Avtoyuma məntəqəsinin işçisi, arxiv şəkli

İş axtaranların "qanını qaraltmaq" istəməzdik, amma...

5575
(Yenilənib 11:59 20.04.2017)
Ən azı 2 xarici dil bilməli, kompüterdə mükəmməl işləməli və 3 ilə kimi iş təcrübəsi olmalıdır - qarşılığında 300 manat əməkhaqqı

BAKI, 20 aprel — Sputnik. Azərbaycanda iş tapmaq ən böyük müşküllərdən birinə çevrilib. Söhbət təkcə iş yerlərinin sayının məhdud olması ilə deyil, həm də boş iş yerlərinə qəbulun şərtlərinin absurd səviyyəyə çatdırılması ilə bağlıdır.

İstehsalat sexi, arxiv şəkli
© Sputnik / Pavel Lisitsyn

Bəzi şirkətlər işə qəbul edəcəkləri şəxsin ən azı 2 dil (bəzən isə 3 dil) bilməsini, kompüterdə mükəmməl işləməsini, eləcə də 3 ilə kimi iş təcrübəsi olmasını istəyir. Əmək haqqı bölməsində isə ağır şərtlərə rəğmən 300-500 manat yazılır.

Bundan əlavə, ciddi yaş məhdudiyyəti də tətbiq edilir. İşəgötürənlərin böyük əksəriyyəti 35 (çox az halda 40-45) yaşa qədər məhdudiyyət tətbiq edir. Belə şərtlər isə insanların haqlı narazılığına səbəb olur. Sputnik Azərbaycan-ın əməkdaşı işə qəbulla bağlı mütəxəssislərlə danışıb.

"Vətəndaşların Əmək Hüquqlarının Müdafiəsi Liqası"nın sədri Sahib Məmmədov bildirib ki, belə vəziyyətə Azərbaycanda işçi qüvvəsinin çox olması, iş yerlərinin isə az olması gətirib çıxarır: "Şirkət rəhbəri çalışır ki, işə götürəcəyi adam çox bacarıqlı biri olsun. İndi olmasa da, gələcəkdə lazım olarsa, onun bu bacarıqlarından istifadə edə bilsin".

"O ki qaldı əmək haqqının az olmasına, bu şərtlərə razı olub müraciət edən çox olduğu üçün əmək haqqı artırılmır. Vakansiya ilə bağlı müraciət edən olmasa, işəgötürən məcbur olub əmək haqqını artıracaq. Deməli, hətta əmək haqqı kiçik, şərtləri ağır olan işə tələbat da çox olduğu üçün belədir" – deyə Sahib Məmmədov əlavə edib.

Liqa rəhbəri belə tələblərin bütün vakansiyalara tətbiq edilməsinin əmək qanunvericiliyinə zidd olduğunu deyib: "Bir insan fəhlə işləyəcəksə, niyə ondan ingilis dili tələb olunmalıdır? Məsələn, ingilis dilində danışan bir əcnəbinin rəhbərlik etdiyi komandada 30 fəhlə işləyirsə, o əcnəbidən Azərbaycan dilini öyrənməyi tələb etmək əvəzinə, 30 fəhlədən ingilis dili bilməyi tələb edirlər. Bu da doğru deyil".

Mütəxəssis bildirib ki, qanunvericiliyin işə qəbulla bağlı dəqiq tələbləri var: "Şəxsin vəzifə funksiyasına daxil olmayan şərtlər qoyulması qanunsuzdur. Formal olaraq, həmin şəxs məhkəməyə müraciət edə bilər. Amma məhkəmədən sonra şirkət həmin şəxsi işə götürər? Təbii ki, yox".

Dövlət qulluğuna hazırlıq üzrə ekspert İlyas Hüseynov Sputnik Azərbaycan-a açıqlamasında deyib ki, bu məsələ günün aktual mövzularından biridir: "Həqiqətən də işə qəbul zamanı vakansiya üzrə həddindən artıq bilik tələb edilir. Amma tələb olunanlar iş ilə uyğun deyil. Məsələn, bəzi iş yerlərində yüksək səviyyədə iş bilikləri tələb olunur. Bu qədər tələbə uyğun əmək haqqı verilməlidir. Əks halda, bu düzgün deyil. Təəssüflər olsun ki, bəzi hallarda insanlar məcbur olaraq bu şərtlər əsasında işləyirlər. Ona görə də işə götürənlər çox rahatlıqla belə şərtlər irəli sürürlər".

