Ağdamın Qiyaslı kəndindən olan Mirsiyab Abdullayev hıəyatyanı sahəsini öz əlləri ilə bəzəyib

Azərbaycanda Cənnətin modeli yaradıldı

460
(Yenilənib 11:20 26.04.2017)
"Qarabağ şəhidlərinin xatirəsinə abidə ucaltmaq istəyirəm. Yəqin ki, ən çox vaxtı və diqqət sərf edəcəyim də elə bu iş olacaq".

Ramil İbrahimov, Sputnik Azərbaycan

BAKI, 26 aprel — Sputnik. Əslən Ağdam rayonunun Qiyaslı kəndindən olan 54 yaşlı Mirsiyab Abdullayevin uşaqlıqdan incəsənətə marağı olub. Hələ balaca olanda plastilindən müxtəlif fiqurlar düzəldib. İncəsənətə olan həvəsi onu Ağdam musiqi məktəbinə aparıb çıxarıb. Musiqi məktəbini qarmon ixtisası üzrə bitirsə də, o vaxt incəsənətlə məşğul olmaq ona qismət olmayıb.

90-cı illərin əvvəllərində könüllü olaraq Qarabağda gedən döyüşlərə yollanıb. Atəşkəsə dair müqavilə imzalanana qədər cəbhənin müxtəlif istiqamətlərində xidmət edib. 1996-cı ilə ordudan tərxis olunan zaman, doğma kəndi işğalda idi artıq. Bu səbəbdən M. Abdullayev Bərdədə çadır şəhərciyində məskunlaşıb.

Cənnətin bir guşəsi sayılan Qarabağdan köçüb çadırda yaşamaq ona çox ağır gəlir. "O vaxtlar bir arzum var idi — mənim də özümün evim, həyət-bacam olsun" — deyir.

Onun bu arzusu 2006-cı ildə, Tərtərin "Dörd yol" adlanan ərazisində məcburi köçkünlər üçün salınan qəsəbəyə köçəndə reallaşır. Özünün dili ilə desək, həyətini əlləri ilə kiçik cənnətə çevirir: "Darıxırsan vətən üçün, deyirsən, "kaş mən də Şuşaya, Laçına gedə biləydim". O ərikli bağlar üçün burnunun ucu göynəyir. Bu ağrıyla yaşayırsan. Bəlkə də həyətimi bəzəməyim o hissdən qaynaqlanır".

  • Mirsiyab Abdullayevin düzəltdiyi heykəllər
    Mirsiyab Abdullayevin düzəltdiyi heykəllər
    © Sputnik / Ramil Ibrahimov
  • Mirsiyab Abdullayevin düzəltdiyi heykəllər
    Mirsiyab Abdullayevin düzəltdiyi heykəllər
    © Sputnik / Ramil Ibrahimov
  • Mirsiyab Abdullayevin düzəltdiyi heykəllər
    Mirsiyab Abdullayevin düzəltdiyi heykəllər
    © Sputnik / Ramil Ibrahimov
  • Mirsiyab Abdullayevin düzəltdiyi heykəllər
    Mirsiyab Abdullayevin düzəltdiyi heykəllər
    © Sputnik / Ramil Ibrahimov
  • Mirsiyab Abdullayevin düzəltdiyi heykəllər
    Mirsiyab Abdullayevin düzəltdiyi heykəllər
    © Sputnik / Ramil Ibrahimov
  • Mirsiyab Abdullayevin düzəltdiyi heykəllər
    Mirsiyab Abdullayevin düzəltdiyi heykəllər
    © Sputnik / Ramil Ibrahimov
1 / 6
© Sputnik / Ramil Ibrahimov
Mirsiyab Abdullayevin düzəltdiyi heykəllər

Mirsiyab Abdullayev uşaqlıq arzularını burada həyata keçirməyə başlayır. Çay daşlarından, ağaclardan, sement-beton qarışığından istifadə etməklə müxtəlif heyvanların, quşların fiqurlarını, heykəllərini düzəldir. Toylarda aparıcılıq edən Mirsiyab Abdullayev qazancının yarıdan çoxunu bu işə xərcləyir.

Heykəltəraşlıq təcrübəsi, təhsili olmayan Abdullayev, həyətində quraşdırdığı fəvvarəni cəmi 10 günə hazır edib. Bu isə onun ən uzun vaxt sərf etdiyi işdir.

© Sputnik / Ramil Ibrahimov
Əlləri ilə xarüqələr yaradan adam

"At heykəlini 5 günə hazır etmişəm. İlk işim də keçi heykəli olub, mənə deyiblər, bu ölçüyə uyğun deyil. Mən də cavab verirdim ki, ilk əl işimdir, necə var elə qalsın. Növbəti işlərimdə özüm ölçüləri düzəltmişəm" – deyir.

Həmsöhbətimiz həyətində müxtəlif çöl quşları da bəsləyir. Bura artıq qonşuların boş vaxtlarında istirahət etdiyi parka çevrilib. Mirsiyab Abdullayev deyir ki, hətta məktəblilər də vaxtaşırı buraya ekskursiyaya gəlirlər.

"Mən kababxana, samovar da hazırlamışam qonaqlar üçün. Ümumiyyətlə, fikirlərim hələ çoxdur. Amma bir az vaxt problemim var. Bəzən sifariş verirlər, amma düzəldib çatdırmıram" – deyir müsahibimiz.

Gələcək planları haqqında danışan Mirsiyab Abdullayev, həyətində Qarabağ şəhidlərinin xatirəsinə abidə ucaltmaq istəyir. "Yəqin ki, ən çox vaxtı və diqqət sərf edəcəyim də elə bu iş olacaq" — deyir.

460
Teqlər:
musiqi məktəbi, Mirsiyab Abdulayev, Qiyaslı kəndi, həyət, Ağdam rayonu, heykəl, incəsənət, Qarabağ
Əlaqədar
Əsərləri ilə insanları valeh edən usta
Azərbaycanlı ustanın icadı görənləri heyrətə salır
Təndir düzəldən ustaların sayı kəskin surətdə azalıb
Müştərisinin geri dönəcəyini 6 il gözləyən usta
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

35
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

35
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0