Turistlər

Hər bir azərbaycanlı bu şərtlərlə turistlərdən yaxşı pul qazana bilər

162
(Yenilənib 23:08 30.03.2017)
Ölkəyə gələn turistlər əziyyətsiz olaraq gecəsi 10-12 dollar olan ev tapa bilərlər

Fuad Əlizadə, Sputnik Azərbaycan

BAKI, 30 mart — Sputnik. Turizm biznesi sərmayənin qoyulması üzrə gəlirli istiqamətlərdən birdir. Azərbaycanda kifayət qədər dörd və beşulduzlu otel tikilib, lakin turistlərin əsas hissəsi oteldəki bir gecə üçün 100 dollardan yuxarı pul ödəməyə hazır olan şəxslər deyillər. Tez-tez belə bir söz eşidirsən ki, Bakıda az büdcəli tursitlər üçün nəzərdə tutulan infrastruktur yoxdur, lakin indi məlum olub ki, bu növ tursitlər üçün geniş yayılmış özəl evlər (hostellər) şəbəkəsi mövcuddur.

Belə ki, ölkəyə gələn turistlər əziyyətsiz olaraq gecəsi 10-12 dollar olan ev tapa bilərlər. Şübhəsiz ki, bu halda ortaya iki sual çıxır — təhlükəsizlik və keyfiyyətli xidmət məsələsi. Mən bölgələrdən paytaxta tikintidə işləməyə gələn şəxslərin dediklərinə inanaraq, ucuz kirayə evlərin keyfiyyəti barədə çox mənfi fikirdə idim.

Ona görə də, tanışım Eminin əlində olan evlərin hamısına bu bayramda kirayənişin götürdüyü barədə sözlərinə inanmağım gəlmədi. Emin bu bayramda 24 turistə ev kirayə verdiyini deyəndə, lap təəccübləndim. Əlbəttə, bu bayramda turistlərin sayının çox olması ilə heç kim mübahisə etmir. Lakin üç mənzildə (birotaqlı, ikiotaqlı və üçotaqlı) bu qədər insanın necə yerləşməsi sual doğururdu. 

Eminin bildirdiyinə görə, onun biznesində qiymət və ximətin keyfiyyəti uğura səbəb olub. Hər bir otaqda isə 4 nəfər qalırmış. Emin deyir ki, Azərbaycana bir qayda olaraq evdə oturmağa yox, Bakı və bölgələrin görməli yerləri ilə tanış olmağa gəlirlər. Təklif olunan qiymət isə turistlərin elə yüksək olmayan tələblərinə uyğun gəlir.

Yeri gəlmişkən, mən İçərişəhər yaxınlığına kirayəyə verilən mənzillərdən birində oldum və buradakı təmizliyə heyran qaldım. İkimərtəbəli çarpayıların qoyulması əlavə şkaflar və televizor üçün yer açmışdı.

Qeyd etmək lazımdır ki, təmirdən sonra iki və üçotaqlı mənzilərdə sanitar qovşaqlarının sayı ikiyə çatdırılmışdı. Müvafiq dizayn otaqların imkanlarından tam istifadə etmək üçün şərait yaradır. Bundan əlavə, ev sahibi bildirir ki, qonaqları üçün şəhərdə gəzintinin xüsusi sxemini tərtib edib. Bu sxemə görməli yerlərlə yanaşı, münasib iaşə və ticarət obyektləri də daxil edilib.

Şübhəsiz ki, sahibkarlarda pul məsələləri adətən sirr kimi saxlanılır. Söhbət təkcə vergi orqanlarından ehtiyatlanmaqdan getmir, həm də “gözə gəlmək” məsələsi var. Buna baxmayaraq, Emin biznesini necə qurduğunu danışdı və əsas problemlərdən söz açdı.

O bildirdi ki, öz köhnə “Mercedes”ini daha yeni və komfortlu avtomobilə dəyişmək niyyətindədir, lakin daha əvvəl ailəsi ilə kənar rayondan şəhərin mərkəzinə köçmək istəyir. İş ondadır ki, valideynlərindən qalmış ikiotaqlı mənzil onun ilk hosteli olub. Üçotaqlı mənzil yoldaşının valideynlərinə məxsusdur. Valideynlər şəhər kənarında kirayədə qalırlar. Birotaqlı mənzili isə ipotekaya həyat yoldaşının adına götürüb. 

Азер Аллахверанов, председатель общественного объединения Həyat (Жизнь)
© Sputnik / Murad Orujov

Emin mənzil şəraitinin yaxşılaşdırılmasını təxirə salaraq müvafiq tələbat olduğu təqdirdə daha bir hostel tikməyə də hazırdır. Onun sözlərinə görə, bayram günlərini və turistlər üçün təşkil olunan xüsusi turları çıxmaqla, qalan dövrdə hostellər heç yarıyadək dolmur. Bundan əlavə, səliqə-sahman xərcləri  və kommunal xərclər mövcuddur. Həmçinin, hostel sahibinin geniş danışmaq istəmədiyi bəzi “digər xərclər” də var.

