Bank əməliyyatçıları, arxiv şəkli

Banklar əhaliyə qarşı ciddi qanunsuzluğa əl atır 1 faiz qalmaqalı

461
(Yenilənib 10:30 30.03.2017)
Ekspert: "Qanunu pozan ilk növbədə banklar və Mərkəzi Bankdır"

BAKI, 29 mart — Sputnik. Banklar vergidən yayınmanın qarşısını almaq üçün bəzi əməliyyatları məhdudlaşdırıb. Azərbaycan Mərkəzi Bankı (AMB) bununla bağlı martın 17-də banklara məktub göndərib. Bu barədə "APA-Economics"ə bank sektorundakı mənbə xəbər verib.

Bank eksperti Əkrəm Həsənov
© Photo : REPORT
Əkrəm Həsənov

Mənbə qeyd edib ki, AMB banklara internet bankinq vasitəsi ilə hüquqi şəxslərin fiziki şəxslərə köçürmə əməliyyatlarını məhdudlaşdırmağı tapşırıb: "Hüquqi şəxslərdən nağdlaşdırma zamanı 1%-lik vergi tutulur. Beləliklə, hüquqi şəxslər fiziki şəxslərin (sahibkar olmayan — red.) hesabına köçürmə edərək vergidən yayına bilir. Mərkəzi Bankın bu addımı məhz vergidən yayınmanın qarşısını almağa hesablanıb".

Bank və maliyyə məsələləri üzrə ekspert Əkrəm Həsənov Sputnik Azərbaycan-a açıqlamasında, məktubu Mərkəzi Bank deyil, Maliyyə Bazarlarına Nəzarət Palatasının (MBNP) göndərdiyini deyib: "Bu cür məsələlərə qarışmaq ümumiyyətlə, AMB-nin səlahiyyətində deyil. MBNP banklara belə bir məktub göndərib. Amma həmin məktubda yazmayıb ki, banklar bu pulu köçürməsin. Palatanın kiminsə kimə pul köçürməsinə qadağa qoymaq səlahiyyəti yoxdur".

Onun sözlərinə görə, istənilən halda, xüsusən də ölkə daxilində hüquqi şəxslər istənilən şəxsə məhdudiyyətsiz pul köçürə bilər: "Əlbəttə, banklar həmin pul köçürməsini şübhəli hesab edərsə, MBNP-yə məlumat verməyə borcludur. Hətta, bank, köçürməni şübhəli hesab etsə, köçürməni etməyə, yaxud bir qədər dayandıra bilər. Yəni, Palataya müraciət edə bilər. Amma Palata 2 gün ərzində ona "hə" və ya "yox" deməsə, həmin köçürməni etməlidir. Əgər Palata banka "köçürmə" desə, bu, artıq o deməkdir ki, Palata həmin pul köçürməsində nəsə cinayət əməli görüb. Bununla artıq hüquq-mühafizə orqanları məşğul olmalıdır".

Ekspertin fikrincə, hüquqi şəxsin, fərdi sahibkarın istənilən şəxsə pul köçürməsində heç bir cinayət yoxdur: "Sabah əgər müəyyən edilsə ki, vergidən yayınmaq üçün hansısa fiziki şəxsə köçürmə olub və fiziki şəxs onu nağd şəklində çıxardıb, bu halda deyə bilərik ki, vergidən yayınma olub. Yox, əgər həmin şəxs pulu nağd çıxartmırsa, həmin puldan nağdsız qaydada istifadə etdisə, burada heç bir vergidən yayınma halı yoxdur".

Ə. Həsənovun fikrincə, sadəcə bir sıra banklar Palatanın həmin məktubundan sui-istifadə edir: "Bu gün sahibkarlar, vətəndaşlar çalışırlar ki, banklarda çox pul saxlamasınlar. Çünki etibar etmirlər. Banklarda pul vəsaiti azalır və banklar da belə məktublardan sui-istifadə edir. Yəni, istəmirlər ki, pul onlardan çıxsın. Amma istənilən halda pul köçürməsində məhdudiyyət yoxdur. Yalnız pul köçürmələri qanunla məhdudlaşdırıla bilər. Hətta, həmin hüquqi şəxslər 1 faiz vergini ödəmək şərtilə istənilən qədər vəsaiti də nağd şəklində bank hesablarından çıxarda bilərlər".

Müsahibimiz bildirib ki, "Nağdsız hesablaşmalar haqqında" qanunu pozan ilk növbədə banklar və Mərkəzi Bankdır: "Bankların da bir-birilərində bank hesabları var. Onlar müxbir bank hesabları adlanır. Eyni zamanda, bütün bankların AMB-də milli valyutada bank hesabı var. Bu gün banklar AMB-dən nağd pul götürəndə 1 faizlik vergi tutulmur. Yəni, AMB tutmur. Amma bu da bank hesabından pulun çıxarılmasıdır. Bununla da qanun pozulur. Banklar özləri də hüquqi şəxsdirlər. Bank da AMB-dəki hesabından nağd pul çıxardanda həmin 1 faizlik vergini ondan tutmalıdırlar. Amma Mərkəzi Bank tutmur. Təəssüf ki, Vergilər Nazirliyi də buna göz yumur".

