Pul

Azərbaycanda daha bir cəza növü: əgər kirayə mənzilinizdə fahişə tapsalar...

9775
(Yenilənib 08:43 31.03.2017)
Deputatların qanunların köməyi ilə maddi məsuliyyət yaratmaq üzərində atəşli çalışmaları nəticəsində tezliklə qanunvericilik bazasında bir dənə də olsun aşağı cərimə qalmayacaq

BAKI, 30 mart — Sputnik. Milli Məclisin deputatları dövlət büdcəsini doldurmaq üçün təkcə vergi təzyiqlərini artırmayıblar, həmçinin cərimələri qaldırmaq yolu ilə inzibati sanksiyaları da sərtləşdiriblər. Deputatların qanunların köməyilə maddi məsuliyyət yaratmaq üzərində atəşli çalışmaları nəticəsində, tezliklə qanunvericilik bazasında bir dənə də olsun aşağı cərimə qalmayacaq.

Bu dəfə parlamentarilər fahişəliklə mübarizə aparmağı qarşıya məqsəd qoyublar və onların dili ilə desək, bu bəla ilə effektiv mübarizə aparmağın üsulunu tapıblar. Milli Məclis şəxsi yaşayış evlərini fahişəlik üçün kirayəyə verənlərə və fahişəxana saxlayanlara qarşı cəza tədbirlərini sərtləşdirməyi təklif edib. 

Bunun üçün Azərbaycan Respublikasının Cinayət Məcəlləsinə dəyişikliklər təklif olunub. Sözügedən cinayətlərlə bağlı cərimələrə ictimai işlər, islah işləri və azadlıqdan məhrumetmə cəzasını artırmağı da əlavə etmək təklif olunub. Hazırda AR CM-nin 244-cü maddəsinə (əxlaqsızlıq yuvaları saxlama) görə, fahişəliklə məşğul olmaq üçün əxlaqsızlıq yuvaları təşkil etmə, saxlama və ya bu məqsədlər üçün mənzil sahələri vermə, 400 saatdan 480 saatadək ictimai işlər və ya 2 ilədək müddətə islah işləri, yaxud da 3 ilədək müddətə azadlıqdan məhrum etmə ilə cəzalandırılır. Eyni əməllər təkrar törədildikdə, yaxud qabaqcadan əlbir olan bir qrup şəxs və ya mütəşəkkil dəstə tərəfindən törədildikdə 3 ildən 6 ilədək müddətə azadlıqdan məhrumetmə ilə cəzalandırılır.

Əgər sözügedən qanun layihəsi qəbul olunsa, fahişəliklə məşğul olmaq üçün əxlaqsızlıq yuvaları təşkil etmə, saxlama və ya bu məqsədlər üçün mənzil sahələri verməyə görə cərimələrin miqdarı 2 500-dən 3 500 manatadək artırılacaq.  

Parlamentarilər qumarxana (kazino) təşkil etmə və saxlamaya görə də cərimələri sərtləşdiriblər. Bu dəyişikliklərə görə, sözügedən cərimələr 10 mindən 15 min manata qədər artırılacaq. 

Sözügedən dəyişiklikləri Sputnik Azərbaycana şərh edən vəkil Vüqar Xasayev bildirib ki, əgər fahişəliklə mübarizənin səmərəliliyi nöqteyi-nəzərindən təhlil edilsə, sözügedən qanun layihəsi özü-özlüyündə absurddur. “Deputatlar qanunların qəbulu məsələsinə öz nəzər nöqtələrindən yanaşırlar və nəticədə qanun işləmir, çünki millət vəkilləri məsələnin kökünə baxmırlar. Bunun səbəblərini heç kəs bilmir. Onların ilk işi bu suala cavab olmalıdır: vətəndaşları mənzillərini kirayəyə verməyə nə məcbur edir? Əlbəttə, maddi ehtiyaclarının olması” – deyə ekspert bildirib. 

Lakin əgər vətəndaş bu işdən ziyan çəkmək istəmirsə, icarəçi ilə müqavilə bağlamalıdır və orada yaşayış forması razılaşdırılmalıdır. Vəkilin sözlərinə görə, qanun layihəsi həm də ona görə absurddur ki, şəxsi evlərin sahiblərinin göstərdiyi xidmətləri otellər də göstərir. Belə olan təqdirdə, sözügedən qanun hüquqi şəxslərə — otel sahiblərinə də şamil edilməlidir. Məlumdur ki, otellərdə otaq kirayələmək və fahişəliklə məşğul olmaq asandır. 