Emin bildirir ki, biznesin inkişafı üçün istifadə olunan ilkin kapital cüzi olub, çünki ev ona valideynlərindən qalıbmış. O qeyd edir ki, biznesin başlanğıcı üçün böyük vəsait lazım deyil, çünki insanlar evlərini turistlərə verərək bağ evlərinə köçə bilərlər. Lakin bu, göründüyü qədər asan biznes deyil. Burada potensial müştəriləri axtarmaq, onları yerləşdirmək, təhlükəsiz və rahat mənzil təklif etmək lazımdır. Bu işdə maneələr çoxdur. Bu maneələrin əksəriyyəti qonaqların tapılması və yerləşdirilməsi ilə deyil, “digər xərclərlə” bağlıdır.

162
Bakıda tibbi maskada olan insanlar, arxiv şəkli

Belə insanlar koronavirusa az yoluxurlar

1
(Yenilənib 14:44 26.09.2020)
Daha əvvəl Holk qeyd etmişdi ki, qanda vitamin D səviyyəsinin yetərli olması COVID-19-a oluxma riskini 54 faiz azaldır.

BAKI, 26 sentyabr — Sputnik. Boston Universitetinin Tibb məktəbinin alimləri müəyyən edib ki, koronavirusa yoluxan xəstələrin qanındakı normal vitamin D səviyyəsi, az olanlarla müqayisədə xəstəlik ağırlaşan zaman daha az ölümlə nəticələnir.

Sputnik Azərbaycan xarici mətbuata istinadla xəbər verir ki, yetərli D vitamini səviyyəsi çox olan 40 yaşından böyük xəstələrdə virusdan ölüm halı 51,5 daha az olur.

"Bu araşdırma D vitamininin yetərli olmasının sitokin fırtınası və COVID-19-dan ölüm halının qarşısını aldığını sübut edir" - deyə araşdırma rəhbəri Maykl Holk bildirib.

Daha əvvəl Holk qeyd etmişdi ki, qanda vitamin D səviyyəsinin yetərli olması COVID-19-a yoluxma riskini 54 faiz azaldır.

Eyni zamanda vitamin D təkcə koronavirusla deyil, digər digər nəfəs yolu xəstəliklərinə yoluxmanın qarşısını alır.

1
 Mario Balotelli, arxiv şəkli

Məşhur futbolçu evlənməyə hazırlaşır

1
(Yenilənib 14:43 26.09.2020)
Məşhur futbolçu 1 aydır ki, münasibətdə olduğu model və "Instagram" fenomeni Alessia Messina ilə ailə qurmağa hazırlaşır.

BAKI, 26 sentyabr — Sputnik. İtaliyalı tanınmış qaradərili futbolçu ailə qurmağa hazırlaşır.

Sputnik Azərbaycan-ın Türkiyə mediasına istinadən xəbərinə görə, İtaliyanın ən çox gündəmdə olan futbolçusu Mario Balotelli evlilik hazırlıqlarına başlayıb. Məşhur hücumçu 1 aydır ki, münasibətdə olduğu model və "İnstagram" fenomeni Alessia Messina ilə ailə qurmağa hazırlaşır.

Qeyd edək ki, məşhur cütlük artıq nişanlanıb.

 

1
Şərab çəlləkləri, arxiv şəkli

Şərab sisterni partladı, hər yan al rəngə boyandı

0
(Yenilənib 14:46 26.09.2020)
Bununla şirkətə böyük maddi ziyan dəyib. Lakin qəzanın hansı səbəbdən baş verməsi haqda heç bir məlumat verilməyib.

BAKI, 26 sentyabr — Sputnik. İspaniyada şərab sisterninin partlaması hər tərəfi qırmızı rəngə boyayıb. Sputnik Azərbaycan-ın Türkiyə mediasına istinadən xəbərinə görə, hadisə Villamalea vilayətində baş verib. Belə ki, şərab istehsalı zavodunda çaxırla dolu sisternin partlaması ilə 50 min litr qırmızı şərab ətarfa yayılıb.

Qeyd edək ki, hadisə İspaniyanın"Bodegas Vitivinos" adlı şərab evində baş verib. Bildirilib ki, ətrafa yayılan şərab bu il ərzində toplanan məhsul olub. Bununla şirkətə böyük maddi ziyan dəyib. Lakin qəzanın hansı səbəbdən baş verməsi haqda heç bir məlumat verilməyib.

0