Avstriya səfiri Aksel Vex Qəbələdə olub

Avstriyalılar Qəbələdə oldular

18
(Yenilənib 16:37 26.04.2017)
Nümayəndə heyətinə Qəbələ şəhərinin tarixi, sosial-iqtisadi inkişafı proqramı çərçivəsində həyata keçirilən müxtəlif layihələr haqqında məlumat verilib

İlham Əhmədov, Sputnik Azərbaycan

BAKI, 26 aprel — Sputnik. Avstriya Respublikasının fövqəladə və səlahiyyətli səfiri Aksel Vexin başçılıq etdiyi nümayəndə heyəti Qəbələ rayonuna səfər edib.

Rayon icra hakimiyyətində keçirilən görüş zamanı rayon icra hakimiyyətinin başçısı Səbuhi Abdullayev Qəbələ rayonunda sosial-iqtisadi inkişafı proqramı çərçivəsində həyata keçirilən müxtəlif layihələr və bütün sahələrdə nəzərə çarpan uğurlar haqqında danışıb. Həmçinin nümayəndə heyətinə Qəbələ şəhərinin tarixi, sosial-iqtisadi inkişafı proqramı çərçivəsində həyata keçirilən müxtəlif layihələr haqqında məlumat verilib.

Aksel Vexin başçılıq etdiyi nümayəndə heyəti Qəbələ rayonuna səfər edib
© Sputnik / İlham Ahmadov
Aksel Vexin başçılıq etdiyi nümayəndə heyəti Qəbələ rayonuna səfər edib

Qəbələ Qida Şəhərciyində olan qonaqlara məlumat verilib ki, burada yarımfabrikat dondurulmuş kartof və kartof çipsi istehsal olunur. Yarımfabrikat dondurulmuş kartof istehsalı xəttinin istehsal gücü saatda 3 ton hazır məhsul təşkil edir. Ümumilikdə 350 nəfərin çalışdığı müəssisədə 30 çeşiddə meyvə şirəsi, konsentrat, nektar, 12 çeşiddə turşu, tomat, mürəbbə, cem, soyuq çaylar, 15 çeşiddə yarımfabrikat formada məhsullar hazırlanır. Məhsullar daxili bazara çıxarılmaqla yanaşı, 30-dan çox ölkəyə ixrac edilir. 

Nümayəndə heyəti Qəbələ regional "ASAN xidmət" mərkəzi ilə tanış olublar. Məlumat verilib ki, Mərkəzdə müxtəlif dövlət orqanları tərəfindən göstərilən çoxsaylı xidmətlər əlaqələndirilmiş formada həyata keçirilir. Mərkəzin göstərdiyi funksional yardımçı xidmətlərin siyahısı daha böyükdür. Bura bank, sığorta, hüquqi yardım, tərcümə, foto, tibb xidmətləri və başqaları daxildir. Operativlik, şəffaflıq, nəzakətlilik, məsuliyyət prinsipləri əsasında qurulan fəaliyyətin başlıca hədəfi vətəndaşların rahatlığını təmin etmək, dövlət məmuru-vətəndaş münasibətlərinin keyfiyyətcə yeni müstəviyə keçməsinə nail olmaqdır. Daha sonra "Beltmann" piano fabriki ilə də tanış olan qonaqlara bildirilib ki, regionda analoqu olmayan və ən son beynəlxalq standartlara cavab verən fabrik inzibati bina və istehsal sahəsindən ibarətdir. Pianolar sexlərdə yığılaraq, xüsusi avadanlıqla təchiz olunmuş altı otaqda sazlanır və köklənir. Fabrikdə ildə 1200-1500 piano istehsal edilməsi mümkündür.

Səfərinin sonunda nümayəndə heyəti rayonda yaradılan müasir turizm infrastrukturu, Qəbələnin füsunkar təbiəti ilə də tanış olublar, qonaqlara bölgənin turizm imkanları barədə geniş məlumat verilib.

