CƏMİYYƏT
Cəmiyyətin həyatında baş verən aktual hadisələr

"Narkotik çəkmək üçün sulu qəlyandan istifadə edirlər"

© Sputnik / Natalya Seliverstova / Mediabanka keçidКальянная в отеле, фото из архива
Кальянная в отеле, фото из архива - Sputnik Azərbaycan
Abunə olmaq
Millət vəkili: "Sulu qəlyan Azərbaycanda tamamilə qadağan olunmalıdır"

BAKI, 27 aprel — Sputnik. "Tütün məmulatları ayrıca mağazalarda satılmalı və gur yerlərdə olmamalıdır. Onlar xüsusi yerlərdə satılsa, onda nəzarət etmək də asan olar".

Sputnik Azərbaycan xəbər verir ki, bunu Milli Məclisin deputatı Araz Əlizadə "Tütünlə mübarizəyə dair Azərbaycan qanunvericiliyinin gücləndirilməsi" layihəsi çərçivəsində Milli Məclisdə keçirilən "dəyirmi masa"da deyib.

Onun sözlərinə görə, ikincisi, tütün satılan mağazalar və s. təhsil ocaqlarından azı 500 metr kənarda olmalıdır. Yəni, fasilədə çəkib qayıda bilməsinlər.

Millət vəkilinin fikrincə, sulu qəlyan Azərbaycanda tamamilə qadağan olunmalıdır: "Sulu qəlyan son 10 ildə ölkədə sürətlə yayılıb. Sulu qəlyanın ən çox zərəri nədən ibarətdir. Əvvəla, insanın səhhəti üçün çox zərərlidir. Deyirlər ki, müştüyü dəyişirlər, amma borunu dəyişmirlər axı. Onu xəstə adamlar da çəkir, bu da nəfəs yolu ilə yığılır boruya və insanlar arasında xəstəliklər yayılır. Narkotik çəkmək üçün sulu qəlyandan istifadə edirlər. Marixuana, anaşa qatırlar. Bununla da gəncləri narkotiklərə cəlb edirlər. İran, Rusiya bunu qadağan etdi".

Xəbər lenti
0