Bakıda çoxmərtəbəli yaşayış evi

Paytaxt binalarının yenidən üzlənməsi təklif olunur

364
(Yenilənib 17:06 28.03.2017)
"Binaların fasadlarının boyanması, onun daşla döşənməsindən daha ucuz başa gəlir"

BAKI, 27 mart — Sputnik. Dünyanın bəzi ölkələrində binaların fasadlarının təmiri və qorunması üçün yeni üsula əl atıblar. Yunanıstan, Fransa, Polşa, Almaniya, Şotlandiya və bəzi digər ölkələrdə bir çox binaların fasadında boyalarla rəsm əsərləri yaradılır.

Bu, həmin binaların fasadını örtməklə yanaşı, gözəl görüntü də verir. Eyni zamanda, münasib qiymətə başa gəlir və yanma təhlükəsi olmadığı üçün bina sakinlərinin də həyatı təhlükə qarşısında qalmır.

Avropada ev və binaların üzlənməsi
© Photo : Novate
Avropada ev və binaların üzlənməsi

Bəs bu, Azərbaycanda mümkündürmü? Bununla əlaqədar Sputnik Azərbaycan-a danışan gənc rəssam Ceyhun Kərimovun sözlərinə görə, binaların fasadının rənglənməsi daha münasib başa gəlməklə yanaşı, həm də gözəl görüntü yaratmış olur. Amma bunun üçün öncədən dizayn verilməlidir: "Yəni, hər kəs istədiyi binanı istədiyi kimi rəngləyə bilməz".

"Bu, əsasən xarici ölkələrdə paytaxt olmayan şəhərlərdə edilir. Binaların fasadlarının boyanması, onun daşla döşənməsindən daha ucuz başa gəlir. Və şəhər boz görünmür. Amma inanmıram ki, Bakıda buna icazə verilsin. Binaların boyanması sintetik materiallarla üzlənməsindən daha yaxşıdır" — rəssam bildirir.

Gənc memar Eltun Cəfərli deyir ki, hər şey ideyadan və sifarişdən asılıdır: "Təsəvvür edin, rayonun icra başçısı memara deyir ki, binanın divarına şəkil çəkin. Bizdə sifariş bir qədər qəribədir. İnsanlar memara müraciət edib, öz fikirlərini reallaşdırmaq istəyirlər. Pul verib öz fikrini irəli sürmək nəyə lazımdır ki? Əgər kimsə memara üz tutursa, ona etibar etməlidir. Daha öz fikrini ona yeritməli deyil. Bir il əvvəl bağça binasının fasadını rəsmlərlə bəzəmək istədim. İcazə verilmədi. Dedilər uşaqlar üçün maraqlı nəsə olmalıdır".

Avropada ev və binaların üzlənməsi
© Photo : Novate
Avropada ev və binaların üzlənməsi

E. Cəfərli iddia edir ki, Azərbaycanda memarların müstəqil fəaliyyəti üçün şərait yoxdur: "Memarlar öz ideyalarını yalnız fərdi evlər üzərində reallaşdıra bilirlər. Halbuki, Bakıda bir çox binaların fasadı köhnədir, yeniliyə ehtiyac var".

"Bizdə memar bir qədər peşəkar işlə məşğul olmağa başlayanda böyük problemlər çıxır və dar çərçivəli ideyalarla işləməyə məcbur edilir. Bir neçə il əvvəl "28 May"dakı vağzal binasının fasadını müasir formada işləmişdik. Sonra aqlayla işlənildi və söküldü. İndi fasad göz önündədir. Biz səhv edib sonra düzəltməyi sevirik" — Cəfərli qeyd edib.

Memarın sözlərinə görə, aqlay çox baha material olsa da, ölkədə onu hər yerdə istifadə etdikləri üçün, dəyərsiz kimi görünür: "Hər yeri aqlaylamaq olmaz. Aqlaydan əsər yaratmaq lazımdır, hara gəldi, kəsib vurmaq düz deyil".

Memarlar İttifaqından bildirdilər ki, artıq binaların fasadlarının üzlənməsində sintetik materiallardan istifadə olunması qadağan edilib: "Hazırda bir çox binalara təbii aqlay daşı vurulur. Aqlay Bakının ənənəvi fasad örtüyüdür. Bakı şəhəri Avropanın qədim şəhərlərinin əksəriyyəti kimi birrəngli şəhərdir. Bu, təbii materialdan asılıdır. Məsələn, Parisdə, Romada, Praqada binalar bizim əhəng daşına oxşar daşdan tikilib. Onlar da boz rəngdədir. Sadəcə, suvaq vurulur, fasadlar rənglənir və bu gün gördüyümüz mənzərə yaranır".

"Bizdə də bir vaxtlar suvaqlı binalar olub. Məsələn, "beşmərtəbə" suvaqlı idi və rənglənirdi. Yaxud Filarmoniya və onunla üzbəüz Sadıxov qardaşlarının yaşayış binası indi də rənglənir" — İttifaqdan qeyd etdilər.

364
Teqlər:
Eltun Cəfərli, memar, üzlük, fasad, rəsm, rəssam, Ceyhun Kərimov, bina, Azərbaycan
Əlaqədar
Bina üzlükləri tarixə qovuşur
Lənkəranda da bina üzlüklərini sökürlər
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

49
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

49
Teqlər:
mina, Füzuli rayonu, Füzuli, ANAMA
Aktyor Taleh Yüzbəyov, arxiv şəkli

"Əri döymüş gəlini, bir yandan da it qapdı" - Yüzbəyovdan yeni film

22
(Yenilənib 20:51 28.11.2020)
Yüzbəyovun çəkdiyi "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

Şahpəri Abbasova, Sputnik Azərbaycan

BAKI, 28 noyabr — Sputnik. Taleh Yüzbəyov yeni filmini təqdim edib. Sputnik Azərbaycan xəbər verir ki, aktyor senaristi və rejissoru olduğu filmi "Youtube" hesabında paylaşıb. Film ailə-məişət mövzusundadır. "Karantin balladası" adlanan film karantin dövründə insanların yaşadığı maddi və mənəvi çətinliklərdən bəhs edir. Yüzbəyov film barədə özünün "Facebook" hesabında bunları deyib:

"Bu videonun senarisini mayda yazıb, karantinə görə ancaq avqustda çəkə bildik. Sentyabrın 28-i paylaşmaq istəyirdik ki, müharibə başladı. İkinci korona dalğasında gecikmiş video olsa da paylaşmaq istədik".

Qeyd edək ki, "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

22

"Qafqazın Xirosiması" - fransız kanalı Ağdamı belə adlandırdı

0
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam