Bankların kaprizlərinə dözməkdən qurtuluruq
(Yenilənib 12:08 27.04.2017)
"Exchange"-lər açılsa, valyuta bazarında canlanma olacaq, pul dövriyyəsi çoxalacaq, əhali banklardan dollar alanda rastlaşdığı əngəllərə rast gəlməyəcək, turistlər həftəsonu da valyuta dəyişə biləcək"BAKI, 27 aprel — Sputnik. Azərbaycanda yeni lisenziyalaşdırılan fəaliyyət növü — valyuta mübadiləsi fəaliyyətinin yaradılması məqsədi ilə "Valyuta tənzimi haqqında" qanunda dəyişikliklər edilməsi barədə qanun layihəsi hazırlanıb. Qanun layihəsinə əsasən, lisenziya almış rezident hüquqi və fiziki şəxslər, qeyri-rezident hüquqi şəxslərin filialları valyuta mübadiləsi fəaliyyəti göstərə biləcəklər.
Sputnik Azərbaycan-ın əməkdaşı sosial şəbəkə istifadəçilərinə "Exchange"-lərin (valyuta dəyişmə məntəqələrinin) yenidən fəaliyyətə başlamasına necə baxırsınız?", "Exchange"-lərin yoxluğu nəyi dəyişmişdi?" sualları ilə müraciət edib.
Bəxtiyar Hacıyev: "Fərqi o olacaq ki, daha dollar dəyişmək üçün banklara gedib növbə gözləməyəcəyik".
Könül Cəfərzadə: "Banklar müştəriləri bezdirirdi, pul xirdalamaq üçün şəhərin bu başından o biri başına getmək lazım olurdu. "Exchange"-lərin olması rahatlıqdır".
Faiq Mahmudov: "Olmayan pulumuzla dollar almaq üçün banklarda saatlarla gözlədikdən sonra "dollarımız qurtarıb" sözünü eşitməkdən canımız qurtaracaq".
©
Photo : Karikatura
Pulun varsa, dərdin var
Murad Həsənzadə: "Exchange"-lər açılsa, valyuta bazarında canlanma olacaq, pul dövriyyəsi çoxalacaq, əhali banklardan dollar alanda rastlaşdığı əngəllərə rast gəlməyəcək, turistlər həftəsonu da valyuta dəyişə biləcək".
Orxan Kərimov: "Exchange"-lərin birdən bağlanması insanlarda xof yaranmışdı. Fikirləşirdilər ki, bəlkə bu yolla dollara olan istəyi azaltmış olarlar. Lakin "exchange"-lərin bağlanması hər şeyin tərsini göstərdi. Fikrimcə, düşünülməmiş bir addım idi".
Qurbanəli Ömər: "Ölkədə onlayn banklar və onlayn "exchange"-lər, iri onlayn ticarət və biznes şirkətləri yaradılmalıdır. Bizimlə eyni ildə müstəqillik əldə edən Ukrayna bu sektorda inkişafına görə hazırda dünya ikinci yerdədir".
Səbinə Kazımova: "Məncə "exchange"-lərin olması mütləqdir. İnsanların rahatlığını təmin edir. Bankların kassa xidməti saat 17:00, maksimum 17:30-dək fəaliyyət göstərir. Turistlərin ölkəyə tez- tez axınını nəzərə almalıyıq. Onlar axşam 18:00-dan sonra valyuta dəyişmək üçün nə etməlidirlər?"
Şəlalə Nəriman: "Məncə, olmalıdır, mən dolları xırdalamaq istəyəndə yer tapa bilmirəm".
Teqlər:
Müəllimlərin nəzərinə: Qiymətləndirmə qaydası açıqlandı
(Yenilənib 15:47 20.01.2021)
Bu barədə Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.BAKI, 20 yanvar — Sputnik. Xüsusi karantin rejimində summativ qiymətləndirmə zamanı suallar hər sinif və fənn üzrə 4 müxtəlif səviyyədə tərtib edilir. Sputnik Azərbaycan-ın məlumatına görə, bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.
1-ci səviyyə üzrə suallar qiymətləndirmənin 20 faizini (20 bal), 2-ci səviyyə üzrə 30 fazini (30 bal), 3-cü səviyyə üzrə 30 faizini (30 bal) və 4-cü səviyyə üzrə 20 faizini (20 bal) təşkil edir. Qiymətlər "2", "3", "4" və "5" olaraq müəyyənləşdirilir. 30 baladək suallar (30 da daxil olmaqla) "2", 30 baldan 60-dək (60 da daxil olmaqla) "3", 60 baldan 80-dək (80 də daxil olmaqa) "4", 80 baldan 100-dək (100 də daxil olmaqla) "5" kimi qiymətləndirilir.
Teqlər:
Azərbaycanda koronavirus: rəqəmlər azalır
BAKI, 20 yanvar - Sputnik. Azərbaycan Respublikasında koronavirus (COVID-19) infeksiyasına 332 yeni yoluxma faktı qeydə alınıb, 897 nəfər müalicə olunaraq sağalıb.
Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 12 nəfər vəfat edib.
İndiyədək ölkədə ümumilikdə 228 028 nəfərin koronavirus infeksiyasına yoluxması faktı müəyyən edilib, onlardan 217 617 nəfər müalicə olunaraq sağalıb, 3 044 nəfər vəfat edib, aktiv xəstə sayı 7 367 nəfərdir.
Son sutka ərzində yeni yoluxma hallarının müəyyənləşdirilməsi ilə əlaqədar 7 991, ötən müddət ərzində isə ümumilikdə 2 336 498 test aparılıb.
Teqlər: