İlahiyyət məscidi

"İlahiyyat" məscidinin təmsilçisi: "İnsanlığını qədər itirəsən ki, Allah evini sökəsən"

673
(Yenilənib 13:28 05.04.2017)
Bakıda 24 ildir fəaliyyət göstərən, ölkənin ən böyük ibadət yerlərindən biri olan "İlahiyyat" məscidinin gələcək aqibəti aydınlaşdı

BAKI, 5 apr — Sputnik. Bir neçə gündür ki, KİV-də Yasamal rayonu ərazisində fəaliyyət göstərən "İlahiyyat" məscidinin bağlanması haqqında məlumatlar yayılır. İddiaya görə, Türkiyə Cümhuriyyəti tərəfindən inşa edilən və son cümə namazı zamanı möminlərin ən sıx toplaşdıqları məscidlə bağlı qərar verilib. Bu qərara əsasən, ilkin olaraq cümə namazı qadağan ediləcək.

Fəaliyyətini dayandırmış Bakı Türk Liseyinin binası və İlahiyyat məscidi
© Sputnik / Irade JELIL
Fəaliyyətini dayandırmış Bakı Türk Liseyinin binası və İlahiyyat məscidi

Sputnik Azərbaycan-ın əməkdaşı "İlahiyyat" məscidində olub və məscidin nümayəndəsi ilə yayılan xəbərlər barədə söhbət edib. Məscidin işçisi Məzahir Məhərrəmin Sputnik Azərbaycan-a verdiyi məlumata görə, məscid haqqında cümə günü xütbədə geniş məlumat verilib.

"Belə ki, məscidin sökülməsi, dağıdılması və ya yerində hər hansı bir obyektin tikilməsi yanlış məlumatdır. Məscid fəaliyyətini davam etdirir və yerində qalacaq. Məscidin işçisi kimi deyirəm ki, məscid fəaliyyətini davam etdirməsəydi, yəqin ki, indi biz burada olmazdıq. Namazlar vaxtında qılınır, insanlar ibadətə gəlirlər" — həmsöhbətimiz bildirib.

M. Məhərrəm qeyd edib ki, hazırda rayonlarda və Bakıda dini mədrəsələr açılır: "Əvvəllər onların sayı çox az idi. Bakı Dövlət Universitetinin İlahiyyat fakültəsi, Bakı İslam Universiteti, Zaqatala İslam Universiteti və iki mədrəsə: Şəki İslam Mədrəsəsi və Əliabadda İslam Mədrəsəsi fəaliyyət göstərirdi. İndi isə onların sayının artırılmasına qərar verilib".

Keçmiş Bakı Türk Liseyinin girişi
© Sputnik / Irade JELIL
Keçmiş Bakı Türk Liseyinin girişi

"Bilirsiniz ki, ali təhsil ocaqları artırılan zaman burada kadrların sayı da artır. Məsələn, mən BDU-nun İlahiyyat fakültəsini bitirmişəm. Bir il ərzində oradan 45 nəfər məzun olur. Məzunların sayı artdıqca, onların praktika keçməsinə ehtiyac yaranır. İlahiyyat fakültəsini bitirən bir tələbənin praktikası təbii ki, məsciddə olmalıdır. Çünki cənazə namazı, cümə namazı, məscid ədəb-ərkanı, imamlıq, məsciddə hansı işlər görülür, imamət necə aparılır, axundluq necə aparılır — bu və digər işləri öyrənmək üçün bir yer lazımdır" — məscidin nümayəndəsi vurğulayıb.

"Ona görə də qərar verilib ki, bura QMİ-nin tədris korpusu olsun. Həmin məzunlar burada praktika keçəcəklər. Onlara axundluq, imamlıqla əlaqəli bilgilər veriləcək. Təcrübə toplayacaqlar" — o, əlavə edib.

M. Məhərrəmin dediyinə görə, cümə günü məscidə namaz qılmağa gələnlərin sayı 10 min nəfərə yaxındır: "Cümə günü namaz qılmağa gələnləri sayı həddən artıq çox olur. Bəzən məscidin həyətinə sığmır, yolu da tuturlar. Bu da istər-istəməz narazılığa səbəb olurdu. Hal-hazırda cümə namazının qılınmaması gündəmdədir. Təcrübə keçməyə gələnlərin rahat işlərini öyrənə bilmələri üçün cümə namazının qılınması sual altında qalır. Buna görə bəzi işlərdə camaatın sayının azaldılması istiqamətində planlar nəzərdə tutulur. Ancaq cümə namazının qılınıb-qılınmaması haqqında bizdə hələ ki, heç bir məlumat yoxdur. Çox güman ki, bu cümə bu barədə məlumat alacağıq".

Məscidin birinci mərtəbəsinin girişi
© Sputnik / Irade JELIL
Məscidin birinci mərtəbəsinin girişi

Məscidin nümayəndəsi son olaraq qeyd edib: "Məscid bağlanmayacaq, sadəcə mədrəsə kimi fəaliyyət göstərəcək. Mətbuatda yazıldığı kimi, yerində yeni binaların tikilməsindən də söhbət gedə bilməz. Məscidin sökülməsinə gəldikdə, gərək insan öz heysiyyatını, insanlığını o qədər itirə ki, Allahın evini sökə. Bunu heç bir müsəlman etməz".

