Bank işçisi və müştəri, arxiv şəkli

QHT sektorunda kütləvi narazılıq: layihələrdən imtina oluna bilər

317
(Yenilənib 14:10 28.04.2017)
"Hazırkı şərtlərdə bu qaydanın tətbiqi QHT-ləri çətin vəziyyətə salmaqdan başqa bir şey deyil"

BAKI, 28 aprel — Sputnik. Azərbaycan Respublikasının Maliyyə Bazarlarına Nəzarət Palatasının "Nağdsız hesablaşmalar haqqında" qanuna istinad etməklə bütün banklara ünvanlandığı 04 aprel 2017-ci il tarixli 04/15-174 nömrəli məktubun banklar tərəfindən icrası QHT-lərə ciddi problem yaradıb. Bu, eyni zamanda QHT-lərlə əməkdaşlıq edən fiziki şəxs kimi vergi uçotunda olan şəxslərin də fəaliyyətinə mane olur.

Buna səbəb, sözügedən qanunun 3.4.7-ci maddəsinə istinad edilərək dövlət donor qurumları tərəfindən ayrılmış vəsaitin rəsmiləşdirilməsini nəzərdə tutan qrant müqaviləsinin dövlət satınalma müqaviləsi kimi qiymətləndirilməsi olub. Lakin qrant vəsaitlərinin verilməsi və rəsmiləşdirilməsi dövlət satınalmaları haqqında qanunvericiliyin tələbləri əsasında deyil, qrant haqqında qanunvericiliyin tələbləri əsasında həyata keçirilir.

Halbuki, "Nağdsız hesablaşmalar haqqında" Qanununun 3.3-cü maddəsinə əsasən QHT-lərin təqvim ayı ərzində ümumi məbləği 15 min manatadək olan hesablaşmalar üzrə ödənişlərin nağd qaydada həyata keçirmək hüququ var. Amma QHT-lər Palatanın göstərişi ilə nəinki 15 min, heç 1 manatı belə nağdlaşdıra bilmirlər. Sputnik Azərbaycan-ın əməkdaşı məsələ ilə QHT rəhbərlərinin münasibətini öyrənib.

"Qadın Liderliyi Uğrunda" İctimai Birliyinin sədri Ülkər Abdullayeva Sputnik Azərbaycan-a bildirib ki, problem nağdsız hesablaşmada deyil, ölkəmizdə bununla bağlı müvafiq sistemin formalaşmamasındadır: "Əlbəttə, inkişaf etmiş ölkələrdə bu praktika geniş yayılıb. Nağdsız hesablaşma sistemi o qədər rahat və əlverişlidir ki, insanlar əskinaslarla deyil, bank hesablaşması yolu ilə hesabı ödəməyə maraq göstərirlər. Hətta bunun üçün mobil bank sistemindən istifadə edirlər. Bizdə isə bu sistem yarımçıq, mükəmməllikdən kənar olduğundan, nağdsız hesablaşma insanlara ciddi problem yaradır"

QHT sədri bununla bağlı misallar da gətirib: "QHT-lər layihələrində xidmət haqqı (təlim, ekspert, PR və s.) olaraq kiçik məbləğlər ödəyirlər. Bizdə bu xidmətləri göstərən konkret hüquqi şəxslər və ya daimi olaraq, peşəkarcasına bu işlə məşğul olan fiziki şəxslər çox azdır. Onların çoxu VÖEN hesabı ilə işləmir və belə kiçik məbləğlərə (20-50-70 AZN) görə bank hesabı açdırmaq onlara sərf eləmir. Yaxud bölgələrdə layihələrin icrası zamanı tələb olunan xərcləri nağdsız qaydada ödəmək üçün heç bir infrastruktur mövcud deyil. Ölkədəki əksər bankların hətta öz filialları arasında hesab əməliyyatlarını həyata keçirmək üçün müvafiq sistem formalaşmayıb".

"Təsəvvür edin ki, QHT-lər Prezident yanında QHT-lərə Dövlət Dəstəyi Şurasından kiçik məbləğlərdə qrant alırlar. Bu qrantlar konkret layihələrin icrası üçün nəzərdə tutulur. QHT bilmir ki, bu kiçik vəsaitlə layihəni icra etsin, yoxsa bürokratiyanın yaratdığı problemlərlə, vergi, DSMF, Maliyyə Nazirliyi, Ədliyyə Nazirliyi, bank sistemi və s.-lə bağlı işlərlə məşğul olsun. Onsuz da günü-gündən çətinləşdirilən qaydalara nağdsız hesablaşmanın da əlavə edilməsi QHT-ləri ölkə üçün zəruri olan layihələrin icrasından çəkindirir" — Abdullayeva bildirib.

