Əlirza Məmmədov

"Kaş gözlərim açılaydı, anamın üzünü bircə dəfə görəydim..."

451
(Yenilənib 10:52 01.05.2017)
Arzulayır ki, bir iş adamı tapılsın, gözlərinin açılması üçün əməliyyat xərclərini ödəsin

İradə Cəlil, Sputnik Azərbaycan

BAKI, 1 may — Sputnik. Onun üçün hər tərəf işıqdır, hər tərəf qaranlıq. Gördükləri, sadəcə təsəvvürləridir. Dünyaya göz açandan hər şeyi ağ və qara rənglərdə təsəvvür edən gəncin həyatda ən böyük arzusu heç olmasa bir dəfə anasının üzünü görməkdir. Deyir ki, özünü anlayandan tək bir istəyi olub — dünyanı, insanları, insanların gülüşünü görmək, baxışlarına şahid olmaq.

Əlirza Məmmədov 1997-ci ildə Ucar rayonunda anadan olub. Anadangəlmə göz qüsuru ilə doğulan Əlirza 6 yaşına kimi rayonda qalıb. Sonra "Sağlamlıq imkanları məhdud uşaqlar üçün internat məktəbində" oxumağa başlayır: "12 il həmin məktəbdə təhsil almışam. Göz qüsuru məndə anadangəlmə problemdir. 1998-ci ildə bir gözümdən iki dəfə əməliyyat edildim. Vəd etmişdilər ki, gözüm görəcək. Amma təəssüf olsun ki, bu əməliyyatlar nəticəsiz qaldı. Sonra yenə əməliyyat etmək istədilər. Amma atam razı olmadı ki, onsuz da bir faydası yoxdur. Həm güclü pul xərcləmişdi, həm də mən iki dəfə narkoz almışdım".

2015-ci ildə internat məktəbini bitirən Əlirza, ali məktəbə qəbul olmaq üçün imtahanlarda iştirak edir. Birinci il istədiyi ixtisasa qəbul olunmadığı üçün növbəti il özünü yenidən sınayır. Bu dəfə Bakı Dövlət Universitetinin Filologiya fakültəsinin "Alman dili və ədəbiyyatı" ixtisasına qəbul olunur.

Deyir ki, təhsili ödənişli olduğu üçün bir az problemlər yaşayır: "Dostlarım, qohumlarım çalışırlar ki, mən təhsilimi davam etdirim. Təhsil haqqım 1600 manatdır. Hal-hazırda Güzdəkdə yataqxanada qalıram. Yol çox uzundur, yorur adamı".

O, gözlərinin tam açılmamasına da razıdır: "Demirəm ki, gözlərim 100 faiz açılsın. 5-10 faiz görə bilim ki, kiməsə möhtac olmayım. İndi gündüz işıqdan, gecə qaranlıqdan başqa heç nə görmürəm. Bir neçə dəfə Paşa Qəlbinurun qəbulunda olmuşam, məni müayinə edib. O deyir ki, "göz sağlamdır, problem buynuz qişasındadır". Yəni, göz qarasının üzərini tor alıb. Ona görə də, buynuz qişanın vəziyyətini görmək mümkün deyil. Yalnız əməliyyatla donor köçürmək lazımdır. Həkimlər mənə məsləhət verirlər ki, İstanbuldakı "Dünya" klinikasında yoxlamalardan keçim, sonra nəticəsi bəlli olacaq".

Алирза Мамедов
© Sputnik / Irade JELIL
Алирза Мамедов

Əlirza danışır ki, görmə və eşitmə qüsurlu insanların hissetmə qabiliyyəti güclü olur. Yəni, onlar nəyəsə toxunmaqla hiss edirlər: "Bu xəstəlik məndə anadangəlmə olduğundan, o qədər də dərd çəkmirəm. Bəlkə bu, sonradan qazanılmış olsaydı, mən dözə bilməzdim. Amma indi görmənin nə olduğunu bilmədiyim üçün yaşaya bilirəm".

"Mənə insanların da davranışları pis təsir edir. Məsələn, mən bu gün ağacla hərəkət edirəmsə, gətirib pul verirlər. Bu, məni çox incidir. Xarici ölkələrdə göz qüsuru olan insanlar itlə, ağacla hərəkət edə bilir. Amma bizdə buna pis baxırlar. Mütləq yanında kimsə olmalıdır" — deyir.

O, xəyal qurmağı sevmir. Qorxur ki, qurduğu xəyalları paramparça olar. Və puç olan arzular onu daha çox incidər: "Bəzən gecələr düşünürəm ki, görəsən dünya necədir, insanlar necədir. Yaxınlarımın üzünü görmək istəyirəm. Özüm sərbəst hərəkət etmək istəyirəm. Arzularımın həyata keçməsi üçün görmək istəyirəm".

Deyirlər ki, müəyyən fiziki qüsuru olan insanların mənəvi dünyası daha zəngin olur. Əlirzanın da mənəvi dünyası var: "Çox istərdim ki, hər yerə özüm sərbəst gedib-gələ bilim. Çox zaman insanlar deyirlər ki, "kaş kor olaydım, bu günü görməyəydim". Çox nahaq yerə bu ifadəni işlədirlər. Onlar görməməyin nə olduğunu bilmirlər. Bilsəydilər, belə deməzdilər. Görməmək çox ağırdır".

Əlirzanın 20 yaşı və böyük ümidləri var. Arzulayır ki, bir iş adamı tapılsın, gözlərinin açılması üçün əməliyyat xərclərini ödəsin, gözləri açılsın və anasının, yaxınlarının üzünü görə bilsin…

P.S. Əlirza Məmmədova yardım etmək istəyənlər Sputnik Azərbaycan-ın redaksiyası ilə əlaqə saxlaya bilər.

451
Teqlər:
Əlirza Məmmədov, qüsur, göz, görmə əngəlli, dünya, insan
Əlaqədar
Direktorun təcavüz etdiyi qız: "Meyvə şirəsinə yuxu dərmanı qatıbmış..."
Bu bacıların həyatı bir film ssenarisidir
Xəzər bu ailədə 10 uşağı yetim qoydu
Qardaşı da onu axtarır, həyat yoldaşı da: biri öldürmək üçün, digəri...
Həyatı faciəyə çevrilmiş qadın: "Məni bura Gülər Əhmədova gətirdi"
Avtostop

"Piyada" istirahət - sabahın havasından xəbərdar olun

0
(Yenilənib 13:15 08.08.2020)
Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq

BAKI, 8 avqust — Sputnik. Azərbaycanda avqustun 9-da gözlənilən hava proqnozu açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə,  Bakıda və Abşeron yarımadasında havanın yağmursuz keçəcəyi gözlənilir, ümlayim cənub küləyi əsəcək.

Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək.

Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin axşam bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Səhər dağlarda duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 19-24, gündüz 33-38, dağlarda gecə 11-16, gündüz  20-25 dərəcə isti olacaq.

Xatırladaq ki, Nazirlər Kabineti yanında Operativ Qərargahın qərarı ilə şənbə və bazar günləri karantin rejimi tətbiq olunan ərazilərdə ictimai nəqliyyat işləməyəcək.

0
Teqlər:
hava proqnozu
Mingəçevirdə sürüşmənin baş verdiyi ərazi

Bu yayın bəlaları tükənmir - Mingəçevir su anbarı yaxınlığında böyük təhlükə yaranıb

9
(Yenilənib 12:57 08.08.2020)
Mingəçevirin Turbaza adlanan hissəsində torpaq sürüşüb. Bu zaman xəsarət alan olmasa da, iki irigövdəli şam ağacı kökündən qopub. Bir neçə evin divarlarında çatlar yaranıb

Rahim Məmmədov, Sputnik Azərbaycan

BAKI, 8 avqust — Sputnik. Mingəçevirdə sürüşmə baş verib. İyul ayında dözülməz isti, avqustun ilk günlərində isə gözlənilməz leysan yağışı ərazidə sürüşməyə səbəb olub.

Sputnik Azərbaycan xəbər verir ki, təbiət hadisəsi Mingəçevirin keçmiş turist bazası (Turbaza) adlanan hissəsində, məcburi köçkünlərin məskunlaşdığı ərazidə baş verib. Bu zaman xəsarət alan olmasa da, 2 irigövdəli şam ağacı kökündən qopub. Bir neçə evin divarlarında çatlar yaranıb.

Ağdam rayonunun Salahlı kəndindən məcburi köçkün Fərail Məmmədov baş verən hadisə haqda Sputnik Azərbaycan-a danışıb.

  • Mingəçevirdə sürüşmənin baş verdiyi ərazi
    © Sputnik / Rahim Mammedov
  • Mingəçevirdə sürüşmənin baş verdiyi ərazi
    © Sputnik / Rahim Mammedov
  • Mingəçevirdə sürüşmənin baş verdiyi ərazi
    © Sputnik / Rahim Mammedov
1 / 3
© Sputnik / Rahim Mammedov
Mingəçevirdə sürüşmənin baş verdiyi ərazi

“Yağış yağıb, sel olan kimi evlərin altı ovula-ovula gedir. Güclü yağış olan günü titrəyiş də oldu, bəlkə də zəlzələ idi. Ondan sonra evlərdə çatlar yarandı, təhlükəli hala düşdü. İri gövdəli ağaclar sürüşmə nəticəsində kökündən qopdu. Bir neçə evdə yaşamaq mümkün deyil, çox təhlükəlidir. Yenə sürüşmə olsa, axıb gedəcək dənizə (su anbarına - red.)", - F.Məmmədov bildirib.

Ağdam, Kəlbəcər rayonlarından məcburi köçkün olan sakinlər yaşadıqları məkanın ən çox uşaqlar üçün təhlükəli olduğunu deyirlər. Uçqun olan hissələrin günbəgün artması, irigövdəli ağacların aşması burada həyəcanı daha da artırır.

Ağdam rayonundan məcburi köçkün Vəli Zeynalov güclü yağışdan sonra evinin damından axan yağış sularının ziyanından danışıb: “Gecə səhərə qədər yatmadıq, paltar-palazımız suya qərq oldu. Qonşularımızda da eyni vəziyyət oldu. Hətta mənim qaynımın toyuq-cücəsi də yağışdan sonra yaranan uçqun zamanı tələf oldu".

Sakinlər bildirirlər ki, illərdir buradakı vəziyyətlə bağlı aidiyyəti qurumları məlumatlandırsalar da, onlar burada yaşayanların köçürülməsi haqqında hələ də fikirləşirlər.

Qeyd edək ki, Azərbaycanın bir sıra bölgələri bu il quraqlıqdan əziyyət çəkir. Kür və Araz çaylarında suyun səviyyəsi həddən artıq enib, hətta Neftçalada dəniz suyu çay suyuna qarışıb. Bununla yanaşı, bir sıra bölgələrdə də leysan səbəbindən sel suları kənd təsərrüfatına xeyli ziyan vurub.

9
Əlaqədar
Adamları piyada qoyan təpə və iki ildir cavabı tapılmayan sual: yeni fəlakətimi gözləyək?
Su altındakı nadir tapıntı: Mingəçevirdə quraqlıq nəticəsində daşlaşmış ağac aşkar edildi
Gözümüzü göyə zilləyək? Plan olmasa, su içmək üçün yağışdan ötrü dua edəcəyik
Məhsuldarlıq olmayacaq! Suvarma problemi hər sahədə özünü göstərir
Quyuya su tökməsən, quyu sulu olmaz... – Bakı kəndləri ənənəvi mənbədən məhrum olublar