Sınıq Körpü sərhəd-buraxılış məntəqəsində vəziyyət

Gürcüstana ayaq bassanız, başınıza gələcəklərdən agah olun

98932
(Yenilənib 18:40 12.09.2017)
Əgər hələ də ayağınız bu torpağa dəyməyibsə, indi danışacaqlarımdan xəbərdar olmağınızda fayda var

BAKI, 3 apr — Sputnik. Böyük qardaşımız Türkiyənin 50 illik mübarizəsindən 10 dəfə az vaxt və enerji sərf edən kiçik qonşumuz Gürcüstan artıq Avropa İttifaqının qapılarından sərbəst gediş-gəliş haqqı qazandı. Təbii ki, vətənpərvər qardaş-bacılarımızın "xristian klubu", "bizim böyüməyimizdən rahatsız olanlar cameəsi", "şanlı tariximizdən qorxanlar dəstəsi" kimi iradları yüzdə yüz haqsız deyil. Ən azından, hər bir fikrin yaşamaq haqqı var.

Amma və lakin… Gəlin, bir də qeyri-millətçilik pəncərəsindən baxaq. Görək, nə baş verir? Nə baş verir ki, o "xristian klubu" balaca Gürcüstana, heç bir önəmli təbii sərvəti olmayan, bir neçə xırda millətin qarışığından formalaşmış ölkəyə bu qədər sayğı göstərir. Necə olur ki, təhlükəsizlik faktorunun ilk sırada dayandığı bir dönəmdə, avropalılar öz canlarını (mallarını), kriminal keçmişi ilə ad qazanmış gürcülərə, svanlara, meqrellərə, abxazlara, osetinlərə (azərbaycanlıların kriminalla işləri yoxdur) etibar edirlər?!

Azərbaycana ən yaxın Qərb ölkəsi olan (artıq belə adlandırmaq zorundayıq) Gürcüstana dəfələrə gedib-gəlmiş, müxtəlif şəhərlərini gəzmiş biri kimi, bu sualların cavabını öz yaddaşımın künc-bucağından tapmağa çalışacağam. Mənim müşahidələrim danılmaz fakt hesab edilməsə də, gördüklərimi nağıl etmək haqqım var.

Gedəcəyin ünvandakı ab-hava barədə məlumatın 50 faizdən artığı giriş qapıda, geri qalanı ünvanaqədərki səyahət prosesində toplanıb. Gürcüstanın sərhəd-keçid məntəqələrindən o yan-bu yana keçmək üçün cəmi bir nəzarət məntəqəsi var. Orada ümumvətəndaşlıq pasportuna və sifətinə nəzər salıb səni buraxırlar (təbii ki, sənədində və üzündə hansısa problem əksini tapmayıbsa). İki qurumun 8 nəzarət məntəqəsinə hesabat verməyə, hər pəncərədə boynunu büküb növbə gözləməyə, acıqlı baxışlarını sənə zilləmiş kameralara quru təbəssüm etməyə… ehtiyac yoxdur.

O tərəfə keçən kimi, qorxaq nəzərlərlə zəhmli polis serjantlarını və "miqalkasını" söndürüb, "KamAZ"ın arxasında keşik çəkən DYP əməkdaşlarını axtarmaq yersizdir. Çünki sərhəd-keçid məntəqəsində pasportunu təqdim etdiyin uniformalı gənclər məhz Daxili İşlər Nazirliyinin (DİN) əməkdaşlarıdır, yəni polislərdir. Yenə yəni, onlar bir missiyanı (təhlükəsizlik) yerinə yetirmək üçün, DSX, DGK, DYP və sair kimi əlavə qurumlar yaratmağa lüzum görmürlər.

Polislərin avtomobillərini də PPX, ÇPX, YPX və sair deyə, bir-birindən fərqlənən növlərə bölməyiblər. Cəmi bir görünüşdə polis avtomobilləri var ki, onlar bütün X-lərin işini asanca görür. Qayda pozuntusu etdikdə, sənədini birinə, qollarını digərinə uzatmaq kimi bir dərdin olmur.

Rotterdam şəhərindəki Türkiyə konsulluğu qarşısında etirazçılarla polislərin toqquşması, 12 mart 2017-ci il
© REUTERS / Dylan Martinez

Ölkənin ən ucqar keçid məntəqəsindən paytaxt Tiflisə qədər olan bir neçə yüz kilometrlik yolda, avtomobilindəki sərnişinlərə "biriniz stasionar radarları, digəriniz ikiayaqlı radarları, o biriniz DYP maşınlarını izləyin, mən də yola baxım" demək ağlından keçməsin. Hər yüz kilometrdən bir stasionar radar tapsan, dirəyini, polis avtomobili görsən, "parpresini" öpüb hönkürərsən. Məmləkətim yadıma düşdü deyə…

Deyək ki, bu rahatlıqdan feyziyab olub qayda pozuntusu elədin və polis əməkdaşı avtomobilini saxlatdı. Bu əsnada dünən axşamdan içdiyin keyfiyyətsiz zəhrimarın iyisi polisin burnuna dəydi. O zaman sənin ilk ağlına, qonşunuzun xalasının DYP-də işləyən oğlunun nömrəsini axtarmaq gələcək. Axı, qonşunun qohumu araya düşüb səni qismən az zərərlə asayiş keşikçilərinin əlindən ala bilməsə, 3 litr tut arağını 3 dəqiqə əvvəl içib stoldan durmadığına dair kimisə inandıra bilməzsən.

