Çayxanada siqaret çəkən adamlar

Siqaret qadağasının tam təfərrüatları açıqlandı

537
Qadağan olunmuş yerlərdə siqaret çəkənləri hansı cərimələr gözləyir?

BAKI, 11 apr — Sputnik. "Tütün məmulatlarının istifadəsinin məhdudlaşdırılması haqqında" qanun layihəsi Milli Məclisin aprelin 14-də keçiriləcək plenar iclasında müzakirəyə çıxarılacaq. Sputnik Azərbaycan xəbər verir ki, qanun layihəsi əhalinin sağlamlığının qorunması, sağlam həyat tərzinin təbliği, uşaqların və gənclərin sağlam böyüməsi və inkişafı, zərərli vərdişlərə aludəçiliyin profilaktikası, tütün məmulatlarının istifadəsinin və tütün tüstüsünün ətraf mühitə ziyanlı təsirlərinin azaldılmasının hüquqi əsaslarını müəyyən edir.

Layihəyə əsasən, səhiyyə, elm və təhsil müəssisələrində, muzeylərdə, kitabxanalarda, kinoteatr, teatr, sirk binalarında, sərgi və nümayiş salonlarında, idman yarışları, konsert və digər kütləvi tədbirlər keçirilən zallarda, ticarət, məişət və sosial xidmət obyektlərində, hava və dəniz (çay) limanlarının inzibati binalarında, dəmir yolu vağzallarında, avtovağzallarda (avtostansiyalarda) və avtobusun dayanacaq məntəqələrində, beynəlxalq və ölkədaxili sərnişin daşınmasında, sərnişindaşınmaları üzrə ümumi istifadədə olan avtomobil nəqliyyatı vasitələrində və taksi minik avtomobillərində, çoxmənzilli binaların liftlərində və ümumi istifadə otaqlarında, uşaq meydançalarında, çimərlik əraziləri hüdudlarında və digər yerlərdə tütün çəkilməsinə icazə verilməyəcək.

Bundan başqa, təhsil və tərbiyə müəssisələrində, habelə onların ərazilərində, səhiyyə, reabilitasiya və sanatoriya-kurort müəssisələrində, onların ərazilərində, mülkiyyət növündən və təşkilati-hüquqi formasından asılı olmayaraq bütün müəssisə, idarə və təşkilatlarda, iş yerlərində, idman yarışları və başqa kütləvi tədbirlərin keçirildiyi zallarda, restoranlar, kafelər, barlar daxil olmaqla ictimai iaşə obyektlərində (açıq məkanlar istisna olmaqla), ticarət və məişət obyektlərində, sosial xidmət müəssisələrində, mehmanxanalarda, teatr və kinoteatrlarda, sərgilərdə, oxu zallarında, kitabxanalarda, muzeylərdə, habelə digər mədəniyyət obyektlərində tütündən istifadə qadağan ediləcək, eyni zamanda, yerüstü və yeraltı piyada keçidlərində, müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə hərəkət edən avtobuslarda və taksilərdə, metropoliten stansiyalarının vestibüllərində, keçidlərində və platformalarında, vaqonlarda da bu qadağa keçərli olacaq.

Milli Məclisin Əmək və sosial siyasət komitəsinin üzvü Musa Quliyev Sputnik Azərbaycan-a açıqlamasında deyib ki, avtobus dayanacaqlarında siqaret çəkilməsinin qadağan edilməsi qanun layihəsində yoxdur: "Amma olsa, yaxşı olar. Çünki dünya təcrübəsində var. Avtobus dayanacağı da kiçik bir məkandır və çox vaxt üstü örtülü olur. Orada hər cür insan olur. Amma bizim qanunda bu məsələ əhatə edilmir. Bu mənada əhatə edilmir ki, bu qanunun tətbiqi başlayan vaxt müəyyən insanlar psixoloji cəhətdən bu məhdudiyyətlərə hazır deyillər. Gələcəkdə daha ciddi şəkildə məhdudiyyətlər qoymaq olar. Amma dünya təcrübəsində bir çox ölkələrdə avtobus dayanacaqları da əhatə edilib və burada siqaret çəkilməsi qadağandır".