"Hökumət nəzərə almalıdır ki, QHT-lər kommersiya fəaliyyəti ilə məşğul deyillər, pul, gəlir əldə etmirlər, sadəcə layihələrin icrası üçün donorlardan dəstək alırlar. Bu gedişlə, ölkədəki QHT-lərin əksəriyyəti çökəcək. Nağdsız hesablaşma sistemini tətbiq etməzdən əvvəl sistemi formalaşdırmaq lazım idi. Sonra isə elan etmək olardı ki, məsələn, 2018-ci ilin yanvarından bu sistemə keçiləcək, hazırlaşın! Amma hazırkı şərtlərdə bu qaydanın tətbiqi QHT-ləri çətin vəziyyətə salmaqdan başqa bir şey deyil" – QHT sədri əlavə edib.

"Güzəran" Sosial Araşdırmalar İctimai Birliyinin sədri Qadir İbrahimli qeyd edib ki, Azərbaycanda olan QHT-lərin büdcəsi heç də böyük məbləğdə deyil: "Söhbət 5-10 minlik büdcələrdən gedir. Həmin büdcədə olan layihələri nağd pul olmadan həyata keçirmək mümkün deyil. Məsələn, yerli əhali arasında sorğu keçirmək üçün kimisə rayona ezam edirsən. Bu zaman həmin adamın orada qalma və qidalanma xərclərini ödəməliyik. Bunu necə edə bilərik? Regionlarda bank vasitəsilə ödəmə etmək üçün şərait yaradılmayıb. Ümumiyyətlə bir çox xərclər var ki, onları bank üzərindən etmək mümkün deyil. Bunları nəzərə almaq lazımdır".

"Axı burada kiçik layihələrdən söhbət gedir və onları nağd pul olmadan həll etmək mümkün deyil. Eyni zamanda, bank vasitəsilə həll etmək əlavə xərclərə gətirib çıxarır. Bütün bunlar QHT sektoruna yaxşı heç nə vəd etmir. Bir sıra QHT rəhbərləri ilə birlikdə mən də QHT rəhbəri olaraq prezident İlham Əliyevə müraciət etmişəm. Güman edirəm ki, prezident bu amili nəzərə alacaq. Çünki bizdə bir çox qanunlar hazırlanarkən detallı əsaslandırılmır. Yəni, müəyyən açıq müzakirələr olmur ki, orda əsaslandırılmış qanun ortaya çıxarılsın. Amma mən optimistəm və prezidentin müdaxiləsi ilə bu məsələnin həlli yolunun tapılacağına inanıram" — deyə Q. İbrahimli qeyd edib.

"Bələdiyyələrin İnkişafına Yardım" İctimai Birliyinin sədri Niyaməddin Orduxanlı söyləyib ki, QHT sektorunda nağdlaşmaya qoyulan qadağa faktiki olaraq QHT-lərin fəaliyyətinin dayanması deməkdir: "Layihələrin icra olunması üçün QHT-lərə vəsait ayrılır. Ancaq Maliyyə Bazarlarına Nəzarət Palatasının həmin vəsaitin nağdlaşmasına qoyduğu qadağa səbəbindən layihəni icra etmək mümkün deyil. Bu səbəbdən QHT rəhbərləri olaraq cənab prezidentə müraciət edərək, Rüfət Aslanlının qoyduğu qadağanın aradan qaldırılmasına köməklik göstərməsini xahiş etdik".

"Əgər bu qadağa aradan qaldırılmasa, heç bir QHT layihəsi icra olunmayacaq. Çünki icra mümkün deyil. Absurddur ki, dövlət sənin layihəni dəstəkləsin, ona vəsait ayırsın, ancaq Rüfət Aslanlının başçılıq etdiyi palata bunun icrasına mane olsun. Artıq QHT rəhbərləri layihələrin geri qaytarılması məsələsini gündəmə gətiriblər" — Orduxanlı əlavə edib.

317
Teqlər:
"Nağdsız hesablaşmalar haqqında" qanun, Niyaməddin Orduxanlı, Rüfət Aslanlı, Maliyyə Bazarlarına Nəzarət Palatası, QHT, Qadir İbrahimli, Ülkər Abdullayeva, maliyyə, pul, Azərbaycan, bank, sədr
Əlaqədar
QHT-lərin problemləri müzakirə olunub
QHT-lər çirkin kampaniyaya etiraz etdilər
Elməddin Behbud: “Xaricdən maliyyələşən QHT-lərin fəaliyyətində qanun pozuntuları var idi”
Siyasi partiya və QHT-lərə 6 milyon manat ayrılacaq
"Dövlətin dəstəyi olmadan QHT-lərin inkişafından danışmaq mümkün deyil"
Azərbaycanda QHT-lərin Açıq Hökumət Platforması yaradılacaqmı?
İşbaz QHT-çilər və reket jurnalistlər Prezident Aparatının diqqətindədir
Uşaq televizora baxır, arxiv şəkli

"Tıq-tıq dostları möcüzələr axtarışında" filminin 2-ci hissəsi çəkilir

0
(Yenilənib 13:18 27.11.2020)
Bu sirli hadisələrin ən yaxşı tərəfi Tıq-tıqa yeni bir dost qazandırması olacaqdır. Filmin istehsalının 2021-ci ilin mart ayında tamamlanacağı və tamaşaçılara təqdim olunacağı gözlənilir.