Qafqaz Müsəlmanlar İdarəsindən (QMİ) Sputnik Azərbaycan-a verilən məlumata görə, uzun müddət Bakı Dövlət Universitetinin tələbə şəhərciyi ərazisində dövlət qeydiyyatı olmadan fəaliyyət göstərmiş "İlahiyyat" məscidinin idarəçiliyi QMİ-yə verilib: "Ölkəmizdə dini təhsil alan tələbələr üçün tədris, maarifləndirmə işlərinin daha təkmil şəraitdə həyata keçirilməsi məqsədilə məscid ətrafındakı ərazidə gələcəkdə geniş yenidənqurma işlərinin görülməsi — Tədris Mərkəzinin inşası nəzərdə tutulur. Bu tədris mərkəzinin elm məbədi — universitet yaxınlığında yerləşməsi də mühüm məqam kimi nəzərdən keçirilir".

İlahiyyat məscidi
© Sputnik / Irade JELIL
İlahiyyat məscidi

"Dövlət başçımızın diqqət və yardımı sayəsində yaradılmış yeni islam kollecləri üçün müasir tələblərə cavab verəcək. Dinin elmi şəkildə tədrisi prosesinin təkmilləşdirilməsinə xidmət edəcək belə bir mərkəzin Azərbaycanda İslam Həmrəyliyi İlində yaradılması dindarlara böyük töhfə olacaq" — QMİ-dən bildirilib.

Qeyd olunub ki, hazırda bu istiqamətdə layihə hazırlıq işləri görülür və bu, məscidin fəaliyyətinə heç bir maneə yaratmır: "Məsciddə ibadət prosesləri həyata keçirilməkdə davam edir".

Bakı Türk Liseyi və İlahiyyat məscidi
© Sputnik / Irade JELIL
Bakı Türk Liseyi və İlahiyyat məscidi

Dini Qurumlarla İş üzrə Dövlət Komitəsinin (DQİDK) şöbə müdiri Əliheydər Zülfüqarovun Sputnik Azərbayacan-a verdiyi məlumata görə, "İlahiyyat" məscidində bütün dini ayinlərin icra olunması heç bir məhdudiyyət qoyulmadan, mütəmadi olaraq davam etdiriləcək: "Məscidin söküləcəyi və ya bağlanacağı ilə bağlı sosial şəbəkələrdə və bəzi saytlarda yayılan məlumatlar həqiqəti əks etdirmir".

Ə. Zülfüqarovun sözlərinə görə, Bakı Dövlət Universitetinin tələbə şəhərciyi ərazisində inşa olunmuş bu məscidin hüquqi ünvanı müəyyənləşdirilib, məscid binası Qafqaz Müsəlmanları İdarəsinin balansına verilib. İlahiyyat məscidində yeni yaradılmış islam kolleclərində və digər dini təhsil müəssisələrində oxuyan tələbələrin praktiki təcrübə keçmələri üçün Qafqaz Müsəlmanları İdarəsinin "Tədris Mərkəzi"nin yaradılması da nəzərdə tutulub.

Bakı Dövlət Universitetinin mətbuat xidmətinin rəhbəri Pərvanə İbrahimova isə Sputnik Azərbaycan-a açıqlamasında bildirib ki, məscid Qafqaz Müsəlmanları İdarəsinin balansındadır və qəbul edilən hər hansı bir qərarın Baki Dövlet Universitetinə aidiyyəti yoxdur.

Məscidin həyətdən görünüşü
© Sputnik / Irade JELIL
Məscidin həyətdən görünüşü

Xatırladaq ki, "İlahiyyat" məscidi Bakı şəhəri, Yasamal rayonunda yerləşir. 1993-cü ildə tikilmiş məscidin sahəsi 600 m2 təşkil edir və burada eyni vaxtda 1500 nəfər ibadət edə bilir.

Yeri gəlmişkən qeyd edək ki, məscidin yaxınlığında olan Türkiyə Diyanət Vəqfi də fəaliyyətini dayandırıb…

673
Teqlər:
Əliheydər Zülfüqarov, praktika, sökülmə, Məzahir Mərəhhəm, cümə namazı, "İlahiyyat" məscidi, Yasamal rayonu, fəaliyyət, mədrəsə, DQİDK, QMİ, Sputnik Azərbaycan, BDU, ibadət, Tədris Mərkəzi, namaz, təhsil, Bakı Dövlət Universiteti, KİV, din, Türkiyə Cümhuriyyəti, Bakı
Əlaqədar
Namaz vaxtı məscid bombalandı
999-cu məscidin sirri
Məsciddən oğurluq edildi
Azərbaycanlı gənc Şuşa məscidində azan çəkdirdi
Kanadada məscidə hücum: 6 müsəlman qətlə yetirildi
Tarixi məscid yenidən ibadətə açılacaq
Ağsuda məsciddə yanğın
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

2
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

2
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

7
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

7