“Bu nonsensdir, gülməlidir. Bir tərəfdən Azərbaycan turizmin inkişafına dəstək verir, digər tərəfdən də belə axmaq qanunlar qəbul edir. Hansısa formada vətəndaş fahişə ilə anlaşır ki, kirayə edilmiş mənzilə gedəcəklər. Bu, onun şəxsi işidir və o, digər şəxslərin hüquqlarını pozmur” – deyə hüquqşünas bildirib. 

O, həmçinin qeyd edib ki, böyük ehtimalla sözügedən qanunvericiliyə dəyişikliklərin edilməsində məqsəd fahişəliklə mübarizə yox, dövlət büdcəsini doldurmaqdır. Fahişəlik hər yerdə mövcuddur. Digər ölkələrdə olduğu kimi, bizdə də fahişəliyi leqallaşdırmaq, seks sənayesinin nümayəndələrinin tibbi yoxlama prosesinə nəzarət etmək və onları vergiyə cəlb etmək olardı. 

“Bu qadınların əksəriyyəti fahişəliklə məşğul olmağa məcburdur. Hazırda onların sayı çoxdur, sovet vaxtı isə fahişələr az idi. O da var ki, əgər ölkədə sosial problemlər həll olunsa, fahişəlik də azalar” – deyə vəkil bildirib. 

Digər vəkil Oqtay Gərəkməzli isə deyib ki, burada söhbət əxlaqsızlıq yuvası ilə bağlı sübut olunmuş faktdan gedir. Əgər sübut olunsa ki, vətəndaş icarəçinin onun mənzilindən əxlaqsızlıq yuvası kimi istifadə edəcəyini bilirdi, o zaman onu cərimə gözləyir. Əgər evin sahibinin günahı sübut olunmasa (çünki o, mənzildə nə baş verdiyin bilməyə bilər), o zaman onu cərimə edə bilməzlər. 

"Parlamentarilərin əsas məqsədi dövlət büdcəsini doldurmaqdır. Çünki elmi cəhətdən sübuta yetirilib ki, cəzaların ağırlaşdırılması cinayətkarlıqla mübarizəyə təsir göstərmir” – deyə o, bildirib. 

Gərəkməzli qeyd edib ki, bütün bunlarla yanaşı, sözügedən qanun elə kağız üzərində də qalacaq. Çünki bu, hüquq-mühafizə orqanlarına mülkiyyət sahiblərinin əleyhinə dəlil yığmaq prosesində böyük çətinlik yaradacaq. 

9775
Heydər Əliyev Sarayı, arxiv şəkli

Heydər Əliyev Sarayı "Tarixi səhnə" adlı yeni layihəyə start verib

3
Layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

 

BAKI, 19 yanvar — Sputnik. Heydər Əliyev Sarayı "Tarixi səhnə" adlı yeni layihəyə start verib.

Sputnik Azərbaycan xəbər verir ki, "Tarixi səhnə" layihəsi 1972-ci ildən tamaşaçıların ixtiyarına verilən, paytaxtımızın memarlıq simasında xüsusi yeri olan, Azərbaycan mədəniyyəti və incəsənətinin uzun illər nümayiş olunduğu, möhtəşəmliyi ilə seçilən, ictimai-siyasi, mədəni kütləvi tədbirlərə ev sahibliyi edən, önəmli hadisələri, tədbirləri səhnəsindən geniş tamaşaçı kütləsinə çatdıran ümummilli liderimizin adını daşıyan Heydər Əliyev Sarayına həsr olunub.

Sarayın direktoru Ramil Qasımovun ideya müəllifi olduğu layihənin hazırlanmasının əsas məqsədi Heydər Əliyev Sarayının Azərbaycanın görkəmli mədəniyyət və incəsənət xadimlərinin həyat və yaradıcılığındakı xüsusi rolunu, müstəsna əhəmiyyətini və maraqlı xatirələrin geniş kütləyə çatdırılmasıdır.

Eyni zamanda, layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

Qeyd edək ki, 2022-ci ildə Heydər Əliyev Sarayının fəaliyyətə başlamasının 50 illiyi tamam olacaq. Layihə cari il və gələn il ərzində davam etdiriləcək. Bundan əlavə, "Tarixi səhnə" adlı festivalın və "Tarixi səhnə" filminin çəkilməsi nəzərdə tutulub.

3

Bölgələrdə qar, Bakıda sulu qar yağıb - FAKTİKİ HAVA

16
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.

16

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17