BAKI, 27 noyabr — Sputnik. "Azanfilm" studiyası "Tıq-tıq və dostları möcüzələr axtarışında" maarifləndirici, çoxhissəli animasiya filminin 2-ci hissəsinin istehsalını davam etdirir.

Sputnik Azərbaycan xəbər verir ki, animasiya filminin 2-ci hissəsində Tıq-tıq öz dostları ilə qədim yaşayış məskənlərimizdən olan Qobustana səyahət edir. Qobustan barədə maraqlı məlumatları balacalara çatdıracaq filmdə qəhrəmanlarımızın başlarına qeyri-adi və sirli hadisələr də gələcək. Bu sirli hadisələrin ən yaxşı tərəfi Tıq-tıqa yeni bir dost qazandırması olacaq.

Filmin istehsalının 2021-ci ilin mart ayında tamamlanacağı və tamaşaçılara təqdim olunacağı gözlənilir.

Mədəniyyət Nazirliyinin sifarişi ilə istehsal olunan animasiya filminin ssenari müəllifi və quruluşçu rejissoru Sultan Abbasbəyli, bəstəkarı Azər Hacıəsgərli, rəssamı Kübra Binnətova, redaktoru Yusif Şeyxov, səs rejissoru Mehman Nadirov, prodüseri Mansur Şəfiyevdir.

0
Teqlər:
Mədəniyyət Nazirliyi, film, studiya
Sazlar, arxiv şəkli

Aşıq sənəti ilə bağlı mühüm layihə davam edir

6
(Yenilənib 12:42 27.11.2020)
Layihədə Azərbaycan aşıq sənətinin tarixi, müasir günümüzdə inkişafı, bu sənətin görkəmli nümayəndələri haqqında məlumatlar və aşıqların həm videoarxiv, həm də yeni lentə alınan ifaları yer alacaq.

BAKI, 27 noyabr — Sputnik. Beynəlxalq Muğam Mərkəzi (BMM) aşıq sənətimizi təbliğ edən yeni onlayn "Aşıq musiqimizin inciləri" adlı layihəyə start verib.

Sputnik Azərbaycan xəbər verir ki, layihədə Azərbaycan aşıq sənətinin tarixi, müasir günümüzdə inkişafı, bu sənətin görkəmli nümayəndələri haqqında məlumatlar və aşıqların həm videoarxiv, həm də yeni lentə alınan ifaları yer alacaq. Layihənin ilk buraxılışları Kəlbəcər aşıqlarına həsr olunub.

Aşıq sənəti şifahi ənənəli Azərbaycan musiqi mədəniyyətinin ən qədim sahələrindən biridir. Ta qədim zamanlardan aşıqlar elin ən hörmətli ağsaqqalı, məsləhətçisi, dostu sayılmışlar. Onlar həmişə el içində yaşamış, öz dövrlərinin, mühitlərinin bilikli, məlumatlı adamları, müdrik sənətkarları olmuşlar. Aşıq yaradıcılığında xalqımızın çoxəsrlik tarixi, xarici düşmənlərə qarşı mübarizəsi, əmək şəraiti, toy-düyünləri rəngarəng bədii boyalarla öz ifadəsini tapmışdır.

Azərbaycan dövlətinin, xüsusilə UNESCO və ICESCO-nun xoşməramlı səfiri, Birinci vitse-prezident Mehriban xanım Əliyevanın aşıq sənətinin qorunması, inkişafı və təbliği istiqamətində fəaliyyəti nəticəsində Azərbaycanın aşıq sənəti UNESCO-nun Qeyri-Maddi Mədəni İrs üzrə Reprezentativ siyahısına daxil edilib.

Bu gün Azərbaycan hökumətinin həyata keçirdiyi məqsədyönlü siyasət və bu istiqamətdə müvafiq tədbirlər nəticəsində Azərbaycan aşıq sənətini dünya qeyri-maddi irsinin inciləri sırasında görürük. Bu hadisə beynəlxalq səviyyədə aşıq sənətinin Azərbaycan mədəni irsinin ən qədim nümunələrindən biri olduğunu bir daha təsdiqləyir.

BMM öz fəaliyyətində aşıq sənətini təbliğ edən çoxsaylı layihələr həyata keçirir. Bu layihələr sırasında "Aşıq musiqisi axşamları" adlı silsilə konsertləri, aşıq sənətinə həsr olunan dəyirmi masa və müzakirələri qeyd etmək olar.

6
Teqlər:
layihə, UNESCO, Bakı Beynəlxalq Muğam Mərkəzi, sənət, aşıq