Hadisə nəticəsində xəsarət alanların təxliyyəsi

Peterburq terrorunda yaralanan azərbaycanlının anası: "Gözünü açanda görüb ki..."

2102
Kifayət Vəliyeva: "Əvvəlcə elə bilib ki, ölüb. Özünə gələndə isə görüb ki, vaqonun hər tərəfi qan içindədir"

BAKI, 7 apr — Sputnik. Sankt-Peterburq metrosunda baş verən terror aktında yaralanan Gəncə sakini Zaur Vəliyev hələlik yeriyə bilmir. Onun üzərində ağır cərrahiyyə əməliyyatı keçirilməlidir.

Bu barədə Sputnik Azərbaycan-a zərərçəkmişin anası Kifayət Vəliyeva məlumat verib. Onun sözlərinə görə, partlayış baş verən an oğlu vaqonun ortasında olub. Qatar stansiyaya yaxınlaşıb və o düşməyə hazırlaşıb.

Partlayış dalğası Vəliyevi digər tərəfə tullayıb. Nəticədə onun qabırğaları qırılıb. Eyni zamanda, bir qulağı eşitmə qabiliyyətini itirib.

"Oğlumun danışdığına görə, əvvəlcə elə bilib ki, ölüb. Özünə gələndə isə görüb ki, vaqonun hər tərəfi qan içindədir. Onun əlləri, sifəti digər qurbanların qanına boyanıb. O qanı mən yuyub təmizləmişəm" — deyə Kifayət Vəliyeva bildirib.

Qadının sözlərinə görə, onun oğlu həmişə insanlara kömək etməyə hazırdır: "Dörd il əvvəl Zaur Sankt-Peterburqda təqaüdçünü soyan bir cinayətkarı tutub və onun əlindən oğurlanmış pul kisəsini alaraq zərərçəkmişə qaytarıb. Jurnalistlər onun haqqında reportaj hazırlamaq istəyiblər, lakin o, qətiyyətlə bundan imtina edib. Çünki o, qeyri-adi heç nə etməmişdi" — deyə anası bildirib.

Anası daim oğlunun keşiyini çəkir, ona qayğı göstərir. Amma həkimlər gecələr qadına palatada qalmağa icazə vermirlər. Çünki xəstələr yuxu dərmanlarını qəbul edəndən sonra yatırlar. 

Hazırda Vəliyev Peterbuqrda Canelidze adına Elmi Tədqiqat İnstitutunun Təcili Tibbi Yardım Xəstəxanasındadır. Dünən Azərbaycanın Sankt-Peterburqdakı baş konsulu Sultan Qasımov Zaur Vəliyevi xəstəxanada ziyarət edib.

Qeyd edək ki, aprelin 3-də, Moskva vaxtı ilə saat 14:30-da Sankt-Peterburq metrosunun "Sennaya ploşad" və "Texnoloqiçeskiy institut-2" metrostansiyaları arasında partlayış baş verib. Daha bir partlayış isə "Ploşad Vosstaniya" stansiyasında olmalı imiş. Amma orada əldə düzəldilmiş partlayıcı qurğu vaxtında aşkarlanaraq zərərsizləşdirilib.

Rusiya Federasiyasının İstintaq Komitəsi Cinayət Məcəlləsinin "Terror aktı" maddəsi ilə cinayət işi açıb. Lakin istintaq digər versiyalar üzərində də işləyir. Son məlumatlara görə, terakt nəticəsində 14 nəfər ölüb, 49 nəfərsə ağır xəsarətlərlə xəstəxanaya yerləşdirilib.

2102
Teqlər:
Kifayət Vəliyeva, Zaur Vəliyev, Sankt-Peterburq metrosu, terror aktı, partlayış
Əlaqədar
Sankt-Peterburqda daha bir partlayış
Azərbaycanlı qız Sankt-Peterburqdakı partlayışda həyatını itirdi
Sankt-Peterburq metrosunda partlayış: ölən və yaralananlar var
Sankt-Peterburq teatrının nümayəndə heyəti Bakıdadır
Sankt-Peterburqda azərbaycanlı bıçaqlanıb
Sankt-Peterburqda antiterror əməliyyatı həyata keçirilir
Министерство труда и социальной защиты населения

Şəhid ailələri qazilərə ödəniləcək müavinətlərlə bağlı açıqlama verildi

9
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

9
Dəniz piyadaları döyüşlərdən daimi dislokasiya məntəqəsinə qayıdıb

Dəniz piyadaları döyüşlərdən daimi dislokasiya məntəqəsinə qayıdıb

11
(Yenilənib 19:03 01.12.2020)
Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

BAKI, 1 dekabr — Sputnik. Vətən müharibəsində yüksək peşəkarlıq nümayiş etdirən Azərbaycan Hərbi Dəniz Qüvvələrinin dəniz piyadaları öz missiyalarını başa vuraraq hərbi hissəyə geri qayıdıb.

Müdafiə Nazirliyindən Sputnik Azərbaycan-a verilən məlumata görə, əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Hərbi orkestrin müşayiəti ilə dövlət himni ifa olunub.

© AR Ministry of Defence
Dəniz piyadaları döyüşlərdən daimi dislokasiya məntəqəsinə qayıdıb

Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

11
Teqlər:
dəniz, Müdafiə Nazirliyi
Mövzu:
Azərbaycan və Ermənistan arasında müharibə

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0