Pulqabı fonunda avtomobil maketi, arxiv şəkli

Onunla bir günlük həzz üçün 600 manatınızdan keçməlisiniz

8841
(Yenilənib 22:46 17.04.2017)
600 manat pul, 5 il təcrübə və "Rent a Car" - vəssalam, şüt tamam

BAKI, 17 apr — Sputnik. "Rent a Car"ın (avtomobil icarəsi — red.) maraqlı yaranma tarixi var. Belə ki, 100 il əvvəl — 1916-ci ildə amerikalı Co Sounders sevgilsi ilə görüşə tələsən bir tanışı ilə qarşılaşır. Co tanışının görüşə gecikəcəyi ilə bağlı həyacanını görüb, avtomobilinin açarını ona verir. Sonradan Co Saunders avtomobilin icarəyə verilməsinin gəlirli sahə olduğunu düşünərək, avtomobilini icarə verməyə başlayır. İlk icarəyə verilən avtomobil isə "Ford" markalı avtomobil olur.

Mercedes S Class avtomobilinin günlük icarəsi 600 manatdır
© AFP 2020 / GEOFF ROBINS
"Mercedes S Class" avtomobilinin günlük icarəsi 600 manatdır

Avtomobillərin icarəyə verilməsi, dünyanın bir çox ölkələrində olduğu kimi, Azərbaycanda da inkişaf edən gəlirli sahələrdəndir. Hazırda ölkəmizdə avtomobil icarəsi ilə məşğul olan çox sayda şirkət var. Əvvəllər bu sahə gəlirli olmasa da, paytaxta tursitlərin gəlişi bu sahəni də aktivləşdirib. İndi "Rent a Car" ən gəlirli sahələrdən biri hesab edilir.

"Rent a Car" şirkətlərindən birində menecer olan Emil Məmmədovun Sputnik Azərbaycan-a verdiyi məlumata görə, avtomobillər 24 yaşından böyük, 1 il sürücülük təcrübəsi olan şəxslərə müqavilə əsasında icarəyə verilir: "Müqavilədə avtomobillə bağlı öhdəliklər qeyd edilir və depozit kimi 200 manat götürülür. Sonra avtomobil müştəriyə təqdim edilir".

E. Məmmədovun sözlərinə görə, ən ucuz icarəyə verilən avtomobil "KİA Rio"-dur. Bu avtomobilin bir günlük icarə haqqı 50 manatdır. Avtomobillər minimum 2 günlüyə icarəyə verilir. Avtomobili icarəyə götürən şəxs onu istənilən müddətə istifadə edə bilər. Yəni, maksimal müddət yoxdur.

Kia Rio
© AP Photo / Richard Drew
Ən ucuz başa gələn avtomobil "Kia Rio"dur – bu maşının günlük icarəsi 50 manatdır

"İcarədə olan ən bahalı avtomobil 2017-ci istehsalı olan "Mercedes S Class"-dır. Bu avtomobilin bir günlük icarə haqqı 600 manatdır. Salonda 2015-ci il buraxılışlı "Range Rover"in günlük icarə haqqı 450 manat, 2007-ci il istehsalı olan "Range Rover" 150 manat, 2010-cu il istehsalı olan "Gelandewagen" 250 manat, 2016-cı il istehsalı olan "Gelandewagen" isə 450 manata icarəyə verilir" — menecer bildirir.

Müsahibimiz avtomobil icarəsi üçün ən çox əcnəbilərin müraciət etdiklərini əlavə edir: "Xüsusən də ərəblər avtomobil kirayəyə götürürlər. Ərəblər bahalı avtomobillərə üstünlük verirlər".

Digər avtomobil icarəsi şirkətində çalışan Mansur Əhmədovun sözlərinə görə, şirkətdə hər bir müştərinin zövqünə uyğun avtomobillər var. Burada "Mazda", "Toyota", "Hyundai", "Porsche", BMW, "Mercedes" və digər avtomobillər icarəyə verilir. Qiymətlər də avtomobillərə görə dəyişir.

"Şirkətdə avtomobillər xüsusi hazırlanmış müqavilə əsasında icarəyə verilir. Depozit kimi isə icarəyə götürülən avtomobilin icarə haqqının yarısı qədər məbləğ müəyyən edilib" — həmsöhbətimiz deyir.

Əhmədov da daha çox əcnəbilərin icarəyə avtomobil götürdüyünü təsdiq edir. Amma az-az olsa da, Bakı sakinləri də icarə üçün müraciət edirlər: "Bəziləri rayonlara istirahətə gedəndə, bəziləri isə elə Bakıda gəzmək üçün avtomobil icarəyə götürür. Bir dəfə gənc oğlan müraciət etmişdi. 26 yaşı var idi. Dedi ki, qızla görüşə gedir, ona görə avtomobil icarə götürür. Əslində bizdə avtomobillər bir günlük icarəyə verilmir. Amma onun xahişini yerə salmadıq. Gəncə bir günlüyünə "Galenwagen" verdik".