Amma sən belə uzaqgörən xəyallarla əlləşərkən, gürcü polis bədənindəki alkoqolun miqdarını yoxlayacaq və onun dozasına uyğun olaraq cərimə yazacaq. Üstəlik sərxoş avtomobil idarə etməyə görə nəzərdə tutulan maksimal məbləğ belə, sən düşündüyündən bir neçə dəfə azdır. Məsələn, elə bir cərimə yazacaq ki, elə bil təhlükəsizlik kəmərini taxmağı unudan sərnişinlə birgə "QAİ" postu keçmisən.

Getdin, gəzdin-dolandın və geri qayıdanda Tiflisin sonuncu işıqforunda qırmızı işıqda keçdin. Bunu görən o tərəfdəki polisin "saxla" əmrinə də əhəmiyyət verməyib, üzü Vətənə doğru götürüldün. Rahat ol, gözün güzgülərdə qalmasın, kimsə sənin arxanca düşüb sərhədədək qovmayacaq. Çünki qarşıda yol digər polis avtomobil(lər)i tərəfindən kəsilmiş olacaq. Bu da olmasa belə, gələndə üzünə təbəssüm edən sərhəd polisi vardı ha, bax onun o biri üzünü görəcəksən. Ağlına başqa fikir gəlməsin, sadəcə etdiyin qayda pozuntusunun cəriməsini ödədikdən sonra səni ölkədən buraxacaq.

Gecdir artıq, bu söhbətin ardı çox uzanacaq. Sərhədi keçib geri dönürük, hazır olun…

98932
Teqlər:
Qərb ölkəsi, "xristian klubu", gediş-gəliş, qayda pozuntusu, DYP, sərhəd-keçid məntəqələri, Gürcüstan, Avropa İttifaqı, Türkiyə, polis, sürücü, avtomobil
Əlaqədar
Üçpilləli hücum planı: hədəf belə məhv ediləcək
Paytaxt əhalisi üçün 17 fevral zarafatı
BMT-dən Azərbaycan qarşısında absurd tələb
Nümayişi qadağan olunan tamaşa
Vaxt varkən, başınıza çarə qılın
Ölkə zəhmətkeşlərinin etirazı
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

13
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

13
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır
Bakıda restoranların fəaliyyəti

Cərimələr effekt verir - Agentlik rəsmisi belə deyir

5
(Yenilənib 21:48 25.09.2020)
"Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var" - AQTA rəsmisi

Nigar İsgəndərova, Sputnik Azərbaycan

BAKI, 25 sentyabr — Sputnik. "Böyük Britaniyada pandemiya dövründə inzibati cərimələrin tətbiq olunmasından öncə və tətbiqindən sonrakı rəqəmlər ölkədə yoluxma sayının 40-60 faizədək azalmasını aşkara çıxardı. Bizdə xəbərdarlıq, maarifləndirmə olduğu halda eyni obyektdə təkrar nöqsanlar aşkarlanır. Lakin cərimə tətbiqindən sonra sahibkarlıq obyektində təkrar uyğunsuzluq hallarına rast gəlinmir".

Sputnik Azərbaycan-ın xəbərinə görə, pandemiya şəraitində mehmanxanalarda, eləcə də kafe və restoranlarda xidmətin təşkili ilə bağlı həyata keçirilən nəzarət tədbirləri haqda Azərbaycan Qida Təhlükəsziliyi Agentliyinin sədr müşaviri Elxan Mikayılov danışıb.

O bildirib ki, cərimələrin tətbiqi həmin sahibkarlıq subyektlərini daha məsuliyyətli çalışmağa vadar edir: "Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var".

"Biz KİV-dən istifadə etməklə çox geniş təbliğat işləri görürük. Bu posterləri bütün sahibkarlıq subyektlərinə elektron şəkildə göndəririk. Biz iki həftə ərzində mehmanxanalarda apardığımız monitorinqlərdə yalnız maarifləndirmə işləri gördük. Növbəti mərhələdə isə nəzarətə başladıq və tələblərə əməl etməyənlər cərimələndilər", - E.Mikayılov əlavə edib.

O bildirib ki, daha çox aşkarlanan faktlar sırasında insanların bir masa ətrafında daha çox cəmlənməsi, işçilərin maskalardan düzgün istifadə etməməsi, müştərilərin maskasız hərəkəti yer alır: "Biz ehtiyat maskalarının verilməməsi halları ilə də rastlaşırıq. Bundan başqa, bəzi ictimai-iaşə mərkəzlərində dezinfeksiya ilə bağlı problemlərlə qarşılaşırıq".

5
Teqlər:
qaydalar, Koronavirus, epidemiya, COVID-19, karantin, maska, sahibkarlıq subyektləri, cərimələr, AQTA
Əlaqədar
Toyla yasın fərqi "olar-olmaz" məsələsində gündəmə gəldi
Toyuq əti ilə bağlı şok məlumat - Ayaqqabı boyası ilə boyanırmış
Ekspert: “Dönərxanalar mənşəyi bilinməyən ətlərdən istifadə edir”
Otellərin mətbəx, restoran və barlarında hansı qaydalara əməl edilməlidir?
Ölkəmizə milyonlar gətirəcək məhsulun xaricə ixracını əngəlləyən qurumun adı açıqlandı