18
Teqlər:
"Beltmann" piano fabriki, Qəbələ Qida Şəhərciyi, Qəbələ regional "ASAN xidmət" mərkəzi, Aksel Vex, Qəbələ rayonu
Əlaqədar
Qəbələdə fövqəladə hadisə
Qəbələdə baş verən qətlin yeni detalları məlum oldu
Qəbələ ilə Qyonqcu əməkdaşlıq edəcəklər
Moldovanın nümayəndə heyəti Qəbələyə səfər edib
Çap maşını, arxiv şəkli

Şəhid Cəbrayıl Dövlətzadədən roman yazıldı

0
Azərbaycan Prezidenti İlham Əliyevin 15.12.2020-ci il tarixli Sərəncamına əsasən, Cəbrayıl Dövlətzadə ölümündən sonra "Vətən uğrunda" və 3-cü dərəcəli "Azərbaycan Bayrağı" ordeni ilə təltif edilib

BAKI, 4 mart — Sputnik. Yazıçı Azad Qaradərəli 44 günlük Vətən Müharibəsinin qəhrəmanlarından olan 19 yaşlı şəhid Cəbrayıl Dövlətzadənin qısa ömür və döyüş yolundan bəhs edən roman yazıb. Sputnik Azərbaycan xəbər verir ki, "Cəbrayıl əfsanəsi" adlı romanını proloq, epiloq və 19 fəsildən ibarətdir. Hər fəsil qəhrəman həmvətənimizin ömrünün bir ilinə ithaf olunur.

Qeyd edək ki, Cəbrayıl Dövlətzadə 2019-cu ildən Azərbaycan Silahlı Qüvvələrinin Cəlilabad rayon N saylı hərbi hissədə müddətli həqiqi hərbi xidmətdə idi. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə savaşıb. Cəbrayıl Dövlətzadə, sentyabrın 28-də şəhid olub. II Fəxri Xiyabanda dəfn olunub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cəbrayıl Dövlətzadə ölümündən sonra "Vətən uğrunda" medalı və 3-cü dərəcəli "Azərbaycan Bayrağı" ordeni ilə təltif edilib

0
Teqlər:
kitab, şəhid
Bakubus avtobusu, arxiv şəkli

Dörd marşrut xəttinin hərəkət qrafiki müvəqqəti dəyişdirilib

6
104 nömrəli müntəzəm marşrut "Həzi Aslanov " metrostansiyası istiqamətində Gəncə prospekti – Vunqtau küçəsi - Ukrayna dairəsi – Məhəmməd Hadi küçəsi geriyə dönmə manevri etməklə daha sonra öz sxemi üzrə hərəkəti müəyyən edilib.

 

BAKI, 4 mart — Sputnik. Martın 4-də aparılan təmir-bərpa işləri ilə əlaqədar olaraq Xudu Məmmədov küçəsi Vunqtau küçəsinin kəsişməsindən "H.Aslanov" metrostansiyası istiqamətində nəqliyyat vasitələrinin hərəkətinə tətbiq edilən məhdudiyyət səbəbindən M1, M2, M6 və 104 nömrəli müntəzəm marşrutların hərəkət sxemləri müvəqqəti dəyişdirilib. Bu barədə Sputnik Azərbaycan-a Bakı Nəqliyyat Agentliyindən məlumat verilib.

Sözügedən marşrutların hərəkət sxemləri aşağıda göstərilən qaydada olacaq:

M2 nömrəli ekspres marşrut "Həzi Aslanov " metrostansiyası istiqamətində Ukrayna dairəsi – Vunqtau küçəsi – Sadıqcan küçəsi – Xudu Məmmədov küçəsi – Məhəmməd Hadi küçəsi daha sonra öz hərəkət sxemi üzrə;

M1, M6 nömrəli ekspres marşrut "Həzi Aslanov " metrostansiyası istiqamətində Ukrayna dairəsi – Məhəmməd Hadi küçəsi geriyə dönmə manevri etməklə , daha sonra öz hərəkət sxemi üzrə;

104 nömrəli müntəzəm marşrut "Həzi Aslanov " metrostansiyası istiqamətində Gəncə prospekti – Vunqtau küçəsi - Ukrayna dairəsi – Məhəmməd Hadi küçəsi geriyə dönmə manevri etməklə daha sonra öz sxemi üzrə hərəkəti müəyyən edilib.

6