Kitab rəfi

Bakıda kitab festivalı keçiriləcək

106
(Yenilənib 13:55 20.04.2017)
Kitab festivalında tanınmış kitab mağazalarının, nəşriyyatların stendləri quraşdırılacaq

BAKI, 20 aprel — Sputnik. 23 Aprel Beynəlxalq Kitab Günü münasibətilə 451 Hərəkatı Bakıda "451 – BOOK FESTİVAL" adlı kitab festivalı keçirir.

Festival aprelin 23-də saat 15.00-da ADO teatrının binasında keçiriləcək.

Kitab festivalında tanınmış kitab mağazalarının, nəşriyyatların stendləri quraşdırılacaq. Dəvət olunan tanınmış yazıçılar isə oxucuların suallarını cavablayıb, kitablarını imzalayacaqlar. 

Festival kiçik konsertlə başa çatacaq.

Festivalda yazıçılardan Kamal Aken, Kənan Hacı, Orxan Bahadırsoy, Elxan Elatlı, Mirmehdi Ağaoğlu, Ayxan Ayvaz, Qismət Rüstəmov, Tural Şahtaxtinski, İsmayıl Rizvanoğlu, Ulucay Akif, Şəhriyar del Gerani və Cəlil Cavanşir iştirak edəcəklər.

Giriş sərbəstdir.

Qeyd edək ki, 451 Hərəkatı Kamal Aken tərəfindən yaradılmış, məqsədi ölkədə maarifçiliyin təbliği, mədəniyyət və incəsənəti inkişaf etdirmək olan bir hərəkatdır.

106
Teqlər:
Beynəlxalq Kitab Günü, Kitab festivalı, ADO teatrı, Qismət Rüstəmov, Cəlil Cavanşir, Kənan Hacı, Ayxan Ayvaz, Ulucay Akif, Bakı
Əlaqədar
İlham Əliyevin Sputnik-ə müsahibəsini əks etdirən albom Prezident Kitabxanasında
“Aprel atəşkəsi” kitabının təqdimatı keçirildi
Azərbaycanda yeni konsepsiyalı ilk kompleks-kitabxana açılıb
Natiq Məmmədlinin yeni kitabı nəşr olunub

Azərbaycanda bir gündə 314 nəfər COVID-19-a yoluxub

7
Azərbaycanda indiyədək ümumilikdə 235647 nəfər koronavirus infeksiyasına yoluxub. Onlardan 229267 nəfər müalicə olunaraq sağalıb

BAKI, 4 mart — Sputnik. Azərbaycan Respublikasında koronavirus (COVID-19) infeksiyasına 314 yeni yoluxma faktı qeydə alınıb, 124 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

Azərbaycanda indiyədək ümumilikdə 235647 nəfər koronavirus infeksiyasına yoluxub. Onlardan 229267 nəfər müalicə olunaraq sağalıb, 3232 nəfər vəfat edib, aktiv xəstə sayı 3148 nəfərdir.

Ölkədə son sutka ərzində 9183, hazırkı dövrədək isə 2627991 test aparılıb.

7
Azərbaycanda koronavirus infeksiyasına qarşı vaksinasiya

Azərbaycanda vaksinasiyadan keçənlərin sayı açıqlanıb

17
(Yenilənib 14:31 04.03.2021)
Hazırkı dövrədək ölkəmizdə koronavirus infeksiyasına qarşı 337,315 nəfər peyvəndlənmə prosesində iştirak edib. Vaksinasiya Respublikamızın bütün rayonlarında uğurla davam etdirilir.

 

BAKI, 4 mart — Sputnik. Martın 3-də Azərbaycanda yeni koronavirus (COVID-19) infeksiyasına qarşı 24,272 nəfər vaksinasiya olunub.

Sputnik Azərbaycan-ın "Koronavirusinfo.az"a istinadən xəbər verir ki, hazırkı dövrədək ölkəmizdə koronavirus infeksiyasına qarşı 337,315 nəfər peyvəndlənmə prosesində iştirak edib. Vaksinasiya Respublikamızın bütün rayonlarında uğurla davam etdirilir.

17
Bakıda avtobus, arxiv şəkli

Daha bir avtobusda gediş haqqı "BakıKart" vasitəsilə ödəniləcək

0
(Yenilənib 17:30 04.03.2021)
Sərnişinlərin rahatlığı nəzərə alınaraq Yeni Günəşli qəsəbəsi üzrə zəruri ərazilərdə ümumilikdə 5 ədəd "BakıKart"ın balansını artırmaq üçün ödəmə pos-terminalları qoyulacaq.

BAKI, 4 mart — Sputnik. Martın 5-dən 64 nömrəli marşrut xətti ( "Neftçilər" m/s – Yeni Günəşli qəs. (D yaş.mas.) ) üzrə hərəkət edən avtobuslarda da gediş haqqı "BakıKart" vasitəsilə ödəniləcək. Sputnik Azərbaycan-a Bakı Nəqliyyat Agentliyindən verilən məlumata görə, bununla da gün ərzində orta hesabla 13.000 nəfərdən artıq sərnişinin rahat daşınması təmin olunacaq:

"Bütün digər xidmət sahələrində olduğu kimi sərnişindaşımalarda da nağdsız hesablaşmaların tətbiqi prioritet məsələlərdəndir. Dövlət başçısının tapşırığına uyğun olaraq son beş ildə bu istiqamətdə mühüm addımlar atılıb. Paytaxtın marşrut şəbəkəsində istismarda olan avtobusların 48 %-i nağdsız ödəniş sisteminə inteqrasiya edilib. Hazırda gündəlik olaraq 590 min nəfərə yaxın sərnişinin (ümumi sərnişinlərin 33%) nağdsız ödəmə sisteminin xidmətlərindən istifadə edir.

Nağdsız ödəniş sisteminin tətbiqi dövriyyənin şəffaflaşdırılması, vergi ödəmələrinin artırılması, əmək münasibətlərinin rəsmiləşdirilməsi, sürücülərin və digər çalışanların sosial rifahının yaxşılaşdırılması baxımından olduqca faydalıdır. Sərnişindaşımalarda təhlükəsizlik kimi vacib məsələlərin həlli baxımından əhəmiyyətli olan nağdsız ödəniş sistemi həmçinin bu sektorda sahibkarlığın inkişafında struktur və keyfiyyət dəyişikliyinə də müsbət təsir göstərməkdədir.

Sərnişinlərin rahatlığı nəzərə alınaraq Yeni Günəşli qəsəbəsi üzrə zəruri ərazilərdə ümumilikdə 5 ədəd "BakıKart"ın balansını artırmaq üçün ödəmə pos-terminalları qoyulacaq. İş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək".

0
Teqlər:
Bakı Nəqliyyat Agentliyi