Qadın geyimləri dükanı, arxiv şəkli

Devalvasiya geyim bazarına belə təsir edib

231
Sputnik Azərbaycan sosial şəbəkələrdə devalvasiya və geyimlərimiz mövzusunda sorğu keçirib

BAKI, 15 apr — Sputnik. Devalvasiya hər sahədə olduğu kimi geyimlərin qiymətinə də təsir göstərib. Geyim dükanlarında baş verən bahalaşma əhalinin geyim tələbatına da təsirsiz ötüşməyib. Sputnik Azərbaycan-ın əməkdaşı sosial şəbəkələrdə bu mövzu ilə bağlı sorğu keçirib. Sorğuda respondentlərdən geyimlərini haradan aldıqları və bunun səbəbi soruşulub. Suallara sosial şəbəkə istifadəçiləri tərəfindən müxtəlif cavablar verilib. Cavabları təqdim edirik:

Bəxtiyar Hacıyev: “Geyimlərimi Binə bazarından alıram. Səbəbi isə çox sadədir. Eyni marka, eyni keyfiyyət. Mərkəzdəki əksər mağaza sahibləri dükanları üçün malları gedib Binə bazarından seçib alırlar. Sonra da brend adı ilə ikiqat qiymətə şəhərin mərkəzində satırlar”. 

Nigar Zeynalova: “Geyimlərimi Mall-lardan alıram. Mən gəzməyi çox sevirəm və eyni zamanda istədiyim bir çox mağaza bir məkanda olur. Yorulanda da həmin ticarət mərkəzindəki kafedə oturub dincəlirəm. Alış-verişi istirahət günü elədiyim üçün bu bir növ istirahət olur. Eyni zamanda burada plastik kartla ödəmə imkanı olur. Endirim olanda da bəzi dükanlar mesaj vasitəsi ilə müştəriyə xəbərdarlıq edirlər. Bu üstünlüklərinə görə alış-veriş üçün Mall-ları seçirəm”. 

Aynurə Pənahqızı: “Mall-lardan alıram geyimlərimi, çünki orada mallar daha keyfiyyətli olur. Baha olsa da almağa dəyər”.

Rəşad Quliyev: “Avropada “outlet”də 20 avroya aldığım brend geyim Bakıda 90 manatdır. Ona görə xaricdən alış-veriş edirəm”. 

Könül İbrahim: “Geyimlərimi Mall-lardan və 28 May metro keçidindən alıram. Yolum düşəndə isə “Sədərək”dən alış-veriş edirəm. “Sədərək”dən əsasən ev geyimləri alıram. Körpəm üçün alış-verişi də “Sədərək” bazarından elədim. Çünki qiymətlər daha münasib idi. Mall-larda uşaq paltarına yaxın getmək mümkün deyil, çox bahadır”. 

Günel Hacı: “Vaxt məhdudiyyətim olduğu üçün daha çox Mall-lardan geyimlərimi alıram. Amma vaxtım olsa bazarı, müxtəlif mağazaları gəzməyi çox sevirəm. Belə məkanlarda gözləmədiyin halda maraqlı nəsə qarşına çıxır. Yoxsa, çox pul xərcləyib inkubator cücələri kimi hami ilə eyni geyinib gəzmək heç də xoş deyil”.

Tünzalə Xəlilova: “Mən geyimlərimi alverçidən alıram. Dükanlardan ucuz olur. Geyimlərimi ona görə ticarətçidən alıram ki,  həmin geyimlərdən bəzən 1, bəzən də cəmi 2-3 ədəd olur. Mənim geydiyim paltardan çox adamda olanda “gözümdən düşür”. Həm mənə sərf edir. 2-3 paltar alıb bir neçə aya hissə-hissə pulunu ödəyirəm”.

Ülviyyə Cəlilzadə: “Mən geyimlərimi gedib xaricdən alıram. Çünki burada hamı eyni paltarları geyinir və bir-birinə oxşayır”. 

Sevinc Şabanova: “Çox vaxtı geyimlərimi dərziyə tikdirirəm, çünki dizaynını özüm çəkib dərziyə verirəm və istədiyim geyimi əldə edirəm”. 

231
Teqlər:
Devalvasiyanın geyim bazarına təsiri, Sevinc Şabanova, Ülviyyə Cəlilzadə, Tünzalə Xəlilova, Bəxtiyar Hacıyev, Nigar Zeynalova
Əlaqədar
Maliyyə Nazirliyindən devalvasiya təklifi: başqa çarə yoxdur
Devalvasiya avtomobil bazarına ciddi ziyan vurub
Növbəti devalvasiya təşvişi
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

6
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

6
Teqlər:
müsabiqə, COVID-19, Koronavirus
Prezident İlham Əliyev, arxiv şəkli

Azərbaycanın Rus İcması Prezident İlham Əliyevə müraciət edib

11
(Yenilənib 21:06 23.11.2020)
Rus icması: "Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi".

