İngiltərəli futbolçu Devid Bekhem, arxiv şəkli

Ulduz futbolçu restoranda yer tuta bilmək üçün 45 dəqiqə gözlədi

19
(Yenilənib 22:12 10.04.2017)
41 yaşlı ulduz futbolçu gözləmə müddətində pərəstişkarları ilə selfi çəkdirib

BAKI, 10 apr – Sputnik. İngiltərənin ulduz futbolçusu Devid Bekhem, Los-Anceles şəhərində yerləşən məşhur “İzaka” yapon restoranında yer tuta bilmək üçün 45 dəqiqə növbəyə durub. 

Devid Bekhem “İzaka” restoranının qarşısında növbə gözləyərkən
© Photo : AKM-GSI-XPOSURE
Devid Bekhem “İzaka” restoranının qarşısında növbə gözləyərkən

Son dövrdə olduqca məşhur olan restoranda yer tapa bilməyən Bekhem, adını gözləmə siyahısına yazdırıb məkanın qapısında gözləməyə başlayıb. 

Sputnik AzərbaycanDaily Mail”ə istinadən xəbər verir ki, restoran işçiləri, Bekhemin dünyadakı nüfuzuna baxmayaraq, ona güzəştə getməyiblər.

41 yaşlı Bekhem gözləmə müddətində pərəstişkarları ilə selfi çəkdirib. Sabiq futbolçu daha sonra restorana girərək dostu ilə şam yeməyi yeyib. 

19
Пульты дистанционного управления телевизором, фото из архива

MTRŞ: “Space” telekanalının yayımı 3 saat dayandırılacaq

2
(Yenilənib 18:28 04.08.2020)
“Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edilib.

BAKI, 4 avqust — Sputnik. Milli Televiziya və Radio Şurasının (MTRŞ) videoformatda iclası keçirilib.

MTRŞ-dan APA-ya verilən məlumata görə, iclasda 20 – 31 iyul 2020-ci il tarixlərində ümum-ölkə televiziya kanallarının monitorinqinin nəticələri müzakirə olunub.

23 iyul 2020-ci il tarixdə “Space” televiziya kanalının efirində saat 19.00 – 20.00 arası müddətdə 20 dəqiqə 48 saniyə reklam yayımlanması ilə “Televiziya və radio yayımı haqqında” Azərbaycan Respublikasının Qanununun 35.7-ci maddəsinin tələbləri pozulub.

Qanunun 23.1-ci maddəsini rəhbər tutaraq “Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edib.

2
Koronavirus testi, arxiv şəkli

Azərbaycanda daha 226 nəfər COVID-19-a yoluxub

181
(Yenilənib 17:33 04.08.2020)
Son sutka ərzində yeni yoluxma hallarının müəyyənləşdirilməsi ilə əlaqədar 6409, ötən müddət ərzində isə ümumilikdə 751 246 test aparılıb.

BAKI, 4 avqust - Sputnik. Azərbaycanda koronavirus infeksiyasına yeni 226 yoluxma faktı qeydə alınıb, 588 nəfər müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargahdan məlumat verilib. COVID-19 üçün götürülən analiz nümunələri müsbət çıxmış 5 nəfər vəfat edib.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 32 910 nəfərin koronavirus infeksiyasına yoluxması faktı müəyyən edilib, onlardan 28 348 nəfər müalicə olunaraq sağalıb, 473 nəfər vəfat edib, aktiv xəstə sayı 4 089-dur. 

Son sutka ərzində yeni yoluxma hallarının müəyyənləşdirilməsi ilə əlaqədar 6409, ötən müddət ərzində isə ümumilikdə 751 246 test aparılıb.

181
Kişi əllərini yuyur, arxiv şəkli

Su problemi tezliklə həllini tapacaq?

0
(Yenilənib 18:48 04.08.2020)
Onun sözlərinə görə, hazırda isə hədəf insanların içməli suya və suvarma suyuna tələbatını 100 faiz təmin etməkdən ibarətdir.

İradə Cəlilova, Sputnik Azərbaycan

BAKI, 4 avqust — Sputnik. Hazırda Neftçalada vəziyyət gərgindir. Xəzər dənizinin Kürün suyuna qarışması ilə bağlı Neftçala şəhəri və rayonun 38 kəndi içməli sudan məhrum olub. Fövqəladə Hallar Nazirliyi, rayon icra hakimiyyəti və Azərsu ASC-nin dəstəyi ilə orada həm maşınlarla və modul tipli qurğularla su daşınır. Çənlər quraşdırılıb.

Qeyd edək ki, hazırda ölkə ərazisində su qıtlığı müşahidə edilir.

Millət vəkili Sevinc Hüseynova Sputnik Azərbaycan-a açıqlamasında bildirib ki, su problemlərinin həlli ilə bağlı mühüm tədbirlər keçirilməyə başlayıb.

© Photo : Courtesy of Sevinc Huseynova
Millət vəkili Sevinc Hüseynova

Millət vəkili bildirib ki, bir müddət əvvəl ölkə başçısının rəhbərliyi su məsələsinə həsr olunmuş müşavirə də bunu təsdiqləyir: Belə ki, görülən işlər nəticəsində Bakıda içməli su təminatı 40 faizdən 80 faizə, regionlarda isə 9 faizdən 63 faizə çatdırılıb. Eləcə də, ötən müddət ərzində yeni su anbarlarının tikintisi, artezian quyularının qazılması bu prosesə əhəmiyyətli təsir göstərib".

Onun sözlərinə görə, hazırda isə hədəf insanların içməli suya və suvarma suyuna tələbatını 100 faiz təmin etməkdən ibarətdir.

"Cənab Prezidentin "Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında" Sərəncam imzalaması da bu məqsədə xidmət edir", - deyə S.Hüseynova vurğulayıb.

0