"Qadağan olunmuş yerlərdə siqaret çəkənləri hansı cərimələr gözləyir sualına" millət vəkili deyib ki, cərimələri indidən demək olmaz: "Qanun qəbul ediləndən sonra İnzibati Xətalar Məcəlləsinə dəyişiklik vaxtı cərimələr müzakirə ediləcək. Amma dünya təcrübəsində fiziki şəxslər üçün təxminən 50 avrodan 100 avroya qədərdir. Hüquqi şəxslər üçün də 500 avrodan 5 min avroya qədərdir. Kafedə, çayxanada, restoranda, bağlı yerlərdə çıxıb bayırda siqaret çəkib gəlmək olar. Yaxud çayxana, restoran açıq yerdirsə, çəkmək olar".

Onun sözlərinə görə, çimərlik əraziləri hüdudlarında da tütün çəkilməsinə icazə verilməyəcək: "Amma çimərlikdə müəyyən yerlər ayrıla bilər ki, orada siqaret çəkə bilsinlər. Çünki çimərlikdə də uşaqlar, yeniyetmələr çox olur. Yəni, çimərlikdə onları tütündən qorumaqdan çox pis vərdişi aşılamamaq nöqteyi-nəzərindən tütün çəkilməsinə icazə verilməyəcək. Həm də çimərliyə insan sağlamlığını bərpa etməyə, dincəlməyə gəlir. Amma düşünürəm ki, çimərlik ərazisində ayrıca yerlər ayrıla bilər ki, siqareti orada çəksinlər. Kim harada gəldi, siqaret çəkir. Həm də çimərlik ərazisinin zibillənməməsi nöqteyi-nəzərindən də tütün çəkilməsinə icazə verilməyəcək".

Курение в общественных местах
© Sputnik / Владимир Астапкович

"Həmin yerlərdə siqaret çəkənlər barədə hansı quruma şikayət edilməlidir" sualına M. Quliyev belə cavab verib: "Bu məsələ sözügedən qanunun predmeti deyil. Tənzimləmə məsələləri belədir ki, qanun qüvvəyə minəndə Prezidentin sərəncamı olur və sərəncamda artıq konkret icra hakimiyyəti orqanlarına tapşırıqlar veriləcək. Bu, qanunda göstərilmir".

Azad İstehlakçılar Birliyinin sədri Eyyub Hüseynov Sputnik Azərbaycan-a açıqlamasında, restoran və kafelərdə xüsusi zalların yaradılmasının vacibliyini qeyd edib: "Hazırda Bakıda belə zallar mövcuddur. Məsələn, bir içkili şəxs siqaretin qadağan olunduğu yerdə siqaret çəkir və ona irad tutanda dava-dalaş düşəcək. Bir də var deyəsən ki, siqaret çəkənlər xüsusi ayrılmış zalda əyləşsinlər. Orada da yaxşı havalandırma olmalıdır. Bu, daha effektlidir".

"Qanunun qəbul edilməsi çox vacibdir, amma bu şərtlə ki, Azərbaycan reallığına uyğun olsun. Azərbaycan şəraitində təcrübədə bu, özünü doğrultmayacaq. Ayrıca ayrılmış yerlərdə siqaretin çəkilməsi məsələsi praktiki olaraq özünə vəsiqə qazana bilməyəcək" — deyə Hüseynov vurğulayıb.

