Əlil arabasında uşaq, arxiv şəkli

Fiziki qüsurlu uşaqlarımız əcnəbilərin niyə diqqətini çəkir?

223
(Yenilənib 18:27 25.04.2017)
Seymur Məmmədov: "Belə qüsuru olan uşaqların siyahısı bizə təqdim olunur və biz onları əcnəbi vətəndaşlara təklif edirik"

BAKI, 25 aprel — Sputnik. Azərbaycanda valideyn qayğısından məhrum olan uşaqlar yerli vətəndaşlarla yanaşı, xarici vətəndaşlara da övladlığa verilir. 2017-ci ilin ilk üç ayı ərzində Azərbaycanda əcnəbilər tərəfindən bir uşaq övladlığa götürülüb. Bu barədə Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdir müavini Seymur Məmmədov məlumat verib. Onun sözlərinə görə, 2008-ci il təvəllüdlü oğlan uşağı Türkiyə vətəndaşı tərəfindən övladlığa götürülüb.

Seymur Məmmədov
© Photo : Şəxsi arxiv
Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdir müavini Seymur Məmmədov

Bəs, xarici vətəndaşlar uşaqları hansı şərtlər daxilində övladlığa götürə bilərlər? Seymur Məmmədov Sputnik Azərbaycan-a açıqlamasında bildirib ki, bu məsələ əvvəllər Ədliyyə Nazirliyinin, daha sonra Nazirlər Kabinetində komissiya vasitəsilə icra olunub: "2007-ci ildən isə ölkələrarası övladlığa götürmə üzrə mərkəzi qurum kimi Ailə, Qadın və Uşaq Problemləri üzrə Dövlət Komitəsi təyin edilib".

Onun sözlərinə görə, uşaq övladlığa götürmək Azərbaycan Respublikası Mülki Prosessual Məcəllə ilə tənzimlənir: "Uşaqların ölkə vətəndaşlarına övladlığa verilməsi ilə qəyyumluq və himayəçilik orqanları, Səhiyyə və Təhsil nazirlikləri məşğul olur. Uşaqların əcnəbi vətəndaşlara himayəyə verilməsinə isə Ailə, Qadın və Uşaq Problemləri üzrə Dövlət Komitəsi baxır. Azyaşlı uşaqlar Səhiyyə Nazirliyində, bir qədər böyük uşaqlar isə Təhsil Nazirliyinin uçotunda olur. 10 yaşa çatana kimi uşaqların övladlığa verilməsinə onun valideyni, valideyn yoxdursa, onun qəyyumu, o da yoxdursa, qəyyumluq komissiyası qərar verir. 10 yaşdan yuxarı uşaqlar isə özləri övladlıq üçün qərar verirlər".

Komitə rəsmisi onu da qeyd edib ki, Azərbaycan vətəndaşlığı olanlar daha çox sağlam uşaqları övladlığa götürürlər, fiziki imkanları məhdud olan, tam sağlam olmayan uşaqları qəbul etmirlər: "Belə qüsuru olan uşaqların siyahısı bizə təqdim olunur və biz onları əcnəbi vətəndaşlara təklif edirik. Bu, elə uşaqlardır ki, onların qüsurları olsa da, xaricdə müalicəsi mümkündür. Əcnəbi vətəndaşlar belə uşaqlara üstünlük verirlər".

S. Məmmədovun dediyinə görə, uşaqları himayəyə götürən əcnəbi vətəndaşlar daha çox Rusiyada yaşayan həmvətənlərimizdir: "Onların övladları olmadıqda öz razılıqları və bizim vasitəmizlə yaxın qohumlarının uşağını övladlığa götürürlər. Fiziki qüsurlu uşaqların xarici vətəndaşlara verilməsi uzun müddət tələb edir və sənədləşmə prosesi çox çəkir. Bu səbəbdən də il ərzində 1 və ya 2 uşaq xarici vətəndaşlara verilir".

"Xarici vətəndaşlara verilən uşaqlara daima nəzarət olunur. Belə ki, bu nəzarət Mülki Prosessual Məcəllənin 350-ci maddəsində öz əksini tapıb" — müdir müavini vurğulayıb.

Onun sözlərinə görə, məhkəmə qərarı ilə övladlığa verilən uşaqlarla bağlı övladlığa götürən əcnəbi vətəndaşların üzərinə öhdəlik qoyulur: "Onlar hər 6 aydan bir komitəyə hesabat təqdim etməlidirlər. Hesabat forması Nazirlər Kabinetinin qərarında öz əksini tapıb. Onlar uşağı övladlığa götürəndən sonra 3 il ərzində ildə 2 dəfə hesabat təqdim edirlər. Bu hesabata fotoşəkillər və 15 dəqiqəlik video da əlavə edilməlidir. Uşaq böyük olanda onun özündən də ailəsindən razı olub-olmadığı öyrənilir".

223
Teqlər:
fiziki qüsurlu uşaq, müdir müavini, Seymur Məmmədov, xarici vətəndaş, azyaşlı, əcnəbi, Ailə, Qadın və Uşaq problemləri üzrə Dövlət Komitəsi, Azərbaycan, uşaq
Əlaqədar
"Azərbaycanda ana və uşaq ölümü səviyyəsi aşağı düşüb"
Doqquz yaşlı uşağı maşın vurdu
Altı yaşlı uşağın sinəsi üstündə daş sındırırlar
Azərbaycanda qeyri-adi gücə malik uşaq
Azərbaycanda uşaq futbolunun hazırki vəziyyəti necədir?
Uşaq intiharlarına dair həyacan təbili: sərt qadağa təklif olunur
Anasının ölümündən təsirlənən 12 yaşlı uşaqdan ağlasığmaz addım
Küçənin ortasında uşaqları güllələdilər

Azərbaycanın Rus İcması Prezident İlham Əliyevə müraciət edib

6
(Yenilənib 20:19 23.11.2020)
Rus icması: "Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi".

BAKI, 23 noyabr - Sputnik. Azərbaycanın Rus İcması Prezident, Azərbaycan Silahlı Qüvvələrinin Ali Baş Komandanı İlham Əliyevə müraciət edib.

Sputnik Azərbaycan xəbər verir ki, məktubda deyilir: “Möhtərəm cənab Prezident, Ali Baş Komandan İlham Heydər oğlu!

İcazə verin, Azərbaycanın Rus İcması adından Sizi və Azərbaycan Respublikasının Birinci vitse-prezidenti Mehriban xanım Əliyevanı bütün Azərbaycan xalqının düşmən üzərində birmənalı, möhtəşəm Qələbəsi münasibətilə təbrik edək. Ermənistan Respublikasının işğalçı qüvvələri darmadağın edildi və geri çəkildi.

Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi.

Möhtərəm İlham Heydər oğlu, biz bilirik ki, Siz BMT Təhlükəsizlik Şurasının 4 qətnaməsinə müvafiq olaraq bu münaqişənin dinc yolla nizamlanması üçün nə mümkündürsə etdiniz. Lakin Ermənistanın destruktiv mövqeyi danışıqlarda irəliləyişə nail olmağa imkan vermədi, onun daimi hərbi provokasiyaları bu il sentyabrın 27-də münaqişənin eskalasiyasına gətirib çıxardı.

Biz, Azərbaycanın rus əhalisi Sizin mətinliyinizə, müdrikliyinizə və qəti qələbəyə qədər getmək əzminizə görə Sizə səmimi təşəkkürümüzü və dərin minnətdarlığımızı bildiririk.

Sizin rəhbərliyinizlə igid, rəşadətli ordumuz qısa müddətdə çoxsaylı kəndləri, şəhərləri erməni işğalından azad etdi və Ermənistanı tam hərbi kapitulyasiya aktını imzalamağa məcbur etdi.

Respublikanın rus vətəndaşlarının çoxu 1990-cı illərin əvvəlində olduğu kimi, bu dəfə də Azərbaycan xalqı ilə çiyin-çiyinə dayandı və Azərbaycan sərhədlərinin pozulmazlığı hüququnu müdafiə edərək ölkəmizin ərazi bütövlüyünün bərpa olunmasında iştirak etdi.

Biz Sizin sözlərinizi xatırlayırıq ki, bu gün biz birlikdəyik və heç kəs bu birliyi poza bilməz.