Ekspertin sözlərinə görə, hüquqi şəxs fiziki şəxsə hədiyyə edə bilər və bunu qanun qadağan etmir: "Hədiyyənin də müəyyən qismi vergidən azaddır. Min manat həcmində hədiyyə vergidən azaddır. İstənilən hüquqi şəxs istənilən fiziki şəxsə min manat köçürürsə, burada qanuna zidd heç nə yoxdur. Əgər min manatdan çoxdursa, onsuzda həmin o pulu alan şəxs vergi ödəməlidir. Digər tərəfdən, hansısa fiziki şəxs hüquqi şəxs üçün iş görübsə, xidmət göstəribsə, əlbəttə, hüquqi şəxs ona pul köçürə bilər. Bu halda onsuzda həmin şəxs vergi ödəməlidir. Buna görə də o köçürmələri qadağan etmək qanuna ziddir. Amma əgər şübhələr varsa, Palataya məlumat verilməlidir".

İqtisadçı-ekspert Natiq Cəfərli isə Sputnik Azərbaycan-a açıqlamasında deyib ki, hər hansı bir məhdudlaşdırma potensial investor, iqtisadi oyunçular üçün çəkindirici və qorxuducu addım sayılır: "Hər hansı bir məhdudlaşdırma bank sahəsində, bank köçürmələrində biznesə mənfi təsir göstərir. Qanunda belə bir boşluq varsa və vergidən yayınmaq üçün belə bir boşluq əmələ gəlibsə, qanunvericilikdə dəyişikliklər edilməlidir".

Natiq Cəfərli, iqtisadçı-ekspert
© Photo : N.Cəfərlinin şəxsi arxivi
Natiq Cəfərli, iqtisadçı-ekspert

Ekspertin fikrincə, bank əməliyyatlarına hər hansı bir qadağanın qoyulması mülkiyyət hüququnun pozulması ilə bağlı məsələni gündəmə gətirə bilər: "Fiziki və hüquqi şəxslərin əllərində olan pul vəsaiti onların əmlakı sayılır. Onlar vergiləri ödəmək çərçivəsində istədikləri kimi o pul vəsaiti ilə davrana bilərlər. Bu məhdudlaşdırma onların hüquqlarını pozur. Yəni, əllərində olan pul vəsaitlərindən istifadə etmək hüququnu pozur".

N. Cəfərlinin sözlərinə görə, bu, çəkindirici bir yanaşmadır: "İş adamları, potensial investorlar üçün belə qadağaların olması ölkənin cəlbediciliyini azalda bilər. Ona görə də, qanunvericilikdə boşluq varsa, banklar bu boşluqdan istifadə edib hər hansı bir formada vergidən yayınırlarsa, qanunvericilikdə boşluğu aradan qaldıran dəyişikliklər olmalıdır".

Qeyd edək ki, parlamentin ötən il "Nağdsız hesablaşmalar haqqında" qəbul etdiyi qanuna görə, banklardan nağd pul vəsaitlərinin çıxarılmasının məhdudlaşdırılması məqsədilə hüquqi şəxslər və fərdi sahibkarlar tərəfindən pul vəsaitlərinin nağd qaydada bank hesablarından çıxarılmasına görə banklar və poçt rabitəsinin milli operatorları tərəfindən 1% dərəcəsi ilə sadələşdirilmiş vergi tutulur.

461
Teqlər:
nağdlaşdırma, köçürmə, hüquqi şəxs, MBNP, vergidən yayınma, Sputnik Azərbaycan, AMB, Natiq Cəfərli, Əkrəm Həsənov, əməliyyat, Azərbaycan Mərkəzi Bankı, ekspert, bank, məlumat
Əlaqədar
23 bankdan dollarla bağlı mühüm qərar
Bankdan 5 milyard dollarlıq səhv köçürmə
Bankomatlarda pulu olanların nəzərinə: təhlükədəsiniz
YAP-çı millət vəkili bank özbaşınalığına qarşı çıxdı
Bank hesabından nağd pulun götürülməsində məhdudiyyət var?
Bankların dollarla bağlı qərarı açıqlandı
Banklarımızda dollar bu səviyyəyə düşdü
Azərbaycan Mərkəzi Bankın İdarə Heyətinin üzvləri təsdiqlənib
13 bankdan dollarla bağlı sərt qərar
Şuşa, arxiv şəkli

Qarabağın adıyla halal pul qazanmaq olar - gərək başı da, ürəyi işlədəsən

0
(Yenilənib 10:55 12.08.2020)
Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdır.

BAKI, 12 avqust — Sputnik. Qarabağ həqiqətlərinin beynəlxalq arenada səslənməsində kinematoqrafın oynaya biləcəyi müsbət rolu nəzərə alaraq, o cümlədən kinematoqrafiyamızda Qarabağ müharibəsinin yaşatdığı insan faciələrinin tam dolğunluğu ilə, realistik əksinin vacibliyini qeyd edərək, Azərbaycan Kinematoqrafçılar İttifaqı "Qarabağ. İnsan. Qələbə" tammetrajlı bədii film ssenarisi müsabiqəsi elan edir. 