537
Teqlər:
tütün məmulatları, Sputnik Azərbaycan, qanun layihəsi, Eyyub Hüseynov, Musa Quliyev, obyekt, tütün, siqaret, qadağa, məhdudlaşdırma
Mövzu:
Azərbaycanda siqaret qadağası müzakirələri (7)
Əlaqədar
Külli miqdarda xarici markalı siqaret aşkar olunub
Bu siqaretlərin hamısının qiyməti ucuzlaşdı
Siqaretin nağdsız satışına icazə verilib?
Ərdoğan siqaret çəkən teleaparıcıya görün nə etdi
Siqaret bu qorxunc xəstəlikdən xilas edirmiş
Siqaret cibində partladı
Siqaretdən istifadə məhdudlaşdırılır
Ölkədə siqaretlər yenidən bahalaşdı
Taxılçılıqla məşğul olan fermer

Rayonda bir ilki sınaqdan keçirən Balakən sakini ayın fermeri oldu

4
(Yenilənib 21:10 30.11.2020)
"Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir

BAKI, 30 noyabr — Sputnik. Azərbaycanda aqrar sahədə fəaliyyətin daha da stimullaşdırılması üçün fermerlər arasında elan edilən "Ayın fermeri" müsabiqəsinin qalibi müəyyənləşib.

Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat veriblər ki, müsabiqədə iştirak üçün 40 rayondan ümumilikdə 56 fermer müraciət edib. Müsabiqənin iki mərhələsi üzrə ayrı-ayrılıqda fermerlərin fəaliyyəti qiymətləndirilib.

Komissiya üzvlərinin qiymətləndirməsi nəticəsində qarğıdalı istehsalı sahəsində yüksək məhsuldarlıq əldə etdiyinə görə fermer Zaur Əhmədiyev "Ayın fermeri" müsabiqəsinin qalibi elan edilib. Balakən rayonunda fermer təsərrüfatı quran Zaur Əhmədiyev düzgün aqrotexniki qulluq nəticəsində 35 ha qarğıdalı sahəsindən 308 ton dənlik qarğıdalı istehsal edib. Rayonda ilk dəfə qarğıdalı sahəsində damlama üsulu ilə suvarma sistemini quran fermerin qarğıdalı sahəsində orta məhsuldarlıq 88 sentner təşkil edib. O, ötən il 175 ha sahədən 460 ton taxıl əldə edib. 2019-cu ildə 20 hektar sahədə intensiv bağ salan Zaur Əhmədiyev heyvandarlıq sahəsində də fəaliyyət göstərir və hazırda təsərrüfatında 298 baş iribuynuzlu heyvan var.

Qeyd edək ki, "Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir.

Xatırladaq ki, müsabiqənin təşkili ilə bağlı təsdiqlənən qaydalara əsasən, müsabiqədə "Elektron Kənd Təsərrüfatı" İnformasiya Sistemində (EKTİS) qeydiyyatdan keçmiş və 2 ildən az olmayan müddətdə kənd təsərrüfatı məhsullarının istehsalı ilə məşğul olan fermerlər iştirak edə bilər.

4
Teqlər:
qarğıdalı, fermer, Balakən
Kitablar, arxiv şəkli

Qonkur mükafatının qalibi açıqlanıb

3
(Yenilənib 20:55 30.11.2020)
COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib

BAKI, 30 noyabr — Sputnik. Fransanın ən böyük ədəbiyyat mükafatı olan Qonkurun builki qalibi açıqlanıb.

Sputnik Azərbaycan "RİA Novosti"yə istinadən verdiyi xəbərə görə, bu, fransız yazıçı Erve Le Telye olub. O, bu mükafata "Anomaliya" romanına görə layiq görülüb.

COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib.

Xatırladaq ki, Qonkur artıq yüz ildən çoxdur ki, fransız dilində yazılmış ən yaxşı romana verilir. Mükafat Qonkur qardaşlarının vəsiyyəti əsasında təsis edilib. Məbləği simvolik olaraq 10 avro təşkil etsə də, qalibə böyük nüfuz və yüksək tiraj qazandırır.

 

3
Teqlər:
kitab, Fransa, ədəbiyyat, mükafat