BAKI, 23 noyabr - Sputnik. Azərbaycanın Rus İcması Prezident, Azərbaycan Silahlı Qüvvələrinin Ali Baş Komandanı İlham Əliyevə müraciət edib.

Sputnik Azərbaycan xəbər verir ki, məktubda deyilir: “Möhtərəm cənab Prezident, Ali Baş Komandan İlham Heydər oğlu!

İcazə verin, Azərbaycanın Rus İcması adından Sizi və Azərbaycan Respublikasının Birinci vitse-prezidenti Mehriban xanım Əliyevanı bütün Azərbaycan xalqının düşmən üzərində birmənalı, möhtəşəm Qələbəsi münasibətilə təbrik edək. Ermənistan Respublikasının işğalçı qüvvələri darmadağın edildi və geri çəkildi.

Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi.

Möhtərəm İlham Heydər oğlu, biz bilirik ki, Siz BMT Təhlükəsizlik Şurasının 4 qətnaməsinə müvafiq olaraq bu münaqişənin dinc yolla nizamlanması üçün nə mümkündürsə etdiniz. Lakin Ermənistanın destruktiv mövqeyi danışıqlarda irəliləyişə nail olmağa imkan vermədi, onun daimi hərbi provokasiyaları bu il sentyabrın 27-də münaqişənin eskalasiyasına gətirib çıxardı.

Biz, Azərbaycanın rus əhalisi Sizin mətinliyinizə, müdrikliyinizə və qəti qələbəyə qədər getmək əzminizə görə Sizə səmimi təşəkkürümüzü və dərin minnətdarlığımızı bildiririk.

Sizin rəhbərliyinizlə igid, rəşadətli ordumuz qısa müddətdə çoxsaylı kəndləri, şəhərləri erməni işğalından azad etdi və Ermənistanı tam hərbi kapitulyasiya aktını imzalamağa məcbur etdi.

Respublikanın rus vətəndaşlarının çoxu 1990-cı illərin əvvəlində olduğu kimi, bu dəfə də Azərbaycan xalqı ilə çiyin-çiyinə dayandı və Azərbaycan sərhədlərinin pozulmazlığı hüququnu müdafiə edərək ölkəmizin ərazi bütövlüyünün bərpa olunmasında iştirak etdi.

Biz Sizin sözlərinizi xatırlayırıq ki, bu gün biz birlikdəyik və heç kəs bu birliyi poza bilməz.

Cənab Prezident, Sizin Ali Baş Komandan, diplomat, siyasi xadim və öz ölkəsinin vətəndaşı kimi fəaliyyətiniz sabahkı quruculuq gününə qəti əminlik yaradır, o vaxt minlərlə insan öz evlərini yenidən tikmək, müharibə dəhşətlərinin nə demək olduğunu bilməyən yeni nəsil tərbiyə etmək üçün işğaldan azad olunmuş torpaqlara qayıda biləcəklər.

Azərbaycanda və onun ayrılmaz tərkib hissəsi olan Dağlıq Qarabağ bölgəsinin torpağında sülhün və firavanlığın bərpa edilməsi üzrə titanik səylərinizə görə sağ olun.

Sizin Azərbaycan xalqına səmimi müraciətləriniz bu xalqın qəlbində inam oyatdı, düşməni darmadağın etmək və Azərbaycanın ərazi bütövlüyünü qorumaq üçün xalqı vahid cəbhə kimi sıx birləşdirdi. Biz doğma Qarabağ regionunu azad etdik, bu gün bizim bayrağımız Şuşada – Qarabağın ürəyində dalğalanır. Məcburi köçkünlər tezliklə öz doğma yurdlarına qayıdacaq və bütün ölkəmiz yenidən firavanlaşacaq.

Bütün Azərbaycan xalqı çoxdan gözlədiyimiz şanlı Qələbə gününü Sizinlə birlikdə bayram edəcək.

Yaşasın Ali Baş Komandan!

Yaşasın çoxmillətli Azərbaycan xalqı!

Yaşasın Azərbaycan Ordusu!

Qarabağ Azərbaycandır!”

Bildirilib ki, müraciət Azərbaycan Rus İcmasının Respublika Şurasının iclasında qəbul edilib.

11
Teqlər:
Ermənistan, Azərbaycan, BMT-nin qətnamələri, kapitulyasiya, Üçtərəfli bəyanat, Prezident İlham Əliyev, rus icması
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

12
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

12
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması