusiyadan gələn yük və texnika dolu vaqonlar Azərbaycanın Bərdə dəmiryolu stansiyasına gəlir və buradan avtomobillərlə təxminən 100 km-lik Bərdə-Ağdam-Xankəndi marşrutunu qət edir. Bu marşrutla da məsafə uzaqdır.

Dağlıq Qarabağın şəraitində bölmələrin, yüklərin və texnikanın operativ şəkildə yüz kilometrlərlə məsafəyə çatdırılması mürəkkəb qoşun əməliyyatına çevrilir. İldə iki dəfə sülhməramlı qruplaşmanın şəxsi heyəti rotasiya edilməlidir. Bölgədə vəziyyətin gərginləşməsi əlavə qüvvə və vəsait tələb edə bilər. Xankəndi şəhərinin 9 kilometrliyində hava limanı var və o nəzəri olaraq ağır hərbi-nəqliyyat aviasiyasını qəbul edə bilər. Burada uçuşlar 1990-cı illərin əvvəllərində hərbi əməliyyatlara görə dayandırılıb. Hava limanının infrastrukturu 2020-ci ilin sentyabr və oktyabrında Azərbaycanın raket zərbələri nəticəsində zərər görüb, lakin uçuş-enmə zolağının (UEZ) uzunluğu 2200 metrdir. Yerli relyef lazım gələrsə, zolağın uzunluğunu 1 000 metr artırmağa və yanında ikincisini tikməyə imkan verir. Xankəndi yaxınlığındakı hava limanının bərpası və modernləşdirilməsinin qiyməti yaxından baxdıqda uzun illik uzaq məsafəyə uçuşlardan, nəhəng vaxt və qüvvə xərclərindən baha olmaya bilər. Hava limanı həmçinin mülki yüklərin daşınması üçün logistik mərkəz və perspektivdə Dağlıq Qarabağın iqtisadi inkişafının vacib tərkib hissəsi ola bilər.

Uzaq və təhlükəli yol

Rusiyalı sülhməramlılar 23 müşahidə postunda 24 saat Dağlıq Qarabağdakı atəşkəs rejiminə nəzarət edirlər, Laçın dəhlizi ilə əhalinin və avtonəqliyyatın hərəkətinin təhlükəsizliyini təmin edirlər. Noyabrın 14-dən 30 minədək qaçqın öz evinə qayıdıb. Bölgədə fəal şəkildə rusiyalı istehkamçılar, hərbi həkimlər, FHN əməkdaşları işləyirlər.

Sülhməramlı qüvvələrin həll olunması daimi mobillik tələb edir. Qarabağ müharibəsinin dayandırılması barədə üçtərəfli Rusiya-Azərbaycan-Ermənistan razılaşmasının əsasında Moskvayla Bakı arasında imzalanmış xüsusi protokol Azərbaycanla Ermənistan arasında nəqliyyat kommunikasiyaların açılmasını nəzərdə tutur. Aydındır ki, bu sənəd nəinki yerdəki, həm də səmadakı qadağaları da götürür. Söhbət Xankəndi hava limanına uçuşlardan gedir. Rusiyadan birbaşa reys bir çox logistika və təchizat problemlərini aradan qaldırardı, 15-ci sülhməramlı briqadanın qoşun birləşməsi üçün yeni əməliyyat imkanları yaradardı.

Daha əvvəl Gürcüstan Azərbaycan və Ermənistanın xahişi ilə öz hava məkanını Yerevana uçuş həyata keçirən Rusiya hərbi-nəqliyyat aviasiyası üçün açmışdı. Oradan yüklər quru uzaq yolla Xankəndinə daşınırdı. İndi bölgənin səmasını tam açmağın əsl vaxtıdır. Bu, Azərbaycandan Naxçıvan Muxtar Respublikasına yol çəkilməsi layihəsinə də fayda verə bilər.

Bağlı səma

Xankəndi hava limanı 2012-ci ildə artıq təmir olunmuşdu və təyyarələri qəbul etməyə hazır idi. Lakin bu, Bakının əks-reaksiyasına görə baş vermədi. Lakin üçtərəfli razılaşma imzalandıqdan və Rusiyanın sülhməramlı əməliyyatı başladıqdan sonra bölgədəki vəziyyət kökündən dəyişib. Uçuşların təhlükəsizliyinə yenidən baxmaq və qadağaları götürmək vaxtıdır. Həm də Ermənistanla Azərbaycan bu məsələdə bir-birilərinə borclu qalmırlar: Bakıdan Naxçıvana reyslər Ermənistan üzərindəki beynəlxalq dəhlizlərdən keçir və erməni aviaşirkətləri də Azərbaycan səmasındakı beynəlxalq səviyyədə qorunan hava koridorlarından istifadə edirlər.

Azərbaycan Prezidenti İlham Əliyev son çıxışında deyib: "Bu gün Dağlıq Qarabağda yaşayan ermənilər və mütləq oraya qayıdacaq azərbaycanlılar gün gələcək yenə yaxşı qonşuluq şəraitində yaşayacaqlar. Burada logistik məsələlər var, nəqliyyat məsələləri var, enerji təhlükəsizliyi var. Biz bütün bu məsələləri nəzərdən keçirəcəyik".

Bu sözlər ümid verir. Əgər bu yüksək dağlıq ərazidəki hava limanı tezliklə işə başlasa, bu regional sülhə və təhlükəsizliyə fayda verəcək.

0
Teqlər:
Rusiya, sülhməramlılar, Dağlıq Qarabağ, hava limanı, Xankəndi