BakuBusın sürücüsü Zakir Nəsirov

Sərnişini xilas edən sürücü: "Gördüm ki, nəfəs alması çətinləşir..."

388
"İşə düzələn zaman mütləq şəkildə bizə ilkin təcili yardım kursları keçirilir. Hər 3 aydan bir belə təlimlər olur və biz hər təlimin sonunda imtahan veririk"

BAKI, 14 apr — Sputnik. "BakuBus" Məhdud Məsuliyyətli Cəmiyyəti (MMC) qısa bir zamanda yaransa da, nəqliyyat sektorunda xüsusi yer tutur. Dünya standartlarına cavab verən avtobuslar və qayda-qanuna riayət bu qurumu daha da fərqləndirir.

Bundan əvvəl 10-12 il ərzində müxtəlif təşkilatlarda sürücü kimi işləmiş Zakir Nəsirov, artıq 1 ildən çoxdur ki, "BakuBus"da avtobus sürücüsü kimi çalışır. Onu həm də məşhur sürücü adlandırmaq olar. Çünki Zakir Nəsirovun avtobusun salonunda halı pisləşən sərnişini xilas etməsi görüntüsü sosial şəbəkələrdə və internetdə geniş yayıılıb. "BakuBus" sürücüsü Sputnik Azərbaycan-a müsahibəsində maraqlı məqamlardan danışıb.

— "BakuBus"da sürücü işləməklə, digər təşkilatlarda sürücü işləməyin fərqi nədədir?

— "BakuBus"da nizam-intizam güclüdür. Eyni zamanda, bu avtobuslar sənişinlər üçün rahatdır. Xüsusilə də, kart sisteminin olması həm sərnişinlər, həm də sürücülər üçün rahatdır. Avtobusun ancaq dayanacaqdan-dayanacağa saxlanılması, sürücülər tərəfindən qanun-qaydalara riayət olunması digər təşkilatlardan fərqləndirir.

Sürücü Zakir Nəsirov
© Sputnik / Murad Orujov
Sürücü Zakir Nəsirov

 "BakuBus" yarananda insanlar yeni qaydalara öyrəşə bilmirdilər. Hətta sürücülərlə dava edənlər də olurdu. Az olsa da, bu gün də belə sərnişinlərə rast gəlmək mümkündür. Siz belə hallarla rastlaşmısınız? Bu zaman sərnişinlərlə necə davranırsınız?

— Belə hallarla çox qarşılaşmışam. Biz sürücülər sərnişinlərə qarşı nəzakətlə davranmağa çalışırıq. Onlara yeni qaydaları izah edirik. Hətta əvvəllər əlindəki xırda qəpiklə qapını taqqıldadıb "Saxla!" deyənlər də olurdu. Biz də sürücü kimi bu hallara əsəbləşirdik, amma səbrli olmağa məcbur idik. Hələ də belə hallarla rastlaşırıq. İşıqforda, dayanacaq olmayan yerlərdə saxlamağımızı tələb edən sərnişinlər hələ də var.

 Bir müddət öncə avtobusda hadisə baş vermişdi. Siz halı pisləşən sərnişinin həyatını xilas etmişdiniz. Bu haqda bir qədər məlumat verərdiniz.

— Mən dayanacaqdan hərəkətə başladım və bu zaman salonda bir sərnişinin halının pisləşdiyini gördüm. Dərhal avtobusu təhlükəsiz yerə çəkdim ki, digər sərnişinlər və avtobus sürücüləri üçün problem yaranmasın. Bundan sonra salona keçdim. Sərişinin nəfəs almasının çətin olduğunu görüb, onu açıq havaya çıxardım. Xəstəyə ilkin tibbi yardım göstərdim və eyni zamanda 103-ə zəng edib "təcili yardım" çağırdım. Xəstəni "təcili yardım"a təhvil verəndən sonra öz işimi davam etdirdim.

BakuBus MMC-nin avtobusları
© Sputnik / Murad Orujov
"BakuBus" MMC-nin avtobusları

 İlkin tibbi yardımı necə öyrənmisiniz?

— "BakuBus"da işə düzələn zaman mütləq şəkildə bizə ilkin təcili yardım kursları keçirilir. Hətta hər 3 aydan bir belə təlimlər olur və biz sürücülər hər təlimin sonunda imtahan veririk. Ona görə də, məhz burada ilkin tibbi yardımı öyrəndim.

 Hər gün avtobusda eyni yolu dəfələrlə getmək yorucu olmur?

— Mənim üçün işim çox maraqlıdır. İşimi sevirəm. Yollar məni yormur. Həm də digər avtobus sürücülərindən fərqli olaraq "BakuBus"da bir sürücü eyni xətlə hərəkət etmir. Hansı xətdə boş yer olursa, o xətdə avtobusu idarə edir. Yəni işə gələn sürücü ancaq bir nömrə altında hərəkət edən avtobus sürmür, lazım gəlirsə, digər xətlərə də çıxır.

 Avtobus sürücüsü işləmək üçün insanda hansı keyfiyyətlər olmalıdır?

— Sürücü birinci növbədə səbirli, diqqətcil və nəzakətli olmalıdır. Həm avtobusu, həm salonda olan sərnişinləri idarə etməlidir. Salonda sakitlik və sabitliyə də nəzarət etməlidir.

388
Teqlər:
ilkin tibbi yardım, Zakir Nəsirov, qayda-qanun, "BakuBus" Məhdud Məsuliyyətli Cəmiyyəti, sərnişin, nəqliyyat, avtobus, sürücü
Əlaqədar
Piyadanı vurub öldürən sürücü tutulub
Tələbələrin ölümünə səbəb olan sürücü saxlanıldı
Sərxoş sürücü faciəyə səbəb oldu
Qadın sürücü ağır qəza törətdi
Sərnişin tərəfindən bıçaqlanan sürücü dünyasını dəyişdi
Şəhidin dəfni

Qırx gün itkin sayılan şəhid dəfn olundu

10
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

10
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

5
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

5
Türkiyə Prezidenti Rəcəb Tayyib Ərdoğan, arxiv şəkli

Ərdoğan gələn həftə Bakıya gəlir Hərbi paradda iştirak edəcək

16
(Yenilənib 12:35 03.12.2020)
Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb.

BAKI, 3 dekabr — Sputnik. Türkiyə Prezidenti Rəcəb Tayyib Ərdoğan gələn həftə Azərbaycana səfər edəcək. Sputnik Azərbaycan xəbər verir ki, bunu "RİA Novosti"-yə mənbə bildirib.

Türkiyə Prezidentinin dekabrın 10-u Bakıda baş tutacaq hərbi paradda iştirak edəcəyi gözlənilir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılır və tam atəşkəs elan olunur.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

16