Hyundai Sonata
© AFP 2020 / STAN HONDA
Hyundai Sonata

Şirkət əməkdaşı bildirir ki, avtomobil icarəsi zamanı xarici pasport, sürücülük vəsiqəsi, şəxsiyyət vəsiqəsi tələb edilir: "Avtomobil müştəriyə təmiz yuyulmuş və benzinlə dolu halda verilir və eyni halda geri götürülür. Bu, əsas şərtdir. Avtomobili götürərkən icarə haqqını öncədən də ödəmək olar. Amma çox zaman müştərilər qeyd olunan depoziti ödəyirlər".

Müsahibimizin dediyinə görə, avtomobillərin markasına uyğun olaraq müqavilə şərtləri də dəyişir. Məsələn, "Ekonom" avtomobillər üçün sürücülük təcrübəsi 1 il, "Biznes" avtomobillər üçün isə sürücülük təcrübəsi 5 il tələb olunur.

Şirkətdə "Mercedes Benz S-Class" 100-200 manat (buraxılış ilinə görə), "Mercedes Benz GL" 250 manat, "Mercedes Benz ML" 170 manat, "Mercedes Benz G" 250 manat, "Mercedes Benz C-Class" 55-60 manat, "Mercedes Benz E-Class" 60 manat, "Toyota Prado" 100-110 manat, "Toyota Camry" 85-90 manat, "Toyota Corolla" 65 manat, "Mitsubishi Pajero" 100-110 manat, "Hyundai Sonata" 70 manat, "Hyundai Accent" 50 manat, "Nissan Patrol" 100-110 manat, "Range Rover Sport" 200-250 manat, "Range Rover Vouge" 180 manata icarə verilir.

Burada "Hummer" markalı avtomobil də icarəyə verilir. Amma, bir gün üçün icarə haqqı 180-250 manat olan bu avtomobilə təlabat çox azdır.

Müsahibimiz bildirir ki, avtomobillərin bəziləri şirkət tərəfindən alınsa da, bəziləri müəyyən şəxslər tərəfindən icarəyə verilmək üçün şirkətə təqdim olunur. Şirkət avtomobilini onlara etibar edən şəxslərlə müqavilə imzalayır və müqaviləyə görə avtomobil sahiblərinə pul ödənilir.

8841
Teqlər:
"Galenwagen", "Mercedes S Class", avtomobil icarəsi, "Rent Car", icarə, ucuz, baha, Sputnik Azərbaycan, avtomobil
Əlaqədar
Su qiymətinə avtomobil satılır
Qatarla avtomobil bu səbəbdən toqquşublar
Hökumətə sual: bəs bizdə gələcəyin avtomobilləri nə vaxt olacaq?
Zəncirvari qəzada avtomobil iki hissəyə parçalandı
Dünyanın ən güclü avtomobilləri yarışacaq
Məşhur şirkət minlərlə avtomobilini geri çağırdı
Tovuzun Əsrik Cırdaxan kəndindən olan Bədir Süleymanov

Qələbənin bir addımlığında yaralanan qazi: "Bir əsgərdə qorxu hissi yox idi"

0
(Yenilənib 21:37 30.11.2020)
"Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi"

İlham Mustafayev, Sputnik Azərbaycan

BAKI, 30 noyabr — Sputnik. Döyüş meydanında qəhrəmanlıq göstərən igid Azərbaycan oğullarının şücaəti indi dillərə dastan olur. Torpaqlarımızı işğaldan azad etmiş bu vətən oğullarının sayəsində biz zəfər yazan ölkənin vətəndaşına çevrilmişik. Onlardan biri də Tovuzun Əsrik Cırdaxan kəndindən olan Bədir Süleymanovdur.

© Sputnik / Ilham Mustafa
Qarabağ qazisi Bədir Süleymanov övladı ilə

O, Vətən müharibəsinin ilk günlərindən cəbhəyə könüllü qatılıb, döyüşlərdə iştirak edib. Bədir torpaqlarımızın işğaldan azad olunması zamanı əldə edilən qələbənin əsas səbəblərindən birinin yüksək döyüş əhval-ruhiyyəsi olduğunu deyir:

“Əhval-ruhiyyə ordumuzda çox yüksək idi. Bir əsgərdə belə qorxu hissi yox idi. İndi fikirləşirəm ki, bir nəfər belə qorxmuş olsaydı, bu bütün döyüşçülərə sirayət edərdi. Amma hər kəs qorxmadan mərdliklə döyüşürdü. Bizim döyüşçülərin döyüş ruhunu yüksəldən düşmənin qabağımızda dayana bilməməsi idi. Hücum vaxtı erməni əsgəri uzağı 5-10 güllə atıb avtomatı tullayıb qaçırdı. Onda hiss edirdik ki, qarşımızı heç bir düşmən kəsə bilməz”, - deyə döyüşlər haqda danışıb.
  • Bədir Süleymanov övladları ilə
    © Sputnik / Ilham Mustafa
  • Bədir Süleymanovun övladları
    © Sputnik / Ilham Mustafa
  • Tovuzun Əsrik Cırdaxan kəndindən olan Bədir Süleymanov
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
1 / 5
© Sputnik / Ilham Mustafa
Bədir Süleymanov övladları ilə

Füzuli, Laçın və Xocavənd istiqamətində döyüşlərdə iştirak edən Bədir Süleymanov əlindən yaralansa da, digər yaralı əsgər yoldaşını da döyüş meydanında buraxmayıb. O anı yaralı qazi belə xatırlayır:

“Noyabrın 9-da Xocavənd istiqamətində əlimdən güllə yarası aldım. Mən zərbə manqasında döyüşürdüm. Döyüşlərə ilk biz atılırdıq. Yaralandığım döyüşdə erməniləri qovaraq içərilərə getdik. Düşmən bizi mühasirəyə salmaq istəyəndə yaralandım. Mənimlə eyni vaxtda bir yoldaşım da yaralandı. Güllə sinəsindən girib kürəyindən çıxmışdı. Olduğumuz yerdən işıqlı havada çıxmaq mümkün deyildi. Snayperləri çox idi ərazidə. Ona görə komandir dedi, qaranlıq düşsün, sonra sizi aşağı düşürək. Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi”, - deyə o, son döyüşündən məlumat verib.

© Sputnik / Ilham Mustafa
Qarabağ qazisi Bədir Süleymanov ailəs ilə birgə

Bədirin 2 körpə övladı var. Qazinin gəlişinə ən çox sevinənlər də elə onlardır.

Qazi anası Aybəniz Salmanova övladı ilə fəxr etdiyini deyir.

“Bədir mənim fəxrimdir. Müharibə başlayanda öz kəndimizdəydim. Zəng elədi ki, mən döyüşə gedirəm, gəl, uşaqların yanında qal. Gedən gündən döyüşlərə qatılıb son günlərədək vuruşdu. Gələndə onu bir qəhrəman oğul kimi qarşıladım. Mən övladımla, ordumuzla, prezidentimizlə fəxr edirəm. Çünki birlik olmasaydı, müharibədə qalib gələ bilməzdik,” - deyə o bildirib.

Bədir indi tezliklə sağalacağı günü gözləyir. Fikri-zikri döyüş yoldaşlarının yanında olduğundan sağalan kimi onların yanına getmək istəyir.

0
Teqlər:
əsgər, döyüş, söhbət, Tovuz, Qarabağ, qazi
Taxılçılıqla məşğul olan fermer

Rayonda bir ilki sınaqdan keçirən Balakən sakini ayın fermeri oldu

6
(Yenilənib 21:10 30.11.2020)
"Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir

BAKI, 30 noyabr — Sputnik. Azərbaycanda aqrar sahədə fəaliyyətin daha da stimullaşdırılması üçün fermerlər arasında elan edilən "Ayın fermeri" müsabiqəsinin qalibi müəyyənləşib.

Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat veriblər ki, müsabiqədə iştirak üçün 40 rayondan ümumilikdə 56 fermer müraciət edib. Müsabiqənin iki mərhələsi üzrə ayrı-ayrılıqda fermerlərin fəaliyyəti qiymətləndirilib.

Komissiya üzvlərinin qiymətləndirməsi nəticəsində qarğıdalı istehsalı sahəsində yüksək məhsuldarlıq əldə etdiyinə görə fermer Zaur Əhmədiyev "Ayın fermeri" müsabiqəsinin qalibi elan edilib. Balakən rayonunda fermer təsərrüfatı quran Zaur Əhmədiyev düzgün aqrotexniki qulluq nəticəsində 35 ha qarğıdalı sahəsindən 308 ton dənlik qarğıdalı istehsal edib. Rayonda ilk dəfə qarğıdalı sahəsində damlama üsulu ilə suvarma sistemini quran fermerin qarğıdalı sahəsində orta məhsuldarlıq 88 sentner təşkil edib. O, ötən il 175 ha sahədən 460 ton taxıl əldə edib. 2019-cu ildə 20 hektar sahədə intensiv bağ salan Zaur Əhmədiyev heyvandarlıq sahəsində də fəaliyyət göstərir və hazırda təsərrüfatında 298 baş iribuynuzlu heyvan var.

Qeyd edək ki, "Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir.

Xatırladaq ki, müsabiqənin təşkili ilə bağlı təsdiqlənən qaydalara əsasən, müsabiqədə "Elektron Kənd Təsərrüfatı" İnformasiya Sistemində (EKTİS) qeydiyyatdan keçmiş və 2 ildən az olmayan müddətdə kənd təsərrüfatı məhsullarının istehsalı ilə məşğul olan fermerlər iştirak edə bilər.

6
Teqlər:
qarğıdalı, fermer, Balakən