Milli Məclis

Öncə siqaret çəkənlərin hüquqları, yoxsa ondan zərər çəkənlərin?

41
(Yenilənib 12:07 27.04.2017)
Hadı Rəcəbli: "İctimai iaşə müəssisələrində ayrılımış yerlərdə biz tütündən istifadəni qadağan edə bilmirik. Biz bunu nəzərə aldıq"

BAKI, 27 aprel — Sputnik. Milli Məclisdə "Tütünlə mübarizəyə dair Azərbaycan qanunvericiliyinin gücləndirilməsi" layihəsi çərçivəsində "dəyirmi masa" keçirilir. Sputnik Azərbaycan xəbər verir ki, tədbirdə bir sıra nazirliklərin məsul şəxsləri, Ombudsman Aparatının nümayəndələri, ictimai qurumların təmsilçiləri, ASAN könüllüləri iştirak edirlər.

Toplantını parlament sədrinin müavini, İnsan hüquqları komitəsinin sədri Bahar Muradova açıb. O, bildirib ki, parlament "Tütün məmulatlarının istifadəsinin məhdudlaşdırılması haqqında" qanun layihəsini 1-ci oxunuşda müzakirə edib.

Milli Məclisin Əmək və sosial siyasət komitəsinin sədri Hadi Rəcəbli bildirib ki, "Tütün məmulatlarının istifadəsinin məhdudlaşdırılması haqqında" qanun layihəsi günün vacib tələblərindən biridir: "Sulu qəlyan məsələsi geniş müzakirə olunub və layihədə əksini tapıb. Digər bir məsələ qapalı yerlər məsələsidir. İctimai iaşə müəssisələrində ayrılımış yerlərdə biz tütündən istifadəni qadağan edə bilmirik. Biz bunu nəzərə aldıq. Düşündük ki, ictimai iaşə müəssisələrində qapalı yerlər məsələsini saxlayaq".

Milli Məclisin Səhiyyə komitəsinin sədri Əhliman Əmiraslanov deyib ki, tütün məmulatlarının insana vurduğu zərəri düzgün anlamaq lazımdır: "Ümumdünya Səhiyyə Təşkilatının açıqladığı statistikaya görə, hər 6 saniyədə tütündən istifadəyə görə 1 insan dünyasını dəyişir. Tütün məmulatları istifadə edənlərin ağciyər xərçənginə tutulması tütündən istifadə etməyənlərlə müqayisədə 30 dəfə çoxdur".

"Baxmaq lazımdır ki, siqaret çəkənlərin hüquqlarınamı üstünlük verməliyik, yoxsa tütündən zərər çəkənlərin hüquqlarına. Şübhəsiz, zərərçəkənlərin hüquqlarına üstünlük verməliyik" — deputat bildirib.

41
Teqlər:
komitə, qanunvericilik, tütün, siqaret, Milli Məclis, Azərbaycan, layihə
Əlaqədar
Cəmiyyətdən siqaretlə bağlı sərt tələb
"Anti-reklam adı altında siqareti reklam edirlər"
"Qadağan edilsə də, avtobusda siqaret çəkəcəm!"
Hökumət siqaretlə mübarizəni gücləndirir
Millət vəkili bir daha siqaret məsələsinə toxundu
Azərbaycanda siqaret almaq istəyənlərdən şəxsiyyət vəsiqəsi tələb olunacaq