Siqaret

Hökumət siqaretlə mübarizəni gücləndirir

150
Vətəndaşlara tütün istifadəsinin dayandırılmasına yönəlmiş tibbi yardım göstəriləcək

BAKI, 18 apr — Sputnik. Tütün istifadə edən və tibb təşkilatlarına müraciət etmiş şəxslərə tütün istifadəsinin dayandırılmasına, tütün asılılığının və tütün istifadəsinin nəticələrinin müalicəsinə yönəlmiş tibbi yardım göstərilir. Sputnik Azərbaycan-ın məlumatına görə, bu barədə "Tütün məmulatlarının istifadəsinin məhdudlaşdırılması haqqında" qanun layihəsinin 15-ci (Vətəndaşlara tütün istifadəsinin dayandırılmasına, tütün asılılığının və tütün istifadəsinin nəticələrinin müalicəsinə yönəlmiş tibbi yardım göstərilməsi) maddəsində deyilir.

Həmin maddədə göstərilir ki, vətəndaşlara tütün istifadəsinin dayandırılmasına yönəlmiş tibbi yardım göstərilməsi, o cümlədən tütün asılılığının və tütün istifadəsinin nəticələrinin profilaktikası, diaqnostikası və müalicəsi vətəndaşlara pulsuz tibbi yardım göstərilməsinə dövlət zəmanəti proqramına müvafiq olaraq dövlət səhiyyə sisteminin, bələdiyyə səhiyyə sisteminin və özəl səhiyyə sisteminin tibbi təşkilatları tərəfindən həyata keçirilir.

Tütün istifadəsinin dayandırılmasına, tütün asılılığının və tütün istifadəsinin nəticələrinin müalicəsinə yönəlmiş tibbi yardım standartları əsasında və tibbi yardım göstərilməsi qaydasına müvafiq olaraq həyata keçirilir. Müalicə edən həkim tibbi yardım göstərilməsi üçün tibb təşkilatına müraciət etmiş pasientə, müalicənin səbəbindən asılı olmayaraq tütün istifadəsinin dayandırılması barədə tövsiyələr və ona göstərilə biləcək tibbi yardım haqqında zəruri məlumat verməlidir.

150
Teqlər:
asılılıq, tibb, tütün, tibbi yardım, təşkilat, müraciət
Əlaqədar
Millət vəkili bir daha siqaret məsələsinə toxundu
İlham Əliyevdən siqaret açıqlaması gəldi
Milli Məclis siqaret müzakirələrinə son qoydu
Siqaret çəkilməsi ilə bağlı sərt məhdudiyyətlərə necə baxırsınız?
Ekspert: “Siqaret bütünlüklə qadağan olunmalıdır”
Spirtli içki və siqaretlərlə bağlı mühüm xəbər
Şimal bölgəsində siqaret əməliyyatı