Şərq bazarı

Bakının tarixi ticarət məkanının taleyinə aydınlıq gətirildi

512
(Yenilənib 16:08 31.03.2017)
Ələsgər Kazımov: "KİV-də "Şərq bazarı"nın bağlanması haqqında yayılan məlumatlar yalan, şayiə xarakterlidir"

BAKI, 31 mart — Sputnik. Dünən bəzi kütləvi informasiya vasitələrində "Şərq bazarı"nın sökülməsi ilə bağlı məlumatlar yayılıb. İddiaya görə, bazarın ətrafındakı obyektlər, o cümlədən bazar söküləcək və sahibkarlara dövlət tərəfindən kompensasiya ödəniləcək.

Şərq bazarı
© Sputnik / Irade JELIL
“Şərq bazarı” Ticarət Mərkəzi 1982-ci ildə tikilib

Sputnik Azərbaycan-ın əməkdaşı "Şərq bazarı"nda olub, satıcılar və rəhbərliklə danışıb. "Şərq bazarı"nda çalışan satıcıların sözlərinə görə, bu barədə onlar da mətbuat vasitəsilə xəbər tutublar. Satıcılardan biri bildirib ki, mətbuatda zaman-zaman bazarın söküləcəyi ilə bağlı xəbərlər işıq üzü görsə də, bu məlumatlar heç bir zaman özünü doğrultmayıb.

Şərq bazarı
© Sputnik / Irade JELIL
Bazarda satış həmişəki axarında davam edir

"Biz də qəzetdən oxuduq ki, bazar söküləcək. Bazara gələndə də mühafizənin əməkdaşları ilə danışdıq. Onlar da bildirdilər ki, bu xəbərlər doğru deyil. Yəni "Şərq bazarı" bağlana bilməz. Əgər bazar bağlanarsa, xəbər verərdilər. Amma hələ heç kəs bizə heç nə deməyib" — satıcı əlavə edib.

Qeyd edək ki, satıcılar hələ burada işləməkdə davam etdiklərini bildirərək, özlərini təqdim etmək istəmədilər. Öncə heç bir açıqlama vermək və özünü təqdim etmək istəməyən, əməkdaşımızın təkidindən sonra özünü "Şərq bazarı" rəhbərliyinin nümayəndəsi kimi təqdim edən Ələsgər Kazımovun sözlərinə görə, KİV-də "Şərq bazarı"nın bağlanması haqqında yayılan məlumatlar yalan, şayiə xarakterlidir: "Şərq bazarı" Mədəniyyət Nazirliyinin balansında olan bir müəssisədir. Tarixi abidə olduğuna görə, dövlət tərəfindən qorunur, sökülməsi mümkün deyil".

Ələsgər Kazımov
© Sputnik / Irade JELIL
"Şərq bazarı" rəhbərliyinin nümayəndəsi Ələsgər Kazımov

Şirkətin nümayəndəsi bildirdi ki, bazarın sökülməsi deyil, təmiri nəzərdə tutulub: "Əgər bazar təmir edilərsə, memarlıq abidəsi kimi qorunacaq, xarici görkəminə toxunulmayacaq. O da bizim maddi imkanlarımıza bağlıdır. Nə zaman imkanımız olsa, bazarı o zaman da təmir etdirəcəyik".

Ə. Kazımovun sözlərinə görə, hal-hazırda bazarda 70-80 nəfər ticarətlə məşğul olur. O bildirib ki, "Şərq bazarı" dövlət müəssisəsi olduğu üçün burada sahibkar deyil, satıcılar var: "Yəni onlar müəyyən kirayə haqqı müqabilində ərazidə satış həyata keçirirlər. Sahibkar ona deyirlər ki, hər hansı bir obyekti alır və obyekt ona məxsus olur. Burada çalışanlar isə satıcılardır, onlar dövlətin obyektində çalışırlar".

Kazımovun sözlərinə görə, bazrın tikintisi ötən əsrin 80-cı illərinə təsadüf etsə də, ticarət obyekti kimi 2001-ci ildən fəaliyyətə başlayıb: "Hələ bizə heç bir yerdən göstəriş verilməyib ki, bazar təmir edilsin. Amma düşünürük ki, bazarın bərpa, restavrasiyaya ehtiyacı var. İmkanımız olsa, edəcəyik".

512
Teqlər:
ticarət obyekti, dövlət müəssisəsi, "Şərq bazarı", satıcı, obyekt, sahibkar, ticarət
Əlaqədar
Xaçmaz bazarında kədərli “bayram bazarlığı”
Bayramqabağı bazarlarda vəziyyət necədir?
Bazarlığı istəmirəm zərrə-zərrə, qram-qram...
İran məhsulları Rusiya bazarına ayaq açır
Baş nazirin müavini: "Bazarda qiymətlərin müəyyən artımı hiss olunur"
Avtomobil bazarında vəziyyət necə olacaq?
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

3
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

3
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

8
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

8