"Əmək Məcəlləsinə görə, işə götürən tələbləri və maaşı özü müəyyən edir. Sadəcə, işə qəbul zamanı həmin insan işə götürənə deyə bilər ki, bu tələbləri bilmirəm və iş zamanı həmin tələblərinizə ehtiyacım olmayacaq. İş axtaran şəxs müsahibə zamanı öz hüquqlarıni bilməlidir və tələb etməlidir. Təəssüf ki, biz öz hüquqlarımızı bilmirik" — deyə İ.Hüseynov əlavə edib.

İşə qəbul və təlimlər üzrə mütəxəssis Sevinc Nağıyeva isə problemi belə izah edib: "Təcrübəmdən deyə bilərəm ki, hansısa vəzifə üzrə vakansiya olanda həmin şöbənin menecerinə yaxınlaşıb o işçidə axtardıqları keyfiyyətləri öyrənirik və bu tələblərə uyğun mütəxəssis axtarırıq. Amma tələblər çoxaldıqca əmək haqqı da təbii ki, artır. Xarici bazarla işləyən mütəxəssislərdən yüksək dil biliklərinin tələb olunması normal haldır, amma yerli bazarla işləyən işçilərdən yüksək dil biliklərini tələb edə bilmərik".

HR mütəxəssis qeyd edib ki, əmək haqqı ilə razı olmayan namizədlər də olur: "Bəzi namizədlər başqa yerlərdə daha yüksək maaşla işlədikərindən, eyni vakansiya üzrə bizdə işləmək üçün müraciət edəndə daha yüksək maaş tələb edirlər. Qeyd etməliyəm ki, namizədlərlə birinci mərhələdə telefon vasitəsi ilə danışan zaman onlara əmək haqqı deyilməlidir. Onlar bununla razılaşdıqdan sonra işə qəbul üçün digər mərhələlərə dəvət edilməlidir".

5575
Teqlər:
işəgötürənlər, əmək haqqı, dil, , maaş, ekspert, Azərbaycan, kompüter, şirkət
Əlaqədar
Nazirlik işçi axtarır
Müəllimlərin işdə qalması bu sınaqdan asılıdır
Kim 15 yaşdan kiçik övladını bu işə məcbur edərsə...
Direktor vəzifəsinə işə qəbul üzrə yeni qaydalar təsdiq edilib
(0:27 / 2.55Mb / просмотров видео: 5)

Raket zərbəsinin qurbanları: Bərdə övladlarını son mənzilə yola salır

5
(Yenilənib 18:01 29.10.2020)
İki gün dalbadal raket atəşinə tutulan Bərdədə həlak olmuş dinc sakinlərin dəfn mərasimi keçirilib. Ətraflı – videomuzda.

Sputnik Azərbaycan-ın bölgə müxbiri Bərdə şəhərinin raket atəşinə tutulması zamanı həlak olmuş sakini Allahverdiyev Əsgər Mahir oğlunun dəfn mərasimində olub. Əsgərin 37 yaşı vardı.

Mərmi sanki yağış kimi yağdı… - Bərdə faciəsi xəsarət alanın dilindən - VİDEO >>

2020-ci il oktyabrın 28-də Ermənistan silahlı qüvvələri saat 13 radələrində əhalinin sıx yaşadığı Bərdə şəhərinin mülki obyektləri və infrastrukturuna raket zərbələri endirib. Nəticədə 21 dinc sakin həlak olub, təxminən 70 nəfər yaralanıb. Mülki obyektlərə və nəqliyyat vasitələrinə zərər dəyib. Bütün həlak olanlar və xəsarət alanlar dinc sakinlərdir.

Dərhal evə qaçdım, amma artıq gec idi - Erməni hücumu nəticəsində həlak olan Aysunun atası >>

Xatırladaq ki, oktyabrın 27-də Ermənistan silahlı qüvvələrinin Bərdənin Qarayusifli kəndini artilleriya atəşinə tutması nəticəsində beş dinc sakin, o cümlədən yeddi yaşlı qız həlak olmuş, daha 13 nəfər yaralanmışdı.

