Afiq İsgəndərov

Onun gözübağlı bacardığını əksəriyyət gözüaçıq bacarmır

180
Qeyri-adilik axtarışında olan bərbərin hobbisi müştərilərinin saçını gözübağlı qaydaya salmaqdır

İlham Mustafa, Sputnik Azərbaycan

BAKI, 15 mart — Sputnik. Goranboy rayonunda yaşayan 24 yaşlı Afiq İsgəndərov 7 ildir ki, bərbərliklə məşğuldur. Onu digər bərbərlərdən fərqləndirən cəhəti isə müştərilərinin saçını gözübağlı kəsə bilmək bacarığıdır.

İki ildir bu sahədə özünü sınayan ustanın sözlərinə görə, müştərilərinin saçını bu üsulla qırxmaq onun hobbisidir. O, tək qayçı-daraqla deyil, saçkəsən maşın və ülgüclə də gözübağlı rahatlıqla işləyir.

"Bunu öyrənərkən əvvəllər çətinlik çəkdim. Hətta bir neçə dəfə əlimi qayçı ilə kəsdim" — deyir.

Gözübağlı saç kəsməyi yeni öyrənən vaxt müştərilərin narazılıqları ilə də üzləşib. Lakin sonradan öz üzərində daha çox işləyərək məqsədinə nail ola bilib.

Afiq İsgəndərov
© Sputnik / Ilham Mustafa
Afiq İsgəndərov

"Yeni öyrənənlər üçün çox çətindir gözübağlı ustalıq etmək. Qıraqdan baxana asan gələ bilər, amma asan deyil" — A. İsgəndərov bildirir.

Hazırda onun yanına gələn müştəri üçün fərqi yoxdur, Afiq onun saçını gözüaçıq düzəldəcək, yoxsa gözübağlı. O, hər iki halda müştərilərin istədiyi formada, istədiyi ölçüdə onların saçlarını kəsərək, yola sala bilir.

Bərbərin sözlərinə görə, gözübağlı saç kəsməyi əllərinin hissiyatı ilə bacarır. Əllərinin nə hiss etdiyini izah etmək isə onun üçün o qədər asan deyil. Həmsöhbətimiz hər hansı bir istedad yarışması keçirilərsə, iştirak etmək fikrindədir, üstəlik qalib də ola biləcəyinə əmindir.

180
Teqlər:
gözüaçıq, gözübağlı, Afiq İsgəndərov, müştəri, əl, bərbər, Goranboy rayonu, usta, saç
Əlaqədar
Düzəltdiyi sənət əsərlərini satmağa əli gəlməyən usta
Türk usta bir möcüzə gerçəkləşdirdi
Əsərləri ilə insanları valeh edən usta
Azərbaycanlı ustanın icadı görənləri heyrətə salır
Təndir düzəldən ustaların sayı kəskin surətdə azalıb
Müştərisinin geri dönəcəyini 6 il gözləyən usta

Ermənistanın atəşi nəticəsində baş verən meşə yanğınları ilə bağlı açıqlama

3
Goranboy rayonunun ərazisinin düşmən tərəfindən ağır artilleriya qurğularından atəşlərə məruz qalması nəticəsində də meşəlik zonada yanğın baş verib.

BAKI, 30 oktyabr — Sputnik. Ermənistan silahlı qüvvələri humanitar atəşkəs rejimini kobudcasına pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutmaqla yanaşı, ekoloji terror əməllərini də davam etdirir.

FHN-dən Sputnik Azərbaycan-a bildirilib ki, ötən gün döyüş bölgəsindən kənarda yerləşən Göygöl rayonunun ərazisinin Ermənistan silahlı qüvvələrinin ağır artilleriya qurğularından atəşə tutulması səbəbindən yanğın baş vermiş meşəlik ərazi bu gün səhər saatlarından da yenidən mərmi atəşlərinə məruz qalıb və nəticədə yanğın başlayıb.

Həmçinin Goranboy rayonunun ərazisinin düşmən tərəfindən ağır artilleriya qurğularından atəşlərə məruz qalması nəticəsində də meşəlik zonada yanğın baş verib. Yanğınların söndürülməsi üçün Fövqəladə Hallar Nazirliyi Dövlət Yanğından Mühafizə Xidmətinin müvafiq qüvvələri cəlb olunub, bu istiqamətdə təxirəsalınmaz tədbirlər davam etdirilir. Əlavə məlumat veriləcək.

Qeyd edək ki, Fövqəladə Hallar Nazirliyi hazırda gücləndirilmiş iş rejimində fəaliyyət göstərir. Baş verən hər hansı fövqəladə hadisə ilə əlaqədar Nazirliyin “112” qaynar telefon xətti”nə dərhal məlumat verilməsi xahiş olunur.

3
Mövzu:
Azərbaycan və Ermənistan arasında müharibə
Marketdə reyd, arxiv şəkli

Bakıda birgə reydlərə başlandı

8
(Yenilənib 10:25 30.10.2020)
Reydlər zamanı aşkar edilən nöqsanlar və çatışmazlıqlar yerində aradan qaldırılır, pozuntulara yol verən sahibkarlıq subyektlərinin vəzifəli şəxsləri və digər cavabdehlərə qarşı cərimə tədbirləri tətbiq olunur

BAKI, 30 oktyabr — Sputnik. Son günlər COVID-19-a yoluxanların sayında artım müşahidə olunur. Bunu nəzərə alaraq Bakı Şəhər İcra Hakimiyyəti və Bakı Şəhər Baş Polis İdarəsi tərəfindən Nazirlər Kabineti yanında Operativ Qərargahın qərar və tövsiyələrinə riayət edilməsinin vəziyyətinin yoxlanılması və vətəndaşlar arasında maarifləndirmə işlərinin gücləndirilməsi məqsədilə birgə reydlərin keçirilməsi davam etdirilir.

İcra Hakimiyyətindən Sputnik Azərbaycan-a verilən məlumata bildirilir ki, reydlər zamanı yeni növ koronavirus (COVID-19) infeksiyasının yayılmasının, onun törədə biləcəyi fəsadların qarşısının alınması məqsədi ilə vətəndaşlarla qoruyucu maskalardan istifadənin vacibliyi ilə bağlı söhbətlər aparılır, müvafiq izahatlar verilir, ilk növbədə ictimai nəqliyyatda, insanların sıx toplaşdığı məkanlarda, ictimai iaşə və digər obyektlərdə virusa yoluxma hallarının qarşısının alınması məqsədilə görülən tədbirlərin vəziyyəti yoxlanılır və insanlar arasında sosial məsafənin qorunması məqsədilə izahetmə işləri aparılır. Reydlər zamanı aşkar edilən nöqsanlar və çatışmazlıqlar yerində aradan qaldırılır, pozuntulara yol verən sahibkarlıq subyektlərinin vəzifəli şəxsləri və digər cavabdehlərə qarşı cərimə tədbirləri tətbiq olunur. Paytaxtda koronavirus əleyhinə rejimin, sanitar-gigiyena və karantin qaydalarının tələblərinə ciddi əməl olunmasına nəzarət və birgə reydlər davam etdiriləcəkdir.

8