Cənab Prezident, Sizin Ali Baş Komandan, diplomat, siyasi xadim və öz ölkəsinin vətəndaşı kimi fəaliyyətiniz sabahkı quruculuq gününə qəti əminlik yaradır, o vaxt minlərlə insan öz evlərini yenidən tikmək, müharibə dəhşətlərinin nə demək olduğunu bilməyən yeni nəsil tərbiyə etmək üçün işğaldan azad olunmuş torpaqlara qayıda biləcəklər.

Azərbaycanda və onun ayrılmaz tərkib hissəsi olan Dağlıq Qarabağ bölgəsinin torpağında sülhün və firavanlığın bərpa edilməsi üzrə titanik səylərinizə görə sağ olun.

Sizin Azərbaycan xalqına səmimi müraciətləriniz bu xalqın qəlbində inam oyatdı, düşməni darmadağın etmək və Azərbaycanın ərazi bütövlüyünü qorumaq üçün xalqı vahid cəbhə kimi sıx birləşdirdi. Biz doğma Qarabağ regionunu azad etdik, bu gün bizim bayrağımız Şuşada – Qarabağın ürəyində dalğalanır. Məcburi köçkünlər tezliklə öz doğma yurdlarına qayıdacaq və bütün ölkəmiz yenidən firavanlaşacaq.

Bütün Azərbaycan xalqı çoxdan gözlədiyimiz şanlı Qələbə gününü Sizinlə birlikdə bayram edəcək.

Yaşasın Ali Baş Komandan!

Yaşasın çoxmillətli Azərbaycan xalqı!

Yaşasın Azərbaycan Ordusu!

Qarabağ Azərbaycandır!”

Bildirilib ki, müraciət Azərbaycan Rus İcmasının Respublika Şurasının iclasında qəbul edilib.

6
Teqlər:
Ermənistan, Azərbaycan, BMT-nin qətnamələri, kapitulyasiya, Üçtərəfli bəyanat, Prezident İlham Əliyev, rus icması
Tahir Kərimli, arxiv şəkli

Millət vəkilində COVID-19 aşkarlandı, evdə karantinə alındı

7
Tahir Kərimli bildirib ki, ailəsində də yoluxan olub və onlar da ev şəraitində müalicələrini davam etdirirlər. 

Nigar İsgəndərova, Sputnik Azərbaycan

BAKI, 23 noyabr — Sputnik. Noyabrın 19-da Milli Məclisin 10-dan çox deputatında COVID-19 testinin nəticəsi pozitiv çıxıb. Sputnik Azərbaycan xəbər verir ki, virus aşkarlanan millət vəkillərindən biri olan Tahir Kərimli hazırda evdə müalicə alır. Bu haqda Sputnik Azərbaycan-a danışan millət vəkili səhhətinin yaxşı olduğunu bildirib: "Hazırda səhhətim yaxşıdır, evdə müalicə alıram. Həkim müayinəsi altında müalicələr davam edir".

Millət vəkili bildirib ki, ailəsində də yoluxan olub və onlar da ev şəraitində müalicələrini davam etdirirlər. 

Xatırladaq ki, “Report” COVID-19-a yoluxan deputatlardan 9-nun adını təqdim edib: Bunlar Tahir Kərimli, Azər Badamov, Məşhur Məmmədov, Vüqar Bayramov, Qənirə Paşayeva, Rəşad Mahmudov, Soltan Məmmədov, Nizami Səfərov və Elnur Allahverdiyevdir

7
Teqlər:
müalicə, millət vəkili, Koronavirus, COVID-19, yoluxma
İmza, arxiv şəkli

Ermənistanda daha bir nazir vəzifəsindən azad edilib

0
Dağlıq Qarabağdakı separatçıların lideri Araik Arutyunyanın tam adaşı olan naziri Ermənistanda "supernazir" adlandırırdılar.

BAKI, 23 noyabr - Sputnik. Ermənistanın təhsil, elm, mədəniyyət və idman naziri Araik Arutyunyan vəzifəsindən azad edilib.

Sputnik Ermənistan-ın verdiyi xəbərə əsasən, bununla bağlı müvafiq fərmanı bu gün Ermənistan prezidenti Armen Sarkisyan imzalayıb.

Arutyunyanı nazir postunda Vaqram Dumanyan əvəz edib.

0
Teqlər:
nazir, Ermənistan, azad edilmə