5
Mövzu:
Azərbaycan və Ermənistan arasında müharibə
Polis əməkdaşı, arxiv şəkli

Diqqət: Polis nəzarəti gücləndirdi

10
(Yenilənib 17:58 29.10.2020)
Vətəndaşlardan xahiş olunur ki, ön cəbhədə vuruşaraq torpaqlarımızı işğalçılardan təmizləyən əsgər və zabitlərimizin sağlamlığını qorumaq, koronavirusun cəmiyyətimizin müxtəlif təbəqələri arasında yayılmasına imkan verməmək üçün karantin qaydalarına əməl etsinlər.

BAKI, 29 oktyabr — Sputnik. Daxili işlər orqanlarının əməkdaşları arxa cəbhədə həm ölkə ərazisində elan edilən hərbi vəziyyət, həm də koronavirusla mübarizədə yorulmadan xidmətlərini davam etdirirlər.

Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, infeksiyanın ölkə ərazisində yayılmasının, virusun törədə biləcəyi ağır fəsadların qarşısının alınması məqsədilə elan edilən karantin rejimi qaydaları çərçivəsində polis əməkdaşları tərəfindən nəzarət-profilaktik tədbirlər daha da gücləndirilib. Bu məqsədlə paytaxt Bakı və bölgələrdə polis əməkdaşlarından təşkil edilən mobil qruplar vasitəsi ilə sanitar-karantin qaydalarına əməl edilməsi daim nəzarətdə saxlanılır.

Reydlər zamanı qapalı yerlərdə, ictimai nəqliyyatda, mağazalarda və iaşə obyektlərində polis əməkdaşları tərəfindən insanlar arasında profilaktik söhbətlər aparılaraq onlara sanitar-epidemioloji qaydalara əməl etməyin, sosial məsafənin təmin edilməsinin, eləcə tibbi maskadan istifadənin zəruriliyi barədə məlumatlar verilir. Paytaxtın müxtəlif nöqtələrində, eləcə də mərkəzdən kənar bölgələrdə həyata keçirilən reydlərdə sosial məsafəni gözləməyən, tənəffüs yollarını qoruyan fərdi vasitələrdən istifadə etməyən, dəfələrdə edilən xəbərdarlıqlardan nəticə çıxarmayan şəxslər qanunvericiliyə uyğun olaraq, inzibati məsuliyyətə cəlb olunublar. Paytaxt, eləcə də digər rayon və şəhərlərdə karantin qaydlarına əməl olunmasını təmin etmək məqsədilə polis əməkdaşları tərəfindən nəzarət bundan sonra da mütəmadi olaraq davam etdiriləcək.

Vətəndaşlarımızdan biz daha xahiş olunur ki, ön cəbhədə vuruşaraq torpaqlarımızı qarış-qarış işğalçılardan təmizləyən əsgər və zabitlərimizin sağlamlığını bu qorxunc virusdan qorumaq, eləcə də koronavirusun cəmiyyətimizin müxtəlif təbəqələri arasında yayılmasına imkan verməmək üçün karantin qaydalarına əməl etsinlər. Bunun üçün hər birimizdan yalnız sosial məsafəni gözləmək, tənəffüs yollarını qoruyan fərdi vasitələrdən, yəni maskalardan istifadə etmək və şəxsi gigiyenaya fikir vermək tələb olunur.

Qeyd edək ki, COVID-19 infeksiyasının ölkə ərazisində yayılmasının qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 1 dekabr saat 06:00-dək uzadılıb.

10

İşğaldan azad olunmuş ərazilərə giriş-çıxış üçün xüsusi rejim tətbiq ediləcək

0
Müdafiə Nazirliyi və Azərbaycan Respublikasının Daxili İşlər Nazirliyi işğaldan azad olunmuş ərazilərdə giriş-çıxışın xüsusi rejimini tətbiq edəcəklər.

BAKI, 29 oktyabr - Sputnik. Azərbaycan Respublikasının Müdafiə Nazirliyi və Azərbaycan Respublikasının Daxili İşlər Nazirliyi işğaldan azad olunmuş ərazilərdə giriş-çıxışın xüsusi rejimini tətbiq edəcəklər.

Sputnik Azərbaycan xəbər verir ki, bu barədə Prezident İlham Əliyevin Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında Fərmanında yer alıb.

0