İlanlı ev

Azərbaycanda ilanlarla eyni evdə yaşayan ailə

579
(Yenilənib 12:14 02.05.2017)
Evlərini ilanlarla paylaşan sakinlər bir çıxış yolu tapa bilmirlər

İlham Əhmədov, Sputnik Azərbaycan

BAKI, 2 may — Sputnik. Oğuzun Padar kəndində bir ailə ilanlarla birlikdə yaşayır. Nə qədər ürküdücü olsa da, illərdir öz evlərini ilanlarla paylaşan sakinlər bir çıxış yolu tapa bilmirlər.

Ailə başçısı Cəmşir Ələsgərov Sputnik Azərbaycan-ın bölgə müxbiri ilə söhbətində üzləşdikləri təhlükəni anladıb: "Bir neçə il öncə evdə ilana rast gəldim. Getdikcə onların sayı artmağa başladı".

Ailə üzvləri müxtəlif vasitələrlə bu təhlükəli heyvanlardan canlarını qurtarmağa çalışsalar da, heç bir faydası olmayıb. Çağırılmamış qonaqlarla bağlı kənd bələdiyyəsinə və icra nümayəndəliyinə də dəfələrlə müraciət edən C. Ələsgərovun səsinə səs verən olmayıb.

  • İlanlı ev
    İlanlı ev
    © Sputnik / İlham Ahmadov
  • İlanlı ev
    İlanlı ev
    © Sputnik / İlham Ahmadov
  • İlanlı ev
    İlanlı ev
    © Sputnik / İlham Ahmadov
1 / 3
© Sputnik / İlham Ahmadov
İlanlı ev

İki metrə qədər uzunluğu olan ilanların zəhərli olduğu ehtimal olunur. Xoşbəxtlikdən indiyədək ailə üzvlərindən kimisə sancmasalar da, bu təhlükənin baş verməyəcəyinə dair zəmanət də yoxdur. İndi Ələsgərovlar ailəsinin yeganə ümidi, məsələnin ciddiliyini nəzərə alaraq, mütəxəssislərin əraziyə baş çəkməsinə qalıb.

Məsələ ilə bağlı Kənd Təsərrüfatı Nazirliyi yanında Dövlət Baytarlıq Xidmətinin Oğuz rayon şöbəsindən Sputnik Azərbaycan-a bildirdilər ki, evin ilanlardan təmizlənməsi Oğuz rayon Gigiyena və Epidemiologiya Mərkəzinin səlahiyyətindədir. Həmin Mərkəzdən isə əksini diqqətə çatdırdılar ki, ilanların təmizlənməsi üçün lazım olan dərman preparatları yalnız rayon baytarlıq idarəsində olur.

Görünən odur ki, Ələsgərovlar ailəsindən kimisə ilan sancmasa, hansısa faciə baş verməsə, heç bir qurum hərəkətə keçməyəcək.

579
Teqlər:
Çəmşir Ələsgərov, Padar kəndi, Oğuz, ailə, ilan, ev
Əlaqədar
"İlan şah"ın öldürülməsi
İlanlar orta məktəbə daraşıb: 130 şagirdin həyatı təhlükədə
Amerikalıların "ilanı Seyid Əhməd əli ilə tutmaq" planı
Təyyarədə ilan şoku
İlan-qurbağa gölündə çörək axtaranlar
Heydər Əliyev Sarayı, arxiv şəkli

Heydər Əliyev Sarayı "Tarixi səhnə" adlı yeni layihəyə start verib

3
Layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

 

BAKI, 19 yanvar — Sputnik. Heydər Əliyev Sarayı "Tarixi səhnə" adlı yeni layihəyə start verib.

Sputnik Azərbaycan xəbər verir ki, "Tarixi səhnə" layihəsi 1972-ci ildən tamaşaçıların ixtiyarına verilən, paytaxtımızın memarlıq simasında xüsusi yeri olan, Azərbaycan mədəniyyəti və incəsənətinin uzun illər nümayiş olunduğu, möhtəşəmliyi ilə seçilən, ictimai-siyasi, mədəni kütləvi tədbirlərə ev sahibliyi edən, önəmli hadisələri, tədbirləri səhnəsindən geniş tamaşaçı kütləsinə çatdıran ümummilli liderimizin adını daşıyan Heydər Əliyev Sarayına həsr olunub.

Sarayın direktoru Ramil Qasımovun ideya müəllifi olduğu layihənin hazırlanmasının əsas məqsədi Heydər Əliyev Sarayının Azərbaycanın görkəmli mədəniyyət və incəsənət xadimlərinin həyat və yaradıcılığındakı xüsusi rolunu, müstəsna əhəmiyyətini və maraqlı xatirələrin geniş kütləyə çatdırılmasıdır.

Eyni zamanda, layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

Qeyd edək ki, 2022-ci ildə Heydər Əliyev Sarayının fəaliyyətə başlamasının 50 illiyi tamam olacaq. Layihə cari il və gələn il ərzində davam etdiriləcək. Bundan əlavə, "Tarixi səhnə" adlı festivalın və "Tarixi səhnə" filminin çəkilməsi nəzərdə tutulub.

3

Bölgələrdə qar, Bakıda sulu qar yağıb - FAKTİKİ HAVA

16
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.

16

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17