Sputnik Azərbaycan-ın məlumatına görə, müsabiqənin şərtləri belədir:

- Müsabiqəyə təqdim edilən ssenarinin janrından asılı olmayaraq, Qarabağ müharibəsinin insan taleyi, onun draması və faciəsi prizmasından ifadəsi, həm yerli, həm də xarici tamaşaçıya maraqlı olması arzuolunandır.

- Müsabiqədə iştirak üçün tammetrajlı bədii filminin ssenarisi (elektron variantda CD diskdə və çap olunmuş variantda, şrift Courier New, ölçü 12), müəllif haqqında məlumatın (əlaqə telefonu və e-mail ünvanı) təqdim edilməsi tələb olunur. Ssenari 22 noyabr 2020-ci il tarixinə qədər Azərbaycan Kinematoqrafçılar İttifaqının ofisinə təqdim edilməlidir. Ünvan: Bakı şəhəri, Həsən Seyidbyli 18.

- Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdır.

- Qaliblər diplom və pul mükafatı ilə təltif ediləcəklər.

- Baş mükafat 5000 AZN.

- Həvəsləndirici mükafat (2 ssenari) 2500 AZN.

Qalib ssenari istehsalı məqsədəuyğun layihə olaraq Mədəniyyət Nazirliyinə təqdim ediləcəkdir.

Əlavə məlumat üçün əlaqə: (012)5059533, mail: info@aki.az

0
Əlaqədar
Qarabağlılar Kann Festivalının təşkilatçılarına etiraz edirlər
Amerikada Azərbaycan həqiqətləri: Qarabağa aid film mükafat aldı - VİDEO
Qarabağın qapısını açmaq istəyənlərin "Açar"ı: hər azərbaycanlının qəlbi sızlayacaq
Azərbaycan filmi “Qızıl şir”ə iddialıdır
Onun ürəyi Qarabağın "Fəryad"ına dözmədi
Əli qandallanmış kişi polis bölməsində, arxiv şəkli

Şəmkirdə "Canavar" ələ keçdi, amma əməli heç canavara yaraşmır

4
Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır

BAKI, 12 avqust — Sputnik. Şəmkir Rayon Polis Şöbəsinin (RPŞ) əməkdaşları tərəfindən rayon sakinləri, əvvəllər məhkum olunmuş 42 yaşlı Tural Ələsov, 46 yaşlı Vüqar Zamanov və 42 yaşlı, əvvəllər dəfələrlə məhkum olunmuş Şirxan Aslanov narkotik vasitələrin qanunsuz satışında və saxlanmasında şübhəli bilindikləri üçün saxlanılıblar.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupuna istinadla xəbər verir ki, onların üzərinə qanunvericiliklə müəyyən edilmiş qaydada baxış keçirilən zaman T. Ələsovdan 1.296 qram, Ş. Aslanovdan 0.253 qram, Vüqar Zamanovdan isə 0.289 qram narkotik vasitə olan heroin aşkar edilərək götürülüb. İlkin dindirilmə zamanı Şirxan Aslanov və Vüqar Zamanov narkotik vasitəni "Canavar" ləqəbi ilə tanıdıqları Tural Ələsovdan aldıqlarını etiraf ediblər.

Bundan başqa RPŞ əməkdaşlarının keçirdikləri digər əməliyyat tədbirləri nəticəsində, qanunsuz olaraq narkotik saxlamaqda şübhəli bilinən, əvvəllər məhkum olunmuş rayon sakini Dilqəm Məmmədov saxlanılaraq RPŞ-yə gətirilib və onun üzərinə keçirilmiş baxış zamanı 13.533 qram narkotik vasitə olan həşiş və 0.676 qram qurudulmuş marixuana aşkar edilərək götürülüb.

Rayon Polis Şöbəsinin daxil olmuş məlumat əsasında keçirdikləri daha bir əməliyyat tədbirləri nəticəsində, qanunsuz olar narkotik vasitə əkib-becərməkdə şübhəli bilinən rayonun sakini, əvvəllər məhkum olunmuş 45 yaşlı Ömər Rzayevin Yuxarı Seyfəli kəndi ərazisindəki həyətyanı sahəsinə keçirilən baxış zamanı oradan 5 ədəd ümumi çəkisi 12 kq 400 qram olan çətənə bitkiləri aşkar edilərək götürülüb.

Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır.

4
Əlaqədar
Gəncə sakini ağır dəlillə ələ keçdi - FOTO
Oğuzda 3 tondan artıq narkotik vasitə məhv edilib
Dərman da olarmış! Marixuananın xərçəngi məhv edən növü aşkarlanıb
Videosu "tutmadı", özünü tutdular
Şabran polisi əməliyyat keçirdi: üç rayon sakini saxlanıldı